وطولك حزامي السِنَد بالضيج ظَهري

وضِحكتك آنه سَببها و زودت روحي غلو

طولك شما چان بعيوني حِلو

وگلبك مصلاية أُمي
وذِكرك إطمئناني من بالخوف أسمّي

إنتَ حُبَك مِثل عطري شلون أضمه؟

أقسِمُ لَكَ ..

شَنو أغلىٰ مِن العُمُر ! إنطيته من ردته
چنت تگلي عادي تروح بس ترِد من تشتاگ !
صَح هذا الحَچي لكن عبر وَكته.

بيت أحلامنه البانينه آنه وياك
هَدمتّه ..

وشَكو مِرسال إلك مَضموم بالكنتور
بليل البارحة إحرگته.

وخاف إصورّك تهزني وأرد مشتاگ !
أبشرك كلشي يلوي ذراعي شگگته.

يا بِين قوسين الوِفة والوِفة
انتِ الهدوء الـ مَـا وراه عاصِفة
انتِ الـ هواي الـ مَـا يكفِّي حِلِم
وانتِ الـ شويَّة الـ بيها گلبي إكتِفَة
انتِ الـ ولا عَالبال صِدفة إجت
عينچ بعيني وگلبي دَگ ودِفَة
وحَسَّيت روحي گبالچ مچَتِّفَة ..
وجروح الإعزاز، الإعزاز إنِّسَن
بَس شِفت وجهِچ مَرن عليهِن شِفَة
يالـ چَنِّچ تعودينلي بالرغَم
مَـا چان أكو بيناتنا مَعرفَة
الحلوَة بيچ منين مَـا التِفِت
الگاچ بعيون الـ يجي مِنْ السَفر
وبأحلام الـ ينامون عَالأرصِفة
وبنظرة الطالع يدوُّر شُغل
مِنْ يوگف يباوع علىٰ الصَيرفَة ..
حتىٰ الـ أحبَّك مالتچ تختِلف
الشِتَة الأزرگ مِنْ سِمعها دِفة
"الناس أسامي لكن انتِ صِفة"
"وانتِ إختيار العَقل والعاطِفة"
جديدة بأول طيحتچ كِل وَكت
والناس چَنهُم سالفَة مسولِفة !

إنتَ أكبَر مِن أحِب واحِد وَراك.

لهَسّـه وما عِشگنه أعليك
إنتَ الطوگ والمِحبَس.

ويّ النِفس تصعد وتنزل💙.

يا فَكة عيون الگلب
يا ميزتي البيها أنغر
مو رايدك وأتنفسَك
لا يا نَفَس ! شَي أكبر.

أريد بس بنات هنانه♥️.
https://www.tg-me.com/+965d8Tcq0s42NmQy