صبرك يمسجون

#الليالي_الكاظميه


يبو اجروح الچبيره وكلهه غربه
يعاند جرحك اشگد والله صعبه
سجين وعـمـرك ابنص الطوامير
سلام الله اعله گلبك واعله تعبه

موسى ابن جعفر وحالك اشلونه
گالــوا الظلمه باگت ضوه اعيونه
مو هوى ايشم غربته وحزن لونه
هضمه والله العــساكـر يرفسونه

عينك ابلا ضوه .. صدرك ابلا هوى
وانته چنت اعله ناسك فياي ونده
بسلسله وبالدمه  .. ايـدك امـورمه
وگلبك ايلچمك ولا غـفيـت وهـده

                              ****

ذبـــل ورّدك بالاگـيــود الــثــگيله
وشنو ذنبك دِمه اجفونك مسيله
عمت عين الظـلام وعـين الاگيود
الخـذت منك ضوه ودمعك تهيله

اتمر عليك الليالي اعله هالـغـربه
والسجيـن الـيحن ينــمــرد گـلبه
صار جسمك نحيل اشكثر صعبه
مثـل جفيـه خضره وعله التـربه

عايش اويه الألم .. ناره نار الخيم
موسى ابن جعفر انته وحسافه صرت
سيدي ابلا سند .. ماكو واحد نشد
سنين وانته بظـلامه تؤن وانحلت

                              ****
يمسمــوم الحـزن واجـب عليــنه
وعسه يعمه الجفـن لـو مـا بچـينه
شني جــا وانته امـــام الــرافـضيه
ويحرموك الهوى وروحــك سجينه

سيدي اقبلني خـادم تحت ظلكم
رحمـت الدمعه هيبه اعله دمعتكم
آل بيـت الــرساله هــوى انشـمـكم
فاضت الدنيه نعـمـه ابكُـبر فـيّكم

سيدي اتعودت .. بالمصايب عشت
ما تمـر ذكرى الكم اعــوف الدمع
بيكم اتوسلـت .. ابقه اخدم ردت
بكل مصيبه اذوبن مثل كل شمع

                              ****

عـرفـت المـوت راحه امـن الظـلامه
اشكثر گلبك يــريــده ابكــل هيــامه
متت مسموم وانته ابـدمـع العـيـون
وســلاسـل گــيــدك ابنحــرك عـلامه

اعله الجسر نعشك وشالته الوادم
الخيــل مـا داستـك والصدر سالم
وما الك حـرمه طگاهه چف ظالـم
مــا مثل حزن الحسين يبن هـاشم

جدك ابلا نعش .. بلخيول انفرش
امطشراته الحوافر طغت بالكسر
ونرفع منذبح .. رأسه شاله الرمح
واخته بالغربه يسبوهه أم الخـدر

                              ****

يكاظم غيضك وروحك سجينه
مدد للخدمه اريد وگـلبي عِـيّنه
العمر منـذور من صغري يمولاي
وردت تگضي ابمجالسكم سنينه

عمـري ما اريده لو ما صرت خادم
عله سنيني الي فــاتـت تـره نـادم
الضاعت وبيهه ومـا خادم الـكاظم
وما جنت حته ازوره الگلب هــايـم

منك اعله اللطم .. رايد انه العزم
لو اجيت الضريحك يمولاي انا
نياله والله الحضه .. بيك يابو الرضه
اتعودت بالزياره اجي كل سنه


