🎙📌قصيده ثكيله رجاليه لسان حال مولاتي فاطمه عليها السلام لهلال محرم الحرام

المستهل 👇🏻👇🏻

جرحي ينزف لسه بيه
على امصاب الغاضريه
من يهل اهلال عاشور
مدمعي عالوجن منثور
لزينب الراحت سبيه
وللبقه فوك الوطيه

➖➖➖➖➖➖➖

شيعتي ينزف بعد لساعه ظلعي
ومابطل فد يوم من الحزن دمعي
من يهل عاشور يبدي اعليه جزعي
الطم اويه الي يلطمون
واعمي بالمدمع هالعيون
عالولد ونتي خفيه
للبقه فوك الوطيه

➖➖➖➖➖➖➖

حزني يشتد لو ذكرت ابني العطشان
واذكر الخيل الي لعبت فوكه ميدان
كسرو اضلوعه وبقه بكل كتر نيشان
حزني يشتد ابهالمصاب
ازيد امن امصابي بالباب
زيد الآمي عليه
للبقه فوك الوطيه

➖➖➖➖➖➖➖

افتر واحظر مجالس والزم الباب
لو نعه الناعي اون والدمع سجاب
الطم اعلى اوليدي الظل اعله التراب
اموذر اوليدي عله الكاع
بخيلهم مطحونه الأضلاع
ابجي كل صبح ومسيه
للبقه فوك الوطيه


➖➖➖➖➖➖➖

احظر بكل المآتم انصب اعزاي
وبالعزه تكابلني زينب تلطم اوياي
نلطم اعله الماتو وماشربو الماي
اويانه تلطم هالمحبين
بالعزه مصفوفه شطرين
ادموعي لو لطمو جريه
للبقه فوك الوطيه

➖➖➖➖➖➖➖
مايبطل دمعي اليوم القيامه
ابجي اعله امصابه ولهاي الظلامه
بالحوافر رضرضو ابني اعظامه
وراسه فوك الرمح مرفوع
الخنصر امن اوليدي مكطوع
كفر ماعدهم حميه
رضو اضلوعه الزكيه

➖➖➖➖➖➖➖

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى مولاتي فاطمة الزهراء والسيده الزينب عليهم السلام🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي عملي هذا هديه صاحب الزمان عج والى روح ائمه  الطاهر وصدقه جاريه الى  روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام

https://www.tg-me.com/القلم الحسيني/com.amAli30

قصيده لأخوة العباس عليهم السلام
تقرأ مربعه
ــــــــــــــــــــــــــــــــــــــــــ ـــــــــــ
المستهل 👇👇👇

وكلهـم زود/ والله خوان عباس
واحدهم سبع يـــنشال عل راس
ــــــــــــــــــــــــــــــــــــــــــ ـــــــــــ
كلهـم زود وكلهم حميــــــه
معروفيـن غيـره والأبيـــــه
ربتهم اصيـله أربـات نشميه
واحدهم سبع للغيره مقياس
ــــــــــــــــــــــــــــــــــــــــــ ـــــــــــ
وصتهم بزيـنب كلهم امجاد
هـاي مخـدره ختكم يلـولاد
مراجل حيــدره يايـمه تنعاد
صيــرو بالأخوه الها نوماس
ــــــــــــــــــــــــــــــــــــــــــ ـــــــــــ
هاي الروح لحسيـني تضحوها
وانفــــسكم ييــمه لاتغلــــوها
لبن المصطفى يولادي رخصوها
بيـــــــكم كون يـمه ارفع الراس
ــــــــــــــــــــــــــــــــــــــــــ ـــــــــــ
اذا طبـو حرب انتصرو بسـاع
ابوهم حيـدره جاكلهم اسبـاع
بس عباس لوطب يخسف الكاع
سيفه بيــــمنته والدرع والطاس 
ــــــــــــــــــــــــــــــــــــــــــ ـــــــــــ
ويوم الطف صدگ ظل يشهدلهم
ابطال وبـــالزلـم ماكـــو مثلهـــم
ظحـو للأخــــو كلــــــــه عمرهم
اخونه حسين فوگ الراس ينباس
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين  غير مبري الذمه من يحذف الأسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/القلم الحسيني/com.amAli30

