*{ضِلْعَ الزَّكِيَّة}*

فَلَوْ أُنزِلتَ يا ضِلْعَ الزَّكِيَّهْ
على جبلٍ لصُدِّعَ بالرزيَّهْ

عجيبٌ ... كَيْفَ أحمِلُ فيكَ صبراً
أنا ليثُ الوغى حامي الحميَّهْ


١/رأيتُ عمامةً نجفية خضرا
تسيلُ على البقيعِ دموعُها دُرَّا
فجئتُ مُعظِّماً للْمُرْتضى الأجرا
بسورةِ(قدْرِهِ) إِذْ غُيِّبتْ قدرا

عليٌّ جَاءَ يا أرْضَ البقيعِ
يزورُ مليكَةَ الْبَيْتِ الرفيعِ

وأَلْقَى عِنْدَها حبْلَ الوصيَّهْ
أنا ليثُ الوغى حامي الحميَّهْ

٢/عجبتُ لحيدرٍ في صفحةِ العتمِ
يخطُ الحزنَ بالآهاتِ لا الرسْمِ
يخاطبها لَقَدْ أحْسستُ باليُتْمِ
ألا رُحْماكِ بالكرارِ يا أمِّي!!

طبيبٌ في مآسيهِ جريحُ
أتاكِ..وَمَنْ سواكِ هو الْمَسِيحُ؟!

فذا القلْبُ امسحيهِ يا وفيَّهْ
أنا ليثُ الوغى حامي الحميَّهْ

٣/فديتُكِ يا جمالَ الرُّوحِ مظلومَهْ
رحلتِ وَمِنْ شبابِ العُمْرِ محْرومَهْ
وَلوْ لَمْ تُقتلي بالبابِ مهضومَهْ
لَمُتِّ كأَحْمدَ المُخْتارِ مسمومَهْ

فلا لَمْ تبلُغي (عشرينَ زهرَهْ)
تبدَّدَ عطرُكِ الزاكي بِعصْرهْ

يذوبُ القلْبُ من هولِ الأذيهْ
أنا ليثُ الوغى حامي الحميَّهْ

٤/لَقَدْ أوْصيْتِني بِتِلاوَةِ الذِّكْرِ
فَسَالَ الدَّمْعُ حتى مطلعِ الفجرِ
أراكِ بِ(هل أتى) مظلومَةَ (الدَّهْرِ)
وكمْ عصرتْ جفوني سُورَةُ (العصرِ)

وَإِنْ أقرأ (يتيماً) أو (أسيرا)
رجَوْتُ إلى حنانِكِ أنْ أسيرَ

بقيْدِ الشوقِ أبقى للمنيَّهْ
أنا ليثُ الوغى حامي الحميَّهْ

٥/وحَقَّكِ كانَ ذكرُ البابِ يؤنسُني
فذاكَ الحصنُ يعرِفُني "أبا الحسَنِ"
وَلَكِنْ بَعْدَ يوْمِكِ دامَ يؤرِقُني
أنا المكسورُ بابي بَلْ (أبَو الحَزَنِ)

على الأعْتَابِ أُحْيِي ليلَ دمعي
فأسمعُ صوتَ تكسيرٍ وضلْعِ

رأيتُهم و نيراني سريَّة
أنا ليثُ الوغى حامي الحميَّهْ

٦/وما أحْكي عَنِ الأبناءِ يا بضْعهْ
طعامُهُمُ الأنينُ وشُربُهُمْ دمْعَهْ
يعدُّونَ الثواني لوْعَةً لوْعَهْ
إلى أنْ يقصدوكِ بليلةِ الجمْعَهْ

وأكثرُ منْ لها الجدرانُ تنحبْ
وريثةُ قهرِكِ الحوراءُ زيْنَبْ

أنوحُ لِنوْحِها وسطَ العشِيَّهْ
أنا ليثُ الوغى حامي الحميَّهْ



*الشاعر الموفق علي عسيلي العاملي*


رابط قصيدة " ضِلْعَ الزَّكِيَّة " :
https://youtu.be/4vAzpB8WbGQ
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{تبكي دَمَا}*

تبكي دَمَا ... تلكَ القبابُ العاليَهْ
تبكي دَمَا ... واسَتْ تُرابَ الزاكيهْ
تبكي دَمَا ... لَمْ تبقَ منها باقيهْ
تبكي دَمَا


١/ما كفى أَنْ قتَلوهُمْ في الحياةِ
بَلْ وظلُّوا خلْفَهُمْ بعْدَ المَماتِ
هدَّموا حتَّى القبابَ العالياتِ
كلُّ ذا ... بُغضاً بليثِ "العادياتِ"

أَصْلابُهُمْ ... قَدْ يُبِّستْ مِنْ حيدَرهْ
أَصْلابُهُمْ ... لَمْ تنسَ سيفَ الزَّمجرَهْ
أصلابُهُمْ ... للثَّأرِ نادتْ داعِيَهْ ... تبكي دَمَا

٢/ليسَ هذا عجباً مِنْ شرِّ أُمَّهْ
غرِقتْ في بحْرِ ظُلْمٍ بعْدَ ظُلْمهْ
أمُّهُم قدْ أبعَدَتْ ثاني الأئمّهْ
ونراهمْ : وَلَــداً يتْبعُ أُمَّـــهْ!

أحقادُهُمْ ... موروثةٌ ممَّنْ مضى
أحقادُهُمْ ... تبقى لآل المرتضى
أحقادُهمْ ... تصلى سعيراً حاميهْ ... تبكي دَمَا

٣/قُبَّةٌ خضرا وأخرى نجفيَّهْ
وقِبابُ الطفِّ ثمَّ الكاظميّهْ
ثمَّ طوسٌ والصحونُ العسكريهْ
في بقيعِ الحزنِ ناحَتْ للرَّزيَّهْ

في الغرقدِ ... مهديُّنا حتْماً حَضَرْ
في الغرقدِ ... قومُوا نُعَزِّي المنتَظَرْ
في الغرقدِ ... ناحتْ ديارٌ خاليهْ ... تبكي دَمَا

٤/عِنْدَ قبرِ "المُجتبى" تلقى حُسيْنَهْ
صارخاً قدْ فرَّقوا بيني وبيْنَهْ
لَمْ يُدِرْ عَنْ قبْرِهِ المهدومِ عيْنَهْ
قبْلَ أَنْ يسألهُ المُحسنُ أيْنَهْ؟؟

لمْ ينسَهُ ... سِقْطاً بلا قبرٍ غدا
لمْ ينسَهُ ... مِنْ ضَرْبِهمْ ذاقَ الرَّدى
لمْ ينسَهُ ... والأمُّ تدعو شاكِيَهْ ... تبكي دَمَا

٥/دُونَ صرْحٍ ناحَ "زينُ العابدينا"
يسألُ "الباقِرَ" عنْ مُرِّ السِّنينا
تذكرُ الخِرْبِةَ كمْ فيها لَقِيْنا؟
حيثُ لا سقفٌ مِنَ الشمسِ يَقِينَا

