بسم الله الرحمن الرحيم
والصلاة والسلام على من بُعث رحمة للعالمين سيدنا محمد وعلى آله وصحبه وسلم♥️✨
جمعة مباركة عليكم ✨وبتمنى تكونوا بخير 🤍.
في عبارة حلوة كدا قالها شيخنا الفاضِل إبراهيم السَكرَان وهو من العلماء ال مناهجهم بتم تدريسها في البناء المنهجي♥️ *قال انه نحن بنحتاج لعبادة قبل العبادة وعبادة بعد العبادة*✨🤔🤔🤔🤔🤔 بس ليه وكيف ؟!
لانه انا قبل ما اعمل اي حاجة اعبد بيها ربنا بحتاج معونة ربنا لي وبستعين بيه ؛ لانه لولا اعانته وتوفيقه ما كان قدرت اعمل اي حاجة اعبده بيها والمعنى الجميل دا نحن بنقوله في صلاتنا كل يوم 5 مرات في سورة الفاتحة لما نقول (( *إياك نعبد وإياك نستعين* ))!!!يعني  الاستعانه في حد زاتها عبادة *وهي العبادة التي تكون  قبل العبادة* يعني المعنى هنا نحن بنستعين بيك يا رب عشان نعبدك ♥️.....طيب معليش سؤال ليه ذُكرت الاستعانة مع العبادة في الايه دي كانهم حاجتين منفصلات؟🤔
عشان ربنا عايز يوضح ليك أهمية الاستعانة عشان كدا ذكرها بعد العبادة طوالي بالرغم من انها جزء منها.شايف جمال القران وتعبيراته؟!♥️✨
طيب نجي لي حتة عبادة بعد العبادة 🤔والمقصود هنا عبادة الشُكر ،انك تشكر ربنا لانه سهل ليك الامور عشان كدا انت قدرت  تعبده لانه في الأول والاخير كل شئ بفضل ربنا ♥️ونحن لولاه ولا حاجة....
والكلام دا كله لخصه رسولنا الكريم لما وصى معاذ بن جبل وقال ليه قول بعد كل صلاة ((اللهم *أعنِي* على ذِكرك *وشكرك* وحُسن عبادتك))✨✨✨🫂....
ف من الكلام دا كله بسال ربنا انه *يعيني* على إكمال حلقات السيرة معاكم وانها تكون نافعة *وبشكره*انه  سَهل وجود متابعين مهتمين همهم زيادة حبهم ومعرفتهم بالرسول عليه أفضل الصلاة والسلام ♥️✨ومن هنا على بركة الله وبفضل *معونته* نبدا حلقة الليله إن شاء الله ♥️✨
في المرة الفاتت اتكلمنا عن بعض الطرق والمناهج الكان بستخدمها الرسول عليه أفضل الصلاة والسلام وأكتر واحد مهم كان خيارهم في الجاهلية خيارهم في الإسلام إذا فَقِهوا♥️✨..... *المرة دي إن شاء الله ح نحاول نجاوب على تلاتة اسئلة مهمة جدا ألا وهي:*
1/لو اتكلمنا عمَّا يسمى بفقه المرحلة بصورة أوسع شوية في دعوة الرسول السرية والفترات ال ح تجي بعدها(( وهي مبنية على فترة الدعوة السرية لانها هي الاساس)) ممكن نتكلم عن شنو ؟!🤔🤔🤔
2/الرسول كان حريص جدا انه يحافظ على المسلمين المعاه واتخذ إجراءات كتيرة عشان ما يكشف سرهم ،ليه الخوف دا كله بالرغم من انه هو عارف نفسه مؤيد من الله ومعاه الحق وما مفروض يخاف كدا ؟! ومن الكلام دا ح نطلع بي باب مهم جدا في الفقه وهو باب فقه المِثلين لكن معناه شنو ؟!🤔
3/واخيرا ردك شنو على الناس البتقول انه الإسلام عبارة عن ثورة بعض الفقراء على الأغنياء ؟!
وسؤال بسيط كدا تبع التالت تفتكروا انه قريش طول فترة التلاتة سنين دي ما عرفت بالدعوة أو سمعت بيها خالص ؟!.....
بالاضافة لي دا ح يكون عندنا 3 فقرات بسيطة كدا ح يتم تقسيمها مع اجابات اسئلتنا على مدار تلاتة ايام يعني إن شاء الله منشورات السيرة ح تكون متتابعة على مدار تلاتة ايام بدل يومين ..والفقرات هي :
1/فقرة أحياء السنن النبوية المهجورة
2/فقرة الجُرعة اللُغوية
3/فقرة الرسول في حياتنا
ومع بداية كل واحدة إن شاء الله نبين العرض منها وطريقة عرضها ف خليكم قُراب♥️♥️♥️

