ابدأ يومك بالصلاة على الحبيب
وأذكار الصباح
والله يفتح عليكم من واسع كرمو 💚

أسعد الله صباحكم بكل خير ياأحباب ❤️

والله ماسهلة .. والله العظيم ماسهلة
ولو كانت سهلة ماكان الجزاء جنة
فيها مالاعينٌ رأت ولاأذنٌ سَمِعَت ..
مانها سهلة لما تشعر بشيء غيرك ماحاسس فيه..
غيرك قاعد عم يحسب عليك اديش عم تطالع باليوم
وانت عم تقاتل لتقدر تمضي يومك
غيرك بقلك اي قاعد عم يتدلل ..
ولكن انت بتعرف انو الموضوع صعب ..
قالوا بيناتهم ولد وراح ..شو يعني قديش رح يزعل عليه ..
وبعد سنوات وسنوات راح قلّهم ..
قَالَ إِنَّمَآ أَشْكُواْ بَثِّى وَحُزْنِىٓ إِلَى ٱللَّهِ
وَأَعْلَمُ مِنَ ٱللَّهِ مَا لَا تَعْلَمُونَ
أنا بعرف شي انتوا مابتعرفوه
انا عم عيش وجع انتوا ماشايفين منو غير الحسد والغيرة ..
ولكن صدق يعقوب حينما قال :
إِنَّمَآ أَشْكُواْ بَثِّى وَحُزْنِىٓ إِلَى ٱللَّهِ
لإنو مالها غير الله ..
ياالله مالي غيرك ..
انت عارف شو وجعي وانت عارف الحل..
ومالها غيرك..

ألا إنَّ سِلعةَ اللهِ غالية ..

رح توصل ..❤️

ياربِّ لاتضيِّع تعب الطلاب
ولاتعب من صرفَ عليهم
ولاتعبَ من كانت تراقب ولدها طوال العام
وتخدمه في كل شيء كي لايتركَ دراسته..
ياربِّ اجعلهم قرَّة عينِ أحبابهم..
يارب أعطهم على قدرِ جودِكَ لا على قدرِ تعبهم..
يارب افتح عليهم فتوح العارفين
وفهمَ النبيين والهام ملائكتك المقربين
وتوفيقَ عبادكَ الصالحين..

https://www.instagram.com/reel/C7XZRjQtaJI/?igsh=eTcxZ3ozazcyNGht
حبيت طمنك..❤️

الفضل لله وبعد انتهاء الطبعة الأولى
تم نشر الطبعة الثانية من كتاب
( يجعل الله لكَ مخرجاً )

وستقوم دار الفكر في دمشق
بعمل حفل توقيع للكتاب

يوم الثلاثاء ٤ حزيران
من الساعة 2:00 إلى الساعة 4:00

نلتقي في دمشق بإذن الله ❤️
موقع الدار

دمشق - البرامكة - بعد مشفى التوليد الجامعي - أول دخلة الحلبوني

يافتّاح..❤️

عند المؤمن مافي شي اسمو ( سنوات ضياع )
مافي شي اسمو سعي ضائع .. مافي شي اسمو نجاح وفشل
لإنو المؤمن مانو معتمد على نفسو ..
ولكن معتمد على الله وعارف انو رب العالمين مابضيّع تعبو ..
تم رفع المقطع الجديد على يوتيوب ..
في انتظار تعليقاتكم الجميلة ❤️

https://youtu.be/67FHo5X-xGo

وانت عم تقدّم الامتحانات
وانت عم تسمع انو ربما تجي الأسئلة صعبة
أو ربما في سؤال يضربوا الطلاب فيه
اتذكر انهم عباد لله ..
واللي ممكن يخليهم يحطوا هيك أسئلة ، بخليك تجاوب عليها صح
لاتستصعب الأمر مادام ربك موجود
لذلك وانت عم تدرس
لما تجيك هالخواطر
قول
( اللهمَّ لاتجعلْ عظيمَ خَوفي
يُنسيني أنكَ على كُلِّ شيءٍ قَدير..)

اقتباسات من كتاب يجعلُ اللهُ لكَ مخرجاً
من صفحة أخي الحبيب عبد الله ❤️
https://www.instagram.com/p/C7jxb6gsqFX/?igsh=MndtcWhkdTM2eXk1

محتاج تهدّي قلبك ..
وانت عم تشوف العالم مش على حق ..
محتاج تهدّي قلبك ..
وانت على صدقك وثباتك على نيتك عم تتعثر !
محتاج تهدي قلبك
و تقرأ اللي صار بين الخضر وموسى عليهم السلام
مرة وتنتين وعشرة ..
الغلام هوي كل حلم كنت عم تحاول توصلّو
وربّك عم يقلك هالحلم خراب إلك
السفينة كل طريق رب العالمين عسّرو عليك
وهوي يقلك آخرة هالطريق مصيدة !
الجدار كل عسر يرافقه يسر خفي انت ماشايفو
ولكن ربك مخبيلك فيه كنز يكشفه لك في الوقت المناسب
وتتأكد ب( إِنَّكَ لَن تَسْتَطِيعَ مَعِيَ صَبْرًا )
مارح اقدر اصبر على ظاهر القدر ..
لكن متأكد رب العالمين وبعد قهري وبكاءي واعتراضي
ثم عودتي للرضى ..رح يعوضني رح يعطيني
لإني بقيت على بابو ..ولإني مانكسرت لغيرو

ولارح انكسر غير لله..

يااأحباب ,
هوي طلب بسيط والله
بس حابب قبل مايخلص يوم الجمعة يوصل الحساب عإيدكم لل200K مشترك
فممكن تشتركوا على يوتيوب ؟ ❤️
https://www.youtube.com/@ahmadalsabouni

ولكم والله عراسي
شكراً كتير كتير والله ❤️

بكل لحظة عم تقدم فيها فحص
ربما يصير عندك شعور انو بس بدك تخلص
بس بدك يجي موعد آخر مادة
أطفئ هالشعور
بحديث الحبيب صلى الله عليه وسلم
حينما قال
( إنَّما الأعمالُ بالخواتيم )
ركّز على انو يطلع أفضل ماعندك
بكل مادّة بعد مادّة عم تقدّمها
واتذكر فرحة الخلاص لحظة
وفرحة العلامة الحلوة فرحة العمر
فلاتروح فرحة العمر مشان لحظة !
وخلي دعاءك دائماً
اللهمَّ ارزُقني الصبرَ و الثبّات في جميع الأوقات واللحظات
اللهمَّ أفرغ عليَّ صبراً وتولّني ودبّرلي..
فإني لاأُحسِنُ التدبير

هذا الدعاء مابخيبك بأي مصيبة بتواجهها

لقاؤنا غداً في دار الفكر في دمشق ياأحباب
مابين ال2:00 وال
5:00
في حفل توقيع كتاب "يجعلُ الله لكَ مخرجاً "
بعون الله تعالى ❤️