البـارت مئة وستة وتسعون 196☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــ

.. ابومحمد بضيق: ايوة بعد ماشرحوا لي سبب زواج يوسف من هذك اللئيمة واتكلمنا وقلت الرأي لش انتي

.. وتين بكلام صدمهم كلهم: انا موافقة ارجع وان شاءالله شاارجع اليوم

.. محمد بحدة: ااايش
.
.

.. ابومحمد بنظرات له: انت امسك لسانك واسكت... ولف لها: متأكدة يابنتي

.. وتين بإبتسامة: متأكدة ياتاج رااسي

.. ام محمد تنهدت وبراحة: الله يسعدش يابنتي ويوسف رجال ويحبش ياعيوني وكلنا شاهدين

.. عمار ابتسم وبلقانة: ايوة ارجعي يااختي علاميد موضوعي مايخرب

.. الكل عدا محمد اللي مكشر: هههههههههههههههههههههههههههههههههههههههه

.. وتين بإبتسامة: طيب ل عيونك  ول عيون كناني شاارجع

.. رؤى: صدقتي والله ياوتين مايسبر يكبر الولد بدون ابوة وقده بيستوعب يعني سنين وسألش وين ابي لو تصري ع الطلاق

.. ابومحمد: تكلمتي مع زوجش

.. وتين وعينها ع محمد اللي مكشر بغضب وبيتبسر نقطة معينة: تكلمنا أمس وشاارجع اليوم عصر

.. ام محمد وابومحمد: الله يوفقش

.. وقف محمد وخررج بضبح قد رؤى عتلحقه وقاطعتها وتين: اجلسي انا شااكلمة.... وخطيت وراه
.
.
.. جلس في السور اللي باب الڤلة بضيق لف على صوتها: محمدي

.. محمد بضيق: ااايش

.. جلست مقابل له: دارية انك زاعل من يوسف بس يااخي كان مجبور مثل ماانا مجبورة وأكدت لك،، وبعدا يااخي وياسندي اطرح نفسك مكانة اكيد عتفعل نفس الشيء واخس يمكن،،، وبعدا يرضيك يعيش كنان بعيد عن أبوة؟ ترضى انت تعيش وتين بنتك بعيدة عنك

.. محمد بسرها بقهر: بس هوه فلتش وح.... قاطعته: كنا مجبورين الاثنين وخلاص وانا قد زعلت كفاتي منه ومايحق لي ابعد ابنه عليه وقد اعتذروا وعرفوا بغلطهم،، والله قد انتقم لنا من اللي كانوا السبب،، ايش عاد نشتي،،، وبعدا لاتنسى عمار ولو ارجع لايحددوا العرس يعني يرضيك اكسر فرحتة وفرحة امي اللي منتظرة تفرح في عرسة لانها مافرحت في عرسنا

.. تنهد بإقتناع: طييب بس والله ياوتين لو يئذيش بكلمة او حتى بحررف لااقلب الدنيا فوق راسةةة واتحداش توقفي في طريقي

.. ابتسمت وضممتة: اببببشر ياااسندي وياعزووتي وياشقيق ظهرري وانت اول وجهتي لاأذاني

.. تنهد ومسح على راسها وبقهر: وتيني سامحيني على هذك الايام م... قاطعتة ورفعت اصبعها ومسكت فمةة بخفة: ااشش هذك الايام قد نسيتها وداارية انك كنت مجبوور ومسحوور من هذك الطاغية وربي عيعاقبها،، خلاص خلينا ننسى ونغلق هذك الدفترر

.. ابتسم ولمها لاصدرة: عمرري ماعرفتش الا قووية وتزيدينا قووة بصبرش يااشقيقة ظهري انتي

.. وتين شدت عليه وببكاء: لانكم معي ولان الله اوجدكم في حيااتي ومستعده احاارب الدنيا عشاانكم

.. محمد: اررفع راسي بكل فخرر لاني امتلك اخت مامثلها احد ياوتين قلبي انتي

.
.
.... بعد العصصر
.. في بيت ابويوسف
.. ام يوسف: يعني عيحددوه في اسرع وقت

.. ابويوسف: ان شاءالله خير لما نبسر موضوع يوسف ووتين وبعدا نفررح براحتنا ونعرس افخم عررس ل رُقية

.. ام يوسف بإبتسامة: وموضوع ريما؟

.. ابويوسف: قد سألتها أمس الليل وشبه موافقة زيدي ابسريها وكلمي الجماعة يجوا في أي وقت واذا هم مستعجلين على العرس زوجناهن الثنتين

.. ام يوسف: ماهوه تزوجهن الثنتين كفايه رهف ورانيا وبعدا يوسف ماقد قلنا له

.. ابويوسف: وينة من امس ماروّح وهم جوا امس العصرر عتبسرة واكلمش... ووقف: يلاه هاه شااسير الشركةة... وعطاها ظهرها وخرج وهي رجعت تتصل ل يوسف

.
.
.. رفع تلفونة ورد بضيق: هاه اماة

.. ام يوسف: وينك ياابني ايش هذا الشغل اللي معك من امس

.. يوسف بكذب وهوه رجع للتلة: عمل في المركز الفيزيائي يمة قدكم عارفين وانا اخر فترة ماعاد داومت

.. ام يوسف تنهدت: ووتين ايش زد فعلت تصالحتوا

.. يوسف بيأس: رافضة يماة مارضيت ترجع معي

.. ام يوسف غثيت: لاتزعل ياعيوني الان اسير لاعندها وارجعها وامس اللي ابوك سار وكلمهم وان شاءالله خير

..يوسف بنفي:لا ياقلبي لاتسيري ولا قد تفاهمت معاها وخليها براحتها ايحين ماحبت ترجع انا منتظر وبغصة ..وان مارضت وماقدر ينطق سكت بقهر

..سكتت بإقتناع

..يوسف:يلاه يماة خاطركم ماعد تشتوا شي

..ام يوسف:ولاشي ياعيوني انتبه لنفسك
...غلق الخط وتنهد نهددده عممييييقة وتكلم من مشاااعره :
..تعبت من هذا البعاد والفراق مزق شراييني
..الى متى اتعذب في هواه ويكرّهني العتاب
..الى متى وانا اصارع الموت من وساويسي
..تعبت ياالله وجيتك خاضع طارق لك الف باب