قصيدة للام اهداء لفاطمة الزهراء ع
ثگيلة بعنوان [ ليلي يخنگني ]💔😭

ليلي يخنگني وصورهه عذبتني
امي شالت يا خلگ وسفه ونستني
الشيله ظلت والصور
وهيه راحت للگبر
بغربة صرت بدنيتي من فارگتني
❥ـــــ✪★ـــ☆☆ـــ✪★ــــــ❥
امي خلتني بهضيمة وين شالت!
صعبة حيل الفظهه چلمة امي ماتت
الشيله من الخنگه ليه نفس صارت
عيشتي اعله الشيله بس
وذكريات امي امس
ترجـع  امالي  الي  لو  سامرتني
❥ـــــ✪★ـــ☆☆ـــ✪★ــــــ❥
اهدومهه ظلتلي اشم بيهه و اونن
دموعي عالصوره بقهر بالليل هلن
وحشه حيل بعيني مو تدريني احنن
تدري بگليبي حنين
انگطع من الونين
اتمزگ الشريان ع اللي ما خذتني
❥ـــــ✪★ـــ☆☆ـــ✪★ــــــ❥
اعليهه أذاني اليتم لاچم جروحي
صحت يمه بصوتي و ابآهات نوحي
حالتي ياحاله صرت ابجي اعله روحي
حالي ابد ما ينوصف
جرحي مايوگف نزف
الذكريات الحلوه ويلي لاچمتني
❥ـــــ✪★ـــ☆☆ـــ✪★ــــــ❥
ريت ترجعلي و ابوسن جف اديهه
امي ام روحي يمن فدوه لحجيهه
فرفح گليبي وراها ابجي عليهه
دربي ماشوفه گمت
غوشت عيني انعمت
رايي تاه و موتت امي دوهنتني
❥ـــــ✪★ـــ☆☆ـــ✪★ــــــ❥
ضدي كلشي ودنيتي ماهي رحيمه
اخذت امي للگبر هـٰذي جريمه
تعوفني مهظوم گلبي بعوز خيمه
روحي سَلتها العِلل
وجنهه مخنوگه بحبل
الدنيه حرمتني العزيزه وحاربتني
❥ـــــ✪★ـــ☆☆ـــ✪★ــــــ❥
#الشاعره المله هاجر الزينبية
اسألكم الدعاء 🙏
https://www.tg-me.com/القلم الحسيني/com.amAli30

مسيت العافيه يحسين ولو يا عافيه الضلت
من ذاك العصر ياذاك تدوس الخيل ماملت
عشره الخيل وانت وحيد بجسمك كلشي ماخلت
الماخذ خنصرك يحسين عساه جفوفه النشلت

صار الليل خويه حسين وطبع الليل حيل اظلم
اجيتك شايطه من التل ولا خيّر اليتحشم
انعم الله الريحتك يحسين دلتني بمچان الدم
الم بجسمك المسحوك خويه وياي ما يلم

خويه حسين صار الليل وتانيت الزلم يمشون
وجيتك يا حنين الروح اشبكنك دگلي شلون
انه محركه الچفين وانت بكل كتر مطعون
انت السيف اخذ نحرك وانا السوط اخذ المتون

خلفله اعلى ذاك الليل ستر بالهيمه صارالي
يكون الكاع عدها السان وتحجيلك على حالي
الركض مو لام عمر خمسين والايتام تبرالي
لا وادم التسوه اعتاب لا صيوان ضلالي

يمك ما لكيت رسوم حرمه الكيت محنيه
خويه حسين راح الشوف التنوح حذاك ياهيه
التحت شيلتهه جابت ماي تشرب نحرك اميّه
ساعه تصيح يامذبوح وساعه احا يمسبيه

للشاعر عبدالخالق الحريشاوي

https://www.tg-me.com/القلم الحسيني/com.amAli30

لطمية للأيام الاولى من محرم (شيعتي ياشيعتي)


