ابيات ابو اذيه
مشه وللخيم جنه مايه الحسين
وشوفنه بمشيته مايل حسين
يهل وادم اريدن ماي لحسين
كبل لا توصله خيول ال اميه
..........
خادم وانه نفذ مايمر بي
انه المتروي ريجي مايمر بي
اتمنه حسين اصيرن ماي امر بي
وبرد جبدته التسعر اذيه
.....................
نكسر ضهره وتوادع وي هله حسين
وجان الجيش كله وي هله الحسين
دمع فاض عله زينب ويهل حسين
رزايه بگد تراب الغاضريه
.............
رحل عني ومجدره صفت داره
اخوي حسين اليه شكثر داره
شمدير العين ليه الراس داره
وهو فوك الرمح ويحن عليه
.............
سهام الصابن الجوده جفنه 
وفوك الشاطي ظل طايح جف النه
يصيح تراب يازنيب  جفنه
وغسلنه ابفيض دمنه عله الوطيه
...............
المهر خالي عسنه مايه ريته
ودمع بعيوني ماظل مايه ريته
نكلب كل شبر الطف ماي ريته
ويبرد جبدت اسكينه ورقيه
...................
بضوه عباسنه منوره تره اسماي
الخدر والعفه والتقوه تره اسماي
ياهو المثل ابو فاظل ترس ماي
ضامي وماشرب من كبل اخيه
.........
دمه عيوني عله فكدك يرنه
بحبل خويه الكطع جفك يرنه
مشينه ونضر شماتك يرنه
من اريد انخاك جاب الراس اليه
...............
اطفي هاي بيه الدهر وي هاي
وبرداني اغطي كمت وي هاي
الي عتبه يكول الشمر وي هاي
شتمني وفرج الوادم عليه
................
شحده الجيش بالطف يرعب الجن
وياهو الكال زلمه ير عبي الجن
لخلي الملك بيهم يرعه ابلجن
وخلي القاده خدام الرقيه
٠٠٠٠ ٠٠ ٠٠٠٠
دموعي نزلن وشامت يراهن
علي بتمن صفه المجلس يراهن
الشدهن بالحبل عمده يراهن
جفوفي وصاح هاي الخارجيه
..............
خادم اهل البيت ع
فلاح طالب الماجدي

( أبو ذيه ) نعي إلى العقيلة زينب عليها السلام



طشني الدهر باحزانه ولم باي
وهم حسين حوطني ولم باي
اجيتك ابره لظعوني وألم باي
أدور إخواني أصحاب الحميه


يوم العاشر ودهري جفاني
تهل حسره على إخواني جفاني
يريت وكون متفصله جفاني
عليه ولاشفت ذيج المسيه


الدهر ياحيف لخواني ولاهم
وسلط شمر بضعوني ولاهم
يريت الموت صوبني ولاهم
يصوب زينب وروح الزجيه


من الهم ذبح أبو اليمه كفلنا
واخيي ظل عالشاطي ال كفلنا
غرايب بينهم محد كفلنا
ولا واحد كفل ضعن الزجيه


محمد يارسول الله ولونه
اعداك وضيعو دينك ولونه
لون حيدر حظر زينب ولونه
اجه لحسينه ما أصبح سبيه


محمد دعبل النوري

نعي مفجع
مولاتي زينب والعلّويات

بـاچــر يـعـمــه شــدن احـزام
سفره بـعـيـده سـفـرت الـشـام
بـعـده الهضـم والضيـم جـدام
نـشـبـع مناحـه ابـطـول الأيـام


تــدرن يــعــمــه راح عـمـچــن
يــم النـهــر ضـل الـكـفـلـچــن
هـاي الـهـزل هالجـابـوا الـچـن
كـلـچـن تروحن سبي كـلـچـن


ســوگ الــغــرب لـمــن نــطـبـه
وتـفـزع عـلـيـنــه نـاس غـربــه
اتسمعن حچي وشتـام صـعـبـه
وسيـل الـدمـع غـصـبن نـصـبـه

                                         *---------------*---------------*

✍خادم السيده زينب (ع)
الشاعر رعد الجريخي

#ابوذيات

لمولاتي ام البنين روحي فداها

تنام المِسعده يمها .......... وِلِدها
وانه المتوذر اعله الشط .. وَلدها
اويلي او أشد من هاذه .... والادهى
راسه اعله الرمح جابوه اليه ......

چاره اعله الصبر مامش ...  ولا حل
او بعد لا عافيه عندي ...... ولا حيل
الخيل اترافس ابصدرك .... ولاح ال
حافر بالگلب سوده عليه .......

العمر وياه لو بيدي ............ لجسمه
و أكعّ الخيل ما توصل  ...... لجسمه
جسمي خل يوذرنه     ..... لا جسمه
اشحلات الموت دون ابن الزچيه  ....


ابو فاطمة الطائي

((ام البنين عليها السلام))

شحـــــلاة الولد من يروح لما
وگلبي بغيبته چـــم هضم لما
أنه اعتازيت ابو السجـــاد لما
گرب موتي ودنت مني المنيه

حيدر بشار الدراجي

ابوذيه

وداراك

الوكت مافــــد يوم عــــاين لك وداراك
ابنيتك تصــــــــــــرخ من الهظم وداراك
مريض ابلا رحــــــــــــــــــم فرك ودارك
مـــن سجن السجـــــن ياابن الزجـــــــيه
***
شاطي المالكي

صدك بيه المصايب لوج  لاجن
حنن ضهري بكثر ما علي لاجن
ردت اصرخ وصيح بصوت لاجن
خفت شمات تسمع صوت اليه
.
جذب من كال شافولي خيالاي
اشلون اطلع وابو فاضل خيالاي
بضلام اهدعش من اكبل خيالاي
تلكيته وطلع حامي الحميه 
.
.
حسن صالح العيساوي
یوسف الزهراءع 💔
قناة أّئمًةّ أّلَبًقُيِّعٌ