..هون عليه مصايبه عسى وينسى ويلتفت لي
..افتقدت له ومييت عليه وكاره لكل الاسباب
..كله يهون ولا انه يقسى ويجفى احاسيسي 
.. تعبت وانا اداري حبه بمزيج ذاك العذاب
.. ياشوقي له يوم كان فرفوش في اجاويفي
.. والان اشوفه معذب وقهره يوصل للسحاب
.. وقهره سبب بالبعد وهذا كان من مخاويفي
.. هون عليه يارب عشان ينسى ذاك الغياب
.. ماعاد فيني طافه اشوفه بعيد عن اراضيني
.. تعبت من فرقاه الكسيفة ذي سببت لي إكتئاب
.. تعبت من غياااابه ذذي سببب لي إكتئااااب اااااااح اااااح
....✍️ⓜ 
.
.
.. لبست عبايتها وتبرقعت وجهزت ابنها وسلمت عليهم وخرجت وضغطت الريمونت حق السيارة الحمراء الجديده اللي اداها لها ابووها ومبتتتسمة كيف عتكون ردة فعل يوسف طرحت كنان في العربة وثبتته بالحزام وطلعت مكان السواق ولفتت له: مارأيك نزيد نعذب ابوك شوية ياكناني عشان تقع المفاجأة ضخمه ابتسمت واتصلت ل رُقية جاها الصوت: ياحييااا هتتتلر هيااا وين قددش

.. وتين بحده: لاتقولي لي قد قلتي ل يوسف اقسم بالله لااقتلب هتلر صدق واقتلش

.. رُقية ضحكت: هههههههههههههههههههههههههههههههههههههههه ماقد قلتلة لاتقلقي والان باقي الضربة القاضية حسبش الله عتقرحي قلب اخي

.. وتين ابتسمت: اممممم مففعل اشتي افاجأة بس مفتجعه يغثى قووي

.. رُقية بحده: كان ماتشتي ماعيغثاش حين اتصلة واقلة مرتك زلجت ابنك وبتطلب الطلاق وماتشتيك لاانت ولاابنك

.. وتين: بس انا متوقعة ماعيصدق اننا عتترك كناان

.. رُقية: اهاه ولما يجي ويبسر كنان هناا

.. وتين: اوووف ابردي عيبسر المفاجأة ويسلى افعلي اللي قلتلش وبس

.. رُقية تنهدت: أمري الى الله بس مادخلني لاقتلش يوسف

.. وتين بتفكير: ولاااقلش

.. رُقية: ايش يامزاجية

.. وتين: اتصلي له وقولي له ان محمد ادا كنان وقال ان وتين رفضت ترجع وقررت تجلس في بيتهم شهر شهرين تفتهن نفسيتها وخلوا كنان عندكم

.. رُقية: ايوووة عاد هذا احسن من الطلاق

.. وتين: يلاه هاه بين اسوق انزلي اافتحي لي

.. رُقية: يلاه يلاه.... ونزلت وهي فااااارحة بسرت امها في الصالة

.. ام يوسف بحدة: مالش بتتبسومي من الصبح

.. رُقية جلست: ي امااة عندي لكم خببر يفررح قوووي

.. ام يوسف: اللهم اجعله خير

.. رُقية: خير خير،، مابلا الصبح وتين اتصلت لي وقالت انها قد تصالحت مع يوسف وبس تشتي تقلة ماتشتيش ترجع علشان تفاجئة وتجي هي لاهنا ومعاها كنان

.. ام يوسف فرررررحت: منننش صدددق وللييش عاادها بتدور خبر ابني عيطفح

.. رُقية ضحكت: عاد عنمقلب به عنقلة انها عتزيد تجلس شهرين في بيتهم وعتطرح كنان عندنا

.. ام يوسف بنظرات: هذه من افكاارش انا داارية وتين عاقلة ماتفعل هذه الحركات

.. رُقية: هههههههه والله ماعاقلة الا انا اسكتي عاد كانت تشتي تقول انها ماعد عترجع وطالبة الطلااق

.. ام يوسف بزعل: يووووه ماشااسمح لكن تحرقين اعصابةة شااكلمة انا

البـارت مئة وسبعة وتسعون 197☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــ

.. رُقية نبعت (نطت) لاعندها: اماااة ماقلتلكم تخربوا مفاجأتنا ماعيقع به،، خلية علشان يتفاجئ قوووا

.. ام يوسف: بس..
.. رُقية قاطعتها: ولا بس ولا شي

.. جت ريما: ماهوه مابة

.. قالين لها وفررحت وجلسين منتظرات ل وتين بعد دقائق وصلت وهي منحرجة ودخلت من البوابة وصفت السيارة وشلت كنان وخطيت

.. دقت الباب ورُقية وريما وام يوسف طارين لاباب الباب فتحين لها واقبلين يسلمين عليها ويشلين كنان ووتين منحررجة

.. بعد السلام والكلام رُقية: يلاه اطلعي ماش وقت

.. وتين ابتسمت وطلعت وكنان عند ام يوسف اللي ميييتة علية وبتتحيلا له وفاااارحات

.. رُقية بحده: يجي يووسف تتغير ملامحكن مفهووم!!

.. ام يوسف مش معاها وبتلاعب كنان... ريما بضحكة: مفهوووم

.. خطيت لاطرف ومبتسمة بإرتباك واتصلت له
.
.

.. طالع عند وتين بسرت الجناح اللي مزززين وشكلة يجننن وبضحكة: الله عليش يارُقية كفوو والله (خلتها تزين الجناح وتفعل لهم جو بحكم ان وتين ماعتقدر تلحق)  ..... ههههه لو هوه انا لااجلس ساعة افكر ماافعل فدديت الدلع بس هنييت لك ياعماار.... وخطيت تلبس

.
.
... نازل عندهن
.. جاها صوته الضايق: الووووه

.. رُقية بليعنة وبصوت شبه باكي بكذب: يوسف

.. يوسف فزز: مالش

.. رُقية: به خبر حالي وشوع

.. يوسف بحدة: ررررُقية مش وقت لغاجتش ماهووه

.. رُقية بسرعة: الخبر الحالي ان كناني ابنك عندنا عيجلس والشوع قالت وتين عتجلس في بيتهم شهرين لمما تتحسن نفسيتها وماتشيتيش تبسر احد وادت كنان عندنا

.. يوسف ماصدق لان وتين مستحيل تفلت كنان: ررُقية صدقيني مش فاضي ل سماجتش ذلحين

.. رُقية قوست شفايفها وخطيت لاعند امها على بكاء كنان: هااه اسسممع مش هذا صوت كنان

.. سممع وانهببل وغلق لاوجهها وطاار للبيت

.. ضحكت بنصر وجلست وبيلاعبين كنان
.
.
.. عند وتين لبست فستان ميدي لونه كبدي هااادئ ملمع بلمعة ذهبي هادئة تجنن نص كم ضاغطات اكمامه ورفعت نص شعرها كذيل حصان والنص الباقي فاردة له وملفوف لفات من اسفلة،،، فعلت ميك اب هادئ روج احمر غاامق برز جمالها وكحل وشوية ماسكرا مع ان ماتحتاج رموشها كثيفات وسود رشت العطر وكتبت الورقة وطرحتها فوق الكمدنيوه وجلست منتظرة له ومتوترة

.
.
.. بعد دقائق وصل وماانتبه على السيارة من الارتباك ودخل للصالة وابسر كنان وتغيرت ملامحه

