انا حرفيا بحب تسابيح دي شديد لانها غير انها ناجحه وخطيره هي بتعرف كيف تستمتع باللحظه ، بعد ما كنت خلاص مقرره اصبغ شعري وكنت مليانه حماس ، جيت في لحظه كده يأست وقلت ليه وقعدت اقلق واقول حخرب شعري يمكن.مايطلع حلو يمكن ويمكن بس حقيقي هي الحياه عباره عن لحظه ،وحتى لو قرارك القررتو بإندفاع كان غلط وين المشكله؟.ليه لازم نصعب اي شي وندرسو دراسه عشان نعملو؟ مع انو اكتر الحاجات الحلوه بتجي لما نعملها بدون تفكير صح؟

غايتو يا جماعه في الفتره دي انا ما اظن في زول بعاني نفسيا قدري والله 😂💔

بنات انا شكلي بديت اتراجع من.اني اصبغ شعري🥺🥲💔

تعالو طمنوني لاني عايزه وفي نفس الوقت خايفه🥲💔

مساء الخير ❤️
بنات ، هل في حد فيكم الفتره دي حاسس انو عايز يتغير ؟ انو نفسو يلتزم بالحاجات الصح اكتر من كده؟ انو يغير طريقة تفكيرو؟ انو يحسن من نفسو ولو شويه؟

ممكن لو في وحده بتفكر في الحاجات دي ترسل لي هنا في القروب اشوفكم كم ؟
تجو نعمل حاجه كويسه ونستفيد ونشجع بعض؟

* ملحوظه بس :
انا حقيقي عايزه ناس (ما اعتماديه) بمعنى هي زاتها تبحث وتفتش وتقترح ، لاني زي ما عايزه اعين ف انا كمان عايزه الاعانه ..
اتفقنا؟
كلموني في قروب القناه هنا تحت الرساله دي .

ازيكم ..
لحد هسي في ٨ بنات بس اللي رسلو في القروب ، انا حاليا حكتب ليكم هنا حاجات عايزه اعرفها من كل وحده عايزه تشارك معاي ، هي زي استماره كده تعبيها لي وترسليها في الخاص مع رقمك الداخله بيهو الواتساب واسمك ثلاثي ..
وحنتظر لغاية نهاية اليوم بحيث كل العايز يرسل لي يرسل ، وبكره ان شاء الله من الصباح حنعمل القروب ونبدا ..
والمره دي صدقوني الطريقه الحعملها حتناسب كل الناس حتى اللي ما متعودين يعملو اي شي ابدا ..
وحتستمرو حتى بدون ماتعملو اي مجهود ..

طيب عايزه اي وحده فيكم تكتب لي شنو الشي اللي عايزه تطلع بيهو من القروب ده؟
في كذا جانب ممكن يكونو مضايقنك خليني اكتب ليكم اقتراحات ممكن تعملي بيها او تعملي الشي البتعاني منو انتي يعني ده مجرد اقتراح فهمتوني ؟

الجانب الصحي(عايزه تغيري شنو في صحتك عشان تبقى احسن) :
الجانب الديني(علاقتك مع ربنا)
الجانب النفسي( علاقتك مع نفسك يعني شنو الشي النفسك تغيريهو في نفسك مثلا انتي عصبيه انتي اسلوبك ماحلو وهكذا)
اهتمام بالنفس: (شغل بنات يعني بشره وشعر وكده )
جانب مهني (او بمعنى شي عايزه تتعلميهو مثلا انجليزي ،حاسوب ،اي شي علمي )

* مامطلوب انو يكون عندك هدف لكل ديل ، الفكره الاساسيه من القروب ده اننا اول شي حنكتب عن كل شي مضايقنا في نفسنا ،سواء كانت الحاجات دي داخل الجوانب الانا ذكرتها فوق دي او في جوانب تانيه ، بعداك نحنا حنمسك الاهم والمضايقك فيهم ونبدا فيهو بالشي المناسب للحاجه دي ..
واهم حاجه لازم تعرفوها اني هنا ماحخليكم تمسكو كل الحاجات المضايقاكم وتبدو تصلحوها كلها مره وحده ، لا ، الطريقه دي لما عملنا زمان فعلا بتنجح بس بعد اسبوع بالكتير الناس بتبدا ترخي لانها ببساطه مامتعوده على كم الشغل ده ..
ف حنخت اهداف واقعيه ، عشان نستمر ،ولما نلاقي نفسنا ثبتنا الحاجه الكنا شغالين فيها ، حنبدا بعدها في الاهداف التانيه وهكذا فهمتوني ؟

