أسعد الله أيامكم، وتقبل أعمالكم، وغفر ذنوبكم، ورزقكم حياة الإيمان، ووهبكم دوام النعمة، وشمول الرحمة، وسعة العيش، وتمام العافية، والفوز بالجنة،
والنجاة من النار,, كل عام وانتم بخير

شارك الرابط مع اصدقائك وساهم معنا في نشر القناة 👆

لهيب الشوق...
زاد بي لهيب الشوق ماعارف أحوالا
الحلوه ست الناس ياريتني في بالا
مزروعة في جواي وأنا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا
نار الغرام في الجوف زادن لهيب الشوق
الحلوة ست الناس صاحبة معالي وذرق
زي قمرة في دورين قمره في دورين أصلو الجميل معشوق
ليها الحنين دفاق وقلوبنا مشتاقة كاتلانا بي ريدا
ونحن عشاقا السمحة ست الناس حرقانا أشواقا

لما ردتك كنت عارفك زي نغيمة هاربة من وتر الأسية

كنت شايفك زي نجيمة ضاوية في الفجج القصية

كنت حابسك زي دميعة خوفي لما تسيل روية

تجرف أحلام العيون العايشة جنبك لاشقية

لما ردتك كان عمر قصتنا ساعة

الزمن في لحظة نادى كل أفراحو المضاعة

ماالمودة معاني سامية والأمل للروح مساعة

إنتي ترحلي زي مراكب للوداع فردت شراعا

حومي في خاطر حبيبك كوني في زحمة ظروفو

شعري من بهجة عيونك من حنانك ضي حروفو

دنيا فيها الريدة قسمة وكل زول كايس وليفو

ريدي مكتوب في الجبين بكرة ياما العين تشوفو

مسافـتك

لامقدور أسيبك ولاعايش معاكي

لا معدود حبيبك ولا عاشق سواكي

أجيكي بكل طيبة وأنا العايزك حبيبة

تجيني بكل ريبة ولاقي عيون غريبة

كأنك ما قريبة

أجيكي بكل حناني واقول جنبك أماني

تجيني بشكل تاني تضيع مني الأماني

وافتش لي رضاكي

معاكي غلبت حيلة مسافتك مستحيلة

ولا الريدة النبيلة ولا العشرة الجميلة

ولا التحنان هداكي

بخاف من بكرة بعدك يالأخلفت وعدك

انا البشقيني بعدك يكون في بعدي سعدك

واعيش محروم هواكي

أكون يالله واهم وفاكر الخوة ريدة

وإنتي نهاكي فاهم ايه معني القصيدة

وأنا الحزنان وباكي

بسأل عليك


بسأل عليك حزن الشفق

وقت الخيال ينعس ينوم يتوسد أحلام الأفق

ورعشة الليل الطويل آهة الشوق والأرق

بسأل عليك لما السؤال يصبح سفر

بلقاك في فيض الأماني الذايبة في رنة وتر

في لمحة الطيف البعربد مرة بالخاطر عبر

ورعشة الأمل البفوح يتلاشى زي لون السحر

مطوية في حضنو المسير مخفية في صدف البحر

بسأل عليك في زحمة التيه المحاصر بالفراغ

في صحية الوعي المخدر في جبين الكون ضياع

في غربة الشجن المعذب ورهبة الخوف المشاع

بتجيني في وجع الحروف الياسة تشرب من أنينا

في شارة الالم البتكبر الجاية من أغوار دفينة

مكسية بي لون الشفق مشحونة من طرف المدينة

بسأل عليك لاملت أشواقي السؤال

بسأل عليك لا إرتاحت الخطوة الخزينة

󱤙
󱡓

عبد الكريم الكابلى