- خيري الصفراني

بندريه

امن الكاظميه هب الهوه
بيه ريحة الحب الصدك
وين الغيور المشتاك اله
اليتمنه وياه ما يفترك
.
وين الغيور ووين الشهم
الكلبه يدك بحب الخيم
بهاي اليالي يبين الوفي
الكاظميه تريد الزلم
.
وين اليريد يوافي لابو المعصومه
ما بقه ايام يشيعه تكَرب يومه
لا تخلوها امه تون مهضومه
.
..................................
يابو المحنه البيك الوفه
اليحبك اهواي الرضا
عِين الرضا بهذا الجرح
يالي بخدمته عمرك كضه
.
البس سواد وحضر الكلب
وانخي الرضا يعينك بالدرب
ومن توصل الكاظم مد اديك
يترسها غيرة ويترسها حب
.
برحمته الجبيره وحنانه الكاظم
اليزوره يرده على اهله سالم
دخيله اليدلل غرامه الخادم
.............................
يالمايهمك بس فاطمة
غمضها عينك وامشي اله
واطيه وعد ما تفترك
لا من خدمته ولا كربله
.
شهد الجواد بهذا الوعد
كله ابقى خادمكم للابد
وكله اريدن اخدم صدك
يا ابو الرضا مولاي المدد
.
اتخيل انت تموت وتجيك الزهره
اتكلك انت زرت كبره ابني مره
بوكت جان الخلك ما تجي يم كبره
..................................
الكاظم غريب بديرة غرب
كظة حياته يعيش بسجن
لازم نوافي لذاك الكلب
التحمل الخاطرنه الحزن
.
بزنزانه ظلمه كضه العمر
والهوه كوه لريته يمر
وهسه نشمه براحه الهوه
الخاطرنه كضه اسنينه باسر
.
بقصر لازم يغمض براحة عينه
بس حسافه بخرايب كضاها اسنينه
وبسلاسل ثكيله بقه مكَيدينه
......... .........................
بحركَه الطم ودك عالصدر
ورخص يخادم دمع الجفن
الكاظم ولد عدنه اشكثر
بس ولده ما حضرو بالدفن
.
نعشه يحن لجتف الابن
وولده غرايب بين المدن
ياهو اليروح يكل للرضا
تابوت ابوك لجتفك يحن
.
الماكو ولده وغرايب ناس الشيعونه
من يموت بهضيمه يغمض اعيونه
الكاظم اتمنى ولده الي يدفنونه


عبد الله الفريجي

الحب الصدك

بسلاسل و بـ سجن
عمـر خلّـصْ حـزن
يموت الماله وادم تعرفْ اشلونـه

عمـر غـربـه عشـت
كمت مـره وطحـت
انـه الماعنده اهـل يمه و يجونـه

أنـه الما همتـه جروحـه أنـه الكل همـه بـعيالـه
ضلام وبس حجي الحيطان أنـه الماشايف اخيالـه
اليفـارك ولْـده و بـنيـاتْ الله الـيعـلم ابحـالـه

يلـ رضا ضلت بيك حسبات ... بويه
عينك لـخوتك و لـ ابنيـات ... بويه
من عمري ماضل غير ساعات ... بويه

بعدك يلـ اوليد الك بيه عازه
تغسلها بويه و تشيل الجنازه
أمام التقيه أفه بـ سـمْ تجازه
(( آآآ يالرضا ... يا بويه ))

••••••••••••••••••••••••••••

وجع لا ما كضه
اشعلامك يالرضا
اسنين المرنْ و ما سامع اخبارك

جثيره اخمسطعش
نـهايـتـها بـ نعـش
تراا زيـن و تميـزْ ليـلك انـهارك

افتح بلّاا يا سجان و ارحم دمعتي و حالي
صار اخمسطعش لسنين محد مرني بعيالي
جرعت السمْ اريد ارتاح بلكت عـ النعش غالي

تـانيتـكم بلـكت تـمـرون ... بويه
واحد يجي ويغمض العيون ... بويه
ثـاري التشيعْ غربـه لمتون ... بويه

ضلت جنازه غريبه الوحدهاْ
خفيفه و لاهي تتعب الحملها
تـتانـي يـمرون علـيها اهـلـها

(( آآآ يالرضا ... يا بويه ))

••••••••••••••••••••••••••••

معـانـات اشكـثر
نعش فوك الجسر
غريبه و هالجنازة تريد اهاليها

السلاسل و الهضمّ
يحز كيدي العضمّ
حفنه جروح ياهي تريد الاحجيها

شسولف يا جرح منهن شسولفلك على البيه
يهونن بويه بس اذكر جروح الف و تسع ميه
و لا ركضن بناتي ابليل اخت ماعندي مسبيه