والباقِرُ ... ناداهُ هلْ أنسى السِّبا
والباقِرُ ... للآنَ يبكي زينبا
والباقرُ ... أمسى بِعينٍ هاميَهْ ... تبكي دَمَا

٦/"جعفرٌ" وسْطَ حُطَامِ السامريّهْ
وجَّهَ الدَّعوةَ نَحْوَ الجعفريَّهْ
قائلاً ما همَّني طولُ الأذيَّهْ
طالما تأتونَ قبرَ الغاضِريَّهْ

في كربلا ... لبُّوا الإمامَ الثالثا
في كربلا ... للموتِ زوروا "وارثا"
في كربلا ... واسُوا البتولَ الراضِيهْ ... تبكي دَمَا

٧/ظنُّهُمْ قدْ قهروا "الأُمَّ الوفيَّهْ" (أم البنين)
وهمُ لم يعرفوا أصلَ القضيَّهْ
قدْ تمنَّتْ حُفرةً تبقى خفيَّهْ
كي يواسي قبرُها قبرَ الزَّكيَّهْ

ما هَمَّها ... فِعْلُ الأيادي الآثمهْ
ما همَّها ... إلا الرضا مِنْ فاطِمهْ
ما هَمَّها ... في القبرِ ظلَّـتْ ناعِيَهْ ... تبكي دَمَا



*الشاعر الموفق علي عسيلي العاملي*



رابط قصيدة " تبكي دَمَا " :
https://youtu.be/ZSAvG5JQaqU
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{مودعينك}*

مودعينك وباچر نسافر لهلنه
محلفينك العوده يحسين اكتب النا
ارزقنا يمك نبقى خدام
نخدم الزوار كل عام


١/ ايام خدمتنه انگظت‌ و كلمن يروح الداره
او وحشه درب گبرك يظل يبچي على زواره
كل خادم ايرد الهله وبگلبه تلهب ناره
مشتاگ يبقه الخدمتك بعينه الدمع يتجاره

اربعينك ... نعمه لا تحرمنا منها
يالخدمتك ... نموت لو نبتعد عنها
نبقى‌ بس نحسب بالأيام
نخدم الزوار كل عام

٢/ مرت مثل لمح البصر وخلصت الف ياوسفه
چنه اليزورك نخدمه ونشمه چنه بلهفه
كل زاير اليكصد الك نحلم نقبل چفه
نتنطر العام اليجي ونار الگلب ما تطفه

لليزورك ... نخدم ويفرح گلبنا
شما تعبنه ... راحه يحسين بتعبنا
تبقى بينا تطوف الأحلام
نخدم الزوار كل عام

٣/ ما بين زوار وخدم هذا العشگ رباني
بزيارتك من نلتقي واحد يشم بالثاني
ويگله من سنة المضت الشوفتك گلبي يتاني
يالغالي يم حسين ابد من تدعي لا تنساني

جنه اخوه ... محبتك چانت تلمنه
وافترگنا ... وتدري يحسين بألمنا
جروحنا بخدمتك تلتام
نخدم الزوار كل عام

٤/ بين المواكب من نمر تخنگنه نار العبره
من ايامنا الحلوه المضت ما تبقى بس الذكره
نصفن وياخذنا الحزن وبالروح تلهب جمره
اهنانه چم زاير گعد واهنا خدمنه الزهره

بس دمعنه ... يظل ذكرى امن الزيارة
نظل نبچي ... من نصد اعله المناره
يالخدمتك ترفع الهام
نخدم الزوار كل عام

٥/ صرخات زوار وخدم يا من غرامك لمنه
بداعة رقيه سيدي امن الخدمه لا تحرمنه
عاشورك اويانا نفس وخدمتك تجري بدمنه
بين المجالس بالحزن نبچيلك اتعلمنا

ياعشگنه ... كل عمرنه نحچي عنك
يبو الیمه‌ ... اللَّه لا يحرمنه منك
ايد وحده نشد الاحزام
ونخدم الزوار كل عام



*الشاعر الموفق السيد موفق الموسوي*


رابط قصيدة " مودعينك " :
https://youtu.be/0hs3dE7Doaw
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{أنَاْ طِفلةٌ تَغْفو}*

أنَاْ طِفلةٌ تغفو أمامَ البابِ
بِاللهِ أخبِرْني عَنِ الأَحبابِ
عاتَبْتُهمْ حتى جَرتْ بالدَّمعِ أعتابي


١/ يا بشرُ إنِّي قدْ لمَحْتُكَ صارِخاً تنعى
لكنْ لِشدَّةِ ما بكَوْا لَمْ أستطِعْ سَمْعا
ما ذَلِكَ الصوتُ الذي قدْ زلزلَ السَّبعا ؟
ورأيتُ "قبرَ المصطفى" يَهْمي لهُ الدَّمْعا

وسمِعتُ آهاً هيَّجتْ أوجَاعي
مِنْ جدَّتي مكسورة الأضلاعِ
يا بشرُ عندكَ هلْ أرى سبباً لأسبابي؟

٢/ في أيِّ وادٍ يا تُرى وَجْهُ السَّنا حلّا ؟
أتُرى يعُودُ زمانُهُ أمْ يا تُرى ولّى؟
إِنْ أسألِ الجُدرانَ عَنْهُ جاوبَتْ "كلاّ"
باللهِ أصْدِقْني فقلْبي في النَّوى "كلاّ"

فمتَى سيرجعُ والدي يا بِشرُ؟
لتعودَ أيّامُ الهَنا والبِشرُ
غُصْني ذَوى أشكو الجَوى في فقْدِ أطيابِي

٣/ إِنْ كانَ حقاً قد مَضى عمِّي أبُو الفضلِ
يعني بأنَّ الشَّملَ عادَ مُبَدَّدَ الشَّملِ
لكِنْ تُرى جارَ الزَّمانُ بأَخذَهِ الكُلِّ ؟
أرجوكَ يا بشر الأسَى ما حالُهِمْ قُلْ لي

أينَ الحسينُ متى أرى إشْراقَهْ ؟
فأنا لدفءِ ضُلوعِهِ مُشْتاقَهْ
أينَ الحبيبُ لِكَيْ يرى مِنْ بَعْدِهِ ما بي؟

٤/ وكأنَّ بِشراً ها هُنَا لمْ يمتلِكْ صَبْرا
أَبُنيَّتي قد عظَّمَ البَاري لكِ الأَجرا
قُتِلَ الحُسينُ ورأسُهُ ما بارَحَ السُّمْرا
والجِسْمُ أمسى عافراً ملقىً على الغبْرا

لا ترتجي مِنْ صَدْرِهِ تِحْنَانا
فلقَدْ غدا لِخيولِهِمْ مَيْدانا
ما بيْنَ أبناءٍ قضو صرعى وأصحابِ

٥/ فأجابهَا يا طفلةَ الشَّمسِ اقبَلي عُذري
ولتسْألي أمَّ البنينَ فإنَّها تدْري
قَالَتْ : نعمْ شاهدتُها مكسُورةَ الظَّهْرِ
لا لا تقُلْ أنَّ السَّمَا أمْستْ بِلا بدْرِ

