<<اسهر ياجفن>>
الي سيدي ومولاي ابي عبدالله الحسين عليه السلام
🌹🌹🌹
اسهر ياجفن ليل الغرام اطوييييييل

العاشڰ عالسهر لا. مايلومووونه

والما يصفه جسمه من الغرام انحييييل

من اهل العشڰ لامايعدوووونه

روح اقرا العشڰ تاريخه بيه الوييييل

وشوف اشجري القيس وحال مجنووووونه

اطرب بالعشڰ واترك القال وقيييييل

وخلي اليعذِلوك ابروح مسحوووونه

اليبدلونه ابولف مانصفو التبدييييل

لأنهم بالفحم دُرهم يبدلوووونه

وانته اللي هويت النور بالتنزييييل

الأسرار الألاه ابصدره مكنووووونه

اللولتله ابلطفها اچفوف جبرائييييل

وملائكْة السما چانو يخدموووونه

ابنحره المصطفي ياما أخذ تقبيييييل

وكل مره اليشمه ايهملن اعيوووووونه

معشوقك حسين المايصحله امثييييل

الچانت روح حيدر بيه معجوووونه

روح الزهرا حبك لو نويت اتكييييل

ياحب يوصله وبيمن يقيسوووونه

كالمصحف حُسين ايريدله تأوييييل

وبس البالعلم رسخوْا يفسروووونه

صبح كعبة عشڰ كل گلب ليه ايمييييل

ومن كل صوب عشاگه يگصدووونه

السهر حگك ياجفني ولو دموع اتسييييل

لأن روحك بابوالاحرار مفتووووونه
🌹🌹🌹🌹
(سيدناصرالموسوي)

ردادیه فی مولد ابالفضل العباس علیه السلام
💐💐💐
اللیله ابیت الکرار
فرحه وبُشره وانوار
مولد عباس البی هیبه
فرحه وبُشره وانوار
💐💐💐
یافرحة حیدرهاللیله ابمولد راعی النوماس
مولود اعضید اولیداته وکافل زینب عباس
فرحة‌ حیدر ماتتوصف یتباها ورافع راس
ببنه الیرفع رایة دینه وللخوّه ایشیّد ساس

غیراوی ویوفی اعهود
هیبه ویگضی المریود
ویوگف طود ابوکت النیبه
فرحه وبُشره وانوار
💐💐💐
گمطته الحره الجابته وفرحانه بضحکاته
وشمّت خدینه بکل لهفه وقبّلته بوجناته
ونادت زینب هاچ اعضیدچ شوفیه اشمحلاته
العودچ ودیه خل ایشوف الوارث علمه وذاته

حیدر ینطر هالساع
اولیده المزیون اطباع
خل یفرح بالغالی اگلیبه
فرحه وبُشره وانوار
💐💐💐
زینب حظنته وشمته ومسروره بکافلهه
وشالته وحُب راعی الغیره هالحره شایلهه
الحیدر جابته ودمعتهه من الفرحه تهملهه
حیدر شافه وهملت عینه وبلهفه استقبلهه

زینب هذا الیحمیچ
لیخدمچ وایباریچ
صاحب غیره وجود وطیبه
فرحه وبُشره وانوار
💐💐💐
زینب فرحت من سمعته ونادت مرحب بالحید
یاحی الله الکافل خدری ولخوانی ایصیر اعضید
اشکر ربی الهای النعمه عندی هذا اکبر عید
قَر عینی وبشر دلالی بلیث الکلفه الصندید

فرّح گلبی بهالیوم
و إتوَقع هالمرسوم
کافل خدری تم تنصیبه
فرحه وبُشره وانوار
💐💐💐
(سیدناصرالموسوی)
💐💐💐💐💐💐

قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://www.tg-me.com/اشعار سيدناصر للمواليد والافراح/com.almosavimawalid

للطميات والرثاء 👇
https://www.tg-me.com/nassermossavi

زمان الفات💔

عن زمان الفات اسولف والدمع هل عالوجن
الناس چانت کلها فقرا واحد الواحد یحن
افلوس ماچانت ولاچن چانت النخوه ورشن

وبالغیره العازه ایسدوها

(سیدناصرالموسوی)