كل الجروح البيه و تهـينْ ... بويه
استحي من جروح الحسين... بويه
زينـبـنا طبـوهـا ابـدواويـن ... بويه

عـ الساده بـويه تراها مصيبه
أمـيرةْ أهلـها وحيده و سليبه
تبدل اسمـها لاميره بـ غريـبه

(( آآآ يالرضا ... يا بويه ))

••••••••••••••••••••••••••••

يـشلعـان الكـلب
أهـل كلها ابـغـرب
يروحي اشكد مصايب دوهنت بيها

أخوتـكْ للشـدد
تـرا احزام و سند
على المعصومة عينك لا تجافيها

اموتن و النعش مشمور  زيـن الْـكـالي دفانـه
يبويه الدنيا غبرتْ راي  ابـد ما تنصح اويانـه
امس طاحن بنات حسين عطشانه اعله عطشانـه

هالدنيا صلفه و بيهن اتعيل ... بويه
ركضن وراهن تركض الخيل ... بويه
من الركض ما ضالّ كل حيل ... بويه

علامـج يدنيا بـنات الرسالـه
هضيمه حدتهن جفوف النذالـه
طبعها يبـويه غـدر مو عدالـه

(( آآآ يالرضا ... يا بويه ))
••••••••••••••••••••••••••••
الـخـادم _ هــادي شبـيـب

غربة عمر

دمعاتك نهــر طف بيهن اشتم
سجنك بي ملامح لـ المخــيم
عايـش بالمنيه
طف بالكاظميه

بروحك ... من اخمسطعش عام..ماهاجرت الالام
عايشهه بونينك
جروحك... ترسملك منيّـه ... سجنك غاضريّه
والطف جوّه عينك
بنوحك ... ماتقصد محنتك ... لا تبچي اعله عمتك
ما ناسي بسنينك

گيدك يشبه احبال السبايه
يا ســابع جرح آل الهدايه
بــعيونك رزيه
طف بالكاظميه

عمرك...كل اسنينه شمعه...لزينب كله دمعه
لجروح الوديعه
ظهرك...حانيته السلاسل...لو جرح ابوفاضل
وچفوفه الگطيعه
صبرك...شفت بوجهه مقتل...يرسم مشرعه و تَل
ونجوم الصريعه

من تتــوضه تذكر أحله چفين
من تعطش يمر بگلبك حسين
جروحك زينبيه
طف بالكاظميه
__
صاير...بسجن السندي وحدك...والدمعه اعله خدك
تقرالك مصيبه
ناظِر...يشوف أصل القداسه...حسين بلايه راسه
والـجثّه تريبه
حاير...تصرخ جاري دمعك...سجّانك يسمعك
زينب يا غريبه

الشام الما عِشِت لوعة مصابه
ســوَّالك سجــن يـشبه خرابه
كل دمعه لـرقيّه
طف بالكاظميه
_
عينــك...غمض حَل مماتك...واختم كل حياتك
بالوَّنه عله حسين
وينـك...ويـن البصـحاري...ثلث أليالي عاري
باقي بلايه تچفين
حِينك...نعشك يمه شيعه...جدك من يشيعه
يومه ما مَر بعين

چفوف ويه النحر هالليله تحضر
صاحـو بالدمـع موسى بن جعفر
صار بهالمســيّه
طف بالكاظميه

الشاعر حاتم صبري الكاظمي

سابع جرح

قصيدة [ تمنيتك ترد ]
لأستشهاد مولاي موسى ابن جعفر الكاظم عليه السلام


تـمـنـيــتـك تـرد تـانـيـتــك هـواي
مثل شجره أشتهت تتلاگه بالماي
عالباب اربـع سـنين
مثل حنّـه بحياطين
تفطـّر گلبي هـيـج بـغـيـبتك هـاي
تـمـنــيـتـك تـرد تـانـيـتــك هـواي
_
من بابي لحد .. باب السجن أموت
وجروحي يِعِـم .. بيها الألم سكوت