فبكى وقد ضَاقتْ بهِ الأنفاسُ
يا طِفْلتي آهٍ قضَى العبَّاسُ
حُزْنُ الفراتِ لأجلِهِ يجرِي كميزابِ

٦/ ويلاهُ واويلاهُ صاحتْ تخمِشُ الخَدّا
وعلى الثَّرى مِنْ كفِّها قدْ أسقَطَتْ مهدا
يا بشرُ أينَ أخي الرضيعُ يخفِّفُ الوَجْدا
فأجابَها سهمُ اللئيمِ بِنَحْرِهِ أوْدى

ساروا بهِ فوقَ القَنَا مرفوعا
والأمُّ تنظُرُ رأْسَهُ المقطوعا
مسبيّةً معَ زينبٍ في قيْدِ أغرابِ



*الشاعر الموفق علي عسيلي العاملي*


رابط قصيدة " أنَاْ طِفلةٌ تَغْفو " :
https://youtu.be/jL3C286uPZY
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{خدمكم يزهراء}*

١/ خدمكم ننادي ... يزهراء ... نعم گلناهه چلمة نعم
هوه الله محبتچ ... للانفاس ... عدم من دونچ احنه عدم
فخرنه وسندنه ... عمرنه ... بدون الخدمه لا ما رهم
يلومون عواذل ... والاصوات ... رفعناهه ابشعار الخدم

يزهراء خدمكم يزهراء

٢/ للارواح غذاء ... المجالس ... تنفسنه الشعائر هوه
سرت وي دمانه ... محبتچ ... وكتنه ضلمه وانتي ضوه
علگ وي نبضنه ... حروفچ ... يمن بسمچ گلبنه ارتوه
للاجروح بلسم ... لگينه ... فقط هاي المآتم دوه

يزهراء خدمكم يزهراء

٣/ يلومون بينه ... ميدرون ... نعاندهم نزيد اللطم
حطب نار باچر ... بالحساب ... يزهره اللي يضدكم خصم
نگلهم عشاگه ... ومجانين ... هوينه وما نهاب الضلم
تره الما يحب ... المجالس ... من ريحة علي ينحرم

يزهراء خدمكم يزهراء

٤/ ندم ما يفيده ... اليعاند ... خسر دنيه وخسر آخره
يهل ناس رحمه ... الشعائر ... بيها الرفعه والمفخره
تجاره ربحهه ... القيامة ... يعني إله اليحب حيدره
عقيده الخادم ... فله ايخاف ... توقع فاطمه دفتره

يزهراء خدمكم يزهراء

٥/ فداكم دمانه ... نرخص ... رخيصه وداعة الله الدمه
شني الدم نضحي ... بالارواح ... فله ايهمنه حچي اللايمه
تصيح الضماير ... والاگلوب ... أعز من الهوه فاطمه
يكوثر بدايه ... ونهايه ... محبتكم حسن خاتمه

يزهراء ننادي يزهراء



*الشاعر الموفق السيد علي الموسوي*


رابط قصيدة " خدمكم يزهراء " :
https://youtu.be/Ye-UqLmOnYA
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{زوار}*

زوار ... موسى ماناسينه
زوار ... فاطمه تلگينه

١/ كل محب ابرايه ... مايعوف الغايه ... وماخذ قراره
هذا گلبي الهایم ... والامام الكاظم ... اصبح شعاره
فاطمه ومنعوفه ... كعبه واحنه انطوفه ... وجنه مزاره
من عقدنه النيه ... تسوه كل الدنيه ... هایه الزياره

عشاگ ... هالدرب تدرينه
زوار ... فاطمه تلگينه

٢/ فاطمه وامجادچ ... مانعوف اولادچ ... لا يالزچيه
مانمل طرواهم ... واحنه نبقه اوياهم ... حد المنيه
بالمجالس هایه ... الليله عدنه اقرايه عالكاظميه
حاضره اتشوفينه ... بيدج اتسجلينه ... بوكت العزيه

ننخاچ ... يم حسن سجلينه
زوار ... فاطمه تلگينه

٣/ شيعتچ وفايه ... والشباب اهوايه ... مايغله دمهه
وانتي ماتنسيهه ... كل وكت تنعيهه ... يالزهره يمهه
شيعتچ ضلموهه ... والله مارحموهه ... خصمچ ضلمهه
كفرتنه اعداكم ... ذبحت الوالاكم ... باعت ذممهه

كفار ... خصمچ ايسمينه
زوار ... فاطمه تلگينه

٤/ يالزچيه ابجالچ ... حاضرين ارجالچ ...مو بس عزیه
بالمعارك هایه ... رافعين الرايه ... ولد الزچيه
الحشد رافع راسه ... غيره من عباسه والمرجعيه
صوتهم ضل يعتلي ... لاولي الا علي يالناصبيه

حاشاه ... اللَّه يخذل دينه
زوار ... فاطمه تلگینه



*الشاعر الموفق السيد علي الموسوي*


رابط قصيدة " زوار " :
https://youtu.be/_flF9Da_FGo
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{يامهدي}*

يامهدي ... ياريت مو غايب على اوطانه
يامهدي ... وتتعنه موسى الكاظم اويانه
بالصحن تقره امصيبته ... وبيدك تبدل رايته
يامهدي ... يامهدي

١/ جينه لرض الكاظميه عفوا الجنه
سيدي او لمصاب جدك نجذب الونه
ريت مو غايب علينه والله نتمنه
الموسى ابن جعفر الليله اويانه تتعنه

يامهدي ... لمن تبدل بيدك الرايه
يامهدي ... تنزل تسوي الجدك اقرايه
تنعه الإمام ابحظرته ... وبيدك تبدل رايته

يامهدي

٢/ هذه رايات السواد اليوم شلناهه
تنزف اجروح الإمامه الهسه معناهه
جينه وادموع المصيبه اويانه جبناهه
تنعه هالليله الزچيه وننعه وياهه

يامهدي ... لرض الجوادين ابحزن جينه
يامهدي ... ويانه تمشي اشگد تمنينه
وياك محله ازيارته ... وبيدك تبدل رايته

يامهدي

٣/ للعزاء وللزياره شيعتك جايه
گصدت ابواب المراد وكلهه وفايه
رفعو الرايه وذكرنه الموقف ابهايه
نشعر الرايات تبچي الصاحب الرايه

يامهدي ... واتذكرينه والدمع هامل
يامهدي ... هالرايه چنهه راية الكافل
طاحت وطاحت هامته ... وبيدك تبدل رايته

يامهدي

٤/ يمته تتناقل يمهدي الوادم اخبارك
تضهر وكلهه ابخدمتك هذه أنصارك
نعرف ابثار الغوالب تنطفي نارك
وتملي هالدنيه واهلهه ابشعة انوارك

