المشايه
انتظرناكم سنه. تجون لكربله
يمشايه ونصيح. هلا وكل الهلا.
……..
بمواكبنه وعوائلنه. وكفنه بأنتظارك
يلمغيره الشمس وجهك. ضوه شفنه بسمارك
هلا بالكاصد زاير
بدرب حسين مسافر
انته التنهه وتامر
يفديك واحدنه بروحه
كلب وبصف كلب. على طول الدرب
فرشناهن الك. هلا وكل الهلا
……
عله جدامك. نشوف احنه. تراب الجنه صاير
نغسّلهن. نقبّلهن. شرف النه يزاير
من حسين الله يزيدك
خلانه نبوس ايدك
الله بهاي يريدك
مكتوب حج لبيت الله
من ابو فاضل نداء. على اليمشي السلام
ينادي من الضريح. هلا وكل الهلا
…….
حچو عنك. يبو الغيره. فلا تسمع حچيهم
الدرب كله. فلا صله. حقد لا موبديهم
لو اذن يالسامع
يصير الموكب جامع
ساجد تلكه وراكع
وابليس كلهم بعناده
جماعه بكل صلاة. على درب النجاة
وتنادي فاطمه. هلا وكل الهلا
…….
الخدم چنهه. نهر يمشي. نشوفه هوايه صافي
بظهر محني. شفت شايب. يموت وما يوافي
بظهره يشد الرايه
حسينه بكل حچايه
يحب الخدمه هوايه
مشاي يضون شيباته
حُسين انته الهوه. حُسين انته الضوه
صدى بكبره انسمع. هلا وكل الهلا
……..
المشه ناجح. يظل واضح. وكشف گلبه الحقيقه
العشك يحله. على الفطره. ملك چنه بطريقه
اليمشي بدرب الخدمه
خل يحفظ هالنعمه
الزهره تسجل اسمه
ويموت مرفوع الهامه.
درس حمزه او وطن. يظل طول الزمن
الخدم بالدنيا صح. هلا وكل الهلا
………
حسين صادق العقابي
انتظرناكم سنه. تجون لكربله
يمشايه ونصيح. هلا وكل الهلا.
……..
بمواكبنه وعوائلنه. وكفنه بأنتظارك
يلمغيره الشمس وجهك. ضوه شفنه بسمارك
هلا بالكاصد زاير
بدرب حسين مسافر
انته التنهه وتامر
يفديك واحدنه بروحه
كلب وبصف كلب. على طول الدرب
فرشناهن الك. هلا وكل الهلا
……
عله جدامك. نشوف احنه. تراب الجنه صاير
نغسّلهن. نقبّلهن. شرف النه يزاير
من حسين الله يزيدك
خلانه نبوس ايدك
الله بهاي يريدك
مكتوب حج لبيت الله
من ابو فاضل نداء. على اليمشي السلام
ينادي من الضريح. هلا وكل الهلا
…….
حچو عنك. يبو الغيره. فلا تسمع حچيهم
الدرب كله. فلا صله. حقد لا موبديهم
لو اذن يالسامع
يصير الموكب جامع
ساجد تلكه وراكع
وابليس كلهم بعناده
جماعه بكل صلاة. على درب النجاة
وتنادي فاطمه. هلا وكل الهلا
…….
الخدم چنهه. نهر يمشي. نشوفه هوايه صافي
بظهر محني. شفت شايب. يموت وما يوافي
بظهره يشد الرايه
حسينه بكل حچايه
يحب الخدمه هوايه
مشاي يضون شيباته
حُسين انته الهوه. حُسين انته الضوه
صدى بكبره انسمع. هلا وكل الهلا
……..
المشه ناجح. يظل واضح. وكشف گلبه الحقيقه
العشك يحله. على الفطره. ملك چنه بطريقه
اليمشي بدرب الخدمه
خل يحفظ هالنعمه
الزهره تسجل اسمه
ويموت مرفوع الهامه.