الرسول كان عارف نفسه في كل خطوة بعمل في شنو وليه وزي ما قلنا انه تصرفاته دي كلها كانت بناءا على وحي وهو في الأول والاخر لاينطق عن الهوى ؛وكان حريص جدا في فترة الدعوة السرية انه يبني دعائم راسخة جدا عشان ح تقوم عليها فترات الدعوة كلها وعن طريقها الناس ح تُبصر الحق وتعرف انه لا إله إلا الله ♥️✨
يعني مثلا لو عندك خطة لمشروع معين وجيت ختيت نقاط معينة عشان مشروعك دا ينجح حسب مفاهيم إدراة المشاريع مفروض *تكون عارف اهدافك شنو ، و كيف ح تحققا ((آلية عملك شنو))،* *البيئة ال ح تبدا فيها مشروعك عاملة كيف 🤔🤔وشنو المُتغيرات ال ممكن تحصل فيها؟! وبناءا على المُتغيرات دي انا لازم اتغير برضو كيف ؟!* ودا كله عشان يكون عندك قاعدة كويسة تقدر تسند عليها شغلك كله فيما بعد لانه اي بنيان لازم يكون اساسه قوي والقوة دي بتحتاج تعب شديد والتعب ناتج عن اساليب وطرق متجددة ✨ ...
فالرسول كان عارف كدا كويس عشان كدا بتلقى انه في اختلاف كبير في اوساط بيئة الدعوة وكان ماشي حسب قواعد معينة مع مراعاة للظروف ،المواقف و حتى الاشخاص..  والكلام دا ح يوضح أكتر بعد شوية
بس  *خلونا نمشي نحيي سُنتنا ونجي إن شاء الله♥️*

عندنا أسرة سودانية مكونة من تلاتة بنات أمل ورضا ويقين❤️وولدين أبوبكر❤️ومحمد وامهم نور وابوهم أحمد أسرة قائمة على أسس ومبادئ الدين الاسلامي وبحاولوا يطبقوا سنن الرسول عليه أفضل الصلاة والسلام في حياتهم على قدر ما يقدروا لانه عارفين انه في اتباع الرسول نجاة ،حب وحياة ♥️♥️
ف من خلال الاحداث اليومية ال ح بتحصل معاهم ح نحاول نسلط الضوء على بعض السنن النبوية المهجورة ونحاول نحييها عشان نحيا نحن♥️
........
السُنة ال ح نحاول نحييها الليله إن شاء
الله ح نتلكم عنها من خلال موقف ظريف كدا بحصل مع أمل طوالي (( أمل أصغر فرد في البيت زولة متفائلة دائما ومتاكدة انه ال عند الله ما بتروح ما ♥️ !!!)) *تحت عنوان أمل و الديك 🐓✨*...ديييييك؟؟؟؟!ااي الديك الواحد دا😂😂😂♥️ ف يلا نشوف الحاصل إن شاء الله.
.....أمل عايشة في واحد من بيوت الريف وعندهم حيوانات كتيرة في البيت ومن ضمنها الديك 🐓 وكانت بتتضايق من صياحه شديد وبتتمنى انها تسكته بي اي طريقة لانه مرات كتيرة بصحيها من النوم((زيي كدا 😂😂♥️))وكانت بتكرهو شديد بس بعد فترة العلاقة اتحولت لعلاقة حب قوية جدا وبقت تنتظر متين الديك دا يجي ويصيح جمبها أو حتى تسمع صوت ديك الجيران🐓 ...والغريبة انه امل كان عندها كم  موضوع كدا شاغلين بالها وبتتمنى أنهم يتحققوا((زيي كدا برضو 🤭🤭))ف بقت أول ما تسمع صوت الديك دا تقعد تدعي انه المواضيع دي تتسهل ليها وتدعي وتدعي وتدعي لحدي ما صاحبنا الديك يسكت♥️ ......ولو ح نتكلم عن تصرف أمل دا ح نتكلم عن سُنة منسية مهمة جدا والله ألا وهي سُنة الدعاء عند سماع صياح الديك ♥️✨بس ليه والدليل شنو  ؟!
الدليل انه :
ورد في حديث صحيح روي عن أبي هريرة رضي الله عنه عن النبي -صلى الله عليه وسلم- قال: «إذَا سَمِعْتُمْ نُهَاقَ الحَمِيرِ فَتَعَوَّذُوا بالله مِنَ الشَّيْطانِ، فإنَّهَا رأتْ شَيْطانًا، *وَإذا سَمِعْتُمْ صِياحَ الدّيَكَةِ فاسْأَلُوا اللَّهُ مِنْ فَضْلِهِ فإنَّها رأتْ مَلَكًا»* (رواه البخاري مع الفتح، 6/ 350، برقم 3303، ومسلم، 4/ 2092، برقم 2729).♥️
وكلمات الحديث الحمد لله واضحة وما محتاحة تفسير....
بكرة إن شاء الله ح نتكلم عن كم نقطة بخصوص الحديث دا وعن الفوائد المُستفادة منه فما
تنسوا تمشوا تبحثوا عن الموضوع اكتر وأكتر والنت أكيد ما رايح وكله بي ثوابه✨♥️

في فترة الدعوة السرية الرسول بنا قواعد مهمة زي ما قلنا عشان باقي الفترات تكون ماشة كويس ف ممكن نشرح النقطة دي بي انه أقول ليكم في فترة من الفترات بلقى جزء بسيط اسلم وأعلن اسلامه وجزء كبير اخفى وبعد شوية جزء كبير ح يعلن وناس بسيطة بس ال ح تخفي .....بعد فترة تانية ح القى الرسول ال كان خافي موضوع الإسلام برسل لي رؤساء القبائل ولي درجة انه الرسل البرسلهم وصلوا لي قدام لي قيصر وكسرى مرة واحدة ((والكلام دا بعد صلح الحديبية اكيد))
دا كله يا جماعه بوضح لي يعني شنو فقه مرحلة ولو قعدت براك وفكرت في كل الكلام دا ح تفهم انه التدرج دا حصل نسبة لاختلاف الاشخاص،التعاملات،بيئة الدعوة وبالتالي كتير من المُعيقات ال كانت بتواجهه الدعوة بدت تتلاشى شوية شوية عشان كدا هي بقت ماشة في توسع ✨ودا كله لولا كل الاحتياطات ال عملها الرسول في فترة الدعوة السرية ما كان حصل ...ومن كلمة الاحتياطات دي ح نبقى نفسنا دخلنا في إجابة السؤال التاني .....
ف نوقف لحدي هنا ونواصل بكرة إن شاء الله ♥️
#ما تنسوا الدعاء وما تنسوني من دعواتكم وفي أمان الله ♥️✨
#سيرة رسول الله
#فترة الدعوة السرية
#آمال خضر

