tg-me.com/zoolsudani0/15615
Last Update:
"يظهر حب أحدهم لك من طريقة إعتذاره..!))
طريقة إعتذارك بتبين قدر شنو الزول بيعني ليك .. معليش لمعليش بتفرق .. في زول بقول أسف وزول بقول حقك عليّا .. زول بقول معليش وأخر بقول أنا جد ما كنت قاصد .. كل كلمة منهم ليها أثرا النفسي.
بنات بشاكلوا في صحبتهم عشان كل مرة بترجع وترضى بسهولة فقالت ليهم ياخ إنتو ما سمعتوهو وهو بقول لي:
"معليش عارف نفسي غلطان بس والله بحبك"
قدر شنو هي حاجة بسيطة بس بتفرق..!
_كلنا بنغلط وما فينا زول بيرفكت وخالي من العيوب بس الحيخليك صح طريقة تصحيحك لغلطك.
_الحصل أصلًا حصل وما حيتغيير بس طريقة إعتذارك ممكن تخلي الطرف الأخر ينسى هو زعل منك في شنو.
_إنت مشغول وكل الناس بتنشغل أيوة بس ممكن تعتذر عن تأخيرك؟
_كان مفروض نتلاقى وحصل ظرف بس بإمكانك تعتذر لي عن لهفتي الضاعت؟
-وعدتني تعمل لي حاجة وما إتوفقت فيها بس دا ما بيمعنك تعتذر لي عن حماسي الإتكسر.
في مسلسل لا تطفئ الشمس دار نقاش حاد بين إتنين تاني يوم الولد جا عشان يعتذر فقام قال ليها:
"أنا جاي أعتذر عن إسلوبي مش عن وجهة نظري..!))
هو يمكن كلامك صح وأي حاجة بس إنت قسيت علي شديد ودي حاجة زعلتني فمطلوب منك تعتذر مش علشان إنت غلطان .. تعتذر لأنك زعلتني.
على الهامش:
"أما أنت!
فليس عليك أن تعتذر فقط قل لي أُحبك في كل مرة تُخطئ فيها، وما دُمتَ تقولها ما ضرني لو إرتكبت المزيد من الأخطاء..❤️!))
#نُودين
انا منتظرة الزول الحقول ليه السطور الأخيرة 😂😎💕💕
BY زول سوداني..❤️
Warning: Undefined variable $i in /var/www/tg-me/post.php on line 280
Share with your friend now:
tg-me.com/zoolsudani0/15615