🖋️▪️قصيدة لمولاتنا الزهراء "عليها السلام" لسان حال أمير المؤمنين علي"عليه السلام"▪️


آنه الذي بيدي اقلعت خيبر وماعانوني
لچن نعشها ام الحسن هدني و هد امتوني

روحي عليج امعلمه
يا سر حياتي فاطمة

تتراجف اچفوفي وتصب من دمه شفت اجفوني
▪️▪️▪️▪️▪️▪️▪️▪️▪️▪️▪️▪️

يم الحسن بعدج علي يجره النفس بالگوه
ذاك القلع باب القوي لا چنه ابد مو هوه
ضهري انحنى وحيلي ركد خطوات اسوي الخطوه
ماتت حياتي ابموتتچ وبحالي دهري اشسوه

ماچني ابد حامي الحمه
يا سر حياتي فاطمة

ياريته گبر اليحضنج لا ماتشوفه اعيوني

زيـ✍️ـنب الـواسطـي

▪️▪️▪️▪️▪️▪️▪️▪️▪️▪️▪️▪️
وي دفنتج زاد الحزن وياه رحل وجداني
مسمارچ الصاب الضلع ريته انه الأذاني
وداعت عشرتج يم حسن غارگ ترى بأحزاني
جرح الفگد ماينوصف وهذا الجرح هداني

الدنيا أحسها مظلمه
يا سر حياتي فاطمة

مابين حسراتي عشت يافاطمة وضنوني

مـ✍️ـهــا الخيگـانـي

▪️▪️▪️▪️▪️▪️▪️▪️▪️▪️▪️▪️
لساته جرحي مابره من راح ابوچ الغالي
ابهيده عليه ياوكـت كافي تعذب حالي
يانفس وانه اتنفسه ينزف وجع دلالي
عگبچ اضل بلاهوه لو ميت آنه اشــوالي

ياورد بتراب ارتمه
ياسر حياتي فاطمه

ضليت روح بلا جسد بس هيچ مادفنوني

ام عــــــــ✍🏻ــــلي البابلي

▪️▪️▪️▪️▪️▪️▪️▪️▪️▪️▪️▪️
ضليت افكر بالجره معقوله نعشج شلــــــته
ليليــــه يم گبرج اجي ودموعي تهمل سكــــــته
بس الرسم عنج مشه والگلب يمج عفـــــته
ارجع وبفراشج اشم حزني اله سولفته

اتخيلج بيه نايمه
يا سر حياتي فاطمه

غرفتج وحشه ومظلمه وولادج ينشدوني
ام وليـــ✍️ـد الموسوي
▪️▪️▪️▪️▪️▪️▪️▪️▪️▪️▪️▪️
يا ريحة من المصطفى وتفاحة من الجنه
يالبيچ جانت سلوتي خلافج مماتي اتمنه
لا طالت ايام الفگد وطولج فلا اشوفنه
هدتني وحشة منزلچ واطفالج الهم حَنه

مصابج لروحي هادمه
يا سر حياتي فاطمه

هدني امصابچ والجرى وابطال ما لاووني

✍🏻العلوية أم منتظر جمال الديـــن

هد حيلي هجرچ يابعد روحي ونبض دلالي

يصدع دليلي من تصد عيني مكانچ خالي

لحضات مري الخاطري وشوفيني يصعب حالي

صار الموادع من صدگ هذا البعد للتالي

افراگچ الگلبي يلچمه
يا سر حـياتـي فاطـمه

اتمنيت وياچ ابچفن واحد سوه ايلفوني

ام ســ✍ــجاد العسكري
ـــــــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /22/ ربيع الاول  1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره
https://www.tg-me.com/الشـاعـرة مـهـا الخـيـگـاني/com.mahaAlkhagane

#القاسم
#الشاعرة _مها الخيگاني




قصيده لشباب القاسم عليه السلام
من ديوان بيت الاحزان الجزء الأول


متحزمه حزام

والطم على الهام

يايمه ياضي الگمر ...