خيراً تعمل شراً تلقى ..شراً تعمل شراً تلقى .. تقعد ساي شراً تلقى

الرسول عليه أفضل الصلاة والسلام بالرغم من انه عارف انه ربنا ح يحميه ويحمي رسالة الإسلام ،القرآن ((وهو اعظم *سِفر*^^1^^ على الاطلاق)) و المسلمين من كل شر كان برضو بياخد بالاسباب وعايز يرسم طريق لكل الدعاة بعده♥️✨بس كيف ؟!🤔
يعني مهما اختلفت الظروف والازمنة وكان في دعاة الى الله وحصلت ليهم نفس الظروف يعني كان في تفشي وغلبة للكفر والكافرين وانهم ممكن يأذوا المسلمين لو عرفوا بأمرهم فيجب على الداعية والمسلمين التأسي بافعال الرسول ✨دا هو الرسول الكريم أخذ بالاسباب ودعا الى الله في الخفاء في فترة من الفترات كانت بتحتم كدا ،نجي نحن ونلغي الموضوع دا وما ناخد بالاسباب عشان ما يقولوا علينا بنخاف؟!!!معقولة !!
ولو سألتني عن بعض الحاجات ال عملها الرسول من باب الاحتياط والخوف على المسلمين ال معاه ف ح اتكلم ليك عن  مثالين مهمين جدا...ف يلا نبدأ....
....
1/الرسول في مرة من المرات كان قاعد ومعاه سيدنا أبوبكر وبلال بن رباح في بداية الدعوة ف جاهو راجل من قبيلة اسمها اسلم اسمه عمرو بن عَبَثة وكان سمع بي امر النبوة وكدا ف جا عشان يستفسر من الرسول ف قال ليه ما أنت ((لاحظو ما أنت يعني أنت صفتك شنو ما قال ليه من أنت وعايزه يقولوا ليه انا محمد ))..
وكان باقي الحوار كالاتي:الرسول رد قائلا:نبي الله ورسوله .
عمرو:وبما بُعثت؟
الرسول :بالتوحيد ،مكارم الاخلاق ،.....الخ.
عمرو :فمن مع على هذا ؟!
الرسول :حر وعبد ((وشاور على أبوبكر وبلال ))ف قام طوالي عمرو قال عايز يسلم ويجي يقعد مع الرسول بس الرسول رفض وقال ليه لو جيت هنا ح تتعذب وانا خايف عليك وأنت هنا ح تكون بعيد عن اهلك  ♥️🥺 ف سبحان الله بعد فترة وبعد توسع الدعوة عمرو رجع للرسول ومعاه نصف قبيلة اسلم بعد ما ارشدهم الحق  وبقى داعية ليهم ♥️✨
شايفين الجمال ؟!
أما تحليل الموقف فهو :
الرسول أول حاجة كان معاه 60نفر اسلموا ما 2 بس لكن خاف انه عمرو يكشف امرهم مع انه الحاجة دي كان ممكن تدخله الإسلام لو لقى العدد كبير بس الرسول هنا قدم مصلحة الأفراد ♥️وغير كدا لما شاف صدق عمرو قال ليه ادعو الى الله وسط قومك واهلك لانه الحاجة دي قوة ليك وانت هنا ح تكون غريب واحتمال تتأذوي ....مما ادى انه يجي فيما بعد ومعاه  نص قبيلته🤍🔥
2/إجتماعات المسلمين الاوائل مع الرسول كانت في دار الأرقم بن ابي الأرقم ((من الناس ال دخلهم ابوبكر في الإسلام✨))طيلة 3سنوات وزول عرف بي إجتماعاتهم دي ماف من قريش ف كانوا بجتمعوا يتدارسوا القران والفقه ويتفقوا ويتشاروا في امور الإسلام وكيف ينشروه😴
تحليل الموقف هو:
الرسول والمسلمين 3سنة بصورة شبه يومية بتلاقوا في بيت الأرقم ويوم واحد زول عرف بيهم ماف 🤫🤫شايفين الحرص قدر شنو؟!بس ليه الرسول اختار دار الأرقم بالتحديد يا آمال🤔
لانه كان عمره 16سنة بس وأكيد قريش ما ح تشك فيه وح تقول الرسول لو اجتمع بي ناس الأولى يجتمع بيهم في بيت زول من كبار الصحابة بدل الصبي دا ♥️((ومن هنا بتظهر ليكم كمية المسؤولية ال كان شايلها الشاب الصغير دا ؛ياخي بداية إجتماعات المسلمين كانت في بيته شايفين مدى تقدير الاسلام للشباب ✨✨زي عمر الأرقم دا أسي تلقاه يا دوب أسي في تانية ثانوي وامه وابوه بعاملوه كطفل واقصى اهتماماته كورة ،تلفون وطلعات مع الشباب بس وين دوره كفرد يبني الامة ؟!!للاسف مجتمعنا غير مهتم بالامور دي وشايف انها ما مسؤوليته 💔💔💔
الحاجة التانية دار الأرقم في قاعدة في طرف بيوت القبيلة وبعيدة شديد ومن السهل أنهم يقعدوا فيه بدون ما زول يشوفهم واخيرا الأرقم كان من قبيلة بني مخزوم ((ورئيسها ابو جهل سود الله وجهه))وهي اكتر قبيلة عندها عداوة مع قبيلة بني هاشم يعني مافي زول ح يخطر على باله انه الرسول يجتمع بي ناسه في قَعر دار عدوه.
كلام حلو شديد يا آمال وحرفيا أول مرة أدقق في تفاصيل تصرفات الرسول كدا يا سلام ياخي ✨♥️
بس يا آمال معليش شنو الضابط ال بخلي القائد وجماعة المسلمين ياخدوا الحيطة والحذر  كدا لانه لو قلنا نعمل كدا طوالي في ناس كتيرة ح تعمل رايحة من الدعوة وتقول ليك أنا عايزة احافظ على نفسي ؟!!
طيب ،سؤال جميل جدا ومهم يعني أنت قصدك بي إختصار كيف اقدر أفرق بين إتباع هوى النفس بسبب الجبن وبين اني أكون بطبق في منهج الرسول عليه أفضل الصلاة والسلام ؟!
ايوااااا بس كدا يا آمال ،طيب ح اجاوب على الكلام دا وح ادمج معاه كلام جميل عن فقه المثلين بس خلونا ناخد الجُرعة اللُغوية ونواصل إن شاء الله ♥️