وحيلي عالأرض يوگع
وگلبي بسجنه يتگطع
ومدامع عيني تتوزع ... على خدودي جمر
علي آنـه الرضا أبنك
يبويه شصاير بمتنك
كاسر سجنك بـونـّـك ... يـــالــمـاتـنـكـســر

زيـاره للـسـجن يابويه جـيـتـك
شفت حالك غريب شلون بيتك
جروحك خيمه حمره
روحـك بـيـهــا جمـره
ظهـرك من نظرته أنشلت أعضاي
تـمـنـيـتـك تـرد تـانـيـتــك هـواي
__1__

سولفلي شحصل .. متـْنك نزيفه حار
بالطف ماچنت .. بس بيك أثر حِـجِار

حوافر ماكو بس صدرك
احــسـه طابـك بظـهـرك
من عـمـري على عـمـرك ... ياكـهف الألـم
بالطف ماچنت حاضـر
حيـلـك ليـلـة العـاشــر
بروحك يركض الحافر ... چن نار الخيم

تسـولـف كربـلـه بعـيـونك آلام
وگيدك هذا يشبه حبل الأيتام
وثوبـك منـترس دم
بجراحـك الـله يعلم
شفت حالـك وحدّب مني مگفاي
تـمـنـيـتـك تـرد تـانـيـتــك هـواي
_2___

أضمِـد ياجرح .. حيره تره وعجيب
شيبك بـالدمـع .. يـاوالـدي خضـيب

سـبـحـة طـيـن بـيمـيـنـك
وأشوف بجرحك حسينك
هـواي الــنـاس مـآذيــنـك ... وغيظك بالگلب
والْـســجّـان كـــل سـاعـه
سـوطــه لـلْـظِـلُـم طـاعـه
ظـهـرك يـكـْسـر أظـلاعـه ... يابـويـه صـعـب

مو خنصـر امسلـب بويـه حيـلـك
عطشـان بسجـن أظـلـم دخـيـلـك
بوجهك حيرة الكون
حالك يشـبه ام عون
صبرك .. حيرتك .. والقوه .. والراي
تـمـنـيـتـك تـرد تـانـيـتــك هـواي
_3___

بشفتينك عطش .. يرسم نهر ذبيح
بيك مـن الألـم .. ديـره ولا تـصـيح

بويـه موسى أبن جعفر
حـــالـك كـلـش أتـغـيـّـر
ذابــل لــونـك واصـــفـر ... وعايش بـالسجـن
قـيـودك زايـره لـچفـك
حنين وحـسّت بعطفك
أريـد أتــمــدد بـصـفـك ... وگـلـبي يـطـمـئـن

ظهري منكـسـر روحـي مـنـيـعـه
مثل كسرة حسين اعله الشريعه
چفوفك گيد بيهن
حديد ودم عليهن
وأحس السبعه طاحن بويه فوگاي
تـمـنـيــتـك تــرد تــانـيـتــك هـواي
_4___

بـويه شگد ألم .. مثل الضوه عليك
لا ماينـخـفي .. والشاهد اعله أديك

تـون يابويـه أسمـعنك
تگول الطف أخذ منك
حيلك روحك ومتّنـك ... من زينب بچت
والتـوجـع بـعـد أكـثر
تگـلي يالـرضـا أتصوّر
زينب تركـض وتعـثـر ... بلا كافل صفت

هـذن اليوجعنـك گـال والشام
هنـانـه الفـاجـعه بـدگة الدمام
وشماته هواي والناس
صـاحـو ويـنـه عبـاس
مگـطّـع لچـن راسه علـيهم افيّاي
تـمـنـيـتـك تـرد تـانـيـتــك هـواي
_5___

تسولف والهظم ... بيّن على العيون
أتگلي عمّـتك .. مـاضـل عـلـيـها لون

بذاك السوگ من دخلت
من المستـحى شـهگـت
والأصـعب زلـم سـألـت ... منـو هــاي الـمـره
بـوشـــيـتـهـا دمـع ودم
وأرمـاد امـن الـمـخـيـم
والــشـــمـاتـه تــتـحـزّم ... الشتم بت حيدره