يمه يجسام
يمه يجسام

❥ـــــــــــــ❁🪶❁ـــــــــــــ❥❥

ردت احنيك بأديه وزفك انه بالورد
ماجنت اضن يمه الولد بعد ليه ماترد
مو گلت انه الادفنج يمه وينه هالعهد
ياسلوتي وكلشي بحياتي يالجنت انت السند

خنگتني الألام
ضاعت الاحلام
يايمه ما احمل هجر .. يمه يجسام

❥ـــــــــــــ❁🪶❁ـــــــــــــ❥❥

يبني من بعد الدلال شلون صارت موتتك
بنفسي تبقى للمات انه اشوفن زفتك
كوم يوليدي تعال كوم عاين عمتك
شوف بدموع المعاتب شلون عجنت حنتك


ضاعت الايام
ماشوف جدام
العيون طفاهه القهر.. يمه يجسام

❥ـــــــــــــ❁🪶❁ـــــــــــــ❥❥

صبحت عيني ييمه بيها ماشوف
اثـر اغيابك عليه وگلبي ملهوف
كل حجاياك ابخيالي يوليدي اطوف
ايهون تتركني بدمع من دمه مذروف

گلبي محتام
ماردتك اتنام
ردت اكضي وياك العمر ..يمه يجسام


❥ـــــــــــــ❁🪶❁ـــــــــــــ❥❥
شمحله لو عمري گضه وماشفتك تروح
خـــلاني ميته والجسد مابيــه اي روح
طول الدهر يبقى ونيني عليك والنوح
يمه اعاين. حجرتك. اوگلبي مجروح

جرحي مايلتام
خلاني مانام
من شفت طولك بالگبر ... يمه يجسام


❥ـــــــــــــ❁🪶❁ـــــــــــــ❥❥

شلك بنوم الگبر. مو حلو نومه
وسفه طولك باللحد ضاعت ارسومه
خلاني بس ابجي وون اوروحي مالومه
ماينجرع كلش صعب الضنه او يومــه


بالحومه نيام
وياك العمام

دمعي صبح مثل النهر .. يمه يجسام


🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام


الشـاعـرة مـهـا الخـيـگاني

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆
https://www.tg-me.com/الشـاعـرة مـهـا الخـيـگـاني/com.mahaAlkhagane

حبيبتي مهاوي الف الف الف مبرك عمري بالرفاه والبنين اليوم حابين نبارك الشاعرتنا المتألقه احد مشرفات قناتنا ((الشاعرة مها الخيگاني)) ونگلهه 😍😍الف الف الف مبروك الزاج بالرفاه والبنين انشالله والتوفيق عمࢪي وحياة سعيدة انشالله

https://youtu.be/Kldy04d4sRw

لايك وتعليق دعماً لنا

أبوذيات:-

يخويه لو سمعتي اخبار....علماي
اطيح وتنگطع چفيني...عالماي
وعالشاطي يضل ياخيتي...علماي
اصبري وصابري. رغم. الاذيه
😭_😭_😭_😭_
رقية اتصيح ياعمي....وسكنه
عطشانه اروي دلالي ... وسكنه
لابيت البقه عندي ...وسكنه
تطشرنه ونريد اهل الحميه
😭_😭_😭_😭_

يبچّي الصخر ياخويه وضعنه
شملنه اتطشر اخلافك وضعنه
سبايا رحنه للغربة وضعنّه
بي تحدي الرجال الاجنبيّة
😭_😭_😭_😭_
مصابك بالگلب حسرة..تركباه
تدوس اخيولهم جسمك.. تركباه
ضعنهم وسف زينبكم ....تركباه
وعله الناگة اصعدت مچتوفه اديّة

😭_😭_😭_😭_
نعي گرناوي:-

چتالك أرافگ خويه اشلون
وعل غبرة تضل يحسين مطروح

دخان الخيم غاطيني واتراب
وامشي بس جسد يمك ترى الروح

علينه يزمخ الملعون ويصيح
وين احسينچن شو بين شمات

يطگ خوله ورقية وسكنه بالسوط
ويگلهن صرتن الليلة يتيمات

مايسمعج بچيچن لا ابو اليوم
ولاعباس عمچن عالنهر مات

ــــــــــــــــــــــــــــ
زينب الواسطي
https://www.tg-me.com/zainabalwasty

#للأربعين
#الشاعرة _مها الخيگاني




تركنة الشام يبن امي وإجينة اردود
إجينة ولا ولي العدنة إلحملنة يگود


إجـينة و مـا لـگـينة
أخو إيتاني الضعينة

گوم يحسين .. گوم يحسين
❁ــــــــــــــــــ•🌿•ـــــــــــــــــ❁

خوية أنهض يالـعشت قـصة عذابي
ارد اسولفلك عله اجروحي ومصابي
راح اطش اعله الگبر حزني وعتابي
بـلكي تـگعد حـته اسـمعنك جـوابي

عـمـر خـلّـص نـوايح
أجيت وحملي طايح

ياضـوه العين .. ياضوه العين
❁ــــــــــــــــــ•🌿•ـــــــــــــــــ❁
يابعد عيني ونظرها اليوم أجينه
ردنه عـوانـه الحمـلـنة وما لگـينه
ياهضيمة إلي ذبحكم يحدي بينه
إمـن السياط امـتونة تشبه عبينه

جـرح يلچم وداعك
تره ضعنه إبضياعك

خوية إلـحنين .. خوية إلـحنين
❁ــــــــــــــــــ•🌿•ـــــــــــــــــ❁
خوي من بعدك ضعت والروح شاغت
عـيني بالـشام اشـكثر لـوعات شافت
والله احس الدنيا چنها ابعيني ضاگت
بـيـن غـربة و آنـه كـل احبـابي مـاتت

وحيدة ومالي والي
بـعــد عِــزي ودلالي

ما الي معين ما الي معين
❁ــــــــــــــــــ•🌿•ـــــــــــــــــ❁
لا معين اليفزع إلنه ولا كو ناصر
وآنه مـحنيه بهضمـتي بـس اكـابر
باليسر دمعي رسم صورة مـشاعر
حـرمة مـاعدها ولـي بـين العساكر

چـنت عـدكم امـيـره
بعدكم صرت اسيره

هضمني البين .. هضمني البين
❁ــــــــــــــــــ•🌿•ـــــــــــــــــ❁
مـا رحمني البين بيكم مارحمني
والوكت يحسين بيكم مـاجمعني
چـان كـل حلمي اشـوفنك تضمني
أگعد احچيلك عله السوط الهضمني

صحت ياخويه وينك
اجــيـت ابـأربـعـيـنـك

بيّة نارين بيّة نارين
❁ــــــــــــــــــ•🌿•ـــــــــــــــــ❁
🖇تـمــت بتـــوفيــــق الله

بـٲنـامـل شاعرة ٲهـل البيت عليهم السلام

🖊 الشـاعرة مـهـا الخـيـگاني


وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء
https://www.tg-me.com/الشـاعـرة مـهـا الخـيـگـاني/com.mahaAlkhagane

السلام عليكم ورحمة الله وبركاته حبايب كلبي
تم فتح دورة نعي دراسه كامله اطوار ومقامات
المده ٣ اشهر سعرها ٥٠ الف
دورة تعليم بيد المله الأستاذة فاطمة بنت الحسين
للتواصل والاستفسار رقم التسجيل بالدورة
07736045291

عندي دورتين الاولى تعليم الاطوار والمقامات الحسينية والنسائيه المده خمسه أشهر تكون الدورة الكترونيه عبر الواتساب الدفع الكلي ١٠٠الف فقط


♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️⚜️♦️
الدورة الثانيه تمارين وكورسات التقؤيه الصوت واظهار الحزن والاحساس والنغم تمارين التمديد الاحبال الصؤتيه وطاله النفس المده 5اشهر تكون الدورة عبر الواتساب إلكتروني السعر الكلي ١٠٠الف فقط