.. رُقية: لاتغثى يااخي

.. ابتسم بضيييق وشلة لاحضنة وبيبوسة وبيشم ريحتة اللي هي ريحة وتين

.. رُقية بعد دقائق : يوسف الله يحفظك نسيت رضاعة كنان في جناحك اطلع اديها

.. يوسف بحدة: خلي ميرسي (الشغالة) فاضي لش

.. ريما وبذكاء : هييا يوسف اطلع  وبعدا به حاجة زلجتها وتين مع كنان وطرحناها في جناحك مدري ماهي

.. لف بإهتمام: ماهيي

.. ام يوسف ابتسمت: مددري اطلع وابسر

.. بسرهن بشك وطرح كنان في حضن امه وطلع

.. ابتسسميين ورجعين يلاعبين كنان

.
.
.. وصلت رسالة لاتلفونها من رُقية ان يوسف طلع وارررتبكت وسارت تتخبى في المجلس اللي في الجناح

.. فتح الباب وبسر الورد والتزيين واستغرب عقد حواجبه ودخل ووزع نظرة على الغرفة وبيبسر الورد اللي يعجبةة ويعجب وتين في كل مكان بيدور بنظرة على الرضاعة وعلى  ايش ادت لمح ورقة في الكمدينيوه وخطي وشلها وكان مقفي على الباب فتحها وبدأ يقرأ: يارائع بمبسك ياكل الدنيا بعيوني،، إبتسم وابقى إبتسم لاني أرى الراحة في تلك الإبتسامة العذبة التي ترتسم على شفتيك♡. انصددم وبيدقق بالخط وكان خط وتين ماتووقع ورجع يقرأ مفكر انه بيتخيل

.. فتحت الباب بخفة وبتضحك على شكلة ودخلت وصلت لاخلفة وكانت بصندل كعب بس مش طويل قوي وزاد رفعت نفسها لما تساوت مع طولة بس عاد يوسف اطول شووييه ورفعت يداتها وغلقت عيونة

.. يوسف تجممد ودق قلبة وبحدة: ررررُقية السماجة ذلحين عتوريش شي مايعجبش

.. وتين مبتسمةةة وعاضه على شفتها السفلية بإرتباك وضحكة

.. يوسف وقلبه بيدق قد عرفها وتين بس بيكذب احساسة عصصب وفك يداتها ولف: رقيية انا قل........  وتجممممممممممد

.. وتين ميلت فمها وماسكة كفها وبضحكة : وجعتني مااالك

.. يوسف متصنم وبيرمش ببطء مش مستوعب

.. وتين ابتسمت لما بانت غمازاتها ورفعت نفسها وضمتة: عذبتك انا اسفةة ابسر انا ذلحين سلمتك قيادة هتلر تقدر تذبحني براحتك

.. استوعب وبدأت ترتسم ابتسامة على ثغررة رفع يداته وحاوطها بقووة ورفعها وبيدوور في الغررفة مثل المجنوون: هههه هههههه كنت عااارف ان قلبش ماعيطاوعش

.. وتين ومتمسكه فيه: يووسف خلااص دووخت خلاااص ههههههههههههههه

.. باقي بيدوور بها ويضحكوووا

..وتين بحدة:يوووززر خلاااص ههههههه خلااااص بين اقوول دووووخت

..نزلها وبيضضضحك وكل شي فيه بيبتسم بفرررررحة وحاوط بكفيه على خدوتها:تصدقي ان هذه المفاجأة أحلى وأروع مفاجأة في حياتي

..وتين مبتسسمة:كيف انا رومنسيةة

..يوسف ابتسسم من مزاجها ووزع نظرة للغرفة:اين رومنسية انتي تعديتي الرومنسية،،كنت لالحظة راكن اني مزوج عسكري اسمه هتلر

..وتين طارت عيونها وضربته بوكس في بطنة بخفة:ماحد يدي لك وجهه انت

..يوسف ضحك ورجع ضمها:ايووة مااحد يدي لي وجههه الااا انتي اشتي كل وجوهش الجني والحالي والرومنسي والمعصب وكلهن

..وتين ابتعدت منه وبحدة:ماقصدك بالجني؟

..يوسف حك حاجبة بعشوائية:يعني حين تقتلبي وتجنني ايوه

..وتين ضربتة مرة ثانية:حااااو

..يوسف بمحانكة:اها تغيرت الموجة

..وتين بزعل:والله انك سااع نرجووس فيكم خلل طزز فيكم ماحد يدلكم،،،وخطيت تشتي تخرج

..ابتسم وسحبها من يدها وضمها:ابردي من يوسف من الفرحهه بيلخفج كلام،،،لاتصدققي انتي الدلع وانتي الحلا وانتي الرومانسيه وانتي كل شي،،انتي انتي عالمي بإختصار

..وتين ابتسسمت وشدت علية وبغصة كانت كاتمة لها من زمااان:فاقدة لك

..يوسف بنفس النبررة:ماااش مثلللي

.
.

..بعد يومين كانت من افضل الايام في حياة ابطالنا اللي ملياانة حب وسعاادة وبوجود قطعة السكر حقهم ازدادت جماال،،،ريما اللي خطبها الفندم جسار ،،، اما رائد طرح خبر وسار يخطب سحر واليوم عيتفقوا ويحين العرس والباقيين مرتاحين ع روتينهم الحالي.

..في ڤلة أبومحمد
..جالسة هي وياها في الصالة وبتبسرها بإبتسامة:انى ذلحين قد شاازوج بنتي

..سحر بإحراج:ههههههه انا فدالكم يماة

..جت نرجس اللي قد كرشها بتطلع:سلااام ماااامي

..ام محمد ضحكت:ياحيا بالنص العقل حقنا

..جلست نرجس وحضنتها وبدلع:مقبولة منش يا أم وتين

..ام محمد ضحكت:وليش أم وتين

..نرجس بلقانة:لانها تجلس تقول نرجس انتي بنص عقل،،ولا اقلش انتي مابش معش عقل بالمرة

..جاء ابومحمد على ضحكتهن:ضحكنّا معاكن

البـارت مئة وثمانية وتسعون 198☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــ

..سحر انحرجت وابتسمت بإحراج

..ام محمد:بنتك هذه اللي مصختوها بالدلع

..نرجس بزعل وابتعدت من حضنها وبسرتها بنظرات طفولية

..ام محمد رجعت تضمها وضحكت:خلااص هوه انا الممصوخه بالدلع

..الكل:هههههههههههههههههههههههههههههههههههههه

..نرجس وخرت من حضنها وارتزحت وام محمد لفتت ل ابومحمد:وينهم العيال

..نزلت رؤى:محمد وعمار يمة في عملهم في الشركة قد بيداوموا من أمس

..ابومحمد:الف الحمدلله والله بعد حين عوضنا وجبر قلوبنا

..ام محمد ابتسمت برضا وبتحمد الله وتشكره

..ابومحمد بسر رؤى وغمز لها وهي قربت تساعده والكل لفوا واستغربوا سندته واقدر يوقف وقد بيخطى بخفه بس يحتاج أحد معةة