والجرعة اللُغوية دي يا جماعة عشان تزيد ارتباطنا باللغة العربية ((ال لي للاسف بقت الثقافة في التخلي عنها))ولو لاحظتوا في النص انا كتبت كلمة سفر ومعاها العلامة دي ^^ف دي للترقيم عشان في الجرعة اللُغوية نرجع ليها ونشوف معناها سوا.....
*الجرعة اللُغوية*:
كلمة *سَفَرة* من الكلمات ال عندها معاني كتيرة في اللغة العربية ♥️♥️ف لما اقول سفرة فهي من السِفر وهو مفرد لجمع كلمة أسفار *والاسفار هي الكتب زي ما جاء في قوله تعالي ((الحمار يحمل أسفارا))*
ومنها قالو *سَفرة* يعني *كَتَبة* .....واتفرع المعنى تاني يعني ممكن أقول كتبة بكتبوا الكتب  أو بحملوها ✨..... بس كيف ما فهمت يا آمال ☹️☹️☹️
يعني زي ما بقول ساحر سَحرة وكافر كفرة
مش ممكن اقول سافِر سفرة ؟🤔🤔🤔🤔
ايوااااا عشان كدا هنا ح تكون بمعني كاتب ♥️🤝بسسسسس الله يفتح عليك .
عندنا معنى تاني برضو :لما أقول أسفر الشئ يعني *إتضح وظهر* .مثلا في قوله تعالى (( *والصبح إذا أسفر))* ♥️♥️فمن هنا اي شي فيه كشف وظهور ممكن اطلق عليه كلمة أسفر أو مشتقاتها زي شنو ؟! فكروا معاي في كلمات تانية 🤔🤔🤔🤔
طيب ح اضرب مثال بي كلمتين:
*الأولى السفور* يعني عدم الحجاب *واظهار* الزينة.
*والكلمة التانية السَفَر*  لانه عن طريق السفر *بتظهر* أخلاق الرجال ((زي ما قال سيدنا عمر بن الخطاب رضي الله عنه♥️♥️ ))
واخيرا بيتضح *ليكم علاقة لطيفة* بين معنى سِفر وهي الكتاب ومنها اسم الفاعل *سافِر* وبين السِفر بمعنى التوضيح والظهور لانه الكاتب بوضح وبيظهر للناس المعاني المختلفة ف من هنا كان الارتباط بين المعنيين♥️♥️♥️♥️شفتوا جمال اللغة ؟!
وعشان نعرف باقي اجابة السؤال خلونا نواصل بكرة إن شاء الله .
ما تنسوا الدعاء وما تنسوني من دعواتكم وفي أمان الله .
#سيرة رسول الله
#الدعوة السرية
#آمال خضر