يامهدي ... ابگاع الجواد وموسى نادينه
يامهدي ... عجل يربنه ابفرج مهدينه
من هالمقام وهيبته ... وبيدك تبدل رايته

يامهدي

٥/ يابو صالح مانسينه وعاهديناكم
سيدي الحد المنيه نبقه وياكم
اي وحگ موسى ابن جعفر کلنه نفداكم
گلب كل عاشگ يمهدي الليله ناداكم

يامهدي ... يالتسمع الزاير ودعواته
يامهدي ... اباب الحوائج إگضي حاجاته
ابجاه الغريب ومحنته ... وبيدك تبدل رايته

يامهدي



*الشاعر الموفق السيد علي الموسوي*


رابط قصيدة " یا مهدي " :
https://youtu.be/6WpVg4HaRsw
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{سلام على رايتك}*

سلام من شيعتك
سلام على رايتك

١/ حجة الله سيدي يمنور الكون
يالضريحك صار رحمه لليزورون
رايتك عالقبه والله اتكحل العيون
هاي معناهه عشت والمات هارون

سلام على ثورتك
سلام على رايتك

٢/ حظرتك يابو الرضا لمن نجيهه
بقعه من جنات ربنه ونعتنيهه
واضح المضمون هاي الرايه بيهه
صحنه هالرايه سلام الله عليهه

سلام على حظرتك
سلام على رايتك

٣/ مرقدك أصبح مزار الكل الاحرار
تعتنيك ابشوگ يا مولاي الانصار
شوفت الرايه يموسى اتسر الانظار
قطعه من اقماش لكن كلهه أسرار

سلام على هيبتك
سلام على رايتك

٤/ كل سنه انجدد عهدنه ياولينه
هالإجينه اليوم يمك واعتنينه
صحنه فد صيحه يموسى مانسينه
هاي كلهه ابخدمتك شيعة علينه

سلام على طاعتك
سلام على رايتك

٥/ ياسندنه ويافخرنه البي نحاجج
منهجك شامخ يموسى اعله المناهج
بسمك السان الموالي يبقه لاهج
وتنگضي الحاجات يم باب الحوائج

سلام على دعوتك
سلام على رايتك



*الشاعر الموفق السيد علي الموسوي*


رابط قصيدة " سلام على رايتك " :
https://youtu.be/THke5IpdEwE
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{في سبيل الزهراء}*

في سبيل الزهراء ... عمري كله اقرايه

١/ بالمواكب نشأتي ... عاللطم نظراتي
أقره وي روحي عزه ... واستمع وناتي
كبر عودي واكبرت ... وحققت غاياتي
وانذرت عمري وقف ... الفاطمه مولاتي
هالعشگ يامحلاه ... عندي صار اكفايه

في سبيل الزهراء ... عمري كله اقرايه

٢/ يختلف عن كل عشگ ... هالعشگ ياناسي
من عشگت ام الحسن ... صار خير ابراسي
هالخدامه وهالذكر ... طيبن أنفاسي
والله دنيه وآخره ... بيهن ارفع راسي
هالشرف وين الگاه ... أشكر الله اهوايه

في سبيل الزهراء ... عمري كله اقرايه

٣/ عندي عشره اويه الگلب ... من زغر خاويته
دير بالك عالعشگ ... ياگلب وصيته
چنه جاوبني النبض ... إي نعم حسيته
الما يحب ام الحسن ... والله ماحبيته
مدرسة عاشوراء ... خرجت وفايه

في سبيل الزهراء ... عمري كله اقرايه

٤/ امن الولاده فاطمي ... مو عبث ميلادي
وافتخاري ابدنيتي ... أهوه بيت الهادي
ياعلي ويافاطمه ... گلبي دوم اينادي
هذا من الله فضل ... خادم الأسيادي
هالفضل ما أنساه ... كون اوفي ابهايه

في سبيل الزهراء ... عمري كله اقرايه

٥/ الليله مجلس فاطمه ... ابلهفه متعنينه
باچر ابيوم الحشر ... حيدر ايجازينه
حيدريه وعالعهد ... كل وكت يلگينه
صرخه والآخر نفس ... مانعوف احسينه
يا ابا عبد الله ... هذه اغله احچايه

في سبيل الزهراء ... عمري كله اقرايه



*الشاعر الموفق السيد علي الموسوي*


رابط قصيدة " في سبيل الزهراء " :
https://youtu.be/F2FhvmQ8xPo
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{يا حسين}*

يَا حُسِين إنْتَ مَا مِحْتَاجْ كِلْ هَذَا الوجُودْ
الوجُودْ يِصِيرْ كِلَّه ابْعَازْتَكْ
إنْتَ خَلِّيتِ الشّمُوخِ اعْلَى الشّمُوخْ
وِ العِلِمْ مَا وصَلْ كَرْكَشْ رَايْتَكْ
يَا حُسِينِ ايْمُوتْ كِلْ مَا بِالوجُودْ
بَس تِظَلْ راسِ الخْلُودِ احْچَايْتَكْ
النَّاسْ تِسْكَرْ لُو دَنَه كَاسِ الخُمُورْ
و آنَه خَمْرَةْ رَاسِي چَايِ اقْرَايْتَكْ
عَمِّي بَعَدْ مَا اطَبّرِ بقَامَاتِ الحَدِيدْ
صَارْ تَطْبِيرِي بنَعِل مَشَّايْتَكْ


*الشاعر الموفق عزيز الفيصلي*


رابط قصيدة " يا حسين " :
https://youtu.be/Zjf_f1m0WMA
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{سلامي}*

سلامي...عله روح الزهره
سلامي...عله الشيبه الحمره
سلامي...لبو الاكبر اقره
سلامي


١/بالجنه انسأل شتريد
قصر لو احله حوريه
واگللهم ارديد حسين
اقره اگباله لطميه
من اشوف الوادم يبوسون
متني بروح حنيه
اگولن ذوله يحترمون
العبد لعيون راعيه

خليلي...روحي عشگت روحه
خليلي...جروحي من اجروحه
سلامي...طير وسط الحضره


٢/انه صاحب طويله وياك
والعشره جنونيه
ياخذني العشگ للشام
على ناگه ويمر بيه
عله فطرتنه واحنا ازغار
بدينه اقلام حنيه
ونكتبلك رسايل شوگ
عله باب الحسينيه

غرامي...غافي بين جفونه
غرامي...دمعه بين عيونه
سلامي...لمنحرك بيه يسره


٣/انه بجسمي احس مو روح
هوى من رفت الرايه
ومشيت او يالگمر بالطيف
وگعدنه اعله المسنايه
وشفت زينب واخذني الخوف
وغرگت ابمستحا اهوايه
ابتسملي وگالي العباس
سلم عمتك هايه


حياتي...وعمري بين چفوفه
حياتي...طرزتها احروفه
سلامي...يلتمسكم نظرة


٤/بيدي من اخدم الزوار
جمر مرات يحرگني
احس بحسيني آخ يگول
واسف بويه ترس اذني
ذريه اطلب من حسين
ولد عل الخدمه يسبگني
واذا منه طلع تقصير
اخذ ياربي عمر ابني

