سلام عليكم اني حامل وعندي بزون بل بيت وكالم ميصر يذل عندج يجوز اذبه بل شارع

◻️عليكم السلام ورحمة الله

يجوز.

السلام عليكم عندي استفسار كلش ضروري وهواي شفت هيج

اني زوجي محللني وواهبني اكثر من مرة اني اخذ منه فلوس اذا محتاجة حتلو بدون ما اكله بشرط انه الية او للاطفال او للبيت هواي ضل يكلي اني محللج وواهبج اذا تضطرين وتاخذين بدون متكليلي ومرات يكلي بعدين تكليلي.. من تزوجته لسة هو ينطيني مصرف وممقصر بالاشياء المحتاجتها الضروروية بس مشكلته هواي يعيرني بأي شي يجيبه الية ضليت على هالحال سبع سنوات الا لما كلتلي صديقتي ان زوجها مقصر عليها كلش فهي تاخذ من عنده الف يومية بدون ميدري وتشتري غراض الها ولجهالها وللبيت واذا سألها تكله من اهلي اني سويت نفس الشي اخذت واشتريت للبيت ومن سألني كتله من اهلي... اهلي ممقصرين كأهل بنية لا وياية ولا وية اطفالي ودوم يجيبولهم ملابس واحذية تكرمون وحتى باعياد ميلادهم يجيبولهم زوجي جاب لاطفالي بايسكل قبل كذا شهر وديتعاركون علي لميت فلوس منه لان من عندي انطي ميقبل مصرفي كون يعرف الربع المن انطي فاخذت منه بالسر ولميتهن وانطيت نص المبلغ لوالدتي اشترت بايسكل للجهال وكتله مال عيد ميلادهم وهو يدري ما النا غير ابوية ومو مدللنا ابوية ويعيرني ويكلي ابوج المفروض مدللكم المفروض يجيب هاي الهدايا وكذا بدون متطلبين فأني سويت هيج حتى يحس اهلي يشترولي اشياء زينة ويسكت وبعد ميحجي... تصرفي صح لو غلط اني كلش خايفة واذا استمر اخذ منه بس اقلل اني كل شهرين يمكن اخذ عشرين الف او اكثر من شهرين هم هيج حرام؟!

◻️عليكم السلام ورحمة الله

يحرم الكذب ولا يجوز لك اخذ المال بدون اذنه.

السلام عليكم ورحمه الله وبركاته لدي سؤال هلَ يجوز البسق أثناء الوضوء هل يبطل .. ؟. وشكراً

◻️عليكم السلام ورحمة الله

لا يضر.

السلام عليكم

اختي اذا برمضان صارت شهوه و بطل الصيام شكد ادفع على اليوم الواحد فلوس كفاره و لمن اقضي اقضيهم كل يوم بيوم واحد لو كل يوم شهرين زين اذا اختي اني لحد الان مادافعه كفاره عادي يصير و القضاء اذا نزل سائل كل يوم شهرين لو يوم واحد

◻️عليكم السلام ورحمة الله

الاستمناء من المفطرات بل إذا أتى بشيء من الملاعبة ونحوها ولم يطمئن من نفسه بعدم خروج المني فاتفق خروجه بطل صومه فيجب القضاء واذا كان عالماً بالمفطرية وجبت الكفارة ويكفي فيها اطعام ستين مسكينا كل واحد ٧٥٠ غراما حنطة او خبزا ولا كفارة على الجاهل القاصر ومثله الجاهل المقصر اذا لم يكن متردداً والا لزمته الكفارة على الاحوط وجوباً واذا استمنى متعمداً عالماً بحرمته ولكن كان واثقاً ـ ولو تقصيراً ـ بعدم بطلان الصوم به :لا كفارة عليه بلا فرق في ذلك بين الرجل والمرأة.
واذا تعمّد الاستمناء ولكن لم ينزل فيجب الامساك بقية اليوم ويقضيه بعد ذلك.


واما اذا كان مطمئنا من نفسه بعدم خروج المني فاتفق خروجه من دون قصد ولا اختيار فالصوم صحيح.

وكفارة الافطار المتعمد عن اليوم الواحد صوم شهرين متابعيين او اطعام ستين مسكين كل مسكين ثلاثة أرباع الكيلو من الطحين أو التمر أو نحوه.
ولا يجزئ دفع المال بدلا عن الكفارة، نعم يمكن اعطاء المال لمكتب سماحة السيد السيستاني دام ظلّه او مؤسسة العين لكفالة الايتام وهم يشترون الطعام ويسلموه الى الفقير.

وتستلم مؤسسة العين كفارة الأفطار المتعمد: بقيمة [[ 78.750 ]]  عن اليوم الواحد وذلك عن إطعام 60 مسكينا.

واما مكتب سماحة السيد السيستاني دام ظلّه يستلم ٥٠ الفا كفارة الافطار المتعمد عن اليوم الواحد.

السلام عليكم اني من محبي القراءه والبحث في أمور الدين واي شي احب اقراء
لكن قرائتي الكتب pdf الكترونيه فألكه بعض الكتب ضوابط منع النشر او يجب شراء الكتب لايجب نشرها واني ماعندي امكانيه اشتري فأقراهن pdfهل حرام هذا الشي تفضلوا برأيكم علينا لطفاً

◻️عليكم السلام ورحمة الله

لا يجوز إذا كان مخالفا للقانون.

السلام عليكم ورحمه الله وبركاته

ما حكم من وضعت الحناء على يدها و اظافرها قبل الحيض و ضلت الحناء حتى غسلت من الحيض ولا تزلها من يدها و اظافرها هل يصح غُسلها ام تعيد الغُسل مره اخرى ؟
وجزاكم الله افضل الجزاء

◻️عليكم السلام ورحمة الله

إن كان المتبقي مجرد لون فلا يضر.
ويجب سترها أمام الأجانب إذا عدت زينة عرفا.

سلام عليكم
انا من جنت صف رابع عدادي امي سوتلي حجاب الي متعارف ع اسمه ( حرز) يم سيد وكالت هذا الحجاب عن العين لبسي وانا هسه صارلي تقريبا ٧ سنوات لابسته حلال لو حرام وهل استمر البسه لو اتركه؟

◻️عليكم السلام ورحمة الله

اذا كان واردا عن أهل البيت عليهم السلام فلا مانع منه.

السلام عليكم ورحمة الله وبركاته
في قضاء الصلاة
هل يجوز أن أصلي ٥ مرات ظهر معًا وبعدها ٥ مرات عصر معًا، أم يجب أن أصلي ظهر ثم عصر بالترتيب؟

◻️عليكم السلام ورحمة الله

يجوز.

اني هالفتره هواي تفوتني صلاة الفجر مع انه اوقت المنبه مجاي اكعد واكل لاختي مجاي احس عل روحي وارجع انام هنا حرام علية؟؟

◻️حياكم الله

اذا عد تهاونا منك فيحرم ذلك.

وعليك توقيت المنبه أو النوم مبكرا للاستيقاظ بسهولة.

هل يجوز وضع لايك للصور الي بيهم اغاني؟؟؟

◻️حياكم الله

لا يجوز.