١٩/٠٣/٢٠٢٠󱟡󰞋
󰟝
سعاد
كلمات: عمر الطيب الدوش

دقت الدلوكة
قُلنا الدنيا ما زالت بخير
اهو ناس تعرس
وتنبسط
تككت فى الراكوبة
بالحنقوقة سروالى
الطويل
سويتلو رقعات فى
الوسط
فى خشمى ختيت
القميص
اجرى وأزبد شوق وانط
لا من دخلت الحفلة
فجيت الخلوق
وركزت
شان البت سُعاد
ما أصلى عارف جنها
فى زول بيركز وينستر
لكنى عارف انها
لو كلو زول فى الحلة
بالسُترة انجلد
يانى الازاها وجنها
وركزت عاد
وركزت للحُرقة المشت
فوق الضلوع
تحت الجلد
لميت مشاعرى مرقت عن
طرف البلد
ووقفت جد
وانا جايي راجع مُنتهى
لاقتنى هى
قات لى (تعال)
كبرت كراعى من الفرح
نص فى الارض نص فى
النعال
الله اكبر
يا مُعافرة يا مُدافرة يا جهاد
هيي يا سُعاد
على ود سكينة الكلتى
فى خشمو الرماد
هى يا سعاد على ود
سكينة المات اسف
هيي يا سعاد
وانا بت بلاك ملعون
هواك ان كنت ارضى
اعرسها
وانا يا سعاد
آه يا سعاد
وكتين تطلى سحابة
رقصت الدعاش
اه يا سعاد
بفرش على روحى
واجيك
زولا قلق تعبان وطاش
وكتين اشوفك ببقى زول
فرشولو فرش الموت
وعاش
وكتين تطلى سحابة
ترقصى للدعاش
اه يا سعاد
اه يا السعاد
قالت سعاد
بطل كلام الجرسة
وانجض يا ولد
طقيت مشاعرى مرقت عن
طرف البلد
وودرت جد
اذنت فى الشوك والسلم
ووقفت للامل البكر
ورقدت فى الالم الحكر
وحلمت زى شايلنى وسط
الزحمة
نبى الله الخضر
صحانى صوت العمدة قال
مسئول كبير زاير البلد
قبال يهل قبال يصل
لازم تقيفوا صفوف
صفوف
وتهيجوا الخلا بالكفوف
وتقولوا عاش..يحيا
البطل
سامعنى ولا اقول كمان
قُت ليهو يا عمدة اختشى
مسئول كبير فى الحلة غير
الله انعدم
ما شُفنا زول سكت جهال
ما شفنا زول رضع بهم
ما شفنا زول لتخ تيابو
وجانا من طرف البلد
فكيت مشاعرى مرقت عن
طرف البلد
وودرت جد
وانا جايي راجع اجهجهو
لاقانى هو
سايق العساكر بالحراب
ضاقت نعالى من الزعل
من تحتها اتململ تُراب
وضراعى زى داير يجن
والجوف يطقطق بالكلام
قبال يقولوا لى سلام
ختونى فى قعر السجن
ان شاء الله ما تضوقو
السجن
حصلنى قبل اليوم يتم
جارنا المدرس ود خدوم
قال لى
لا زول هتف
ولا كف مشت بتلاقى كف

يا غائب عن عيني مع أنك في قلبي
أيه حاصل بينك بين حسنك وبين قلبي
مهما الأيام طالت اذكرني وصون عهدي
أذكر حبي الصافي وأذكر أيام ودي
أيام ما كان منظور يوم تختار بعدي
أيه الأسباب مالك مالك مالك متباعد عن قربي
يا حبيبي تعال مرة انا مغرم بيك هايم
سهران والكون كلوا في صدر الليل نايم
مابين محتال واشى وعازل فى الحب لايم
حسدوني الناس وظلموني انا مخلص يا ربي
يا حبيبي ليه انت دائماً علي جائر
دائما مخليني بين الأنام حائر
الدنيا فرحانة والكون جميل نائر
وانا بالجمال مالي معذب يا ربي
يا غائب عن عيني مع أنك في قلبي