هيامي...يشعر ابآلامه
هيامي...من رماد خيامه
سلامي...للجروح بصدره


٥/عوفوني الطم اعله حسين
اعله وجهي واجرح ارسومه
من اشگ هدومي ما انلام
حبيبي امسلبه هدومه
المغرم روحه كلها ضلوع
ابحوافر خيل مهشومه
يسولف وحده لو شفتوه
عاشگ لحد ايلومه

حبيبي...البسمه من شفافه
حبيبي...عاش كلمن شافه
سلامي...ويا انين وحسره



*الشاعر الموفق علي عويز الشويلي*

رابط قصيدة " سلامي " :
https://youtu.be/8i2hpq2USfo
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{ودعوني}*

ودعوني
وبللت لحيت ابوي إبدمعتي
ودعوني
وايدي ماتركت عباية عمتي

وكلهم اتوسلت بيهم
ودنكت بوست اديهم
وماخذوني


١/من درت باجر سفرهم
روحي باتت هايمة
والصبح گعدو لگوني
عالهوادج نايمة

ركبو سكنة الطمت عيني وبجيت
ركبو خولة وعلى الكاع انجفيت
وصلو العمتي زينب وإنعميت

ابجي واركض
وجرحيت الكاع من كد عثرتي
وشلت ادية
لجن مامدولي اديهم اخوتي

ليش عفتوها حزينة
التسموها الحنينة
وماخذوني


٢/حضرو نوگ الضعينة
وانه يمهم گاعدة
تعجبت محد سألني
لهسة شو ماصاعدة

وانتضر من والدي کلمت تعاي
يلا عالميمون صعدوها ابكفاي
بنيتي وين تروح لو ضلت وراي

وإتركوني
وگام عبد الله ينوح ويلتفت
جن يگلهم
الضعن وكفو انه مضيعلي إخت

شلون اعيش الدنية بعده
اخذوني اناغيه واهز مهده
وماخذوني


٣/انه اخاف الوحدي اضلن
بوية فدوة اخذوني
اوين ما شفتوني اتعب
امشو او عوفوني

بالدرب خدامتك يابوية اصير
وحتى لو يلفاني موتي بالمسير
ما اتعبك بالحفر كبري زغير


من سمعني
حسين ضل صافن عليه ابلا حجي
ومدلي ادينة
وطاح من ميمونة من كثر البجي

وركضو اخواني عليه
وگلت اروحن هاي هيه
وماخذوني


٤/تأكدت انه ورقية
بعد ما نتلاگة
من مشو ذبت عليه
روحها من الناكة

اختي واتنفسهه اكثر من هواي
وبويه متعوده من اديها اخذ دواي
اتركها يمي اتكودني وتنطيني ماي

كل خواتي
يمي ليلية كبل يتسامرن
ها يروحي
شلون بيج الوحدج كلهن مشن

وحلفيت اهلي بغلاتي
خل اروحن وي خواتي
وماخذوني


٥/يابو فاضل واعدتني
تحطني بين اعيونك
وهسه عمي احسبني جربة
إوشدني فوگ متونك

وانت ماتحمل غيابي انه ادري بيك
يالحنين الچنت اعوف امي واجيك
افتحلي ذرعانك اريد اشبك عليك


وياك اخذني
حتة من تتوضة اكض اعمامتك
اعليك اسولف
وامسح تراب السفر عن وجنتك

وجانة الحسين وحظنه
وكمنة نبجي وماسكتنه
وماخذوني



*الشاعر الموفق علي عويز الشويلي*

رابط قصيدة "ودعوني" :
https://youtu.be/-slKUM0o81c
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{إذنُ الدخولْ}*

يا جرحُ أرجوهُ لأحيا في وِصالِكْ
إذنُ الدخولْ
فاسمحْ بهِ ولَمْ أكُنْ أهلاً لذلكْ !


١/أيها الجُرحُ الذي اجتازَ أقاليمَ الحدودِ
لمْ تزلْ إرثاً سرى في كلِّ عِرقٍ منْ جُدُودِي
كيفَ أنساكَ ولا أخمشُ بالحزنِ خدودي
وعليكَ اللهُ صلى قبلَ إيجادِ الوجودِ

هٰذي الصلاةْ
أذانُها يعلو نحيباً من “بلالِك”
هذي الصلاةْ
وفِّقْ لها ولمْ أكنْ أهلاً لذلكْ !


٢/كُلَّما أدخلُ في عالَمِكَ الضوءُ كَوانِي
وأنا الباقي إذا أصبحتُ في حُزْنِكَ فاني
لا أريدُ العيشَ إلا ودموعَ الأرجوانِ
يا جَناني وجنوني فيكَ يا كُلَّ جِناني !

شهرُ البكاءْ
يوزعُ الخيرَ علينا من خلالِكْ
شهرُ البكاءْ
يغمرُني ولمْ أَكُنْ أهلاً لذلكْ !


٣/في معانيكَ يغورُ القلبُ ليلاً ونهارا
ليراكَ “الحيَّ” والدنيا تُعاني الإحتضارا
أنتَ في الطفِّ ولكنْ تَمْلأُ الكونَ انتشارا
أينما يُذْكَرْ حسينٌ تصبحِ الأرضُ مزارا

أنتَ الحياةْ
يا ماءَها بلِّلْ فؤادي من زُلالكْ
أنتَ الحياةْ
ولْترْوِني ولَمْ أكُنْ أهلاً لذلك !


٤/كنتُ ذَرَّاً بِـ" ألا من ناصرٍ "علَّقتُ إسمي
وتعلَّمتُ نشيجَ الآهِ في أحضانِ أمِّي
فإذا ما اشتدَّ عودي والدي حقَّقَ حُلْمي
جَرَّ كفِّي قائلاً "حيَّ على دمعٍ ولطْمِ"

صدقُ الشعورْ
يا مُلْهِمي ينمو وينمو في دلالِكْ
صدقُ الشعورْ
فامنُنْ بهِ ولَمْ أكُنْ أهلاً لذلكْ !


٥/ذكرُكَ الأكبرُ والأوسعُ منْ ستِّ الجهاتِ
كيفَ يجري في فمي وأنا العاصي بذاتي؟!
خاضعاً فارحمْ دموعي فوقَ أُوْلَى العتباتِ
واجْعَلَنِّي قطرةً تسقيكَ يا جُرْحَ الفراتِ !

هذي الدموعْ
تحتاجُها روحي ألا اترُكني ببالِكْ
هذي الدموعْ
هُويَّتي ولمْ أكُنْ أهلاً لذلكْ !



