جمعة  انتظار التلچم اجروحي
بالكوه اعله بعدك صبرت روحي
يغايب هسه وين بيا خرابه تنام
ياروحي اعله فگده الوحدچ نوحي
مشه ابعيد  بس لا دار عني الوجه مولاي
ولا هيد   يعيني بالج تقصرين ببجاي
عله الراح   وبتقصيري واذنوبي مشه اهواي
اتوبن يمته من اذنوبي وماعيد انوب
ندم ماعايش ياكلبي جا يمته انتوب
غريب المهدي الانحبه ودنيانه غروب
يامولاي ارجو العفو
*
وحدك عايش وماحس بعد كلبي
ماحرت بغربتك حاير بذنبي
جا غير اليحب يضحي كل روحه
تعبت اعليه والغيرك صفه تعبي
العمر راح    يمته اوياك اسوي الزين والكاك
ممرتاح     عفتك وادري بس الراحه وياك
يجي الليل    سهرته ويه غيرك ماسهرناك
عشت ايامي مامهتم وين انته تصير
ولا فد ليله حن كلبي وظل بيك يحير
يبو كل نعمه لبستني اذنوبي التقصير
يامولاي ارجو العفو
*
حضرت المجلس امك تايب ونادم
اريد اتعذرك واصبح الك خادم
كون بايدي تاخذ وابقه عبدك دوم
سامحني اجيت وكلبي الك هايم
الك جيت   اشكيلك  دليلي العايفك دوم
تمنيت   ابدي وياك من هل لحظه واليوم
يمولاي   لغربتك اخذ روحي بدنيتي اهموم
شكثر ماشوني من ربعي بس ميفيدون
الك قربني وصاحبني مولاي اشلون
اريد اتعلم بجيي الدم مو دمع عيون
يامولاي ارجو العفو
*
نسيتك ماذكرتك حته وكت الماي
عطاشى اهلك بقو بالهيمه يامولاي
لچمت اجروحك ووحدك تعيش انته
شدورك وانه تايه بين هاي وهاي
صرت وين   تفتر بالصحاري وتلم نسوان
للحسين    جسد من دون راس وفوگه تربان
يالاوحيد    حرت بيمن تطفي احترك صيوان
خلص كل عمرك بالصحره الوحدك والليل
تجيب الضايع بصياحك ياعمه الويل
ولهسه باذنك تسمعها ركضات الخيل
يامولاي ارجو العفو
*
مامشغول بالي ولا مفكر بيك
انام براحتي بليلي وتمدلي ايديك
تغطيني بحنانك وانت تبرد ليش
سكف فوكاي وانت ماكو خيمه اعليك
صفت نار   ولا ضلت اخيام لهاشم بكاع
والزغار.    لو مسحوك لو بالهيمه الك ضاع
والحسين  توجعك منه دوسة ذيج الاضلاع
اذا ما ابجي اعله جروحك ماعندي احساس
الهضيمه عمتك خلوها تركض الارجاس
يبعد عيوني الدم غاطي عيون العباس
يامولاي ارجو العفو
*

المرحوم شاعر اهل البيت (ع)
زيد عدنان الزيدي

بِسۡمِ ٱللَّهِ ٱلرَّحۡمَٰنِ ٱلرَّحِيمِ

ٱلۡحَمۡدُ لِلَّهِ رَبِّ ٱلۡعَٰلَمِينَ  ٱلرَّحۡمَٰنِ ٱلرَّحِيمِ  مَٰلِكِ يَوۡمِ ٱلدِّينِ  إِيَّاكَ نَعۡبُدُ وَإِيَّاكَ نَسۡتَعِينُ  ٱهۡدِنَا ٱلصِّرَٰطَ ٱلۡمُسۡتَقِيمَ  صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّين .
لروح المَرحوم المغفور له بأذن الله تعالى
   
    الشاعر زيد عدنان الزيدي

اعظم الله اجورنا واجوركم بذكرى شهادة سيدي ومولاي الامام موسى بن جعفر الكاظم عليه السلام
نرجوا من الاخوة المتابعين ان لا ينسوا خادم اهل البيت ع
( الشاعر زيد عدنان الزيدي)
في هذه الاوقات من الزيارة والدعاء وقراءة سورة الفاتحة
اللهم عجل لوليك الفرج

اول خميس من شهر رمضان المبارك
لا تنسسون زيد بدعائكم ..💔

بهاي اللحظه مولاتي زينب ع
تكول

رحت تمشي اعله طولك شو يگودونك
الدم تارس الكوفه ومنخطف لونك

لاگيتك ويبست بالارياج احروف
گوه اتجمعت چلمه الاشلونك

طحت يمطيح الخيال من الخيل!!
الطبر راسك موصل سيفه لعيونك

اول مره جاي مدمه صوب البيت
مدمه السيف يدخل مايدمونك

عالي بكلشي والكرهوك كلها اكصار
لو ما سجدتك جا مايلوحونك

اشدها بشيله امي الطبره حته اتطيب
الديره ايتامها التمت يشوفونك

#زيدعدنان #ألزيدي

هذه الليلة الثانية من ليالي القدر ليلة استشهاد المولى امير المؤمنين علي بن ابي طالب ع
لا تنسوا خادم الحسين ع الشاب المرحوم زيد عدنان الزيدي،بالفاتحة والدعاء

وفي اخر ليلة من ليالي الخير والمغفرة
اذكروا الخادم الشاب زيد عدنان المغفور له بأذن الله
بتسبيح مولاتنا فاطمة الزهراء عليها السلام
يجعله صالح اعمالكم ان شاء الله .. ❤️‍🩹
ادخلوا للرابط فقط يظهر تسبيح مباشرةّ
https://masba7a.com/s/65642065

مبارك لكم اخوتي عيدكم عيد الفطر اعاده الله عليكم بالخير والبركة وظهور امام زماننا عجل الله فرجه الشريف ... وانا من جوار ساداتي آل الله ادعوا لكم بحسن العاقبة كاللذي رزقنياها الله وهي السعادة بخدمتهم صلوات الله عليهم ..
اخوكم الراحل من الدنيا والملتحق بركب العشق الحسيني في الاخرة
الشاعر زيد عدنان الزيدي
لا تنسوني بالفاتحة والدعاء

الفاتحة الى روح المرحوم زيد عدنان الزيدي ❤️‍🩹

اي يربعي الموت ما يعرف صديچ 
هذا حدها الدنيا وي غالييكم ...💔

ذكروني وي چلمة حُـسين ..

ميت واحب صوت الونين 💔

محتاج اموت بمجلس ونووح مو هذا موت العاشگ حسين 😔

بوية لو مجلس عبرني وما مشيت 💔💔💔💔

ربعي راحو للعزة وعافوني 💔

وفي يوم الجمعة ومن عالم لقائي بسيد الشهداء عليه السلام والاجتماع حوله مع المؤمنين ادعوا لكم بالتوفيق ... انتظروا امام زمانكم عجل الله فرجه الشريف ولاتنسوني بالفاتحة والدعاء
اخوكم المرحوم زيد عدنان الزيدي