زمان الناس هداوة بال و انت زمانك الترحال
و ليلم عمرو ما سآل و ليلك لي صباحو سؤال
قسمتك يا رقيق الحال مكتوب ليك تعيش رحال
تسامر في الغيوم أشكال روائع تذهل المثّال
شي سيرة زفة بي طبال و عروسة في جبينا هلال
مواكب فرحة من أطفال يحاكوا السمحة ست الخال
و قُبّال ما الصور تنشال على خيوط الأمل و الفال
و صبح الناس يجيك مرسال
يشيلك فوق وسط عينين يوديك مقرن النيلين
يخدر فيك عقيد ياسمين
و تقوم شتلة محنة مثال أريجا دعاش و حزمة نال
قبال توتي ام خداراً شال عيون ام در لبيت المال
غريب و الغربة أقسى نضال غريب و الغربة سترة حال
قريب و بعيد حضور و زوال دا روم الاصلو ما بنقال
تراقب في المجرة زوال عيونك ما عيون أجيال

ما خلاص ريد وإنتهى
طول عمري ما بندم عليه
جاي تسأل عني ليه
تاني عاوز مني إيه
كنت واهب ليك حياتي
كنت واضع أملي فيك
كنت بين الناس بعزك
كنت ديمة بعتز بيك
دي غلطة قلبي وحدو
الغلطة ما كانت عليك
جاي تسأل تاني ليه
كم كتير قابلت غيرك
كم لقيت غيرك حنان
والغريب بس
قلبي عايش ليك وحدك من زمان
قلبي ما قادر يصدق
لسة لي عندك مكان
جاي تسأل تاني ليه
الكان غريب إنك تجي وتسأل
عن الماضي اللي غاب
لو كلامك في مكانو
إيه يفيد تاني العتاب
بس مناي تكون سعيد
أنا أصلي مخلوق للعذاب
جاي تسأل عاوز إيه
فرقت بينا الليالي
وما أظن تجمعنا تاني
حبك أصبح لي ذكرى
تهون علي أحزان زماني

تــــــــــــــــــــواه انــــــــــا
تواه انا وكل الدروب جربتها
والسنين العشتها
لا وصلت ليك
لا الرجعة تاني عرفتها
وفضلت عايش في التياع
مكتوب على عمري الضياع
من فرقتك يوم الوداع
يا الذ زول ذوبتنا
نزلت معاي كل الخطى
بكيت معاي لون المساء
وشرفتو بالهم والاسى
يا الذ زول في حينا
شديت على قلبي الحنين
والقايلو لى ريدك نسا
ولقيتو بيك زايد جنون
رغم التباريح والقسا

وين تاني وين نلقى الأمان
من بعد راحو الحنان
مين تاني مين يروي الحنين
وشوق السنين الكان وكان
وين تاني وين نلقى الأمان
مين تاني مين يمسح دموع
عن وجه ما عرف الحزن
مين تاني مين ليهوا الضلوع
تحمل حنان كل الزمن
وا شوقنا ليك وشن قمر
يجلي النفوس بي طلعتو
وا غربة النيل والديار والحي وراك وا غربتو
يا دهر ليه كل العذاب لي وحدي ليه تكتبو
أقضي الليالي بدون صحاب أكتب عذابي وأرسمو
حتى الوداع ما كان وداع ما ببقى قدر معزتو
يوم بالأمل يوم بالضياع راجين صباحو ورجعتو
وين تاني وين نلقى الأمان
من بعد راحو الحنان
مين تاني مين يروي الحنين
وشوق السنين الكان وكان
وين تاني وين نلقى الأمان

ايامنا في الفواد ذكراها
ايامنا حبي كيف ننساها
ايامنا وما نحن لسواها
ايامنا وللممات نطراها
يا النسيت ايامنا ايامنا
حققنا فيها غرامنا ايامنا
.....
ايامنا في الفواد الجوه
ايامنا كنا دايما سوا
ايامنا يا ام جبينا ضوا
ايامنا يا النسيت الخوا
يا النسيت ايامنا ايامنا
....
ايامنا في الجزيره العايمه
ايامنا والليالي الحالمه
ايامنا والعوازل نايمه
ايامنا والمحبه الدايمه
يا لنسيت ايامنا ايامنا
حققنا فيها غرامنا
....
ايامنا يا النسيت يا حليلا
ايامنا دي الجميلا جميلا
ايامنا طول نهارا وليلا
ايامنا وكم مشيت لي قيلا
يا النسيت ايامنا ايامنا
حققنا فيها غرمنا
....
ايامنا عشنا فيها غرامنا ايامنا...