درس حمزه او وطن. يظل طول الزمن
الخدم بالدنيا صح. هلا وكل الهلا
………
حسين صادق العقابي
( نعي وابوذيات )
گلب مجروح آنه وياي جبته
وكتله اخوي اشتاك لخته
مشيت وخذت وياي بته
كتلهه بالچ من شبكته
لهسه السهم باقي بچبدته
حين التسمعين انتي ونته
بصفه اكعدي وابچي سكته
حين الوصلته ولا عرفته
بس جسم باقي ونص رگبته
عاتبته بس يمكن جرحته
بحالتنه ماظن ترضه انته
فز وثنه ليه ركبته
لن علوجه صارت وكعته
تهد خيول حزني منيجمعه
واطشر دمع عيني منيجمعه
عله اللي ماعرفنه من ياجمعه
ظهوره ونهد هدة غاضريه
بخدمته عفت كل غالي ورائي
شيكول حسين اكول انه ورائي
احبه وماردت شهره ورائي
عله كدي اخدمه وهاي هيه
دخيل الطاحن بطفه كفاله
ولقب عباس ابو الغيره كفاله
اذا بالحشر طلبوني كفاله
بصمه من ابن عابس كافي ليه
عله راسي اباوع ولكفايه
ودرع جدامي حبه ولكفايه
اعاين على روحي ولكفايه
صوت يصيح آ يحسين بيه
النكتله دموع حتماً منسكتنه
الخدمه عمله صعبه منسكتنه
حسب ضنهم ضعفنه منسكتنه
الخدامه العمل موش لسان هيه
يظل حب ابو اليمه حاربينه
نكل للدنيه اكثر حاربينه
السيف اشكد ذبحنه حاربينه
يخضر كل نحر مجلس عزيه
حسين رويحة الخادم يفلهه
من اهوال الحشر يبعد يفلهه
الوكت يعكد وابو اليمه يفلهه
يحلال العكد مر ضيج بيه
الدمع حضر سچاچينه وحدهه
وجزه الجفنين وخدودي وحدهه
عله زينبكم الظلت وحدهه
مرد سياط صارت عن رقيه
بهوان الدنيه ابن جوشن يسلبيچ
وبسمچ لو حچه لسانه يسلبيچ
نيته يفرهد خيامچ يسلبيج
ويخلي الروس يبچن عنده نيه
ايتنفس اجه فراكك مادريته
بلا دم دمعي لحظه مادريته
الصوط اللي خنكته مادريته
تنفّس على متون اختك اذيه
من تسهر عيونك چنت انامن
حين الچنت انته چنت انامن
بدرب السبي اسأل چنت انامن
زينب بس بلا چلمة سبيه
ب آ يحسين انه لساني نعمتاه
خشن ياكلبي وبذكره نعمتاه
كل اللي خدم غيره نعمتاه
ابنادم فارغ بلا غاضريه
الحزن من مادمت ليه عليدام
واخبطه الماي بدموعي عليدام
كمت ما اهيس انه اكوف عليدام
وشمر كلساعه كومي يصيح بيه
نشوف الروس وتكطع معانه
وبچينه بحسره وبسكته معانه
يراس الحار من تمشي معانه
اسمعتني انخاك وتصيح شبديه
اخذ عباس وكتي موبوانه
ويمر ياليل بعده موبوانه
الحده بينه الرچايب موبوانه
وقريت الفاتحه لذيچ الخويه
روحي جفاكم الحسره هدلهه
وجيش الدمع بعيوني هدلهه
من اشوف الخوف لسكينه هدلهه
واصدن ينغمي اعليهه رقيه
يدنيه بروس اخوتي نور شعليچ
وتجازينه بخيمنه نار شعليچ
يأذيني الشمر لو صاح شعليچ
من اشاكف عن طفل ويشيط بيه
ابوي الچان سيفه شيختلهم
صرت ام المصايب شيختلهم
بين اطفال كثره شيختلهم
وانه اللازم اضم روحي من اميه
من زياكهم ياجار ياعات
لدمهم رمحك وي السيف ياعات
صفو نسوان كام تصيح ياعات
الشيل شحت عليهم والنويه
للمحمل ردت چفيك لوماي
مشيت وما اظنه يفيد لوماي
من الجود دم الطاح لوماي
اذا دم زينبك راحت سبيه
كطبع الماي ظل عباس ياري
بمواقف بيهه الله يريد ياري
حسين يصيح للمحتاج ياري
ابو فاضل يحل اكبر قضيه
امان ١٤ معصوم برضاك
يخالقنه ورضاهم شرط برضاك
احلفك يا الاهي اليوم برضاك
اريدن فاطمه ترضه عليه
الشاعر حسين صادق العقابي
گلب مجروح آنه وياي جبته
وكتله اخوي اشتاك لخته
مشيت وخذت وياي بته
كتلهه بالچ من شبكته
لهسه السهم باقي بچبدته
حين التسمعين انتي ونته
بصفه اكعدي وابچي سكته
حين الوصلته ولا عرفته
بس جسم باقي ونص رگبته
عاتبته بس يمكن جرحته
بحالتنه ماظن ترضه انته
فز وثنه ليه ركبته
لن علوجه صارت وكعته
تهد خيول حزني منيجمعه
واطشر دمع عيني منيجمعه
عله اللي ماعرفنه من ياجمعه
ظهوره ونهد هدة غاضريه
بخدمته عفت كل غالي ورائي
شيكول حسين اكول انه ورائي
احبه وماردت شهره ورائي
عله كدي اخدمه وهاي هيه
دخيل الطاحن بطفه كفاله
ولقب عباس ابو الغيره كفاله
اذا بالحشر طلبوني كفاله
بصمه من ابن عابس كافي ليه
عله راسي اباوع ولكفايه
ودرع جدامي حبه ولكفايه
اعاين على روحي ولكفايه
صوت يصيح آ يحسين بيه
النكتله دموع حتماً منسكتنه
الخدمه عمله صعبه منسكتنه
حسب ضنهم ضعفنه منسكتنه
الخدامه العمل موش لسان هيه
يظل حب ابو اليمه حاربينه
نكل للدنيه اكثر حاربينه
السيف اشكد ذبحنه حاربينه
يخضر كل نحر مجلس عزيه
حسين رويحة الخادم يفلهه
من اهوال الحشر يبعد يفلهه
الوكت يعكد وابو اليمه يفلهه
يحلال العكد مر ضيج بيه
الدمع حضر سچاچينه وحدهه
وجزه الجفنين وخدودي وحدهه
عله زينبكم الظلت وحدهه
مرد سياط صارت عن رقيه
بهوان الدنيه ابن جوشن يسلبيچ
وبسمچ لو حچه لسانه يسلبيچ
نيته يفرهد خيامچ يسلبيج
ويخلي الروس يبچن عنده نيه
ايتنفس اجه فراكك مادريته
بلا دم دمعي لحظه مادريته
الصوط اللي خنكته مادريته
تنفّس على متون اختك اذيه
من تسهر عيونك چنت انامن
حين الچنت انته چنت انامن
بدرب السبي اسأل چنت انامن
زينب بس بلا چلمة سبيه
ب آ يحسين انه لساني نعمتاه
خشن ياكلبي وبذكره نعمتاه
كل اللي خدم غيره نعمتاه
ابنادم فارغ بلا غاضريه
الحزن من مادمت ليه عليدام
واخبطه الماي بدموعي عليدام
كمت ما اهيس انه اكوف عليدام
وشمر كلساعه كومي يصيح بيه
نشوف الروس وتكطع معانه
وبچينه بحسره وبسكته معانه
يراس الحار من تمشي معانه
اسمعتني انخاك وتصيح شبديه
اخذ عباس وكتي موبوانه
ويمر ياليل بعده موبوانه
الحده بينه الرچايب موبوانه
وقريت الفاتحه لذيچ الخويه
روحي جفاكم الحسره هدلهه
وجيش الدمع بعيوني هدلهه
من اشوف الخوف لسكينه هدلهه
واصدن ينغمي اعليهه رقيه
يدنيه بروس اخوتي نور شعليچ
وتجازينه بخيمنه نار شعليچ
يأذيني الشمر لو صاح شعليچ
من اشاكف عن طفل ويشيط بيه
ابوي الچان سيفه شيختلهم
صرت ام المصايب شيختلهم
بين اطفال كثره شيختلهم
وانه اللازم اضم روحي من اميه
من زياكهم ياجار ياعات
لدمهم رمحك وي السيف ياعات
صفو نسوان كام تصيح ياعات
الشيل شحت عليهم والنويه
للمحمل ردت چفيك لوماي
مشيت وما اظنه يفيد لوماي
من الجود دم الطاح لوماي
اذا دم زينبك راحت سبيه
كطبع الماي ظل عباس ياري
بمواقف بيهه الله يريد ياري
حسين يصيح للمحتاج ياري
ابو فاضل يحل اكبر قضيه
امان ١٤ معصوم برضاك
يخالقنه ورضاهم شرط برضاك
احلفك يا الاهي اليوم برضاك
اريدن فاطمه ترضه عليه
الشاعر حسين صادق العقابي
قصيدة للامام الحسن ع
يابسملة طف كربله. من صلحك ابديهه
دم الحسين بحكمتك. ماضاع تاليهه
هاي المضامين. مكتوبه لحسين
…………..
حكمه عندك. ياكاتب شروط الصلح
حكمه عندك. للناس رادت تتضح
حكمه عندك. خلت اميه تنفضح
لولاك ماتت كربله. ومحد عرف بيهه
وحسين كالو ثورته. عن طمع يبديهه
انطيتهم دنيه وحكم. ماخايف اعليهه
جربو غيرك واعرفو. خيرك بتاليهه
اول بسامير النعش. يالحسن دكيته
بنعش ال اميه ومادرو. بالصلح خليته
بصلحك عناوين. مكتوبه لحسين. ماضاع تاليهه
………..
واحسيناه. چم الم يحمل يالحسن
واحسيناه. بفراكك بكلبه انطعن
واحسيناه. وبيده يلفك بالچفن
خليته يالوجهك ضوه. من امك الزهره
مكابل طشت من جبدتك. ويتنفس بحسره
ومن شال نعشك چا وكع. چي كسرته بظهره
وعباس يمسح دمعته. ظل واكف بكتره
وسهام نعشك صابته. بتشييعك بكلبه
ومفتاح للطف اصبحت. ومنك مشه بدربه
بكل هاي السنين. مكتوبه لحسين.
………….
مرت سنين. والناس شافت بس الم
مرت سنين. تغفه اعله دم تصحه اعله دم
مرت سنين. عضو اصابيع الندم
من غمضت عيونك بدت. ثورة بني هاشم
هيهات ابو اليمه هتف. للذله والظالم
ناده المن انطي رايتي. وبيمنته الصارم
عباس دك صدره او وكف.يحسين الك خادم
واتجمعو مثل النده. واعله الورد طاحو
من حسين لولا المستحه. للطف ركض راحو
هاي الميامين. مكتوبه لحسين. ماضاع تاليهه
………..
القاسم وياه. شايل عطر من ريحتك
القاسم وياه. بالحرب يشبه شمرتك
القاسم وياه. يقاتل نيابه لحضرتك
للحومه چانت زفته. والحرب موضوعه
بچفوفه صارت حنته. من دمه مطبوعه
من طاح زينب بالدمع. طفتهن شموعه
القاسم وديعه ورد الك. والركبه المكطوعه
وحسين ناده يالحسن. ذبحوه كدامي
من شلته سابح بالدمه. ورديت لخيامي
والشافته العين. مكتوبه لحسين. ماضاع تاليهه
…………
ردتك وياي. وتشوف كسرة خاطري
ردتك وياي. وحدي وادير بناظري
ردتك وياي. وتنظر لحالي ومنظري
شيبني من راح ومشه. للمشرعه الكافل
عن عيني غابت رايته. وصار الظهر مايل
من صاحني لصوب النهر. رحت بدمع سايل
وبحضني مثلك يالحسن. من مات ابو فاضل
كل ساعه اردن للخيم. جايب خبر غالي
ظليت وحدي بلا اخو. كل همي بعيالي
الماتت قرائيين. مكتوبه لحسين. ماضاع تاليهه
………..
ماشفتني. من توادعت وي عيلتي
ماشفتني. ولا اخو اليسمع نخوتي
ماشفتني. والشمر ينطر طيحتي
ما ادري چم سهم ورمح. مهجتي صابوهه
واطفالي خويه وجثتي. بالخيل سحكوهه
وخيامي لحظة ما طحت. ياخويه حركوهه
وهدومي من بعد الذبح. يبن امي سلبوههه
زينب عله التل حشمت. وينك يبو الغيره
كمت وطحت صحت شبدي. يالحيرتچ حيره
بعين الله تبقين. مكتوبه لحسين. ماضاع تاليهه
………….
يابو فاضل. منعوف زينب باليسر
يابوفاضل. نمشي عله رماح الصبر
يابو فاضل. خافن ياذيهه الشمر
راح الاعلام الزينبي. وسجادهه الوالي
ماذلت ابداً بت علي. ظل راسهه العالي
صاحت لدين الله ابد. مانبخل بغالي
خالد يظل حسين ابد. ييزيد للتالي
انطينه القليل ونعتذر. ياربي جازينه
رايد شفاعة للخدم. بالحشر تنطينه
والخدم طيبين. مكتوبه لحسين. ماضاع تاليهه
……….
نسألكم الدعاء
حسين صادق العقابي
يابسملة طف كربله. من صلحك ابديهه
دم الحسين بحكمتك. ماضاع تاليهه
هاي المضامين. مكتوبه لحسين
…………..
حكمه عندك. ياكاتب شروط الصلح
حكمه عندك. للناس رادت تتضح
حكمه عندك. خلت اميه تنفضح
لولاك ماتت كربله. ومحد عرف بيهه
وحسين كالو ثورته. عن طمع يبديهه
انطيتهم دنيه وحكم. ماخايف اعليهه
جربو غيرك واعرفو. خيرك بتاليهه
اول بسامير النعش. يالحسن دكيته
بنعش ال اميه ومادرو. بالصلح خليته
بصلحك عناوين. مكتوبه لحسين. ماضاع تاليهه
………..
واحسيناه. چم الم يحمل يالحسن
واحسيناه. بفراكك بكلبه انطعن
واحسيناه. وبيده يلفك بالچفن
خليته يالوجهك ضوه. من امك الزهره
مكابل طشت من جبدتك. ويتنفس بحسره
ومن شال نعشك چا وكع. چي كسرته بظهره
وعباس يمسح دمعته. ظل واكف بكتره
وسهام نعشك صابته. بتشييعك بكلبه
ومفتاح للطف اصبحت. ومنك مشه بدربه
بكل هاي السنين. مكتوبه لحسين.
………….
مرت سنين. والناس شافت بس الم
مرت سنين. تغفه اعله دم تصحه اعله دم
مرت سنين. عضو اصابيع الندم
من غمضت عيونك بدت. ثورة بني هاشم
هيهات ابو اليمه هتف. للذله والظالم
ناده المن انطي رايتي. وبيمنته الصارم
عباس دك صدره او وكف.يحسين الك خادم
واتجمعو مثل النده. واعله الورد طاحو
من حسين لولا المستحه. للطف ركض راحو
هاي الميامين. مكتوبه لحسين. ماضاع تاليهه
………..
القاسم وياه. شايل عطر من ريحتك
القاسم وياه. بالحرب يشبه شمرتك
القاسم وياه. يقاتل نيابه لحضرتك
للحومه چانت زفته. والحرب موضوعه
بچفوفه صارت حنته. من دمه مطبوعه
من طاح زينب بالدمع. طفتهن شموعه
القاسم وديعه ورد الك. والركبه المكطوعه
وحسين ناده يالحسن. ذبحوه كدامي
من شلته سابح بالدمه. ورديت لخيامي
والشافته العين. مكتوبه لحسين. ماضاع تاليهه
…………
ردتك وياي. وتشوف كسرة خاطري
ردتك وياي. وحدي وادير بناظري
ردتك وياي. وتنظر لحالي ومنظري
شيبني من راح ومشه. للمشرعه الكافل
عن عيني غابت رايته. وصار الظهر مايل
من صاحني لصوب النهر. رحت بدمع سايل
وبحضني مثلك يالحسن. من مات ابو فاضل
كل ساعه اردن للخيم. جايب خبر غالي
ظليت وحدي بلا اخو. كل همي بعيالي
الماتت قرائيين. مكتوبه لحسين. ماضاع تاليهه
………..
ماشفتني. من توادعت وي عيلتي
ماشفتني. ولا اخو اليسمع نخوتي
ماشفتني. والشمر ينطر طيحتي
ما ادري چم سهم ورمح. مهجتي صابوهه
واطفالي خويه وجثتي. بالخيل سحكوهه
وخيامي لحظة ما طحت. ياخويه حركوهه
وهدومي من بعد الذبح. يبن امي سلبوههه
زينب عله التل حشمت. وينك يبو الغيره
كمت وطحت صحت شبدي. يالحيرتچ حيره
بعين الله تبقين. مكتوبه لحسين. ماضاع تاليهه
………….
يابو فاضل. منعوف زينب باليسر
يابوفاضل. نمشي عله رماح الصبر
يابو فاضل. خافن ياذيهه الشمر
راح الاعلام الزينبي. وسجادهه الوالي
ماذلت ابداً بت علي. ظل راسهه العالي
صاحت لدين الله ابد. مانبخل بغالي
خالد يظل حسين ابد. ييزيد للتالي
انطينه القليل ونعتذر. ياربي جازينه
رايد شفاعة للخدم. بالحشر تنطينه
والخدم طيبين. مكتوبه لحسين. ماضاع تاليهه
……….
نسألكم الدعاء
حسين صادق العقابي
روحي وشمعتي. انته بدنيتي. واهس خدمتي. حبيبي
عمري بخدمتك. زادي بسفرتك. عاشك حضرتك. حبيبي
......
انته. شفتك حلم وتفسّره دموعي البچن مصابك
واتمنه ما اصحه واظل ياسيدي اعله بابك
انته. يا امنية عاشك ابد مايحتمل عتابك
رايد رضاك ونظرتك ويحلفك بخضابك
انظرلك نهر. يجري من النحر. وبصفك كمر. حياتي
لانفاسي هوه. لجروحي دوه. وبليلي ضوه. حبيبي
.....
عايش. لجلك ينبضات الگلب. شنهو العمر بدونك
حبيتك بكد الدمع. لله الجره بعيونك
عايش. ما اكعد بكعده ابد. مابيهه اليذكرونك
كلبي اويه روحي والجدم. هالقررو يجونك
مسدود الدرب. ولا واحد يطب. انته البالگلب. يغالي
من امي ارضعت. حبك وكبرت. بس بسمك صحت. حبيبي
......
ادري. كلبك احن من امي تتمنه الي السلامه
علمني احبك من صدك واتعلم الخدامه
ادري. بلياك اصيرن يالابو. واحد من اليتامه
خلي لساني سيدي. تصير انته كل كلامه
ياعشكي الصدك. بكلبي المحترك. بس لانفترك. يعمري
خايف دنيتي. تاخذ خدمتي. وتطفه شمعتي. حبيبي
......
شفتك. واكف شمس كلك ضوه. تارسهه دنية الله
لكل الخلك صاحب فضل. والله يبو عبد الله
شفتك. وشفت الرمح وسط الكلب. يحسين لمن صله
وحتركت مصلايتك. وخدك بكه اعله الرمله
مضحي عن قصد. متموت الحمد. ويعيش الورد. ضميري
روحي الهايمه. يمصاب السمه. يابن فاطمه. حبيبي
.......
خايف. لو نزلوني بحفرتي. يحسين ماتجيني
تخليني وحدي بحسرتي. لو كيدو اديني
خايف. زعلتك بموقف حصل. ياريت تعمه عيني
بداعة رقيه وزينبك. سامحني ياحنيني
ارفع رايتي. واعلن توتبي. الليله بدمعتي. يذخري
شكراً يالابو. ارجوك العفو. يل اسمك دفو. حبيبي
......
نسألكم الدعاء
حسين صادق العقابي
عمري بخدمتك. زادي بسفرتك. عاشك حضرتك. حبيبي
......
انته. شفتك حلم وتفسّره دموعي البچن مصابك
واتمنه ما اصحه واظل ياسيدي اعله بابك
انته. يا امنية عاشك ابد مايحتمل عتابك
رايد رضاك ونظرتك ويحلفك بخضابك
انظرلك نهر. يجري من النحر. وبصفك كمر. حياتي
لانفاسي هوه. لجروحي دوه. وبليلي ضوه. حبيبي
.....
عايش. لجلك ينبضات الگلب. شنهو العمر بدونك
حبيتك بكد الدمع. لله الجره بعيونك
عايش. ما اكعد بكعده ابد. مابيهه اليذكرونك
كلبي اويه روحي والجدم. هالقررو يجونك
مسدود الدرب. ولا واحد يطب. انته البالگلب. يغالي
من امي ارضعت. حبك وكبرت. بس بسمك صحت. حبيبي
......
ادري. كلبك احن من امي تتمنه الي السلامه
علمني احبك من صدك واتعلم الخدامه
ادري. بلياك اصيرن يالابو. واحد من اليتامه
خلي لساني سيدي. تصير انته كل كلامه
ياعشكي الصدك. بكلبي المحترك. بس لانفترك. يعمري
خايف دنيتي. تاخذ خدمتي. وتطفه شمعتي. حبيبي
......
شفتك. واكف شمس كلك ضوه. تارسهه دنية الله
لكل الخلك صاحب فضل. والله يبو عبد الله
شفتك. وشفت الرمح وسط الكلب. يحسين لمن صله
وحتركت مصلايتك. وخدك بكه اعله الرمله
مضحي عن قصد. متموت الحمد. ويعيش الورد. ضميري
روحي الهايمه. يمصاب السمه. يابن فاطمه. حبيبي
.......
خايف. لو نزلوني بحفرتي. يحسين ماتجيني
تخليني وحدي بحسرتي. لو كيدو اديني
خايف. زعلتك بموقف حصل. ياريت تعمه عيني
بداعة رقيه وزينبك. سامحني ياحنيني
ارفع رايتي. واعلن توتبي. الليله بدمعتي. يذخري
شكراً يالابو. ارجوك العفو. يل اسمك دفو. حبيبي
......
نسألكم الدعاء
حسين صادق العقابي
قصيدة للامام العسكري ع
بداية غيبتك بيهه ابتدت رحلة غيابي
بأمان الله رحت وانه اكتبت قصه عذابي
اعله دهري شكد اعاتب.
انه الفاكد كواكب
………
ماظال كلشي من الدمع. ياوالدي وروحيتي
بينك وبين الطف كضت. من ضيمي كل عافيتي
بسامره ذبحولي حلم. وبكربله امنيتي
اعله كبوركم صحت بهضم . يادنيتي شخليتي
طواريك تهد خيل واحس بيهه بضلوعي
وماي دموعي خلص وبدمه تنزل دموعي.
انه الشابع مصايب. انه الفاكد كواكب
……..
ياهو الغريب بدنيته. مثلي ومثل احزاني
لا والد ولاعندي اخو. هيج الوكت خلاني
البكّاء من كثر البچي. والدنيا دار احزاني
من مثلي عماته انسبن. ومتغيرات الواني
انه العرفو اسم عمته وحبل خلو بديهه
انه ابن العايله الحركو خيم كلهن عليهه
صرت من ضيمي شايب. انه الفاكد كواكب
……..
يابيت اهلنه بلا ابو. ولاصوت للحنيه
هالليله ميتلي وطن. ودعت الانسانيه
خليتني بعمر الورد. بس الله يدري شبيه
نعشك احس هودج سبي. وروحي المشت مسبيه
كضو اهل الله والباقي انه وغربة زماني
مناره بديره مهجوره ومنو اليسمع اذاني
اعيش بلا حبايب. انه الفاكد كواكب
………
فوك الجتاف جنازتك. وكل خطوه عثره بدربي
مااحس حفرولك كبر. يحفرون احس بكلبي
جوه الترب صار الضوه. والهوه الچان بگربي
صحت ان وعد الله حق. يادمعه بالخد كتبي
انه وعمري ووجع روحي وعشرتي وذكرياتي
بثامن وبربيع اول. حضر موت امنياتي
شفت بيه العجايب. انه الفاكد كواكب
……..
الدنيا شكبرهه والبشر. يابويه ادري هوايه
هل من مناصر لو صحت. ياهو اليشيل الرايه
محد يجاوب صرختي. بس اسمع اني حچايه
لبيك يامهدي علت. من الخدم والمشايه
صبراً ياخدم راجع واعيد الغاضريه
وعالرايه اخط بدمعي. ياثار الزچيه
مع الوقت المناسب. انه الفاكد كواكب
………
نسألكم الدعاء
حسين صادق العقابي
بداية غيبتك بيهه ابتدت رحلة غيابي
بأمان الله رحت وانه اكتبت قصه عذابي
اعله دهري شكد اعاتب.
انه الفاكد كواكب
………
ماظال كلشي من الدمع. ياوالدي وروحيتي
بينك وبين الطف كضت. من ضيمي كل عافيتي
بسامره ذبحولي حلم. وبكربله امنيتي
اعله كبوركم صحت بهضم . يادنيتي شخليتي
طواريك تهد خيل واحس بيهه بضلوعي
وماي دموعي خلص وبدمه تنزل دموعي.
انه الشابع مصايب. انه الفاكد كواكب
……..
ياهو الغريب بدنيته. مثلي ومثل احزاني
لا والد ولاعندي اخو. هيج الوكت خلاني
البكّاء من كثر البچي. والدنيا دار احزاني
من مثلي عماته انسبن. ومتغيرات الواني
انه العرفو اسم عمته وحبل خلو بديهه
انه ابن العايله الحركو خيم كلهن عليهه
صرت من ضيمي شايب. انه الفاكد كواكب
……..
يابيت اهلنه بلا ابو. ولاصوت للحنيه
هالليله ميتلي وطن. ودعت الانسانيه
خليتني بعمر الورد. بس الله يدري شبيه
نعشك احس هودج سبي. وروحي المشت مسبيه
كضو اهل الله والباقي انه وغربة زماني
مناره بديره مهجوره ومنو اليسمع اذاني
اعيش بلا حبايب. انه الفاكد كواكب
………
فوك الجتاف جنازتك. وكل خطوه عثره بدربي
مااحس حفرولك كبر. يحفرون احس بكلبي
جوه الترب صار الضوه. والهوه الچان بگربي
صحت ان وعد الله حق. يادمعه بالخد كتبي
انه وعمري ووجع روحي وعشرتي وذكرياتي
بثامن وبربيع اول. حضر موت امنياتي
شفت بيه العجايب. انه الفاكد كواكب
……..
الدنيا شكبرهه والبشر. يابويه ادري هوايه
هل من مناصر لو صحت. ياهو اليشيل الرايه
محد يجاوب صرختي. بس اسمع اني حچايه
لبيك يامهدي علت. من الخدم والمشايه
صبراً ياخدم راجع واعيد الغاضريه
وعالرايه اخط بدمعي. ياثار الزچيه
مع الوقت المناسب. انه الفاكد كواكب
………
نسألكم الدعاء
حسين صادق العقابي