*علی الله في کل الأمور توکلي*
*وبالخمس اصحاب الکساء توسلي*
*محمد المبعوث وابنیه بعده*         
*وفاطمة الزهرا و المرتضی علی*
🌤️🌤️🌤️🌤️🌤️
عندي مطلب وارد ابين
مطلبي

شيعي آنه ومكتب الحق
مكتبي

وهيچي عالموني ابلُطف
امي وابي

ودرسوني من چنت احبي
حبي

كـــــــــون اوالــي للـــنبي
وآل النبي

🌹🌹🌹🌹
ما أريدن مال واقصــــور
وحرير

ولااريد ابصدر كل مجلس
اصير

ولا مماليك وخدم عندي
واجير

ردت بس يعطف علي الله
القدير

ويكتب اسمي وي محبين
الأمير

🌹🌹🌹🌹
هاي الــــــــي اكبــر تجاره
ومغنمه

هذي اكبــر شرف واحسن
مكرمه

هاي ترفـــع راسي السابع
سمه

لو كـــــرمني ابلطفه رب
المرحمه

ومني يتقبــل ولائــــــي
الفاطمه

🌹🌹🌹🌹
الفرحه تغمر گلبی وايروح
الشجن

وتنجـــلي الاكــــــدار عنــي
والمحن

وابأمان اصبح مـــن اهوال
الزمن

لــو يمن ابنعـــمته راعـــــي
المنن

وبالحشر اصبح من احباب
الحسن

🌹🌹🌹🌹

حتي اصيرن آنه من اهل
اليمين

وحتـــــي اشرب كاس من
ماي المعين

واسکن الجنــــه بجــــوار
الصالحین

لــــو یجـــود اعلیه رب
العالمين

ومني يقبل كل خدمتي
للحسين
🌹🌹🌹🌹

(سيدناصرالموسوي)

الصلاة والسلام علی عترة الهادی الطاهرین
🍀🍀🍀
العتره بالشرف شاعت
سَجَلهه
وختم بالعصمه باریها
سِجِلهه
بیده احسین کل خدمه
سجلهه
ویجازی خادمه بأحسن
هدیه
(سیدناصرالموسوی)

سلامي وتحیاتي الی کل الأمهات الماجدات. الأحیاء منهن والمتوفیات.. والی کل شخص بار لوالدیه🌹
♥️♥️♥️
وصل عید الأمهات..
وکل شخص تلگاه یسولف
أمي کعبه
أمي نعمه
أمي جنه
أمي رحمه
أمي تربه
أمي نجمه..

أمي هیچ و أمي هیچ..

هالحچی کلش حلو
لچن بالواقع شنو
فعل منه هم اکو؟...

اصغار چنه ویاما دارت
هسه من اعجیزه صارت

هم نداریها ونبرها؟
هم نباریها ونسرها؟
أمنه هم نعرف قدرها؟
أمنه هم ندرک صبرها؟
انطیعها؟
نمشی بأمرها؟

ولون میته ونایمه حدر التراب!!
بالشهر الهه نسوی اشوی ثواب؟
انوصل الرحمه الگبرها؟

لو نظل ننتظر عید الأمهات!!
وکل شخص تلگاه یسولف
أمي وامي
أمي وامي....

(سیدناصرالموسوی)

في ميلاد الامام الحسن عليه السلام
🌹🌹🌹
ابروحي ياعلي ابكرار بشراك
ولاغيرك ابهاي الروح بشراك
الف مبروك يابالحسن بشراك
ابميلاد الحسن راعي الحميه

سيدناصرالموسوي

ردادیه في حق مولانا امیر المؤمنین علي علیه السلام
🌤️🌤️🌤️🌤️
خاااسر... یالذی امعادي علي
خاااسر... بنار ربک تنصلي
های خلهه ابالک..
باطله اعمالک..
خاااسر... یالذي امعادي علي
🌤️🌤️🌤️🌤️
اقرا اخبار الغدیر وماجره
بأمر الله الهادي حیدر أمّره
حتی اشیاخک هم لزمو سره
بالولایه ایبایعون الحیدره

قااائد... رغما اعلی المارضا
قااائد... بعد طاها المرتضی
شال ایده الهادي
بعالی صوته اینادی

خاااسر... یالذي امعادي علي
🌤️🌤️🌤️🌤️
روح عن حامی الحمه اقرا الکُتُب
الیل کله الخالقه ادموعه تصب
وبالشجاعه من یطب سوح الحرب
دوم یرجع غالب وماینغلُب

فاااتح... یرد واهوه المنتصر
فاااتح... الگلب ابوالزهرا یسر
المصطفی یستقبله
وعلی اجبینه ایقبله
خاااسر... یالذي امعادي علي
🌤️🌤️🌤️🌤️
روح شوف الکرم عد حامی الحمه
عالنفس دایم یقدم خادمه
یالمعاند ریت من صابک عمه
ماشفت آیة تصدّق خاتمه

ساااجد... للّی دایم مؤنسه
ساااجد... ویعطی سائل محبسه
بهالفضیله هایه
بحقه نزلت آیه

خاااسر... یالذي امعادي علي
🌤️🌤️🌤️🌤️
بالعلم حامی الحمه نال الفخر
کل صعب یسهل اذا حیدر حضر
اشگال ابن خطاب روح اقرا الخبر
والله لو ما بولحسن یهلک عمر

عااالم... بالّی ظاهر والخفا
عااالم.. باب علم المصطفی
ایجیب عن کل مسئله
وحاظر الکل معضله

خاااسر... یالذي امعادي علي
🌤️🌤️🌤️🌤️

(سیدناصرالموسوی)
*
قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://www.tg-me.com/اشعار سيدناصر للمواليد والافراح/com.almosavimawalid

للطميات والرثاء 👇
https://www.tg-me.com/nassermossavi

ردادیه فی حق مولانا امیرالمؤمنین علي علیه السلام
🌧️🌧️🌧️🌧️
خل نفرح یا احباب
وانبایع داحی الباب
والناکر حیدر خاب نار بعینه
✊✊✊
حب علي المرتضی
بیه نجاة امن الظی
یوم القیامه
الیحب حمای الحمه
نوره ساطع للسمه
بوجهه علامه

واللی ایحب الکرار
لا لا میطب للنار
لیوالی حامی الجار یکمل دینه
والناکر حیدر خاب نار بعینه
✊✊✊
من الاه المرحمه
للعقول الفاهمه
های السعاده
للقبل حیدر ولي
ایحشره الله وی علي
ساعة مِعاده

الراید مای الکوثر
ومایوگع بالمعبر
حب حیدر بالمحشر لینجینه
والناکر حیدر خاب نار بعینه
✊✊✊
بحب علی خیر العمل
دین بارینه کمل
طاها علنها
الهادی گال بخطبته
اعمالکم بولایته
الله رهنها

یبطل کل قال وقیل
حیدر نور التنزیل
ایّه بهالنص جبریل من بارینه
والناکر حیدر خاب نار بعینه
✊✊✊
علي میزان العدل
سیف الله المایچل
حامی الشریعه
کون لمره نمتثل
عن طریقه مانِزِل
واجب نطیعه

واضح هذا المرسوم
بیعه وبیها انظل دوم
نفرک واندوس اخشوم لتعادینه
والناکر حیدر خاب نار بعینه
✊✊✊
احملنه قسوات الحیاة
وقدّمینه التضحیات
بس ماتعبنه
حب علي عدنه فرض
ویه دگات النبض
یسری اویه دمنه

ماضین ابلا تغییر
نقبل بس حیدرمیر
نبقی بمنهاجه انسیر مابدلینه
والناکر حیدر خاب نار بعینه
✊✊✊


(سیدناصرالموسوی)
*****
قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://www.tg-me.com/اشعار سيدناصر للمواليد والافراح/com.almosavimawalid

للطميات والرثاء 👇
https://www.tg-me.com/nassermossavi

ابیات غدیریه في حب الامام امیرالمؤمنین علیه السلام
🌟🌟🌟🌟
النجم شی للارض هبطن
وشعلن
أنـــارن للفـــلک کــــله
وشعلن
رادن للنبـي ایشـوفــن
وشعلن
ابتشرن من علن حیدر
وصیه
🌙🌙🌙🌙
ابتشرن من درن حیدر
وللهن
انغمرن بالــفرح لجله
وللهن
الگمر ساعدهن وضوّن
وللهن
غده مثل الصبح وانتشر
ضیه
🌙🌟🌙🌟
صاحن للشمس وایّت
علیهن
اعتننه والفرح عالخد
علیهن
هدیه احتارن اشینطن
علیهن
بتنصیبه ولـــي الهای
البربه
🌙☀️🌟☀️
الکواکب کلهن اتنور
وجنهن
العـــلي وعشگـه اللی سابیهن وجنهن
اطربن وابشغف گصدنه
وجنهن
الخــم، وبایعن حـــامی
الحمیه
🌙🌟☀️🌙
التمن کلهن وهبطن
وقبلن
ایده، وبایعن حیدر
وقبلن
ماوالن ولي بعده
وقبلاً
بس طاها النبی سید
البریه
🌙☀️💫⭐🪐
(سیدناصر الموسوي)