ومشـامر حجـار وشامـت يصيح
أشمرو حجار خاطر زينب تطيح
آنـه بسجنـي لـوعـات
وجـروحي السماوات
بنـي هاشم وگـت يابـويـه حفـاي
تـمـنـيـتـك تـرد تـانـيـتــك هـواي
__6__


#رزق_مولاي
#موسى_ابن_جعفر_عليه_السلام
#رزقهم_سلام_الله_عليهم
#احمد_رزق_الاعرجي

تانيتك هواي

[[ جروح الصادق ]]







من الخيال الشعري

جلس الامام جعفر الصادق ع

ذات يوم مع والده الامام محمد الباقر ع

وابحرو الى كربلاء فبدأ الحديث ..






كعدو والجــروح   فــــــزّت أليمه
من حادثة هواي   صعبه وعظيمه

            جعـفر يون حاير
            و يســولف الباقر
            يا لـــوعة العاشر

◾◽◾◽◾◽◾◽◾
       
يحچي بهداي ~~ حسرته هواي
          يگله ما رحمونه

من الاطفوف ~~ شنسه ياخوف
        والاشد سلبـــونه

بعازة المــــاي ~~ ماكـــــو حماي
        النه تبره عيـــونه

واللي ما مــات ~~ والســــلامات
       تلگـــه زرگـه متونه


صبّح صبح عاشر وأنـــه
انضـــر لهـلـــنه

ياهــو الاعــــاينله كـــأن
ما يــرجعلــنــه

صارت حچي وراحو بعد
اهـــل المحـــنه


واسطفو اصفوف   صوب المنايا
ومحلاها چــانت    ذيچ الـروايـا

           كلـي حزن صــــاير
           ضيم اليـــسر جاير
           يا لـــــوعة العاشــر

◾◽◾◽◾◽◾◽◾

زلمــــه زلمــــه ~~ اتـــبده دمـــه
         والذعر بخيامنه

طشرو حسين ~~ بالمـيــاديــــن
         چان هو اللامنه

صوت الاطبول~~ ضعنه بالچول
         مـــؤلمه ايامنــه

وداست الخيل ~~ الحنه والهيل
        اتـــناثرن گدامنه


وشحچيلك بليل اهدعش
وحشه اعله وحشه

واتخيل احـــبال وســــبي
يجـــــرونـه غبشــه

وحفـــاي لـــدروب الــغرب
نتعـــــنــه مـــمــشه



زينب وحــيده    وهيه التلمنــه
فرينـه بأصياح    حرگو خـيمنـه

            ونحـسّب لباچــر
            شنهو الذي صادر
            يا لــــوعة العاشر

◾◽◾◽◾◽◾◽◾

طلعت ام عون ~~ للـــيحنّون
       واعثـرت بولـــيدها

اتعدت لحين ~~ وصلت حسين
         عاينت بعضــيدها

اتجمع اوصال ~~ كلشي ما ضال
       يطيح گام امن ايدها


يمـــه تنـــــعـه ~~ ويمــنه ضلعـه
        والبواچي تــــزيدها
       
       

مخلص تشوفه امن السحگ
جثــــــه بلا راس

وشبگــــت اعليــه وباستــه
وتبچيله باحساس

صاحــت مسيــت العافـــيه
اعلــــــيكم يعباس



عفتوني وحدي   ويلاه يخوتي
هسه غــــريبــه   وبلــوه بلوتي

           يا عمــلة الحافـــر
           شگد بالجسد عاثر
           يا لــــــوعة العاشر

◾◽◾◽◾◽◾◽◾

بمختصر راح ~~ انكمل الاجراح
           ما اعيد السابق

گطعو اگماط ~~ ضـربت اسياط
          الامر بيد الخالق

يبني الخدور ~~ طـــرت ابــرور
          اتشتمن يالصادق


هدمو الطــور ~~ سحــگــو النور
          والنجــم والطارق


وفــــوگ الــــهزايل للغـرب
ممشه العلاوي

واگلوبنـه بطـــــــف كــربله
تجــر بالنعـاوي

وراس الحسين اعله الرمح
يوليدي ضاوي


من بلده وانــوب    طبينه بلده
والطگنه بالسوط    محــد يرده
        
          اعلينه الشمر گادر
          دار الوجــع دايـــر       
          يا لـــوعة العاشــر