شيعتي .. ياشيعتي .. ياشيعتي
من يهل عاشور اذكرو ذبحتي


صوت ابو السجاد ياشيعه يصيح
من يهل عاشور اذكروني ذبيح
مايضل ينشال كل واحد يطيح
وانه بالميدان ضلت جثتي
شيعتي .. ياشيعتي .. ياشيعتي


ضل ثلث تيام نعشي بكربله
امگطع ومشمور محد غسله
عيني مشبوحه وتصد للعايله
بين خيل ونار ضاعت عيلتي
شيعتي .. ياشيعتي .. ياشيعتي


بين نار وليل وخيول العده
شافت اعيالي عذاب الماسده
والزلم كلهه ضحايا امدده
خلصو انصاري وصحبتي واخوتي
شيعتي .. ياشيعتي .. ياشيعتي


خلصو انصاري واخوتي والشباب
وزينب تنادي يبو اليمه بعتاب
وانه بس جثه رميه اعله التراب
اشلون اگومن والشمر حز رگبتي
شيعتي .. ياشيعتي .. ياشيعتي


اشلون اگوم اشلون اروحن للخيم
گلبي ياشيعه توذر بالسهم
صدري من رك الحوافر ماسلم
وبالحجر طبرو جبيني وهامتي
شيعتي .. ياشيعتي .. ياشيعتي


طبرو الكفار راسي بالحجر
كل عظم بيه تهشم وانكسر
وين تمشي ام عون شبعانه قهر
تگلي يبن امي جبتلك دمعتي
شيعتي .. ياشيعتي .. ياشيعتي


تگلي ماضل ماي هاك اشرب دمع
اتدور اضلوعي ولاشافت ضلع
حگهه زينب من تون وتنفجع
وحگهه لو نادت مصيبه امصيبتي
شيعتي .. باشيعتي ..ياشيعتي


لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://www.tg-me.com/القلم الحسيني/com.amAli30

موشح لمصرع الأمام الحسين عليه السلام (وين راس حسين)


وين راس حسين وين ضلوعه
الله واكبر صاحت المفجوعه


راس ابو السجاد ماهو وخنصره
جوه الخيول الضلوع امطشره
وين ابو الحسنين وامي الطاهره
خل يشوفون العده مجموعه
وين راس حسين وين اضلوعه


خل يشوفون الشماته امجمعه
خل يشوفون الفواطم ضايعه
خل يشوفون الجنازه امگطعه
والجروح امكشفه وموجوعه
وين راس حسين وين اضلوعه


ضلت اجروح الغريب امكشفه
النار شبت والفواطم خايفه
عيني مشبوحه عله ازنود الوفه
عالشريعه امطرحه ومگطوعه
وين راس حسين وين اضلوعه


عالشريعه اچفوف اخوي امطرحه
عيني ماينشف دمعهه وشابحه
وين اروحن وين اسوي الفاتحه
والمناحه واللطم ممنوعه
وين راس حسين وين اضلوعه


منعو اعليه المناحه واللطم
گلبي يحمل يامصيبه ياهضم
ضل علي السجاد بس جلد وعظم
من يباوعلي تهمل ادموعه
وين راس حسين وين اضلوعه


بس يباوعلي تخنگه عبرته
امچتف اوجعان صعبه حالته
من يتچيله وضحايه خوته
اگباله جابو روسهم مرفوعه
وين راس حسين وين اضلوعه


جابو العدوان روس اعله الرماح
مايعن گلبي ولاساعه استراح
ضل علي السجاد مكسور الجناح
والسلاسل عالضهر مطبوعه
وين راس حسين وين اضلوعه



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://www.tg-me.com/القلم الحسيني/com.amAli30

وبشر الصابرين الذين اذا اصابتهم مصيبة قالوا انا لله وانا اليه راجعون.