..نرجس صيييحت:ابااااااااااة

..ابومحمد ضحك:مالش دلى

..ام محمد وقفت وسندتة وامتلت عيونها بالدموع:لاتكثر ياعاصم الحركة لاتتعب

..ابومحمد فاارح وبيخطى وهن ماسكات له ونرجس بتصوورهم وطاااايرة من الفرررح
(ابومحمد قد له فترة بيقدر يقوم بمساعدة وماكلمهم لما يقوم من نفسة ويتفاجأوا وأصر بالاخص وتين ماتعرف)

...بعد موجة فرح جلسوا فوق الكنب

..ابومحمد بلقانة :ملسونتي وتين لو تدرا او محمد او عمار احلمي تزيدي تبسري مصطفى

..نرجس افتجعت وبضحكة:يووووه خلاص الا مصطفى،،،حتى نرجس مش دارية

..سحر طاارت عيونها من جرأتها والكل طفح ضحكة

.
.
.. الليل في بيت ابويوسف
جاءوا اسرة جسار والان مخزنين في المجلس وقد قرأوا الفاتحة وخلاص ريما خطيبتة رسمي،،، داخل عند النسوان كانين خوات ريما كلهن وخالاتها وبنات عمها ووتين جالسه جنبها،، وكنان من حضن واحده لاحضن واحدة وعيأكلنة على حدتة وذكاءة

.
.
.. في بيت ابومحمد اللي رائد كلمهم انه يشتي يخطبة وعرس في أسرع وقت والان جالسين في الصالة كلهم عدا البنات كانين في المطبخ

.. ابومحمد: ايش رأيكم نعرس لسحر وعمار

.. ام محمد: يوووه ليش

.. ابومحمد: كلمني أبويوسف وقال ان جسار صاحب رائد اللي خطب بنتهم عيتزوج معه وقال لااحنا مستعدين زوجناهم كلهم واحنا ماناقص علينا قده يقع عرس جماعي وافتكينا

.. محمد بتأييد: الا صح كلامكم ياباة

.. عمار مبتتتسم شببر وبيسمعهم وكأن الدنيا تفتحت له،،ولهم لان قد واجهوا خبايا ظلام كسرت فرحتهم في الحياة.
.
.
..بعد ماروحوا اسرة جسار والكل توزع ينام طلعت وتين وفي حضنها كنان وباقية لابسة ومتكشخه دخلت الجناح وبتهزه بضبح مارضي يسكت:كناني مالك خلااص،،،اوف...وبتسير وتجي وبتحاول تسكتة

..دخل يوسف وبسرها وبيتحيلا لها ومن عمممق ابتسامتة :

انتي الاولى وانتي الثانيه وانتي الثالثة ول الرابعة الف عنوان
..انتي الحلا وانتي الغلا وانتي كل الحب وانا بعشقش ميييت وهييمان
..انتي حياتي وانتي قلبي وانتي عمري وعيوني وَحمد الله بإمتنان
..انه جعل هذا العسل نصيبي يروي كنيني ويفرح احاسيسي والله بعشقةة مووت ولهان
..انتي الدلع وانتي العناد وانتي النكد وانتي الراحة في زماني هذا الزمان
..انتي الوفاء وانتي العمر  وانتي لقلبي وتين يقوية ويلونة ألوان
..انتي الوتين وانتي الحنين وانتي الحب وانتي العشق وانتي كل الحنان
..انتي حياتي بإختصار يابنت عاصم وسلطانة ذمار ذي جننت ذاك يوسف والله جنان
..والله هداني منش قطعة عسل تجبر بقلبي اسمة كنان
..انتي الوتين وانتي الحنين وانتي الحب وانتي العشق وانتي كل الحنان

.......✍️ⓜ

..بسرته بعيون ملاان دمووع وبحب:فديت اللسان والذكاء والشاعر حقي فديييته

..يوسف ابتسم:انتي اللي خليتيني شاعر انتي

..وتين ابتسمت

..قرب لاعندها ونزل كنان من حضنها وطرحه فوق السرير ومسك يداتها:انتي اللي خليتي هذه الموهبة تخرج مني وماتعزف وماتلّحن الا لش

..وتين بدموع:الله لايحرمني منك لادنيا ولا أخرة

..يوسف ابتسم:ولامنش ويخليش حوريتي في الجنة ان شاءالله كما خلاش حوريتي في الدنيا

..ضممتة بحب وماتقدر على لسانةة وماتعبر الا هكذا بادلها الحضن مبتسسم  ولفت ل كنان اللي بكيي ويوسف خرج لسانة :بتغار ياابن الكلب،،هي حقي انا وانت قد بتشلها خيرات عليا

..وتين ابتعدت من حضنة:ياسخاتك على ابني

..يوسف رجع يضمها وبضحكة:وانتي كل مايبسرنا ينكد علينا بيغاار،،وانا بين اغاار اكثرر منه انتي حقي انا وبس

..وتين ضحكككت:شلووووك بسس والله ان عاد كنان اعقل منك

..يوسف بدلع وبيشد عليها:ماعلية مرتي وحقي انا انا وحدي
.
.
..عند نرجس ومصطفى
..دخل وبسرها جالسة ورافعة رجولها للطاولة وشبه ممدده وشعرها متناثر ولابسة بجامة بنتطلون وبلوزة وكرشها اللي قدها بشهرها السادس بااين قووي وبتقلب بتلفونها

..بيتأمل لها وبيتحيلا لها وبلعانة:ام كرش مابتفعل

..شلت الكباية الماء ورجمتها علية:صفصوووووف

..مصطفى ضحك:اول شي انتي بطلّي صفصوف هذه وانا شاابطل ام كرش ياام كرش

..نرجس وقفت وبسرت له ببكاء ولفتت للمراية:ويحين ام كرش انا حااامل حاامل يعني هذا الكرش هوه ابنك ياملعون  لاتجنني كلة عندي ولا برستيج شكلي يخرب

..مصطفى وسلا قلبة لاجننها:قده خارب ياام كرش

..نرجس ضربته في صدرة بضبح:صفااااصصف ااااااص

..مصطفى ضحك وطارت عيونه:قذا فيها صفاصف الا حسبك الله يايوسف كلة من تحت راسك بدعتوا بأسمي

..نرجس بنظرات:صفصوف وصفاصف ومصافصف ومصفوص ومصفصفص ومفصفص وفطصفصم ومصفطصف ومصفوص وكلهن

..ركز فيها لاثواني ومفهي وبعدين طفح ضحكة:هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه مابتشعووذي هههههههههههههههههههههههههههههههههههههههه

..ضحكت وتكتفت بدلع:هولا انواع  دلع مشتقة من اسمك عاد به و.....