◾◽◾◽◾◽◾◽◾

بويــه گلـــه ~~ البـــاقي خله
         لا تسولف كافي

گلبي ذايــب ~~ للحــبايــــب
        لبو گليب الدافي

والزجر كون ~~ الگطّع امتون
       ريته فوگ اچتافي
      
حگه بــونين ~~ ينعه الحسين
      بشر يركض حافي


بويه الحچيـــته مختــصر
لكنـــه هــــزنه

بويه اللي راحن واليجـــن
ذره اويه حزنه

من يومه ما يوم الحصــل
ويــــانه كلنـــه



شيعتنه بدموع   تنصب مجالس
وشكد للحسين   تطلـــع عوابس

           لزيارته ايناطــــر
           ويزوره چم جابر        
           يا لــــوعة العاشر

◾◽◾◽◾◽◾◽◾





         عبد العليلـه
✍حيدر ابو كيان الفاطمي

ذكريات العاشر

((تعال))


تعال     تعال
خلصَتّ حتى التعال وما اجيت
حِبال    حِبال
عالحبال شكثر دمعــت وبچیت
وين ســاكــن يــانبع
سوالفك كلهن ضلع .. تعال         

                  """""""""""""""""""""""""""''''''''''''"""""

وين اشوفك يلي حــالك حــال نورس
تـخـتـنـگ بيه الـســوالف وآنــه اخرس
أرد اسئــلك والضــلام بروحي عسعس
بروحك جروح التراچي جروح محبس

تعال      تعال
الدمعه تچويني بغيابك وانچويت
حبال     حبال
هـــزله دنيانه بــغــيابــك ونسبيت
بيا نشــيج يــنسـمع
سوالفك كلهن ضلع .. تعال    
                  """""""""""""""""""""""""""''''''''''''"""""

وگفت عيوني بغيابك عالمشانق
بيا مغارب هسه انته بيا مشـارق
فاتح چفوفك ولا واحد يــــعانق
علگت چم دمعه بخدود البيارق

تعال    تعال
الفاگد احبابه شني تگله انحنيت
حبال   حبال
البالخرابه يبات لاتحـچـيله بيت
والحـزن صاير طبع
سوالفك كلهن ضلع .. تعال     
                  """""""""""""""""""""""""""''''''''''''"""""

چـــم كتاب الطاعــنك عود الروافض
والـــرســايــل سيــدي صارت مقارض
اليحچي بسمك توگف بوجه العوارض
عـطـلـوك ونـدبـتــك خــيــر الفـرائض

تعال    تعال
هِبلي عطرك أرد اشمنه اشتهيت
حبال    حبال
حــبل مرسوم بصفنتك ونتچیت
نگعن هـدومك دمع
سوالفك كلهن ضلع .. تعال
                  """""""""""""""""""""""""""''''''''''''"""""

بيا طريق وعينــك تعاين هزيله
تعثر وروح الــدمع ينزف مسيله
بكربله لو يم علي بحزنك تجيله
تگله يابـــــويه تره بغربه العقيله

تعال       تعال
یابو صالح عالهزل يمكن مشيت
حبال    حبال
وبالحبل ياسيدي طحت وهويت
وانته واگـف تستمع
سوالفك كلهن ضلع .. تعال
                  """""""""""""""""""""""""""''''''''''''"""""

الدفع بـــاب الزهره متّلَون ضميره
لا تخلي الكــحــله بعـيون الضريره
وَهمتني وسلتت خيــط الحــصيره
المايشوف المهدي ماينـدل مصيره

تعال     تعال
وحگ امك فاطمه هوايه بطيت
حبال    حبال
والله بچفوفك حـبال ومانسيت
بيك چايمته انجـمع
سوالفك كلهن ضلع .. تعال    

عبد زينب
محمد الإبراهيمي

تعال .....

اعتذار خادم

حبك دوه