بس يا جماعه انتي ماعندك نيه تساعديني وتساعدي نفسك ماترسلي لي من هسي بقول ليك ، لانو انا لما عملت القروب ده عملتو لنفسي في المقام الاول عشان الآقي ناس تشجعني وانا اششجعهم ، فياريت نكون جادين ونركز كويس عشان نطلع بي فايده من القروب ده .

وبس ، ركزو في البوست وبعدها اكتبو اهدافكم مع اسمكم ورقمكم ورسلوهو لي في الخاص في المعرف ده👇🏼
@lnosha21

بنات ياريت مانهمل الموضوع وننجز ..

من ال ٨ جو ٢ ، بنات في شنو؟
نحنا كده كده حنعمل القروب بكره وحنكون تلاته ، ف لو في بت عايزه تكون معانا ياريت تجي من هسي عشان مايروح عليها شي

حاليا في ٨ بنات دخلو معانا ، وعشان ننجز سريع انا حقفل الانضمام للقروب بعد ساعتين من هسي ، ف اي وحده عايزه تخش تجي ترسل ، وبعدها ماحقدر اقبل حد تاني ❤️

رسلو في معرفي
@lnosha21

على سيرة الانوثه وكده 😂
امبارح انا واختي بنتكلم وقاعده احكي ليها انو البنات السودانيات المغتربات اللي مشهوريين ديل مزز شديد وغير انهم حلوين تحسيهم فيهم طاقة انوثه عاليه كده ، بهتمو بجسمهم وشكلهم واسلوبهم وكل شي ، ف قلت ليها يعني انا بقيت لما اشوفهم احس نفسي زباله عديل لاني ولا نقطه في بحر البيعملوهو هم 😂 ، ف قعدت تحكي لي هي كمان عن ناس بتعرفهم قالت البنات اول مايصحو من النوم بيعملو سكين كير ويسرحو شعرهم ويستحمو وماعارف يعني يهتمو بنفسهم اول شي ، مش زي نحنا قالت اول مانصحى شعرنا طاير في كل اتجاه ونفتح خشمنا عايزين شاي 😂😂😂 احساس همنا في كرشتنا وهم همهم نفسهم اول 😂 ف طبيعي جدا يكون في اختلاف في النتايج 😂😂

بنات وروني انتو من ياتو نوع ، نوع الشاي ولا الاهتمام ؟😂

مرات بوجعك قلبك على قرار اخدتيهو بعقلك رغم انك عارفه انو صح ، بتجيك افكار انو يمكن انا استعجلت ،يمكن لو كان صبرت كان اتغير ، يمكن لو اديتو فرصه كان اتصلح ، بس الحقيقه انك اصلا خلصتي كل الفرص وكل الصبر معاه ..
في علاقات بتوجعنا نهايتها ، بس هي لازم تحصل ومافي مهرب من النهايه دي !
يمكن في مميزات كتيره فيهم ، بس عيبهم الوحيد ده هو اهم حاجه مفروض تكون موجوده في شريك الحياه وما كانت فيهم !

انا مؤمنه تماما انو اي شي بحصل لسبب اكبر من انها ارادة ربنا ! (بمعنى انو ربنا لما عمل الموقف ده كان عايزنا نتعلم منو شي )، في شي حصل هنا لازم نحنا نتعلمو ونفهمو ، في غلط عملناه كان سبب في النهايه دي ولازم نعرفو .