..قاطعها من بين ضحكتة:خلااص خلاااص لاعاااد تجلطييني بحجر الله قد شعوذتي سوا سوا هههههههههههههههههههههههههههههههههههههههه ياربي ماواذا اللسان اللي فيش كم طولة

..نرجس مبتسمة ببراءة وبتضحك

..قرب وضمها بس مااقدر سوا من كرشها وضحك:قد المحانكة من ذلحين هوه عيشلش عليا وبعناد ولفها لاخلفها وضمها وظهرها لاصدرة:بس انا اذكى منك يااحيد ابوك وعتضمها بأي طريقة

..نرجس ضحكت:مجنون

..مصطفى ضحك:مجنون بش
.
.
... عند ميار وماهر
.. جالسين وبيضحكوا من ابنهم اللي بيكبر ويكبر حبه معاهم 

.. ماهر لفت لها بحب: انتي دارية انش هديتي من ارحم الراحمين وأحمد الله وأشكرةة انش معي وان الله كتبش من نصيبي

.. ميار ابتسمت: الله لايحرمني منك لادنيا ولا أخرة ياسلا خاطري انت

.. ماهر: ولامنش ويخليش لي

.
.
.. عند محمد ورؤى متمدد ووتين في حضنة ورؤى بتصورهم

.. رؤى: محمد حبيبي اتواضع سوا علاسب يسبرين الصور

.. محمد سحبها وجلّسها جنبه: قد أعدتش وتين جنان التصوير هجعينا

.. رؤى ابتسمت وبتتأمله بحب

.. محمد جلس وطرح وتين: يمااة ع النظررات أغرقتيني بلون عيونش الزرق هولا

.. رؤى ضحكت وضربتة: انت مااحد يدي لك وجههه

.. محمد سحبها لاحضنة: ههههههههههههه فددديتش بس

.. رؤى ببكاء: الله يحفظك لي يامحمد

.. محمد بمحانكة: ورجعنا للبكبكة قعي ساع وتين اللي ماتبكي الا يابعد شاهدين اشهدوا ومااعرفش ابسرها بتشهق ويلا تنزل دموعها

.. رؤى ضحكت: مقدررش تأثرت

.. محمد ضحك: يممااة ع الحساسين ارحمي عيونش البحريات هولا اللي قد لونهن ساع البحر من كثر الدموع

.. رؤى ضربتة في صدرة: وجع!

.. محمد ضحك: هههههههههههه عذا من أمس بتابعي مسلسل بدوي وقد حفظتي كلامهم

.. رؤى ضحكت وبسرت له وبتتأمل عيونة: تدري وش كثر غلاك عندي

.. محمد ابتسم وبيسايرها: لايمكن يكون مثل غلاتس عندي

.. رؤى تكتفت: ابغى أعرف شكثر غلاي عندك ي ملّي

.. محمد ابتسم: أعشقتس حد الجنون وماتتصورين كم اعشقتس ي عيوني

.. رؤى ضحكت: هههههههههههه قلت اننا مبدعة بالكلام البدوي وانك احسن مني

.. ضحك وضمها وضم بنته ومرتاحين
.
.
..عند عمار جالس في البلكونة ومبتسسم:اوووف ماكرهين عتخطى هذه الشهرين وأعرس يوووه ي رُقية ياكثررر مانا متتتلهف ابسسرش زوجتي وشريكة حياتي

البـارت مئة وتسعة وتسعون 199☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــ

ومن هناااااك
<>مضت الأيام ومضت الاشهر والساعات والدقائق الجميلةةة ومهمها كانت الخلافات كان الحب والقوة والصبر يغلبها دائماً،،، مرت خمس سنوات على قلوب الجميع بلمح البصر،، حملت خلالها الفرح والسعادة في حياة الجميع،،، قضوها حامدين ومتشكرين للعزيز الجبار،، جبار القلوب،، قضوها بمشاعر وقلوب واحاسيس مختلفة،،،،قضوها براحةة انستهم كل أنين عاشوه في بحور الظلام المُعتمة،، أبطالـنـا والفخمين حق روايتنا (وتين&يوسف) عاشوا بحب وبعشق من اعماق القلب مودة ورحمة بينهم من الله جبرت قلوبهم ونستهم كل الأسى،،، تعطرت حياتهم بعد ثلاث سنين من عمر فرحتهم الأولى(كنان) الذي كانت الفرحة ناقصة بالبعاد،، بس عوضهم الله وحملت وتين للمرة الثانية وعاشت مع يوسف واهلها وامها واخوتها وخواتها جميع مراحل حملها وادت بنوتة قبل ثلاث سنين عطررت حياتهم وقطعة سككر سموها (نديـن)  وجميييييلة وذكية وحدة فيها وتجننن،، وكنان اللي كبر وعمرة ست سنوات وشل عقلهم بجنانه وفااارحين بإسرتهم الصغيرة العامرة على اساس الوفاء والمودة،،،أما نجوم الرواية (مصطفى&نرجس)،(رؤى&محمد)،،  عايشين حياتهم المليئة بالحب بكل راحة،، نبدأ بنرجس ومصطفى اللي مهمها كانوا مشاغبين ومهماا قلبوا الدنيا بجنانهم الا مودتهم تبقى قائمة بينهم،، ونرجس اللي بجنانها وطفولتها أقدرت تبعد مصطفى من طبعة اللي كان معقد وثقيل وخلتة يحبها ويعشقها ويعشق طبعها غصباً عنه وهي كذالك رغم طفولتها ورغم عفويتها الا انها تحبه حب كبيرر،،، تعطرت حياتهم بوجود بنووتة اللي ولدتها قبل خمس سنين (سجى)  قطعة سكررر عطررت حيااتهم ونورتها،،، أما محمد ورؤى اللي بحبهم وحنان محمد على هذه الرؤى وكيف عوضها ونساها كل ألم عاشته عايشين براحتهم وفرحتهم ببنتهم وتين وابنهم تيّم اللي نور حياتهم قبل ثلاث سنين وفاااارحين،،،، ميار وماهر على احسن حال وحبهم كل يوم يكبر مع ابنهم يزن ومقررين ينظموا الاسرة ومابيفكروا بالطفل الثاني.

.. أما رُقية وعمار اللي تزوجوا وكانت فرحة عمرررهم في زفافهم لبعض وكل واحد يحب الثاني ومتفاااهمين وبرغم عفوية وجنان رُقية الا عماار حب طبعها اكثر منها وقد تعطرت حياتهم بولد قبل ثلاث سنوات (أمجد) وازهر أسرتهم الصغيره وفاارحين

.. خوات يوسف الباقيات  (ريما، رهف، رانيا)  عايشات ومرتاحات مع أزواجهن وكل واحده قد معاها اطفال عطروا حياتهن،،، ريما معها ولدين (يوسف وأمير) ومرتاحة مع جسار وعايشين حياتهم،،، رهف وزوجها اللي معاهم بنوتتين (ليليان،، وسهى)  قطععة سككر ومرتاحين،، رانيا وزوجها اللي معاهم ولد (كرار)  وعايشين حياتهم.

