الشاعر عزت السماوي | Telegram Webview: Eafatema/2155 -

ضعن حبيبي وصل... كل الهلا مولاي
اتفضل لكربله ...فايض وسطها الماي
نوّخ نياگ الضعن ...والرايه خلها فياي

رحلة سفركم چانت طويله
نصبو خيمكم لجل العقيله
راحه تريد ازغار الهواشم
وحيل الكوافل كافل يشيله

أهلاً نگلك والهلا اوهام
ونگولها مولاي كل عام
وندري الحچي تاليته بالشام
ومچان إلكم مامش امچان

والتجي مدلـله ..... تركض بكربله
رهمت ويا وسف ...... بت علي بالفله

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
كل المنازل إلك ... من گلبي هذا الصوت
ملكك سمه اويه الأرض ... وأي ريه بيها تفوت
يالمسكنك بالگلب ... وشفناهن احلا بيوت

أهلاً وسهلاً يالكلشي بيه
أحضى بخدمتك ناعم عليه
تكسرني الأهلاً والله حبيبي
أحچيها تعرض خيل اعوجيه

كل عام گلبي يصيرلك بيت
اهواي انهضم لو اكول تانيت
وتدري المتانه شينفع الميت
أنطر وأنه ادري تموت عطشان

يالكطعت الدرب ..... لديره كلها غرب
وتالي جسمك بقى..... عاري فوگ الترب

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
جاي بترافة ورد ... شايل ضوه الإسلام
وجايب رسايل صبح... تروي ضمه الأيام
سَفرة عبير السمه ... لوادم وجهه إلثام

إسمك حبيبي ولله حبيبه
ما شمّو اسمك حاله عجيبه
چلمه بلسانك تهدي العوالم
بس آل اميه فعلوا مصيبه

شيفيد دگ الراح بالراح
مصباح اجيتوا بأثر مصباح
وتاليها تخلص روس برماح
شتلگه راسك صار عالزان

يا هضم كتلتك ..... وحدك بغربتك
ماكوا ناصر يجي ..... ويفزع لطيحتك

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
كل البخت عالوضِح ... أشرف شرف بالكون
أبيض بياض انوجد ... بعبيهن أسود لون
خدر العفيفه نصع ... بس ما تنظره عيون

بهودج عرشهن كل وحده اميره
وداير عليهن غيرة عشيره
يا ربي زينب طبت وطنّه
طبت عقيله وطلعت أسيره

نوگ الوضِح واهوادج الهيل
وضلمه الخدر يمه ضوه الليل
إنباگ تالي ما بگه الحيل
وخدر الله الأعظم بيد شيطان

چلمه كلفه انحچت ..... وشكثر صوتت
يابو فاضل حسين ..... زينب اتسلبت ( زينب اتشتمت)

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
گلبك معابد عشگ .. يا سيد الأحرار
بي صلو أهل الصدگ .. وهالصرنه إلك انصار
ما شفنه مثلك وطن .. بگلبك وطنه صار

چلمه چبيره وبالحيره تطلع
إقبل أگلك لو اگلك ارجع
هالحيره تكسر كلمن يريدك
والجايب اهله يجازونه مصرع

إرجع شني تفيد اويه مذبوح
بس گوه اريدن تقنع الروح
ولهسه دمك حار ويفوح
يلّي متت مقهور حيران

تنظر لعيلتك ...... وحيرتك قهرتك
من شفتها الخيم ...... وجت بعيلتك

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****

عزت السماوي

www.tg-me.com/us/الشاعر عزت السماوي/com.Eafatema/2155

993 viewsedited Jul 18, 2023 at 00:19

tg-me.com/Eafatema/2155

Create: 2023-07-18
Last Update: 2024-06-03 15:47:31

BY الشاعر عزت السماوي

Warning: Undefined variable $i in /var/www/tg-me/post.php on line 280

Share with your friend now:
tg-me.com/Eafatema/2155

Open in Telegram

الشاعر عزت السماوي Telegram | DID YOU KNOW?

Date: 2024-06-03| الشاعر عزت السماوي

Tata Power whose core business is to generate, transmit and distribute electricity has made no money to investors in the last one decade. That is a big blunder considering it is one of the largest power generation companies in the country. One of the reasons is the company's huge debt levels which stood at ₹43,559 crore at the end of March 2021 compared to the company’s market capitalisation of ₹44,447 crore.

The Singapore stock market has alternated between positive and negative finishes through the last five trading days since the end of the two-day winning streak in which it had added more than a dozen points or 0.4 percent. The Straits Times Index now sits just above the 3,060-point plateau and it's likely to see a narrow trading range on Monday.

الشاعر عزت السماوي from us

Telegram الشاعر عزت السماوي
FROM USA