اخيرا ، انك تنفصل من شخص كنت حتتزوجو في يوم من الايام شي ابدا ما ساهل خصوصا لو انت القطعت العلاقه ما العكس! ، لانو فكرة انك تبعد من حد بتحبو لأسباب اكبر من الحب ده شي ماساهل ابدا ، وانك تفكر وتقرر بعقلك برضو ده ما شي ساهل بس هو شر لا بُد منه .
حتبكي ايوه حتكرهه حياتك والناس، حتقفل على نفسك حتكتئب ووشك يبهت وضحكتك تختفي ايوه ده كلو حيحصل !
حتكرهو شديد وحتحبو شدبدد وحتشتاق ليهو شديد وحتكون متمني ترسل ليهو او تتصل وتسمع صوتو ،وبعديها على طول بتتزكر انك وقت ما كنت محتاج ليهو عشان يصلح علاقتكم ،عشان يصلح معاك الاتكسر ، عشان يفهم اسباب ضيقك ، هو ببساطه وقتها سابك ومشى ، خلاك في اكتر وقت كنتي محتاجاه يحسسك انو مستعد يخش في نار نقاشكم عشان تطلعو منو بحل للمشكله الانتي بس اللي شايفاها في علاقتكم .
في الاخر انتو انتهيتو ، وهو سكت وانتي بعدتي ، بس حتنسي مهما طال الزمن حتنسي ،وحتتعوضي بالاحسن من كل النواحي .

وزي مابقولو الex مابرجعو ليهو ،ختو الجمله دي حلقه في اضانكم وماترجعو ليهو .
#lena

لما تضعفي وتحسي انك عايزه ترسلي ليهو لانك مشتاقه ليهو او جواك غضب ونفسك تمشي تشاكليهو ، امشي افتحي النوته اللي عندك في التلفون ،او جيبي ورقه وقلم ،وابدي فرغي كل كلامك العايزه تقوليهو ليهو ، واثناء مابتكتبي انتي براك حتلاحظي السبب الخلاك اصلا تبعدي منو ، او السبب البخليك ماترجعي ليهو ! ، بنسبه كبيره حتبطلي تكوني عايزه تكلميهو وحتتراجعي عن قرارك ده ،ف الفكره شنو؟
لما تفكري تكلميهو ،ماتمشي على طول تكلميهو؟
لا كزبي على نفسك وقولي مثلا انا ححضر الرساله الحرسلها اول في نوته بعدين ارسلها ليهو ، يلا في التحضير ده انتي حتبطلي تكوني عايزه ترسلي ليهو صدقيني ..

يا بنات ، العلاقات البتتعبك بلاش منها ،العالم فيهو ٨ مليار لو ما اكتر ، ماتحصري نصيبك على السودانيين ، عادي جدا يمكن ربنا يكون كاتب ليك نصيبك مع اجنبي ولا اي حاجه صح؟

والحب براهو ماكفايه ،فهمتيني؟
الحب ما حيأكلك ، ماحيحل ليك مشاكلك ، ماحيطمنك ، ما حيقيف معاك في الازمات .

الراجل المامسؤول اخطيهو
الراجل البخليك تدفعي انتي في كل طلعه اخطيهو
الراجل البقعد يحسسك انو اخر قطعه اخطيهو
ابجيقه اخطيهو
البخيل في المشاعر والقروش اخطيهو

حتى لو كنتي في علاقه ،ماتركزي في مشاعرك بس وتنسي باقي التفاصيل اللي بتظهر ليك من البدايه ، ماتتجاهليها وتقولي حيتغير ، انا جاياك من المستقبل ، ماف راجل بغير طبعو الا لو فعلا باقي عليك ،ولو هو باقي عليك بجي يتقدم ليك ،غير كده انسي وماتصدقي الوعود ارجوك .
#لينا_عوض

نحضر الفيديو ده يا بنات بجد حلو شديد❤️

يابنات ، في وحده عارفه الكريم ده؟
بيستخدمو ليه بيعمل شنو؟ احكو لي عنو لو بتعرفو ؟

ورونا تجاربكم مع الشعر وكيف اهتميتو بيه وشنو المنتجات النفعت معاكم وطوات شعركم؟
السنه دي بعد ماعشت طول حياتي بحب الشعر القصير بديت فجأه احب الشعر الطويل ف افيدوني بتجاربكم وانا حفيدكم بالبعرفو😂❤️
يلا يا مزز ❤️

ممكن تعبرونا وتبطلو غتاته؟😂

بنات ، البريود عايزه مننا شنو بجد🥲
انا قعد اموت حاليا🥲🥲🥲💔

يابنات سألتكم الف مره وروني كيف بتعملو حمام كريم او زيت للشعر؟؟