*الشاعر الموفق علي عسيلي العاملي*

رابط قصيدة "إذنُ الدخولْ" :
https://youtu.be/cCdVPUmK70E
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{غريب من دونك}*

حسين وعيونك
غريب من دونك
هواي..غلاي..مناي..ضواي..حسين

اغيب تفگدني
اروح وتردني
قريب..مجيب..حبيب..عجيب..حسين


١/قرآن اشواگي وعشگي حسين المبين
يمحلي  الدنيه  ابعيني   ولون  السنين
اشهد  أن  ماكو  حبيب  إيشبهك  حنين

والعالم بدونك سراب
والكون ابغيابك خراب
وسنين اليعوفك تراب

سلام على صبرك
وحيد واشكثرك
مدود..ودود..وجود..خلود..حسين

ربيت على جودك
اعيش على مودك
اطوف..اشوف..عطوف..رؤوف..حسين


٢/سلطاني حسيني وحاكم گلبي الوحيد
ماعيش  ابكيفي ابكيفك اعيشن اريد
لو موت ابحبك  اموت واصبح شهيد

عودني ابغرامك اهيم
واحرگني ابودادك هشيم
مو هسه عشگتك قديم

هويت واتغزل
حبيب ماينمل
بديع  وديع   شفيع   سميع حسين

وعيت على خيرك
حرام حب غيرك
كريم..حميم..عليم..نديم..حسين


٣/لميت احلامي وشوفي وروحي ابجفاك
على  ناگة  دمعي  امهاجر  للطف  وراك
امغمض  واندلك   حافظ  ريحت  هواك

صحراء وخيامك خضار
بالظلمه  واشوفك  نهار
مو  بالسر  احبك   جهار

اجيك متوسل
عليك متوكل
فداك حمال رضالك علاك حسين


سرور غامرني
عطوف ساحرني
جمال..دلال..وصال..جلال..حسين


٤/اطرق على باب اجفونك وانته الحنون
افتحلي  اعيونك   واذن لي  بالجنون
انه لو ما انته اوياي انه معدم اكون

كلشي ابلا وجودك فناء
وبقربك   لگينه  البقاء
يحسين انته ثامن سماء

انوح لجروحك
اسير عد روحك
بكاء..دعاء..رثاء..رجاء..حسين


ربيع بسنينك
اموت على دينك
امير..مجير..كبير..بصير..حسين

*الشاعر الموفق علي عويز الشويلي*

رابط قصيدة "غريب من دونك " :
https://youtu.be/J24LV4cC6Hk
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{بِنَا ضاقَ الزَّمنْ}*

بِنَا ضاقَ الزَّمنْ
أيا محْيِي السُّننْ
أفي رضوى؟!..لَكَ الشكوى..أغِثْ يا بنَ الحسنْ

١/يا عزيزَ اللهِ فينا..أنتَ يا غيثَ السماءْ
لَمْ يعُدْ في الأَرْضِ قمْحٌ..جاعَ كلُّ الأنبياءْ
أجدبتْ حتّى الأماني..تشتكي طُولَ البلاءْ
لا ترى إلاَّكَ ماءً..فَمَتَى تُدْلي السقاءْ

متى نُسقَى الَمطَرْ
بكفِّ المنتظرْ
هِيَ الكفُّ..أمِ الكهْفُ..أغِثْ يا بنَ الحسنْ

٢/يا حياةَ الماءِ سَقياً..أنتَ يا ماءَ الحيـاةْ
في مَواليكَ تصدَّقْ..يا بْنَ مَنْ آتى الزَّكاةْ
مسَّنا الضُّرُّ وجِئنا..بأيادٍ خالِياتْ
ليسَ فيها غيرُ دمْعٍ..وبهِ نرجو النجاةْ

دموعٌ ساكبهْ
إليكمْ تائبهْ
بها ننجو...وكمْ نرجو..أغِثْ يا بنَ الحسنْ

٣/عنْكَ يا مولايَ غِبنا..آهِ ما أقسى الغيابْ!
وحجبناكَ وبتنا..لا نرى للوصلِ بابْ
سيدي كَرْمى لِرأْسٍ..فوقهُ تبكي الرَّبابْ
بيدِ الغُفرانِ فامْسحْ..كي نرى خلفَ الحجابْ

عسى أنْ نصبِحا
نرى شَمْسَ الضُّحى
نناجيكا..ونبكيكا..أغِثْ يا بنَ الحسنْ

٤/أيُّها الموعودُ نهضاً..إنَّ في الأحشاءِ نارْ
ذابَ حتى السيفُ صبراً..كمْ لَكُمْ ثارٍ وثارْ؟!
مُنذُ يَوْمِ الدّارِ بتُّمْ..ما أقَلَّتْكمْ دِيارْ
كلُّ آبائكَ ماتوا..بينَ بابٍ وجِدارْ

قضَوْا منْ حيْدرِ
وحتَّى العسكري
قَضَوْا عصْرا..مَعَ الزَّهْرا..أغِثْ يا بنَ الحسنْ

٥/رايةُ اللهِ تعالى..لَمْ تزلْ تنخاكَ:أينْ؟!
كُلَّما هبَّتْ رياحٌ..حشَّمتْ مِنْكَ اليديْنْ
وعليها خُطَّ سطْرٌ..بدِماءَ الودجيْنْ
قُمْ أيا مهْديُّ واصْرَخْ.."يا لثاراتِ الحُسينْ"

لخدرٍ زينبي
عَلَيْهِمْ فاغْضَبِ
غدتْ تُسلبْ..مشتْ تُضْربْ..أغِثْ يا بنَ الحسنْ

*الشاعر الموفق علي عسيلي العاملي *

رابط قصيدة "بِنَا ضاقَ الزَّمنْ" :
https://youtu.be/UKIjl02E_Tg
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{ما اعاتب}*

ما اعاتب..حتى لو ما إجاني ولا اگولن نساني
ادري بيه لو..مو عليله خذاني وأول أبنيه اني
تحلى قصة كل عشگ..من نفترگ..ونضل نعاني

١/ابو علي ابو حنيه
قطر ندى على جوريه
نفس نفس مطر اعليه...مكاني متونه
بدفو وعطف لزم ايديه
علَي نزل دفو شتويه
ابو ويحن على البنيه...اقره عيونه

من نومتي معودني...ببوسة ابو يگعدني
انه عليله وحسين...وكت المشي يسندني

وبشعوره..اترف من الحمامه..حضنه رب السلامه
گلبه نورس..گلبي ذاب بهيامه..مي يكطّر كلامه
بحضنه جفني ينطبگ..من نفترگ..ونضل نعاني

٢/اسهرت شمع انه من دونه
تعبت لچن فده لعيونه
اله گلت انه ممنونه
فتره وأذبل
مشه وردت حاجتي منه

خبر حلو لو يجي عنه
الي يرد صدگ اتمنى
مثل الاول
بحضنه چنت من العب..يتعب وميكول اتعب
الله يذيچ الايام..يصلي وعلى ظهره اركب

هذا أبويه..الماكو مثله بحنانه..وسفه خالي مكانه
روحي چانت..چنها ورده بزمانه..تذبّلت من جفانه
كل عصر حيل اختنگ..من نفترگ..ونضل نعاني

٣/صبح مسه گلبي يندبه
الدمع على خدي يكتبه
رحل لچن ابقى احبه
مو زعلانه
مشه وحچه طمني گلبج
الگلب تره يصبره گلبج
كتب الي بنتي احبج
گتله وآنه

