tg-me.com/z_zaynabb/13145
Last Update:
قصيده لسان حال السيده زينب عليها السلام
((وزن نصاري)) ~~~
غريبه يالاخو امشي غريبه
والكافـــل اضعوني منين اجيبه
الكفر يحدون بالنوگ
وختك طـرت السوگ
وعليه تلملمت هاي المصيبه
◼️◼️◼️◼️◼️◼️◼️◼️◼️
عليه اتلملمن المصايب اثكال
ما تحملها ابد كل هاي الجبال
حرمه مكفله بكل هاي العيال
ياهمي اشكبـره
وحق امي الزهره
ضلي بت علي ابدمعه سچيبه
الشاعره ✍🏻ام زين العابدين لمحمداويه
◼️◼️◼️◼️◼️◼️◼️◼️◼️
مصايب كربلاء كلهن
عليه
وصفيت ابـلا اهــل وصفج بديـه
ابنص عـــدوان ما بيهم حميه
انطي الوجه لاوين
اخـوتـي بالميادين
احسين اعلى الثرى جثه سليبه
✍️ام حيدر الحمزه
الطائيه
◼️◼️◼️◼️◼️◼️◼️◼️◼️
انه بت علي وامي الزجيه
وتعرفني الخلگ ماني اجنبيه
صاحولي الكفر يالخارجيه
ابد ماانسه هليوم
اعتب عله الجيدوم
انه بت رسول الله وحبيبه
✍️الشاعره ام محمد الساري
◼️◼️◼️◼️◼️◼️◼️◼️◼️
وسافه يالاخو والله وسافه
ضل اعله النهر راعي الكلافه
اخيي كل وكت تعجب اوصافه
ياحامي الضعينه
يخويه احنه انسبينه
عليه اشوصتك امنه النجيبه
الشاعره✍🏻 ام رحمه الگاظميه
◼️◼️◼️◼️◼️◼️◼️◼️◼️
دمعاتچ سچيبه وروحچ اتلوب
علی العريان وسط الحومه مسلوب
حسافه ابلاولي اتگطعين الدروب
وي ارجاس تمشين
عگب ذيچ الميامين
ويـن اليــوم عنج
اهل طيبه
✍️الشاعره ام عدنان سياحي
◼️◼️◼️◼️◼️◼️◼️◼️◼️
جـتي اخـت البطل جانو يكولون
وهسا الخارجيه من
يسمون
اظل انحب عليهم
وعمي العيون
صرت بعده سبيه
اسمـني الخارجيه
عيوني لدرب ظلت
مريبه
✍الشاعره ام اسعد الشمري
◼️◼️◼️◼️◼️◼️◼️◼️◼️
اجيت اويه اخوتي ويبرابي عباس
هسه اخلافهم الطم اعله الراس
وبوليت كفر ومرافجه الناس
خلوني وحيده
بديار البعيده
حملت اهمــوم من دهري عصيبه
ام علي البيضانيه
◼️◼️◼️◼️◼️◼️◼️◼️◼️
تمت بعون الله بقلام شاعرات رابطة مسلم بن عقيل عليه السلام
https://www.tg-me.com/us/قناة الحوراء زينب ع /com.z_zaynabb
BY 😭قناة الحوراء زينب (ع)😭
Share with your friend now:
tg-me.com/z_zaynabb/13145