طيب لو جيت اجاوب على سؤالك انه شنو هي الضوابط ف ح أقول ليك :لازم لو حصلت مواقف زي دي طوالي اقوم اعمل ليها مقارنة مع احوال الرسول وادرس اوجه الشبه والاختلاف بينهم واراعي لي اختلاف الزمان والمكان وبعدين لازم نرجع لي رأي القائد ((ويكون ذو دين ورأي سديد وبعدين هو بعرف يقدِّر الموقف كويس حسب متطلبات المرحلة وقوة العدو))ومن ثم نلجأ لرأي ومشورة الجماعة ((لانه ما خاب من إستشار ))وبعد دا كله نخلص النية لله سبحانه وتعالى وبي كدا ممكن نتخلص من عامل الهوى وتكون بتطبق في مناهج الرسول ((لانه بين الحرص والجُبن شَعرة لا يتم التفريق بينهما إلا بالضوابط المذكورة أعلاه))
#كسرة بسيطة كدا يا جماعة ::لو حصل حضرتوا وِرشة بتاعت مهارات قيادة ((واحدة من ال soft skills وكيف انت تكون قائد كويس وانه لازم تشاور اعضاء مجموعتك ح تلقى انه نفس الكلام الاسي قلناه دا ياهو نفس كلام ناس الوِرش والتنمية البشرية ✨♥️بس هل في الورش دي قالو لينا قبل كدا أمثلة عن قيادة الرسول لي المسلمين وانه ربنا قال في كتابه :
فَبِمَا رَحْمَةٍ مِّنَ اللَّهِ لِنتَ لَهُمْ ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ ۖ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ (159) ...آل عمران الاية 159.♥️♥️♥️🥺
وفعلا القران والسنة ما خلوا لينا حاجة ما وضحوها لينا  ف ليه نحن ما نحاول كلنا نربط حياتنا وتصرفاتنا بيهم عشان نلقى البركة في طريقنا؟!😴😴

واخيرا من كلام الاحتياطات ممكن نطلع بي يعني شنو فقه مثلين ؟!
طيب ربنا قال :((الآنَ خَفَّفَ اللَّهُ عَنكُمْ وَعَلِمَ أَنَّ فِيكُمْ ضَعْفًا فَإِنْ يَكُنْ مِنْكُمْ مِائَةٌ صَابِرَةٌ يَغْلِبُوا مِائَتَيْنِ وَإِنْ يَكُنْ مِنْكُمْ أَلْفٌ يَغْلِبُوا أَلْفَيْنِ بِإِذْنِ اللَّهِ وَاللَّهُ مَعَ الصَّابِرِينَ)) (الأنفال:66)
والاية واضحة يعني ممكن المسلمين عادي يغلبوا الكفار حتى لو كانو ضعفهم وما مفروض يفروا من المعركة .
بس الفقهاء قالو لو تجاوز عدد الكفار ضعف عدد المسلمين يعني مثلا 3اضعاف جاز لجيش المسلمين الانسحاب من المعركة حفاظا على ارواحهم ونُصرةً للاسلام ♥️
دقيقة دقيقة كيف انسحاب ونُصرةً مع بعض 🤔🤔😱😱
طيب الشيخ الملقب بسلطان العلماء ((وهو عالم ،قاضي ولعارف بعلوم اللغة والتفسير والفقه ))العز بن عبد السلام قال في كتاب قواعد الاحكام الكلام الاتي:
*أي قتال لا يتحقق به نِكاية العدو فانه يجب تركه؛لأن المخاطرة بالنفوس إنما جازت لما فيها من مصلحة إعزاز الدين والنكاية بالمشركين ،فإذا لم يحصل ذلك وجب ترك القتال لما فيه من فوات النفوس وشفاء صدور الكفار وإرغام أهل الاسلام،وبذا صار مفسدة محضة ليس في طيها مصلحة .إنتهى
: يعني مختصر الكلام لو العدو كان اكتر من الضعف وكان اكثر عدة وعتاد ؛حفاظا على النفوس وعشان العدو ما يتبسط بإذلال المسلمين بعد يقتلهم كمية منهم ف يجوز لهم الانسحاب ولا يعتبر من  التولي يوم الزحف . ..بس أكيد لازم نراعي الضوابط ال ذكرناها فوق ....
وبعد الحلقة الدسمة والحلوة دي نتلاقا بكرة إن شاء الله ♥️ عشان نجاوب على السؤال الاخير ((وما تخافوا إجابته بسيطة شديد  )) ♥️✨فخليكم قُراب .
#ما تنسوا الدعاء وما تنسوني من دعواتكم ،وفي أمان الله✨🤍
#سيرة رسول الله
#الدعوة السرية
#آمال خضر

اقوال حبوبة😍

حبوبةة قالت:
والخـوة ياولدى بتظهر ليكِ ساعة الحارة وقت تكون برآك ورأسك مقطوع❤️وماتفتش للأصحاب ولا الحِبان الرزق ده من الله إن إتوكلت عليهو عوجة بتجيـك مافي❤️والله يعدلها عليك دنيا وآخره ويعلي مقامك وتلقاها خدراء محل تقبل يعدل خطوتك ويحفظك يا يابا ! ❤️وأصبر (الصبُر مفتاح الفرج ) ومحل ما مشيت أبقى خفيف على الناس لاتقابض لاتجابد
❤️والكلام الشين عمرو مابتنسي والبدخل البطون مابغسلو الصابون ، والكلمة السمحة بذكرو بيها سيدها ❤️!
وقالت كمان:
والراجل ماتكوسيهو ولا تفتشي ليهو ، بِت العز والاصيلة بجوها قبلها❤️والعجلة من الشيطان
ولسانك أمسكو عليك يا (القولً الطيب ولا السُكات)،والجاية من الله زولاً بوفقا ماف ، وإتعلم أرضى بالقاسمو ليك الله  إن قليل أو كتير ، الرضا بالمقسوم عبادة ياولدى❤️❤️❤️❤️❤️

#أنا أختكم آمال خضر
ح انزل رابط صراحة بتمنى انه ترسلوا لي فيه أراءكم حول كتاباتي عموما وبي صورة خاصة عن سلسلة السيرة النبوية....
أكتر حاجة بتعجبكم في الكتابة مثلا ،حاجات شايفين انها مفروض تتعدل ،المحتوى كتير ولا مناسب أو اي نصائح تانية. ....بي إختصار أي حاجة عايزين تقولوها اكتبوها لي وأنا بحاول ارد عليكم إن شاء الله.

