اذا تحبون تسمعون الجديد 💛

هذا اعتبره اعظم رثاء وهو الرثاء المنسوب للامام علي لفاطمة الزهراء عليها السلام

كل عام وانتم اخوتي واصدقائي
وناسي الافتخر بيهم اسف اذا انقطعت
عن النشر الفتره السابقه بسبب ضروف
صعبه يارب هذي السنه اعوضكم بأعمال
جديده وقصائد ونشر يليق بيكم
كل عام وانتم واحبابكم بمليون خير💛

اصدقائي اشارككم معي في ثواب هذي القصيده واسأل الله يوفقكم ويرعاكم بحق مولاتي ام البنين
.
.

شايف من تكون الدنيا كلها عكسك
ويجيك المايدري شنو تعبك وشنو
وضعك ويگلك سولفلي وانته مالك
خلك ويضل يلح يريد بس يعرف
نصيحتي الك تقراله هذا البيت
الي كتبه باهر الجنديل من اختصر الموضوع الهيچ نماذج من الناس وگلهم


#طويله_السالفه_من_ابچي_اختصرها

انه سويت العليه

وحتى لو خايني انته
المهم عندي انه الوفيت
💛

اذا اعاتب عيونج بالچ اتزعاين
انه بليل اعاتب كلشي ماسهران
💛

من خوفي لا نفترگ
چنت انطي دفعة بله
گبل الملاگه وياك💛

متمرني و أگولن حقه معذور
گال إن شاء الله.. يجوز الله ما شاء

الراحل عامر العيثاوي ♥️

ضحكتك فيّ للـيتعبون ،
و عينك كلها حلوة من الحزن للون ،

باهر الجنديل

انه طيب گلب من
تالي اريد انغر

احچي اويه المري
وانويلك ابموزين
واتذكر
شرد عالناس البوكتك
اگلهم هذا خط احمر
💛

علي و ما احب اليحبوك
گد ما منقهر عـالما يحبونك
امنيتي اعرف شنوه احساس
ناس الشافت عيونك
اتخيل كثر ما مشتاگ اشمن باليزورونك

علي مو انه اليمدحك
بس والله هضيمه المثلك يطبرو
ودم ينزف من الهامه
علي ذاك البوكته جانت الشياب
تتمنه تصير بجوگة ايتامه

يامن كون راسي الراسك مثلم
حگهـه اركان ربك الك تتهدم
علي انته الاعدلت والامنت بس ما
نمت لو ساعه جفنك غمض و سلهم
مخلص ليلتك تتفگد الايتام
يمكن ما تلحك حته تتحلم

مثلك ياعلي بالدنيه ماكو اثنين
گبل متموت وصيت اعله طبارك
شما سولف علي ما انقل اخبارك
حنين ومن تهفي اعله الجمر مولاي
كل همك علي تبرد گلب نارك

علي ماتنوصف بابيات
التسلم عليه يتباهه بين الناس
جا شيسوي بير الشايل اسرارك

امعلم من ازورك ما احچيلك شي
عـ الشباچ احط گلبي
ومن اندار منك كلشي وحشه يصير
لو خطوه رجعتي اتململ بدربي
بصراحه ياعلي وما اريد اطول اعليك
انه المانعني اعبدك خوفي من ربي💛

واني اعذرج مادريتي شصار بيه
ولا وصل يمج كلامي

اني راح اسهر واتعب وانتي نامي



مجتبى النصراوي

معذور مو مذلول من دنگت

الفاگد عزيّز ايدور اعله الاثر

💛

چذب ما ابچي بفرگته
الفرگه صارت عندي سهله

#الچنت_اهمله
#راح_اهمله

💛

للإشارة الحمره شكرا؟

جابتج يم مستوانه

كون الاخضر يبقى طافي

وللصبح نوكف هنانه

داخل السياره شكلج

جن ذهب بالجام خانه

يا ابن محضوضه هذا

الرايحه تنسي زمانه

يا ابن محضوضه هذا

الراح يحضه بهل مكانه

وهل شياكه وهل نضاره

وهل اثاره وهل رزانه

الضحكه هاي العلى الهاتف

كون مو ويا ويانه

وكون تندارين يمنه

مو حرام ولا خيانه

الجماله هواي لازم

ينفق شوي من حنانه

النهر ما راح ينكص

اذا غرفت كف سكانه

واحنه متعطشين للحب

ياما صحنا ما اجانه

واحنه والله فرصه طيبه

وماكو اطيب من هوانه

باصرينه شلون هسه

كلشي كلبج ما نطانه

كبل لا تمشين ضحكي

وبري ذمتج من دمانه

خاف بيج ايصير حادث

من ذنبنه ومن ورانه

مرتضى الميالي🍂

شسولف حته تسمعني
و شخسر حته تبچيلي
وكت صاير علي تحچي
اذكرك چنت تحچيلي💛