عن أبي عبدالله(ع) قال: إذا مات المؤمن الفقيه ثلم في الاسلام ثلمة لا يسدها شئ.
انتقل الى جوار ربه بعد عمر حافل في العلم والمعرفة والجهاد اية الله الشيخ علي الكوراني العاملي
لاحول ولا قوة الا بالله العلي العظيم

إنا لله وإنا إليه راجعون.. البقاء لله

التصميم هديه من المله ام محمد❤️

#العاشر #المقتل
#هوسات
طور : سحگته الخياله
.
.
گبل الذبح ويلي اضلوعه داسوهه
وچم مره عليه الخيل ردوهه
وچم مره عليه الحره فجعوهه

وكسرت اضلوعه
كسرت اضلوعه
*( كسرت اضلوعه .. وصلت للمخيم )* (١)
.
.
مطروح الولي واعظامه متكسره
ويلي والشمر گاعد على صدره
طبر نحره يويلي بثنعش طبره

ذبحوا احسيني ..
ذبحوا احسيني ..
*( ذبحوا احسيني .. يا يمه يزهره )*
.
.
ذبحوا خويه يمه وخمدت أنفاسه
وشالوا عالرمح يم الحسن راسه
بحافر خيل يا يمه العدو داسه

فتتوا لحمه ..
فتتوا لحمه ..
*( فتتوا لحمه .. يمه بالحوافر )*


ياحسين 💔
آجركم الله يا آل محمد
____
#فاطمة_كريم

(١) اقتباس من قصيدة الملا عبدالحسين الزيرجاوي


https://www.tg-me.com/القلم الحسيني/com.amAli30

#جديد #التطبير
#فزاعية
.
.
خليني لجل راسك
راسي اليوم يتطبر

ليك اليوم يحسيني
اطبر راسي خليني
يا روحي ونظر عيني
خله دمي يتفجر

خليني انوح اليوم
وأطبر راسي يا مظلوم
يا عطشان يا محروم
ويالحزوله المنحر

يالذِبْحوهم اعيالك
ذبحوا حتى أطفالك
يا بو اليمه شنسى لك
ومنك كل جرح أكبر

كل اجروحك إنته اكبار
يالمثلك ذبح ما صار
انوحن ليك ليل انهار
يا هو اعليك يتصبر !

ياللي اعليك بس همي
خل أجري إلك دمي
اعز من اهليِ او امي
وكون اگدر بعد أكثر

كون افدي إلك نحري
وادمومي إلك تجري
إنته العندي بس تدري
أحبك يا أبو الأكبر .
__
تمت ببركات قطيع المنحر مولانا أبا عبدالله الحسين عليه السلام
#فاطمة_كريم
٢٠٢٢ م

https://www.tg-me.com/القلم الحسيني/com.amAli30

هوسات للقاده اليرانين



ضراع العارك اسرائيل وسفه الموت يدناله
الشيعه صبحت عالقاده حزنانه
هذوله موش ياهو الجان ذولي رجال عياله

*((على القاده /حزنانه الشيعه))*


رجال الدين ذول وسند للمذهب
شالو ياحسافه الصيتهم يرهب
علينه سومهم ياموت وشتطلب

*((اطلب يالبين ونشريهم ))*

حسافه اتشيل هيج رجال الهيابه
موش الكم يقاده نوم. الترابه
صبحت ناركم بالكلب لهابة

*((شلون تشيل ازلام المهيوبه))*


الهم صيت ذول ارجال دهريه
هذول بموتهم فرحت بني اميه
والشماته امعيدة والبعثيه

*((الشالو ذول/ من الشيعه))*



العلويه ام اياد لايجوز حذف الاسم

https://www.tg-me.com/القلم الحسيني/com.amAli30

هوسات لفاجعة قادة ايران


صبحنه الصبح والصدمه عشناها
ارجال البيها غيره مالكيناها
بس الفاجعه هليوم شفناها
ارجال التكضي الكلفه / نامت بالتربان

•───✧◐◐✧───•

بالتربان نامت زلم الهيابه
وسفه اعله النشامه تنام بترابه
وكلوب التحبهم نار لهابــه
ارجال الدين اليله / تون وتنوح اعله القاده