?text= أعطني رأيك عني بسرية تامة وصراحة  http://11111ggggg.sarhne.com

انا كزولة ما ملتزمة مرة مرة من فترة بتجيها فكرة انها تلتزم بدينها وتطيع ربها..
ما كان عندي فكرة واضحة عن إنه المفروض ابدا من وين أو أعرف عن ديني شنو

مرة مرة بحاول امسك المسبحة مثلا واسبح - رغم اني وقتها ما عارفة التسبيح هو زاتو شنو^-^

او احاول مثلا اخلي المكياج برا البيت
او ابر امي واصلح علاقتي مع اخواني ونتعاون سوا او اخلي الاغاني
حاجات  كتيرة في حياتي ما كانت بتخضع لمقياس الحلال والحرام .


فقررت مرة إنه من كل فترة للتانية ادخل اليوتيوب واشوف مقاطع دينية عشان أحاول اعرف الطريق

فعلا الحاجة دي كانت كويسة بس للأسف ما التزمت بيها لفترة طويلة وقتها..

كل اللخبطة دي عشان في حاجات كتيرة مفترض اغيرها او حاجات مفترض اعملها ..
بس ما كان في محرك كافي يخليني اجتهد

تعدي الايام وانا بحاول واقوم واقع - لحد اليوم-

لانه فعلا جهاد النفس ما بينتهي



لحد ما بفضل الله خريطة الطريق بدت توضح شوية شوية.. عايزة اقول شنو؟
في حاجة يا شباب انتو لو عرفتوها وعرفتوا اهميتها حرفيا حياتك كلها بتهون وح يكون هدفك فعلا انك تتصلح وتبقى زول احسن ..

هي البتوضح ليك كل طريقك أو مفروض تعمل شنو!

ألا وهي معرفة الله عز وجل ❤️ .



لمن فعلا تعرف ربنا عظيم قدر شنو وكذلك فضله عليك ونعمه الما بتنتهي على قول ابن القيم رحمه الله " من عرف الله بأسمائه وصفاته احبه لا محالة "
متخيل🥹 !
هسة لو رجعنا لورا شوية .. زمن الرسالة الاول❤️
لمن بلال بن رباح بيتعذب في الرملة الحارة شديد ديك والصخور على صدره وحاله صعب شديد
المانعه شنو يتخلى عن دينه دا عشان العذاب يتوقف؟ الخلاه كل مرة يغيظ امية بن خلف بقوله " أحد..أحد " وداك يزيد العذاب لسة عليه

طيب زماان ماشطة بنت فرعون لمن هو عرف انها بتعبد الله شالوا أولادها واحد ورا التاني رموهم في الزيت الحار لدرجة عظامهم جات مطفحة بفوق !!!
لا حول ولا قوة الا بالله
الخلاها تثبت شنو؟؟؟

برضو سحرة فرعون اللي جايين مخصوص عشان يغلبوا موسى بالسحر.. لمن شافوا آيات الله امنوا طوالي لدرجة فرعون هددهم بالصَّلْب وإنه يقطع ايدينهم ورجلينهم ما اشتغلوا بيه ولا بتهديداته .. لا بجد يعني مالهم؟ الحصل ليهم شنو؟ مش هسة كانوا كفار؟

ببساطة يا جماعة ديل ناس عرفوا الله بحق وحقيقي.. عرفوا هم بيعبدوا الله ملك الملوك ذي الجلال والإكرام..
عرفوا عظمته وجلال قدره فهان عليهم أي شي يلاقوه في سبيل إنه يرضى عنهم ❤️ .

طيب ونحن ؟!
مش برضو بنعبد الله ! طيب ليه ما قادرين نبذل ليه ولو ١% من العملوه الناس ديل؟؟

اسأل نفسك..حياتك ح تبقى كيف لو بجد عرفت الله سبحانه وتعالى؟!

ح تذوق ما يسمى بحلاوة الإيمان ❤️
شايف دي!!
هي البتخلي اي صعوبة تبقى ليك فيها لذة طالما هي في سبيل الله

دي البتخليك تقوم من سريرك الدافي وتقطع نومتك الهنية عشان تقيف بين يديه سبحانه وتعالى وتصلي الفجر ولو حتى في عز الشتا..

دي البتخليك تمسك لسانك عن الشتيمة والقطيعة والكلام اللي ما بيرضيه.. بس عشان انت عرفت إنه ربنا ما بيحب دا..