ما ازعل اعليه لو راح..صح تارك بگلبي جراح
گلي انتي تعبانة شوك..گتله المهم انت ارتاح

يا حبيبي..خايفه واندعيله..وبيه دعوة عليله
فارگاني..والله اريد اعتنيله..وصدري ابرد غليله
ما برد بس بالشبگ..من نفترگ..ونضل نعاني

٤/شكثر تمر فكر أبالي
اعطشت اظن عطش الغالي
امل الي يگلي تعالي
بماي اركضله
بقلق الم مدري شبيه
احس جمر يچوي اديه
انچوت اظن اختي رقيه
وصعدت هزله

ويلي اذنها ارقيه..تنزف دمه وترچيه
محنيه وگصيرة طول..ما بينت محنيه

عذبوها..وعالجمر ركضوها..من الهزل وگعوها
ويجري دمها..وهذا كله و لگوها..تبجي بس اعله ابوها
تشكي لحسين الحرگ..من نفترگ..ونضل نعاني

٥/حلم شفت خيم وتلهب
وزلم غرب اجت وتنهب
وشفت عدو يصرخ بزينب
وبچه سكينه
على الحرم صب احقاده
وهي بسبي ما معتاده
بچن خجل حرم الساده
بنظرة عينه

زينب احس محتاره..ويسعر گلبها بناره
صورتها مرت عالبال..بگصتها طبع احجاره

آه يزينب..من السبي ومن هزلها..عمتي احمر حبلها
عالهزيله..والشمر ينظرلها..وبيده چف الكفلها
تنادي للكافل صدگ..من نفترگ..ونضل نعاني

*الشاعر الموفق ميثاق الحمداني*

رابط قصيدة "ما اعاتب" :
https://youtu.be/QcdApMKh_Z0
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{خليني اشربك دمعتي}*

عباس وجهك دنيتي
وسبحت صلاتي وتربتي

لا يا خذك مني العطش
خليني اشربك دمعتي

١/عباس چا غيرك منو
يلاگيني بضحكه وهله
عباس لو رحت وعلي
زينب تضل ابكربله

عباس لو حچيك سكت
يطلع السان الحرمله
عباس لو عني غبت
اتيه من اديه العايله

ضل يمي احلفك بالسهر
مو اعز من عندي النهر

لو رحت زينب تنعمي
وتكسر للحسين الضهر

٢/عباس من ترحل تره
الخيمه اعله زينب تحترگ
اگصار چفين الشمر
وبغيابك اطول وتطگ

لو حطله جنحان الطفل
بالسوط باچر ينلحگ
چفين اديه الربتك
تقبل يكافل تنشبگ

لو طاح ياخويه العلم
تطلع بناتي من الخيم

لا تمشي لن عالمشرعه
محضرين لعيونك سهم

٣/لو رحت ويطبنه الخبر
ذبحوه سبع الگنطره
من مستحاي من الزلم
ما أگدر اركضلك تره

وحسين عگبك ينطعن
اثنعش طعنه ابمنحره
ثمانين طفله ابلايه ابو
تخليهم ابرگبت مره

وفرحان ويصيح العدو
حسين ضل ابلايه اخو

يالشوف وجهك عاطفه
يحسسني عندي ام وابو

٤/وياك اخذني بجربتك
لو بين صدرك واللوى
حته السهام إلي تجي
بضلوعنا ينبن سوى

چي مثلي ماعدها اخو
حسدتني يمكن نينوى
وتسمعني اصيح من اختنگ
جيبولي عباس الهوى

عباس لمن تنذبح
يبدلون طولك بالرمح

وحسين بخلافك تره
مايصبح اعليه الصبح

٥/احسين گلبه بغيبتك
بسهم المثلث ينرمي
بنيات حماي الحمه
ادور حمه وماتنحمي

ويضيع درب المشرعه
بدخان الخيام انعمي
ينشف اعيوني من الدمع
الله ينشف العلگمي

حسين اعله رمحه منتچي
ويابس اعله السانه الحچي

من رحت ذب اعمامته
وبلل لحيته من البچي

*الشاعر الموفق علي عويز الشويلي*

رابط قصيدة "خليني اشربك دمعتي" :
https://youtu.be/BqPpdLRMG90
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{أطلب نظرته}*

لتظل تناشد ع الدرب وين
امشي اويه مسلم تندل حسين
اقرا بقصته شوف المنكتب
اطلب نظرته لو رايد تحب

١/بزقاق الكوفة مسلم خله مفتاح
يفك باب الغرام وعشك الارواح
ماتعرف تحب لو ناوي ترتاح
ركض بالكوفه مسلم لحد ماطاح

كون:بحبيبك تنشغل..شما بعدك عدل..لحد ما تنكتل..كون

كون:بعذابك تبتسم..نهارك بي حلم..بمصيرك ما تهم..كون

الما شاف غربه وعاش مخذول
مايوصل بغرامه وأحب ليكول
الحب لليهد مو للينسحب
اطلب نظرته لو رايد تحب

٢/اذا ما تنطعن وتعيش مغدور
معناها خلل بحساسك يدور
مو دوم النهاية بأخر اسطور
مسلم بالنهاية افتتح عاشور

عيش:وحيد بلا عدد..يصير الحب مدد..الّكه حسين اشفقد؟..عيش

عيش:اخذ مسلم مثل..بصحره الحب رحل..يدور ع الأجل..عيش

الحب هذا عجيب وعنده حالات
اليعيش ابلا عشك صار امنل اموات

الماعايش جمر ليفكر يشب
اطلب نظرته لو رايد تحب

٣/مسلم ينجرح من يسمع اخبار
من نحجي بغربته وبُعد الديار
من يمته الحُسين ومو وطن صار ؟!
اليحب يسكن غرامه ويترك الدار

دوم:اليحب ماله وطن..ولا يبقى بسكن..كلشي وبي ثمن..دوم

دوم:يخلصهه بسفر..مثل ماي النهر..ولايوم استقر..دوم

حتى السيف عاشك روحو شوفوه
من يعوف بيته يبيض اوجوه

غربه البعشك موطن تنحسب
اطلب نظرته لو رايد تحب

٤/اذا تعطش ابديرة وناسها انذال
احفر نهر حبك انته بالبال
ماي ابلا حسين يعذب الحال
العطش وي الحسين تكول شّلال


مات: العاش بلا عشك..نبض مابي يدك..وحك الله وصدك..مات

مات:الما جاسه الذبح ..ولا بي كل جرح..اختصار الكل شرح..مات

خليها اعله بالك هاي الاوصاف
اليحب حسين كون ايفطر الشفاف

لو حبك ذنب موت اعله الذنب
اطلب نظرته لو رايد تحب

٥/حتى الحفره بالحب تنعش الروح
حفروها لمسلم رادو يروح
ابتسم مسلم وكال بعز الجروح
الحب حفرته اتوّصل للسطوح


