tg-me.com/hussainalyasry/2720
Last Update:
يا عِظم الوداع بهل مسية
ما بين السبيه
وبين المرتضى حامي الحميه
____
يا عظم الوداع اللي جره الليله
و الدنيا خرابه
موادع حيدر لزينب هدم حيله
ويزيد اصوابه
يوادعهه واهي بمدمعهه تنعليه
يا بويه ومصابه
عايفني وبعد ياهوَ الاشكيله
يالعايف احبابه
يابويه هضيمه. تتركني يتيمه
وانه يتيمه من امي الزچيه
وبين المرتضى حامي الحميه
____
يا وسفه علي الكافل يتامه الكل
تتيتم ابنيته
العين اللي تجوع تشوفه من يجبل
تتشبع بجيته
وبنيته بعد ميروح ما تحصِل
الخطوه بمشيته
تحضنه توادعه وبجبنته تقبل
وتقبل لحيته
يالعايف يتامه. ما بينه سلامه
بين اللي يجي موت وبليه
وبين المرتضى حامي الحميه
______
وادعهه علي الليله بحزن بنته.
وبگلبه مشاعل
من ينظر عليهه وهي ناضرته.
بالمدمع النازل
من سولف على الطف هي سامعته.
من ناده ابو فاضل
اليوم العاشر العباس الچ ردته
يصبح هو كافل
يبنيتي المصيبة. من انتي غريبه
ما بين اليطيح اعله الوطيه
وبين المرتضى حامي الحميه
_____
من صار الوداع وحيدر امخضب
والدم منه جاري
ناده يبنيتي العقيلة يا زينب
راح اهجرهه داري
و وصيتي يزينب خدرچ الينحب
الماشافه جاري
خليته امانه بچف اخو مرتب
هو اللي يداري
گالتله بضمانه. ويصون الأمانه
وحزني چفوفه من توگع رميه
وبين المرتضى حامي الحميه
___
يا عظم المصاب اللي جره اعليهه
من وادعهه ابوهه
حگهه لو كثر ونهه ونواعيهه
من بعده شيجوهه
تفگد بعده اخوه هم بعد ليهه
مو واحد اخوهه
ومن بعد الفگد شام شيجي بيهه
بغربه يسلبوهه
يا عظم المصايب. من بعد الحبايب
بين اللي يجيهه للمنيه
وبين المرتضى حامي الحميه
____
#حسين_علي_الياسري
BY الشاعر حسين علي الياسري
Warning: Undefined variable $i in /var/www/tg-me/post.php on line 280
Share with your friend now:
tg-me.com/hussainalyasry/2720