Telegram Group Search
دخيلك علم كليبي ودربه
عليك يوجهه وجهه ودربه
اخذ منه هوه غيرك ودربه
جنون محبتك يبن الزجيه
........
الشاعر
اياد الفرح المهدوي
الكون بنورك تنور وعمه
قاق الزلزلة وردك وعمه
عباس الكمر عمك وعمه
زينب عندك العينين هيه
..........
الشاعر
اياد الفرح المهدوي
ويبعد الوالد وامي وجدلاي
ضعت مولاي دورلي وجدلاي
شعل دلالي بفراكك وجدلاي
النفس بخلافك اشتمه اذيه
..........
الشاعر
اياد الفرح المهدوي
السيدة خديجة ع
....
خديجة عالمه وطه علمها
ورفرف بالوفه خالد علمها
البتول الليله حزنانه علمها
تفاركها وتون ونه شجيه
.............
خديجة الدنيا رفضتها وابتها
صبح منزلها جن كعبة وبتها
العليمه الطاهرة الحرة وبتها
البتولة فاطمة الزهرة الزجية
.........
عله امها حزنت الزهرة وناحت
وحزنها بالضلع يحفر وناحت
ونها الماخلص لحضة وناحت
وداع الام ترى مثل المنية
........
هموم والم فايض طفح يمها
حزن ونوح ليل وصبح يمها
وتمنيتج لو صدك تبقين يمها
يخف من الالم ضلع الزجية
..........
فضيلة وربك معلى فضلها
ام الزهرة من جوده فضلها
كريمة وتكرم بضلها فضلها
بقائه من كرم الله ونبيه
........
الشاعر
اياد الفرح التميمي
يالنورك سطع يسطع وهجلاك
العقل ماضل بعد بيه وهجلاك
وغرامك كطع كليبي وهجلاك
حنين العاطفة ونيران بيه
........
الشاعر
اياد الفرح المهدوي
ويكلي وكلشي بكلي يكلكل
ولا لحظة عشك حبك يكلكل
لساني كل وكت بيكم يكلكل
بدونك مونطق يطلع أذية
........
الشاعر
اياد الفرح المهدوي
يبن طه النبي الهادي وصمنه
وابونه الجيتك تدعي وصمنه
نطيع الشخصك نصلي وصمنه
ونتاني جيتك نفطر سويه
...........
الشاعر
اياد الفرح المهدوي
ورب الكون فضلكم وبنكم
عبدكم انه يالوالي وبنكم
عليل وطبتي يمكم وبنكم
عليكم فاطمة حلوها إليه
..........
الشاعر
اياد الفرح المهدوي
This media is not supported in your browser
VIEW IN TELEGRAM
صلاة الباري عالزهرة حسنها
الملائك بالصلاة زايد حسنها
بحسنها تلألأت ولدت حسنها
كمر وجها يشعشع نور ضيه
........
الشاعر
اياد الفرح المهدوي
بحب ال النبي الله دعانه
بيهم يسمع ويقبل دعانه
طه المصطفى ياما دعانه
يشملنه عطف رب البريه
...... .
الشاعر
اياد الفرح المهدوي
منو غيرك عليك انت يدلنه
كعدنه أبابك ونرفع يدلنه
نحبك من صلب ادم يدلنه
وترائب حوه ام البشر يه
...........
الشاعر
اياد الفرح المهدوي
فراكك حيل مرمرني ومرني
تعال مروتك شرف ومرني
ادوم بخدمتك خلني ومرني
عبدك وامتثل امرك عليه
........
الشاعر
اياد الفرح المهدوي
2024/03/29 06:44:36
Back to Top
HTML Embed Code: