أنة وَحشة طويلات النَخل بِالليل

نَفعِك شِنهي مِثل العَفية للحَمال
لا شالت حِمل لا جبرَت الخاطِر

وأنة چني طوير تايِه بين جِنحانه گزاز

غير الدَمِع غَفاني
شني تگعدني رَشگة ماي !!

وأنة ذاكَ الشَگگت زيچي اعلىٰ طَيفك

أنتَ يَالما تِدري عِتبة بابي وين
وأنة أدري بيا چِفن طَيفك يَبات

ولك رَوحي عِزيزة بيت
مَطرودة جِبتها وياي
مِثل چف الچتيل بِمهرة
جيت أتلولَح بِممشاي
أحطن چَبدِتي براس الرِمح
وأنطرها لما تِنزل الچَعبة
ولا گطِعتك هاي

ولك مَامِش فَرح عَيني بِچت عاگول
تِدري السَكتة كلشي تگول

صَدى ليلة مطر يَندار بِضلوعي
مِن اگول اسمَك
حِزن كل الأغاني يوّرِد بِروحي
مِن اگول اسمَك