صار:على سطح القصر..العلو طبع البدر..مثل راية نصر..صار

صار:باب اهل الهوه..طريق النينوه..ضوه الماله ضوه..صار

عشك مسلم خبر بالكوفة ونذاع
اثاري النزل للحب يصعد بساع

لاهل الحب لوُن رايد تنتسب
اطلب نظرته لو رايد تحب

*الشاعر الموفق حسين طالب السماوي*

رابط قصيدة "أطلب نظرته" :
https://youtu.be/TyFFXZ1dPxI
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{ما قصر أخوي}*

بعيونه..ضل السهم
بعـيـونه..وصد للخيم

يمه ماقصر اخوي
يمه ماقصر اخوي

١/يمه ربيتي زلم تسوه الحچي
غالب الوادم اخوي ومنتچي
سيفه يضحك والرگب شبعت بچي

سیفه مثل عیونه
يذبح يشوفونه
رایته عله امتونه..حي الله عباس

بسیفه وبخزراته
چن علي بطبراته
يرهب بصولاته - حي الله عباس

عله امتونه هيبه وعلم
بعيونه‌ وصد للخيم

٢/ماشلت راسي السمه وعندي گمر
قبل بلعت ریجي مد روحه نهر
زلمه خله حسين مكسور الظهر

زلمه موش احچايه
الراي بالطف رايه
ومايهد الرايه..حي الله عباس

الجيش صار بكيفه
يمنه يسره بسيفه
من عـلي تكليفه..حي الله عباس

خيعونه العاش وسلم
بعيونه وصد للخيم

٣/أنطه عمره وما نطه الزينب گفه
الجيش خابط چان والكافل صفه
گتله عطشانه وصفگ بايده أفه

بت علي عـطشانه
طگ عرج باخوانه
كف زلم واردانه..حي الله عباس

مايهم لجروحه
حسين اخوه وروحه
ألبعيد ايلوحه..حي الله عباس

يلاگونه..وچنهم عدم
بعيونه..وصد للخيم

٤/بجال اخوي امدلله وسود العبي
دگلي صدره وگال أخيتي بشاربي
براسه يمشي وياي حتى بالسبي

عالرمح ونشوفه
يلوي دون اچفوفه
زلمه تچوي حروفه..حي الله عباس

مخورس العياله
نمشي زود بجاله
خافو من اخياله..حي الله عباس

ممنونه..يمه ونعم
بعيونه..وصد للخيم

٥/ابو فاضل چان اخوي وكل هلي
راح عني وصرت اگوم بيا علي
مو الماي الـغيم سهله يجيبه الي

لو طلبت الغيمه
تجي اباب الخيمه
ماي گاصد هيمه..حي الله عباس

المـايدنك راسه
الماي گام وباسه
چان اخوه انفـاسه..حي الله عباس

يسمونه..راعي الشيم
بعيونه..وصد للخيم

*الشاعر الموفق حيدر العماري*

رابط قصيدة "ما قصر أخوي" :
https://youtu.be/4_CeOhpWpFA
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖

*{ملك الوفاء}*

ملك الوفاء الى الابد
وبنى الخيام بلا عمد

أريدن للمدينة إتوصل الصوت
وانته اتصيح اهلا بيك ياموت

فداء للحسين

١/ودعته وگلتله احسين مولاك
بحماك تموت وهو ناجي
لو حكم الخليقه وتاج الاملوك
ينطوك.گول ام عون تاجي
اليحسبها ييمي الدنيه شطول
اتزول...بس حسين باقي
هنيئا الك حب الزهره علاك
خلاك لعيال الله ساقي

بظلام الليل خل يمشي اعله ضيك
ومن حر الشمس يگعد ابفيك
رفعة راسك ابخدمة اخيك...يوليدي

ولدي الكفيل احله الولد
اعتنق الحسين دين الخلد

شلك بالعين كون احسينك يشوف
وكون الخدر سالم گطع الچفوف

فداءآ للحسين…

٢/اريدن زينب اختك رغم الاجراح
ترتاح...لو شافت اخوها

اريدن بالمحنه توصفك اتحير
وتصير...بالطف مثل ابوها

ضهر خيمتها كون ايرجف الاگلوب
مكتوب فنكم توصلوها

ويمها انته واخوتك اوگفو سور
من نور...اوسطكم وگفوها

زغير اوناغتك يبني ابنبضها
وعلى گلبك تحط چانت گلبها
گمر ماصرت لو ما شمس حبها...يوليدي

تشتم هواك وتگول أبد
مثلك حنين ماكو بعد

مد يمناك يبني وگودها ام عون
وبيسراك حارب واگلب الكون

فداءآ للحسين

٣/بقنوتك گول ربي ذني چفين
لحسين...اوفي الخوه بيهن

وخواتك من يحشمن من تجي الخيل
ابليل...لو ميت تجيهن

تدنگ يم اثرهن تمسح الگاع
ابساع...من حرصك عليهن

ابشمس الصحره لمن يمشن اوياك
بلواك...في سوي عليهن

يبني مو مهم تخسر حياتك
الاهم تربح رضا الزهره وخواتك
بنات احسين اخيك هم بناتك

انا ادري بيك يبني كفو
الهن تصير عم وابو

لو شاف الگمر عالمشرعه ايطيح
يم العرش حيدر تسلم ايصيح

فداءآ للحسين

٤/گبل لايطلع من حسينك الصوت
للموت...توگف ترفع ايدك

مو بس للعطاشه توفي الاوعود
عالجود...كون اتحط وريدك.

گدامه تدنگ رگبتك هاي
مولاي...انا ازغر عبيدك

احلف بيه يبني گبل لتروح
مذبوح...گبل احسين اريدك

تموت انته برضات احسين اعرفك
وتهاجرله وتخلي الدنيه خلفك
وتنزلك سماء تبوس چتفك

نحو الحسين لو هاجرت
مهما غروك لا تلتفت

اردين لحد موتي اتگولها الناس
شوف الحرمه هاي انطت العباس

فداءآ للحسين

٥/تطب يوم القيامه فاطمه انشوف
بچفوف...على اجموع الغفيرة

تنادي بالحشر ذني العظيمات
مالات...عباس ابو الغيرة

عطر هاي الچفوف ايريح الانفوس
وتبوس...بديك اشگد چبيرة

ومحمد والرسل كلها اتلگاك
حياك...ياگمر العشيرة


تگلهم شوفو هذا البين اديني
الاطالب بي گبل منحر حسيني
حسين وحسن ولدي وهو عيني

يوم الطفوف چان الآحن
فوگ الچتاف شال الضعن

يقاتل وانا اصيحله علي وياك
شكرا لله ياعباس خلقاك

فداءآ للحسين


*الشاعر علي عويز الشويلي*

رابط قصيدة "ملك الوفاء" :
https://youtu.be/uiDQap0vTGQ
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://www.tg-me.com/القصائد المكتوبة للملا عمار الكناني/com.ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://www.tg-me.com/alkenanyammar
➖➖➖➖➖➖➖➖➖➖➖➖➖