دي البتخليك تصبر على فتن الدنيا وملذاتها  المحرمة بس عشان بتحب ربنا ومستني جنته ورضاه

دي البتخليكِ كبنت تصبري على اوامر ربك وتطيعيه وتحافظي على حيائك ونفسك وحجابك وتريقة الناس عليك
وتخليك تصبري وتحافظي على قلبك من العلاقات المحرمة رغم إنه كل حاجة بتسهلها ليك ..وممتنعة عنها حتى لواغلب الناس حوليك شايفنها عادي بل وضرورة!!! الله المستعان


في الختام
معرفته جل جلاله هي الكنز الحقيقي والله
هي سبب السعادة والراحة في الدنيا والآخرة
هي اليقين الما بيخلص حتى لو كنت في اسوأ حالاتك والبلاء بيفتك بيك .. ح تفضل مطمئن
ولسان حالك يقول " كل اللي بيجي من ربي حبيبي فهو حبيبي❤️ "


يتبع ..
#آلاء_عماد ✒️
#تعلُّم_ما_يحبه_الله
#الجزء_الأول

في كتير من الناس ال بهاجموا دعوة الإسلام بقولوا انه الإسلام عبارة عن ثورة للفقراء على الأغنياء وبدخلوا كلام المال والسلطة في اسباب قيام الدولة الاسلامية لانه المسلمين الاوائل كانوا عبارة عن ناس بس حاسين أنهم فقراء وما عندهم قيمة 💔💔لكن هل الناس ال بقولوا كدا عارفين انه أول 40 مسلم كان منهم 27 واحد من كبار الاشراف في مكة وأي واحد فيهم ثروته تقدر بالآلاف ؟!دا غير الابل ((وال وقتها كانت هي مقياس الثراء الحقيقي عندهم؟!))
سيدنا ابوبكر الصديق مثلا كان عنده آلاف الدرهم لما دخل الإسلام ((وفي لفتة هنا انه لما جا يهاجر كان معاه 5 ألف بس وانفقها عشان موضوع الهجرة ✨♥️))يعني الناس ديل ما همهم مال لانه عارفين انه المال مجرد وسيلة بتوصل لي ربنا سبحانه وتعالى لو أنفِق فينا يحب ويرضى.....
مثال تاني مصعب بن عمير من الشباب المُنعمين جدا في مكة وكان فاحش الثراء لما اسلم وكان ماشي للهجرة استغنى عن كل ماله ودخل الإسلام وما كانت همه الأول .
أما سيدنا عثمان بن عفان دا تقريبا كان من اكثر الناس ثراءً في قريش ((من فضة ،ذهب ومواشي )) وبعد دا اسلم وما قال انه الناس المعاي فقراء .
من الكلام دا كله نفهم انه الإسلام ما كان مجرد دين جا بس عشان الناس الفقراء يثوروا على الأغنياء ويغيروا موازين المجتمع الإسلام جا لاسباب أسمى من كدا بي كتير وهو ال نظم التعاملات المالية فيما بعد من صدقات زكاة وتجارة دا كله عشان المال يصب في موضعه الصحيح بدون حدوث فجوات في المجتمع♥️✨

واخيرا ...
قريش كانت عارفه انه في ناس بتمارس في شعائر جديدة يعني شافوا مرة مثلا الرسول بصلي مع السيدة خديجة ،وفي اهل برضو شافوا مرات كدا اولادهم بصلوا لكن ما اهتموا بالموضوع شديد على اساس انها شعائر تعبدية زيها زي غيرها من الشعائر ال كانوا بعملوها الحنيفيين في مكة أو النصارى الزاهدين زي ناس ورقة بن نوفل وجماعته يعني بي إختصار فهمهم كان ما دام انت بتعمل في حاجة وما بتضر بيها القبيلة أو تغير بيها معتقدات الناس ف اعمل الدايره بس أوعى تقرب على افراد المجتمع وتعمل فيها داير تخت ليهم شرائع جديدة .
والكلام دا ح يظهر اكتر ويوضح لما ننتقل لي بداية الدعوة الجهرية ورأي قريش كان شنو في موضوع الإسلام ...وح نتكلم عن الأية ال نزل فيها الأمر للرسول بي انه يبدا فيها ((وعن قصة العزومة ال عملها للناس ))....
وإلى أن نلتقي في أمان الله ♥️✨
#سيرة رسول الله
#الدعوة السرية
#آمال خضر

مرات كتيييييرة بنشوف الغلط بي عينا وبنسمع كلام كتير جارح وبنحس انه نفسنا نتكلم أو نرد الاساءة لكن ما بنقدر 💔💔💔لانه بي بساطة بقت ما فارقة ووصلنا مرحلة بعيدة من البرود بي سبب كل التراكمات ال حصلت لينا .......
((دا لسان حال الكتير مننا وبنبرر كلامنا بي كلمة برود وعدم لا مبالاة لكن ما نجي نفكر في الموضوع من ناحية تانية 😴😴😴))بس كيف ؟!
حقيقة بعد كمية من الصدمات ال ممكن تعيشها في حياتك بتلقى نفسك وصلت لي قناعة كدا انه اي زول واي علاقة في الدنيا دي ما بتسوى حاجة قدام القرب من ربنا وانه ربنا هو الوحيد ال مفروض نكون معاه لانه غير كدا ح تتعرض للخذلان كتير في اللحظة ال بتدرك فيها الحاجة دي وتبدا تقرب منه بتحس بي إحساس ممكن اقول عليه حلو شديد ....وبتقول لي نفسك :انا والله تاني ما عايز مشاكل ولا قادر ارد على زول ،الدنيا دي قصيرة ومافي زول بستاهل اعكر مزاجي عشانه وبي باقي الطاقة ال عندي دي احسن اعبد بيها ربنا واحاول بيها معاه ❤️‍🩹❤️‍🩹❤️‍🩹وبتبدا تدريجيا تنظر للامور نظرة عادية جدا لانك بي بساطة علقت قلبك بي ربنا ف لقيت الباقي ما بستاهل وكل العليك تعمله تجاه الناس والمواقف دي  انك تقول يا رب خليني في سلام وهدوء بعيدا عن كل شي ما بستاهل....
بي إختصار  البرود ال بجيك فجأة بعد اكتشفت انه ال عند الله ما بتروح وال عند الناس رايحة دا اسمه ((ربنا نزل السكينة على قلبك وبي فضله كل شي بقا هين ))فالحمد لله على كل شي مهما كان كعب خلانا نصل للمرحلة دي♥️♥️♥️❤️‍🩹
#ما بتستاهل
#آمال خضر