.. أما نبع حنان روايتنا والمثال الأعظم للأبوه والأمومه (ابومحمد&ام محمد)  أهل بطلتنا الفخمه وتين  ،، مهمها عصفت بهم الرمال ومهما جارت بهم الخبايا المؤلمة،، الا انهم كافحوا وصبروا ووثقوا باالله،، والله عوضهم خيراً ونساهم كل وجع الفقدان والاسى،،، ابومحمد اللي اقدر يرجع يخطى ورجع مثل ماكان وفاارح بأولاده المرتاحين وأولاد أولاده وكان مثال للأب العظيم في روايتي،، ام محمد اللي هي اكثر واحده انظلمت في خبايا الظلام ،،، مرتتتاحة وبتحمد الله وتشكرة على العوض اللي نساها كل الوجع وكان هذا جزاء الصببر،، فارحة بأطفالها اللي مهمها كبروا ومهمها كبرت إسرتهم الا انهم يبقوا في نظرها ونظر ابومحمد أطفالهم وقرة عينهم،،،، عاشوا روتين خمس سنوات عوض وجبر من الله.

.. يوه نسينا سحر 😅،،، تزوجت برائد اللي حبها وطرحها في عيونة،، وكرجال شهم ينضرب به المثل عوضها وسندها في غربة أيامها وكان ل حياتها الجبر العظيم من الله،،، تعطرت حياتها بتؤام بنت ولد (رامي،، رسيل)  نسوّها كل الاسى وحب هذا الرائد يكبر كل يوم في قلبها وبتحمد الله وتشكره.

.. أما الوجه البذيء والمقرف في روايتي عايشين مجعجعين مذلولين في غياهّب السجن المعتمةة،، وكل يوم تقسى قلبوهم ولم يتوبوا بل ازدادوا لعنةة،،، ومعذبين دنيا وأخرة وعذاب العزيز الجبار اقوى وأعظم وكانت هذه نهاية كل مؤسس ظلام وكل باعث رُعب،، وكُل سلاب فرحة وكسار قلوب،،،وكل خونة يطعنوا من وثقوا بهم وجعلوا لهم مكانة في قلوبهم وهم بحقدهم جحدوها،،، كانوا يستاهلوا أعظم من هذا الشيء لكن يكفيهم الذل في الدنيا والهوان في الأخرة.  

✨""عندما جارت بي العواصف،،وهفوت مُسرعة في بحور مُعتمة،،وكنت ألتقي بخبايا قاسية انستني ملامح وجهي الباهيةة،،رفعت كفي إليك سائلة،،وقُلت ياعظيم قوّني وبكَ أكون صابرة،،وانت ياعزيز بعفوك أجريتني وعوضتني على صبري وفي جُبرانك أبقى واثقة""،،،،،، مهمها مررنا بصعاب،، ومهمها حدثت لنا من عواصف،،ومهمها تغربلنا في غياهب الأسى،،ومهمها تكسرت أحلامنا،،ومهمها هفونا بالتعب ويئسنا،، علينا أن نـــصــبر ونحتسب،،ونثق بالله،،حتى وإن

كانت جميع ألأبواب مُغلقة أمامنا،،يبقى باب الرحمـٰن الرحيم مفتوح أمامنا،،هوه ينظر إلينا ويعرف من منّا الصابر والقوي بـه،،من منّا من لايقنط من رحمتة،،من منّا يسرع إلية في فرحة قبل حزنة في جور هذهِ الدُنيا البائسة،،ويسألة من رحمتة،،ويذكر الأخرة ويقول يارب أتعبتني دُنياك هذه إنها دار بلاء ومن غيرك رحيم،،عوضنا فيها خيراً،،وإجبرنا في آخرتك ستراً وعفواً ✨كـتاباتــⓜـي.


(خلاص كملت لاتضبحوا انا شوووية بس كثيرة هدرة شووية بس 🌚 😅)
.
.
... واليوووم يوووم جددديد وحااالي قوووي قوووي
.. في ڤلة أبويوسف وفي جناح الفخمين حقنا

.. بضبح: ندددييين كناااان هجعوووني،،، كنااان مااهوه ياماماه خلااص ماعد شااقول انك بطل

.. يوسف جاء وضمها من خلفها: مالها هتلوري بتصيح

.. وتين ببرقطة: جننوني عياالك كل ماارتب خرربوا

.. كنان بيبسرهم بنص عين وبحدة: يوة والوداحة لمه هضنتها هكذا مابتستهيش (بيتكلم صح وفصيح قد عمره 6 سنين،،، بس يعجبني لتاجة الاطفال وعلاسب تقلدوها ووتتحيلواا له بين اتليتج 😂🙈🤤 )

.. ندين اللي بعمر الثلاث السنين ماسكة فمها وبتضحك بطفولة

.. يوسف ووتين طاارت عيونهم وضحك يوسف بصوتة: لك ليك على قلة أدب،،، مادخل امك

.. وتين طفحت ضحكة منهم : هههههههههههههههههههههههههههههههههههههههه هههههههههههههههههههههههههههههههههههههههه

..كنان بحدة:أييييب تأدبّ،،ددة (جده) بثرتني هضنت وتين بنت هالو مهمد وثيحت تالت (قالت) أييب مايهضونوش وانت أييب(عيب)

..يوسف ووتين طافحين ضحكةة :هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

.. ندين مسكت خصرها بحدة وبتقلدة: أييب أيييب

.. يوسف ووتين عيموتوا ضحكةة تباسروا ووتين من بين ضحكتها: أيييب ياودح اتعلم خلي عيالي يربووك

.. يوسف ضحك: ههههههههههههه انى متأكدة ان هولا جهال ولا مع

.. وتين من بين ضحكتها: اناا فداالكم بس

.. يوسف لف لهم: انتوا داريين الحق مشو عليكم هوه العرق حق هتلر امكم والحدة وارثينها منها هيا جوا اوريكم الأييب ياعيالها وبيلحقهم وخربوا الغرفةة وهم بيضحكوا ويهربوا

.. وتين ضحككت وشلت التلفون وبتصوورهم وبتذكر كلامهم وبتمووت ضحكةةة
.
.