ملطوش من الفيس بوك ﻗﺎﻟﺖ ﻟﻲ ﻋﺎﺯﻣﺎﻙ ﺷﺎﻯ ﺍﺭﺣﻜﺎ ﺍﻟﺒﻴﺖ
ﻗﺪﺭ ﻣﺎﺯﺍﺩﺕ ﺍﻻﺻﺮﺍﺭ ﺭﻓﻀﺖ ﺍﺑﻴﺖ
ﺑﻌﺪ ﻛﻞ ﺍﻟﺼﺮﺍﺡ ﺍﻟﺒﻴﻨﺎ ﺗﺨﺠﻞ ﻳﺎ
ﺣﺒﻴﺒﻰ ﺑﻘﻴﺖ
ﺍﺧﺠﻞ ﻟﻴﻪ ﻭﺷﻦ ﺳﻮﻳﺖ ﺍﻻ ﻣﻌﺎﻛﻲ
ﻣﺎﺑﻤﺸﻲ
ﻭﻣﺎﺻﺎﺡ ﻛﺎﻥ ﻣﻌﺎﻛﻲ ﻣﺸﻴﺖ
ﻟﻮ ﻭﺍﻟﺪﻙ ﺳﺎﻟﻨﻲ ﺳﻮﺍﻝ ﺑﻌﺪ ﺗﺮﺣﺎﺑﻮ
ﻣﻦ ﻭﻳﻦ ﺟﻴﻴﺖ
ﺍﻗﻮﻟﻮ ﺷﻨﻮ ﺍﻗﻮﻟﻮ ﻛﻼﻡ ﻳﻔﺘﺸﻮ ﻳﻠﻘﻲ
ﺭﺍﺱ ﺍﻟﺨﻴﺖ
ﺍﻻ ﺍﻗﻮﻟﻮ ﺟﻴﻴﺖ ﺯﺍﻳﺮ ﻭﻛﺖ ﻋﺎﺑﺮ ﺳﺒﻴﻞ
ﺿﻠﻴﺖ
ﻗﺎﻟﺘﻠﻲ ﻣﺎﺗﺨﺎﻑ ﺷﻲ ﺣﺘﻲ ﺍﻻﺳﺮﻩ ﻣﺎ
ﺍﺷﻜﺎﻝ
ﻭﻣﺎﺗﺸﻴﻞ ﻫﻢ ﺯﻣﺎﻥ ﻣﺎﻗﻠﺘﻮ ﻧﺤﻦ
ﺭﺟﺎﻝ
ﺭﺟﺎﻟﺔ ﺍﻳﻪ ﺩﺍ ﺍﺳﺘﻬﺒﺎﻝ ﻭﺍﻣﺸﻲ ﻣﻌﺎﻙ
ﺩﺍ ﺍﺻﻠﻮ ﻣﺤﺎﻝ
ﺑﻌﺪ ﺍﺻﺮﺍﺭ ﻭﺍﻣﺸﻰ ﺗﻌﺎﻝ
ﻣﺸﻴﺖ ﻣﺠﺒﻮﺭ ﻭﺍﻟﻤﺸﻮﺍﺭ ﻋﻠﻲ ﺍﻧﺎ
ﻃﺎﻝ
ﻭﺻﻠﻨﺎ ﺍﻟﺒﻴﺖ ﻭ ﻛــﻮ ﻛـﻮ ﻧﻘﺮﺕ ﺍﻟﺒﺎﺏ
ﺑﺄﺳﺘﻌﺠﺎﻝ
ﺭﺟﻌﺖ ﺍﻧﺎ ﺧﻄﻮﺓ ﻭﺣﺪﻩ ﻗﻔﺎﻱ ﻟﻘﻴﺖ
ﻛﺮﻋﻲ ﺑﻘﻠﻲ ﺗﻘﺎﻝ
ﻭﺑﺎﻟﻤﻨﺪﻳﻞ ﻣﺴﺢ ﻋﺮﻗﻲ ﺍﻟﻤﺼﺒﺐ
ﺳﺎﻝ