مساك سُكر يا جميل🫧💜

❑💎لم تأخࢪ صلاة ↤ اتبعها بنافله 💜☁️••
❑ 💎لم تسمع اغنية ↤ اقرا وجه من القرآن💜 ☁️••
❑💎لم تࢪفع صوتڪ على والديڪ ↤ اتصدّق واستغفر 💜 ☁️••
❑ 💎لم تغتاب زول ↤ ادعي ليهو في ظهر الغيب💜 ☁️••

≪ اتبعو السيئات بالحسنات فࢪبنا  ࢪب غفور ࢪحيم ≫••

"ان الحسنات يذهبن السيئات" ••💜••

واخيرا صلوا على الرسول صلى الله عليه وسلم •♡•

#أم_أحمد

.
‏إن لم تكن حنونًا في الخطأ ما فائدة حنانك والدنيا صحيحة ، وإن لم تراعي في الحزن ما فائدة مُراعاتك والآخر سعيد ، إن لم تتفهم ثورات الغضب والعِتاب والغيرة فما فائدة فهمك للتجاوز والعالم هادئ وساكن ، الإنسان أكثر ما يحتاجه إنساناً يكون كفؤ في أوقاته الصعبة أما في الرخاء الكل يصبح كفؤ.

#مساء_الخير.

#الاسكندر

السلام عليكم ..
طبيعي إنه  لو بتحب زول انك تعرف مثلا هو بحب شنو عشان تعمله او بيكره شنو عشان تتجنبه ..
ولله المثل الاعلى💕


أبوح ليكم بِسِر؟
اكتر ناس بحبهم الله عز وجل لدرجة النبي صلى الله عليه وسلم قال عنهم أهل الله !!
متخيل!!
في الحديث - فيما معناه - إنه لله سبحانه وتعالى اهلون من الناس وهم أهل القرآن 💕
أهل الله وخاصته!!

كيف لا والقرآن هو كلام الملك جلّ في علاه
كلام رب العزة 💕


أكتر ناس محظوظين في الدنيا -والآخرة كمان- هم أهل القران والله 💕
حياتهم عبارة عن بركة وخير وفتوحات عظيمة
ديل ناس مُصطفين 💕

اتذكرت قصة رواها الشيخ عبد الكريم الخضير
قال : واحد حكى ليه يا شيخ انا شفت ابوي ربنا يرحمه في المنام ووجهه يتلألأ نوراً.. جاني وسألته يا ابوي انت وين؟
قال ليه انا في الجنة ومع النبي صلى الله عليه وسلم فسأله كيف الله رفعك للدرجة دي
قال ليه بالقرآن "
!!!💕💕💕💕
معقول!! مع النبي صلى الله عليه وسلم يعني أعلى درجات الجنة 💕
الزول دا كان عمره فوق لل١٠٠ وكان حافظ لكتاب الله بيقرا القرآن طول الوقت في السفر والحضر 💕
فعلا والله لقوله جل في علاه :

﴿إِنَّ الَّذينَ يَتلونَ كِتابَ اللَّهِ وَأَقامُوا الصَّلاةَ وَأَنفَقوا مِمّا رَزَقناهُم سِرًّا وَعَلانِيَةً يَرجونَ تِجارَةً لَن تَبورَ۝لِيُوَفِّيَهُم أُجورَهُم وَيَزيدَهُم مِن فَضلِهِ إِنَّهُ غَفورٌ شَكورٌ﴾ 

كل آية فيها رِفعة درجة 💕

كل زول يوم الحساب اعماله بتكون انقطعت
إلا حافظ القرآن يُقال له اقرا ورتل وارتقِ
- لحد وين؟؟
لحد آخر آية يقراها
-طيب واللي حافظ القرآن كله؟
منزلته في اعلى الجنان في الفردوس الأعلى 💕

بالله دا خير يفرطو فيه؟!

اذا ما كان ليك نصيب من القرآن فإنت من البديهي حياتك تكون فيها وحشة شديدة وضيق
ما بيزول الا بالقران
منو البعيش من غير كلام خالقه!!

خلي ليك ورد ثابت يوميا ولو نصف صفحة عسى الله يرفعك بيها
..ورد لو فوتته يوم عاتب نفسك كأنك بتقول ليها
الليلة فوّتت نصيبي من كتاب ربي💔


والله القرآن هو التجارة الرابحة ١٠٠%
كيف لا وهو الحرف منه ب١٠ حسنات والله يضاعف لمن يشاء💕


اوريك سر اخير!
لو عايز تحس بحلاوة القرآن اقراه كأنك بتسمعه من رب العالمين 💕مش هو كلامه!



ختاماً
اقرا كتاب الله عشان يرفعك بيه ..عشان تستانس بيه في قبرك وعشان يشفع ليك بعدين 💕

#اقرا_قرآن 💕
#آلاء_عماد