بعد العصرر ببيت ابومحمد
.. خرجوا كلهم وادي يجنن أخضر وفيه ورد والجوّ يجنن (وتين وعيالها،، نرجس وبنتها،، ميار وابنها،، عمار ورُقية وابنهم،،، محمد ورؤى وعيالهم،، ابومحمد وام محمد)  ... فرشوا لهم وجلسوا ومترأس الجلسة ابومحمد وام محمد وحواليهم الاطفال كلهم ونرجس بتلاحق الفراشات هي ورُقية،، وميار بتقطف ورد،، ومحمد مخزن ومكيف هوه وعمار،، أما وتين اللي لابسة العباية ومتلثمة بالشال حق يوسف وطارحة الستارة الصنعانية فوقها وبتحاول تقطف ورد جوري ل يوسف وبعيدة منهم وبتكلم يوسف في التلفون وبحدة : انت داري قد انا بين أحاول أدي لك حاجة عتعجبك وقد تجرحت بالشوك بس طز فيك

.. يوسف ضحك: هههههههههههههههههههههه ليش مافعلت بش

.. وتين بحدة: انى قلدك الله بتجنني من اول بين اقول لك لاوين عنساافر وانت بتتليغج

.. يوسف وهوه ممدد وبهياام: ماااعه مفاجأة وافعلي حسابش الطيارة اليوم فجرر سلمي على أهلش وودعيهم

.. وتين بعناد : شكلك خاور تشتي ضررب وماشااسافر الا لما تقلي وووين

.. يوسف : ههههههههه  ماااعة مااااعةة خاطرش يانظر وغلق واتصل ل مصطفى صديق عمرة وبيتجابروا وقرروا يلتقوا ويخزنوا
.
.
.. تنرفزت ولفتت ل ابوها وامها وسارت تحاكيهم

.. وتين بهدوء: بكرة عتسافر

.. لفو لها كلهم وتكلمت ام محمد: ووين ووليش

.. وتين: والله ماانا داريةة يمة يوسف ماقال لي

.. محمد بحدة: وليش السفر ذلحين

.. عمار ضحك: وانت مالك خليهم يفتهنوا

.. ابومحمد وتذكر أخر مرة سافروا وماوقع وبقلق: وين عتسيروا يابنتي

..وتين: قلت لكم ياباة مش عارفةة والله

.. ام محمد: خير الله يسعدكم وانتبهوا ل نفسكم

.. وتين بإبتسامة: لاتقلقوا ي عزوتي اسبوع أو أقل ورجعنا

.. ابتسموا لها وهي قامت وجلست مع البنات وبيضحكوا ويزبجوا ومرتاحيين

..ام محمد وابومحمد بيتأملوهم 
ووتين وتيّم(عيال محمد)
وكنان وندين(عيال وتين)
 وأمجد(إبن عمار)
ويزن(إبن ميار)
وسجى (بنت نرجس)  بيدوروا حولهم وبيلعبووا

..ام محمد بدموع:بسرت ياعاصم وكبرت أسرتنا وقد احنا جد وجدة وعيالنا قد هم كل واحد وأسرتةة

..ابومحمد وجلست في حضنة سجى بنت نرجس واشر صلا نرجس اللي بتتحانك هي ووتين  :بذات اخر العنقود حقنا،،،يوووه كم كنت أهمها وماتوقعتها تكبر كانت هي الغصة اللي في قلبي،،وتين الله يحفظها قوية وصبورة وتتحمل ماينخاف عليها،، ميار هادئة وقنوعة،،اما نرجوسي الطفلة البكاية والدلوعه والملسونة حقنا صح ماتفتجع وماتسكت بس ضعيفة ودمعتها قريبة لووتبسري كيف كنت أخاف عليها هي بذات والان قد هي أم ياسميحة أم وباس بنتها

..سميحة دمعت:الله يحفظهم لنا ويجبرهم ويجبرنا بهم ولاسامح من كان سبب في عذابنا وجعجعة عيالي وبعدي عنهم حسببهم اللله

..ابومحمد:هيا ماهوه ياسميحة لاتذكرينا بهذك الكابوس الحمدلله على كل حال والله عوضنا

..ام محمد ابتسمت ولفتت وبتتأملهم:ألف الحمدلله
.
.
.. عمار أشر ل رُقية وهي ولحقتة وجلسوا بعيد منهم

.. رُقية: هاه عيوني ماهوه

.. عمار جلس وأشر لها تجلس: إجلسي او مايحق لي أجلس مع مرتي شوية لحالنا

.. ضحكت وجلست: يوة خليني أجلس مع البنات شويةة

.. عمار تمدد وطرح راسه في حضنها: ايذا انتي عندهن من اول

.. رُقية ضحكت: عمماار قووم من الخبالة لاحد يبسرنا

.. عمار بلقانةة: لييييش انتتي مرررتي يبسروا ماهمني

.. رُقية ضحكت ولفتت ل الأزهار اللي لونهن أبيض وبيطيرين مثل الريش: الجو رومانسي بما تعنية الكلمة

..عمار رفع عيونه يبسرها ويداتها محاوطه على رقبتة وهي منزلة نظرها له وبتبسرة

.. عمار تنهد: بتبسري نسيم هذا الهواء الطلق والأوراق والشجر والورود،، انتي دخلتي مثل النسمة لا قلبي مثلهن وحنبتي

.. رُقية ضحكت: وانت مثل القمر اللي دخل لاحياتي ونورها وفرحني بها

.. رفع يداتها وباسهن: ربي مايحرمني منش ي رورو قلبي

.. رُقية غرست أصابعها في شعره: ولا يحرمني منك يانبض قلبي

..ارتاحوا وكملوا يومهم ووتين جالها يوسف وضوت هي وعيالها وكذالك نرجس جاء مصطفى وشلها وروحوا  وميار جاء ماهر وشلها وروحوا وابومحمد وزوجتة وعيالهم ونسوانهم روحوا ڤلتهم بعد ماقضوا يوم حالي وافتهنووا
. .
ومــن بــكرة الصبااح طاروا ال...... ووصلوا هناك العصر والان بعد العصر في .........  

.. وتين أول ماساروا المطار يوسف غلق عيونها علشان ماتعرف أين عيسيروا مافتح لها الا فوق الطيارة وماخلاها تسأل أحد ومن أول ماوصلوا يوسف مغلق عيونها بشاش وماسك يداتها وبالغصصصب أقتنعت تخلية يغلق عيونها وقد خطيوا بالسياره ووصلوا لا...... ،؛ والان نزلوا وبيخطوا

البـارت مئـتـان 200 والأخير ☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــ

.. وتين بقهر: قلدك الله ساعة من حين وصلنا وانا مثل العمياء شاافكه وانت حشها

.. كنان وندين بيضحكوا عليها

.. يوسف ابتسم وماسك لها: وتين انا حلفتش اصبري وبعدا هوذا انا ها عيونش

.. وتين بضبح: مااشنت عيووني وبين اقوول وخرر شاافكه

.. تنح وبعيون مفتحه وماسك يداتها : هاااه

.. وتين: ماهووووه ايووة ماشنت عيووني مابين اصتضيش فكنني (اشوف)

.. يوسف: مقبولة منش ي دبة بعييني ماناش عيونش ياهتلررر هااااه وانا اللي نهاري من ليلي وانا اقلش ي عيوني ي عيوني

.. كنان وندين بيضحكوا ووتين ماسكه كنان بيد ويد ماسكه يوسف ويوسف يد محاوطها من اكتافها ويد ماسك ندين  وبيخطوا لا.......

.. يوسف بحدة: كنان يابطل انتبه انت واختك المكان خطير ماشي ماعاد شااقول لك بطل
؛؛؛ وقفها وابعد الشاش من عيونها وغلق عيونها بيداته بحرركة سريعه علشان ماتبسر

.. وتين شهقت وبتخطى وماادى لها فرصه تبسر وهوه محاوط لها ومغلق عيونها بيداته وتكلمت بحدة : يووووه ويين احننا وبين أحس ببرد لبستهم الجواكت يووسف والله لاراحت لك فككك

.. يوسف ابتسم وبيخطيها: لاتقلقي لابسين واشش ولااسمع صوت

.. كنان وندين خاطيين معاهم بفضول يوسف ضحك منهم ووقف مقابل ال......

.. يوسف وطرح راسه في كتفها: وصلنا ياهرمة  كسرتي راسي حلطمة ؛؛؛ ورفع يداتة بخفة من على عيونها

..وتين فتحت عيونها وبتحاول توضح نظرها وبحدة :انتت ما.....وسكتت أول مابسرت الشجرة اللي مكتوب فيها (وتين&يوسف) اللي في كوخ حبهم في أرض اليونان وشهقت:يوووووسف جييينا اليوناان

..لفها له :جينا مكاننا ومكان حبنا ياوتيني

..امتلت عيونها بالدموع ووزعت نظرها للمكان بدموع:عاده مثل ماهوه

..يوسف تنهد وبيوزع نظرة وبعدين لف لها ورفع يداتها وباسهن  :أكيد ماهذا مطرح حبنا عيبقى مثل ماهوه ...قاطعهم كنان :باباه ماهوه هادا وبيأشر صلا أساميهم لانها محفورة بإتقان وجمال وباقية على مافعلوها ؛؛ وندين بتقلده:ماما هاهو هدا

..يوسف ووتين أبتسموا منهم وجلس يوسف وتربع برجولة وسند ظهرة لاعرض الشجرة وجلّس ندين في جهه وكنان في جهه في حضنة على فخذيّه وتكلم وعينة على وتين اللي جلست مقابل لهم :هذا أمك وابوك ي كناني وامش وابوش ي ندوشي  وبداية حبهم وهولا أساميهم ولما تكبروا وتدرسوا وتقدروا تقروا عتقروهن وتعرفوا ايش معناهن لنا

..وتين مبتسمة ومسكت يداته ورفعتهن لها وباستهن :الله لايحرمني منكم لادنيا ولا أخرة

..يوسف مد يدة ونزّل الطرحة وفرد شعرها وتطاير مع الهواء وبيتأملها وبهدوء  وشد على ايديها وكنان وندين طرحوا يداتهم فوق يداة ابوهم وامهم،، يوسف ووتين ضحكوا بعذوبة منهم،،، يوسف عينة على وتين اللي مبتسمة بحب وبعيون براقه وشعرها بيتطاير في الهواء والجو هاااااادئ ومابه الا صوت ضحكات كنان وندين اللي سنبوا وخطيوا وبيدوروا حولهم وحول الشجرة وبيصفقوا وألوان الطيف مرسومة في السماء شاهدة وبتحلي جلستهم بجمالها واصوات الشلالات الهادئة ذي تنعش الروح والشجرة اللي مستند عليها وأساميهم المحفوورة عليها بيتأمل عيونها بحب وهيمان وغااارق فيهن وهي جالسة على شق وطارحه كفها مستنده عليه على الارض وقريبة منه قوي وشعرها بيتطاير لاكتفه رفعت يدها الثانية وابعدت شعرها للخلف ومدتها لاشعرهه وبعثرتة : مالك بتبسرني هكذا
..وهوه بيتأمل عيونها تكلم بمشاعر وهدووء وحب وصددق
.. أنا ويها بدأنا بالغرام أنا ويها
.. أنا من في خبايا الظلام
.. تعلمت القوة من عينيها
.. أنا ويها ياربي غرقنا بالهيام أنا ويها
.. أنا عشقتها عشق ماهوه كلام
.. وكل عمري فدا ل رمشيها
.. أنا ويها تعدينا الأحلام أنا ويها
.. وانت شاهد ياباعث تلك الغمام
..اني فَدْيت بروحي كله ل سواد عينيها
...✍️ⓜ
.. ابتسسسمت بحب وعجزت عن الرد وقربت واستندت جنبه؛، رفع يدة وحاوطها من اكتافها ووتين سندت راسها لاكتفهه ويدها طرحتها فوق قلبة ،،شبك يده بيدها اللي فوق قلبة وشد عليها وشدت عليةة بقووة،،وبيتأملوا أطفالهم وجوّ الجنّة اللي هم فيها ومبتسممين بعيوون بررراقة حُــب وفررح .
.
.
إنــتـهـــت#
.
.

..شكرر خااص من القلب لكل من دعم وشجع ؛ولو بحرف واحد ؛؛ وشكر خاص لكل من كان لهم دور أساسي في تحفيز وتشجيع كُل كتاباتي  ؛؛ أتمنى ان تنال روايتي إعجابكم ؛؛ وان أكون قد أوصلتها بالصورة الأرقى والأفضل وان يصل الهدف السمّي منها ؛؛ بما حاولت إيصالهُ ؛ لاتنسوني من الدُعاء ؛؛ إلى اللقاء في رِوايتي القادِمة .

البدايه👆🙂

خمسه اللي علقوا فقط 🥲❤‍🔥
كان فكري عتدخل على الفين تعلق وكل واحد كتب رائيه ان كان سلبي او ايجابي نتقبل انتقاذاتكم وتشجيعكم
ماهذا التخاذل والكسل اللي فيكم تعلق ما تكتبوه وتقدورا تعبنا ونحن نظل ساعات نكتب ونرتب وننسق احداث الروايات على شان تنال اعجابكم الان ايش عرفنا من خلال صمتكم ان الروايه ضخمه او عاديه حسستوني اني نشرت لخمسه فقط والباقي اموات شكلي بوقف اكتب وانشر اعتزل افضل 🤦‍♀❤‍🔥

يالبيه 😍🌹
تفاعلكم.يسعدنا انتم الجمال والرائعون 🥺🌹

استمروا بالتصويت لحتى تكملوا 200وننزل روايه جديده فين التفاعل🙁💔

ربعي رجال احماس كمن راس
يكسر الف راس ✨✌🇾🇪

وين التفاعل او ما تشتوا روايه جديده 🤦‍♀❤‍🔥