ابوذیات في حق الامام امیر المؤمنین روحي فداه
⛳⛳⛳⛳
ریت اللی انکرو حیدر
یهلکون
ودمع الندم من عدهم
یهلکون
عیّد وابتشر وافـــرح
یهلکون
بولایة حیدره حامي
الحمیه
🧿🧿🧿🧿
ابّیت اهل الحقد تنزل
یشرکون
العادو حیـدره و بالله
یشرکون
مثل حیدر منو الیگدر
یشرکون
بصبعه ویرد شمس الله
المضیه
🦋🦋🦋🦋
یخیر اعلی الیحب حیدر
تدرکون
وعلیه کل عام هالفرحه
تدرکون
الترکتو المرتضی یمته
تدرکون
الیضد حیدر یضد رب
البریه
🦚🦚🦚🦚
بگلب الخالفو حیدر
یسلکون
الخبّث وبطریق الغی
یسلکون
منو مثل الوصی لمن
یسلکون
یجاوب للیسل عن کل
قضیه
💥💥💥💥
(سیدناصرالموسوی)

الأخاء..
🤝🤝🤝
للأخاء اشروط کثره والهن العباس خط
ترک للأجیال عبره وللوفاء دروس حط
یاهو مثله ایطیح ظامی ماشرب وبکتره شط
بس عند الکافل تلگاها
✊✊
(سیدناصرالموسوی)

ردادیه لأعیاد شهر شعبان المبارک
💢💢💢
خمس اقمار بشعبان
هلّت من حی عدنان
ضوّت کـــل الاکوان
یامحلاها
✊✊
🕯️🕯️🕯️🕯️
یوم ثالث بالشهر
المصطفی خیر البشر
الباری سرّه
لجله ریحانه انولد
بضعته جابت ولد
احلا بُشری

احسین اسمه ویامحلاه
کل الخیر ایه اویاه
بحضنه حیدر خلاه
وبیه یتباها
✊✊
ضوّت کـــل الاکوان
یامحلاها
✊✊
🕯️🕯️🕯️🕯️
رابع بشهر الفرح
گلب کل شیعی انشرح
لبوفاضل
انولد لیث الغانمه
وابوالحمله وسمه
لخته کافل

حیدر قرة له اعیون
بهالمیلاد المیمون
اتهلهل گامت ام عون
کافل جاها
✊✊
ضوّت کـــل الاکوان
یامحلاها
✊✊
🕯️🕯️🕯️🕯️
یوم خامس من اجه
گمر طر لیل الدُجی
وضوّه لیله
انولد زین العابدین
وابتشر گلب الحسین
و العقیله

چن حیدر طیب ذات
برکعاته وبالسجدات
یعرف معنی الایات
من یقراها
✊✊
ضوّت کـــل الاکوان
یامحلاها
✊✊
🕯️🕯️🕯️🕯️
لیلة الحادي عشر
بیها شعبان ازدهر
بعلی الاکبر
منِ ابوالیمه شیمته
وشبه طاها بهیبته
وعزم حیدر

فارس بالطگ میخاف
صاحب جود و انصاف
سبحانه الهالاوصاف
من سواها
✊✊
ضوت کل الاکوان
یامحلاها
✊✊
🕯️🕯️🕯️🕯️
بالنصف شعشع بدر
بلیله چن لیلة قدر
اشعظم سِرها
انولد مهدي المنتظر
ارض واسماها ازدهر
من گمرها
هیبه وللحق ایعین
باسل چن جده احسین
سیف الله اعداء الدین
یتولاها
✊✊
ضوّت کـــل الاکوان
یامحلاها
✊✊
🕯️🕯️🕯️🕯️
(سیدناصرالموسوي)


قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://www.tg-me.com/اشعار سيدناصر للمواليد والافراح/com.almosavimawalid