ﻓﺘﺢ ﺍﻟﺒﺎﺏ ﻃﻔﻼ ﻳﺎﺩﻭﺏ ﻓﻲ ﺳﻨﻮ
ﺍﻟﺼﻐﺎﺭ ﺟﻬﺎﻝ
ﺳﺎﻝ ﺍﺧﺘﻮ ﻯ ﺩﺍ ﻣﻴـــﻦ ﻳﺎ ﻧﻮﺍﻝ ﺩﺍ
ﻣﻴﻦ ﻳﺎ ﻧﻮﺍﻝ ؟؟؟
ﻗﺎﻟﺖ ﻟﻴﻬﻮ ﺯﻭﻻ ﺿﻴﻒ ﻭﺍﻣﺶ ﺍﻟﻌﺐ
ﺧﻼﺹ ﻳﺎﺟﻤﺎﻝ
ﻗﺎﻟﺘﻠﻲ ﺍﺗﻔﻀﻞ ﺩﺧﻠﺖ ﺍﻧﺎ ﻗﺮﻓﺔ
ﺍﺳﺘﻘﺒﺎﻝ
ﺟﺎﻧﻲ ﺍﺑﻮﻫﺎ ﻳﺎ ﺃﻫﻼ ﻭﻛﻴﻒ ﺍﻟﺤﺎﻝ
ﺷﺒﻜﻨﻲ ﺳﻼﻡ ﻭﻛﻴﻒ ﺍﻟﺤﺎﻝ
ﻳﻤﻴﻦ ﺧﻮﻓﻨﻲ ﺑﻲ ﺟﺪﻱ ﺑﻘﻴﺖ ﻓﻲ
ﻟﺤﻈﺔ ﺯﻱ ﻧﺸﺎﻝ
ﺭﺟﻔﺖ ﺭﺟﻔﺖ ﺟﺴﻤﻲ ﺿﺮﺏ ﺗﻘﻮﻝ
ﺍﻟﺪﻧﻴﺎ ﻓﻲ ﺯﻟﺰﺍﻝ
ﺑﻘﻴﺖ ﺍﻧﺎ ﺍﺳﻮﻱ ﺍﺳﺘﺎﺫﻥ ﺍﻣﺶ ﻳﺎﺧﺎﻝ
ﻳﻘﻮﻟﻲ ﺍﻟﺨﺎﻝ ﺗﻤﺶ ﻻﻭﻳﻦ
ﻣﺎ ﺍﺗﺸﺎﻭﻓﻨﺎ ﻣﺎ ﺍﺗﻌﺎﺭﻓﻨﺎ ﻣﻦ ﻗﺒﺎﻝ
ﺷﺒﻜﻨﻲ ﻛﻼﻡ ﻛﻼﻣﺎ ﻛﻠﻮ ﻓﻲ ﺍﻻﻣﻮﺍﻝ
ﻫﻮ ﺗﺎﺟﺮ ﺍﻇﻦ ﻳﺒﻴﻊ ﻗﻄﺎﻋﻲ
ﻭﺍﻻﺟﻤﺎﻝ
ﺷﺮﺣﻠﻲ ﺍﻟﺴﻮﻕ ﻭﻧﺎﺱ ﺍﻟﺴﻮﻕ ﻭﻳﺎﺗﻮ
ﺍﻟﺪﻏﺮﻱ ﺍﻟﻤﺤﺘﺎﻝ
ﻗﺮﺍﻟﻲ ﻗﻮﺍﻳﻢ ﺍﻻﺳﻌﺎﺭ ﺣﺘﻲ ﻗﺒﺎﻳﻞ
ﺍﻟﺘﺠﺎﺭ ﻭﺍﻧﺎ ﺍﺳﻮﻳﻠﻮ ﻋﺎﻝ ﺍﻟﻌﺎﻝ
ﺻﺤﻴﺢ ﻳﺎﺧﺎﻝ ﺻﺤﻴﺢ ﻳﺎﺧﺎﻝ
ﻭﺍﻟﺤﺎﺝ ﻳﺤﻜﻲ ﻋﻦ ﺍﻣﻮﺍﻟﻮ ﻛﻢ ﻓﻲ
ﺍﻟﻴﻮﻡ ﻗﻌﺪ ﺗﺮﺑﺢ