•───✧◐◐✧───•

مااكول المشو من دولة ايران
اكول الساده اصلهم ال عدنان
عمايمهم السوده تصير عنوان
يلوك الون علساده / والچادر نصبو

•───✧◐◐✧───•

نعزي چبيرهم والقائد العام
علي الخامنائي برمز الأيمام
مكسور لفكدهم كسرة ايتام
مصاب اللاح السيد / أثرحيل وحز بينه
•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

نعي لقادة الدين والمذهب

قادة ايران الشقيقه 😭😭

شالو اليوم اهل الديانـــه
ومصابهم كلش اذنــــه
ارواح ضحو للأمانـــــه

•───✧◐◐✧───•

واجب الشيعه تحزن اليوم
قاده المشو نصرو المظلوم
اصحاب الرساله وهذا معلوم

•───✧◐◐✧───•

ضحو مثل انصار الحسين
حكها عليهم تدمع العين
اصحاب حك وحيل طيبين

•───✧◐◐✧───•

شالو يلبيهم كفايــه
يلوك الحزن الهم هواايه
والموت شاريهم شرايـه

•───✧◐◐✧───•

السيد تلوك عليه الونــه
واحتار شحچي اليوم عنه
بصوته يدافع عن وطنـه

•───✧◐◐✧───•

هــذا وكتنه يريد قـاده
الهم ترى تلوك السياده
وسفه الوكت بيهم تراده

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة لشهداء قادة ايران

{ اليوم مغربين }

اليوم مغربين اسباع الحدود
واحدهم شجاع اليوم مريود

•───✧◐◐✧───•

شجعان الحرب وسفه يموتون
والسيد عليهم حيل محــزون
شالــو ياحسافــه ومــايردون
{ القوه وياهم / شالوها }

•───✧◐◐✧───•

بساع بساع شالو قادة النيبه
والدوله عليهم صارت بريبه
شال چبيرهم هاي اكبرمصيبه
{ اليوم الشالو / فجعونه }

•───✧◐◐✧───•

خبر موت الحيادة اليوم أذانه
والدنيه عليهم غدت حزنانــه
مثل يوم ابو مهدي صار ويانه
{ نذكر هليوم / سليماني }

•───✧◐◐✧───•

تلوك عليهم الونه وعراضات
هذوله ارجال نيبه والمهمات
ماننسه ذكرهم ابد هيهات
{ يايوم القاده / مأذينه }

•───✧◐◐✧───•

هذوله الردو العدوان باليل
داعش ماكدرهم لا اسرائيل
كفو ونعمين منهم شدو الحيل
{ عدوان الهجمت / خلسوها }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

اصدارات الشاعرة هذه السنه
👆🏻👆🏻👆🏻👆🏻

سيتم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

https://www.tg-me.com/ahzan2018

https://www.tg-me.com/ahzan2018

{ دعاء نهاية المجلس }

من ديوان #مواجع_الزهراء

اعوذ بالله من الشيطان الرجيم

بسم الله الرحمن الرحيم

اللهم اني اسألك بفاطمة وانت فاطر السموات والأرضين وبعلي وانت الأعلى
وبالحسن وانت قدير الأحسان

الهي بفاطمه وماجرى عليها من الألم والمصاب عجل لوليك الفرج ياالله

الهي بالحسين اشفي صدر الحسين بظهور الحجه ياالله

الهي بضلعها المكسور وخدها المسطور شافي وعافي كل مريض
ولا سيما المنظورين

الهي المجلس امانه عند فاطمه ينفعنا يوم المحشر ياالله

المؤسسين والحاظرين اللهم اقضي حوائجكم ويسر وسهل امورهم شافي مرظاهم وارحم موتاهم ببركة الصلاة على محمدوال محمد

اللهم عجل ثم قرب يالثارات الحسين

اَللّـهُمَّ كُنْ لِوَلِيِّكَ الْحُجَّةِ ابْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً .. برحمتك يا أرحم الراحمين وصل اللهم على محمد وال الطيبين الطاهرين

الفاتحه قبلها الصلاة على محمد وال محمد


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313