للطميات والرثاء 👇
https://www.tg-me.com/nassermossavi

في حق سادات الانام. النبي المصطفی وآله الکرام صلوات الله علیهم
🌟🌟🌟
هلي السابع سمه بالنور هلّو
هلي الربهم ادموع الخوف هلّو
هلي للي گصدهم دوم هلّو
ماواحد ندب اهلي وخاب
🌟🌟🌟
هلي بلغو بصیت الجود لجّو
نشامه ودایم ایرحبون لجّو
هلي ویّه الخصم للموت لجّو
اهلي للعده ماطخو ارگاب

(سیدناصر الموسوي)

🌺🌺🌼🌼🌸🌸💐💐
قبول ان شالله اصیامک یمحبوب💞
الک کل الفرح من الله اریده🥰
یوم السبت عید وردت اهنیک❤️
ب الف مبروک وایامک سعیده
🎀🪄🎊🎉🏮🎈🎐🎁🎏🎎
(سیدناصرالموسوی)

احمد الله کثیرا واشکره علی کل حال حیث تزامنت المسرات ببزوغ هلال شهر شوال المبارک وبزوغ هلالٍ آخر وهو حفیدی ابالفضل
❤️❤️❤️
یــأیــام الـــسرور اردود
عیدان
عَلیٰ جسمي الغده مـــن
الظیم عیدان
علَیْ هلّـــن بهــــذا الیوم
عیدان
حفیـدی وشهر الله
الهل علیه
(سیدناصرالموسوی)

ردادیه بمناسبة مولد الامام المهدي المنتظر عجل الله تعالی فرجه الشریف
🌤️🌤️🌤️🌤️
یالله نفرح سوه یالله نفرح سوه
مولد المهدی اجانه یالله نفرح سوه
🌹🌹🌹
مولد المهدی البطل
هذا بن خیر العمل

هذا بن فارس بدرها و بن شیال اللواء

يالله نفرح سوه....
🌹🌹🌹🌹
بمولدك يالمنظر
گلب کل شیعی ابتشر

انت للشیعه فخرها و قائد الکل القوا
یالله نفرح سوه

🌹🌹🌹🌹
یاشبل اهل العله
یمته توصل کربله

یلله یا صاحب امرها الشیعی غیرك ماهوه
يالله نفرح سوه
🌹🌹🌹🌹
یا گمر یضوی السمه
یاوریث الغانمه

جامع الکل الصفات و للفضل شخصک حوا
🌹🌹🌹🌹
سیف قاطع بالحرب
تضرب وماتنضرب
تکر عالحومه بشجاعه شبه شیال الوا
🌹🌹🌹🌹
یا امان الخائفین
یا نکال الظالمین

الکل جرح ینزف بحبکم ایدک الطیبه دوا
🌹🌹🌹🌹
يمته نسمع بالفضا
ظهر شبل المرتضي
يشيد اركان العداله ورکن کل طاغی ایهوا
🌹🌹🌹🌹
عرج کل طاغی اتقمع
وتاخذ بثار الضلع
وتاخذ بثار اللی وگعو عالثری بطف نینوا
🌹🌹🌹🌹
تمت بمشارکه من..
الخطیب سیدمحسن الموسوی ال ناجی
والشاعر سیدناصر الموسوی ال ناجی

الی مولای الامام الرضا علیه السلام
❤️❤️❤️❤️
اشلون مایگضی الحاجه واهوه للحاجات باب
اعنی مولای ابومحمد فرج لهموم الصعاب
یهنیاله الگصد بابه وشم عطر ذاک الرحاب
ویلزم وایقبل شباچه
(سیدناصرالموسوی)

الی مولای الامام الرضا وآبائه الکرام علیهم السلام
💞💞💞
اله ولابائه الاشاوس یسوه بس شد الرحال
والگصد للرضا بحاجه یرد خایب لامحال
ذوله بیبان العطایه امتازو بأرقی الخصال
لیحبهم مرفوع الهامه
(سیدناصر الموسوی)

في حق الامام الرضا علیه السلام
🍃🍃🍃
یــهل بیـــت النبـي
گلبي لکمراد
ودعایة کل شخص
مبغض لکمراد
یمام الرضـــا الــکل
حاجه لکمراد
اریــــــــدن حاجتی
تگضیهه لیه🙏
(سیدناصرالموسوی)