ﺑﺪﻳﺖ ﺍﺳﺮﺡ ﺍﻗﻮﻡ ﺍﻣﺮﻕ ﻣﺸﻴﻲ ﺍﻧﺎ
ﻟﻲ ﻧﻮﺍﻝ ﻳﺠﺮﺡ
ﻫﻲ ﻓﺎﺗﺖ ﻭﻳﻦ ﺍﺗﺎﺭﻱ ﺟﻮﻩ ﺗﺘﺴﺮﺡ
ﻭﺍﻧﺎ ﺍﻟﻔﻲ ﺿﻔﻮﺭﻱ ﺩﺧﻠﺖ ﺟﻴﺖ ﻓﻲ
ﺑﻴﺖ ﻏﺮﻳﺐ ﻣﺠﺪﻭﻉ
ﻭﻗﻠﺒﻲ ﻳﺪﻕ ﺩﻕ ﺩﻕ ﺩﻕ ﺩﻕ
ﺗﻘﻮﻝ ﻳﺠﻲ ﺑﺮﻩ ﻟﻮ ﺿﺎﻟﻲ ﺳﺪﺭﻱ
ﺿﻠﻮﻉ
ﻋﻤﻚ ﺷﻔﺘﻮ ﻟﻴﻚ ﻳﻔﺘﺢ ﻋﻴﻦ ﻭﻳﻘﻤﺾ
ﻋﻴﻦ
ﻫﻲ ﺗﺒﻘﻲ ﺯﻯ ﺍﻟﻤﻼﻧﻰ ﺩﻣﻮﻉ
ﻗﺎﻝ ﻟﻲ ﻗﻮﻡ ﺧﻼﺹ ﺍﺭﺗﺎﺡ ﻭﻋﻨﺪﻧﺎ
ﺭﺟﻌﻪ ﻟﻠﻤﻮﺿﻮﻉ
ﺭﺟﻴﺘﻮ ﺩﻗﺲ ﺷﻮﻳﺘﻴﻴﻦ ﻧﺎﻡ
ﻭﻗﻤﺖ ﺑﺸﻴﺸﻲ ﺯﻯ ﺍﻟﻤﺎﺷﻲ ﻟﻠﺤﻤﺎﻡ
ﻣﺸﻴﺖ ﻗﺼﺪﺗﻪ ﺑﺎﺏ ﺍﻟﺤﻮﺵ ﺍﻋﺎﻳﻦ
ﻻﻭﺭﺍ ﻭﻗﺪﺍﻡ
ﺗﺸﻴﻠﻨﻲ ﺍﻟﻌﺘﺒﻪ ﺗﺮﻣﻴﻨﻲ
ﻭﻋﻤـــــــــــــــﻚ ﻗـــــــــــــــﺎﻡ
ﺍﻗﻴـــــــــﻒ ﻳﺎﺯﻭﻝ ﺗﻌــــﺎﻝ ﻳﺎﺯﻭﻝ
ﻭﻓﺠــــــــــــــــــــﺎﺓ ﺻﺤﻴﺖ
ﻣـــــﻦ ﺍﻟﻨﻮﻡ
ﻟﻘﻴﺘﻮ ﺍﺗﺎﺭﻱ ﻛﻠﻮ ﻣﻨﺎﻡ

نهنئكم بعيد الآضحى المبارك
كل عام وأنتم بخير
وتقبل الله منا ومنكم صالح الأعمال