tg-me.com/qesas_sd/24413
Last Update:
#السيره_النبويه_باللهجه_السودانيه
الجزء 101❤️
يلا صلوا على النبي ﷺ❤️
رد شبهة تعدد زوجات النبى و الجمع بين 9 نساء ✔️💪🏻❤️
اتكلمنا امبارح وقلنا أنو تعدد الزواج ليس سنة بل رخصة✔️ خصى بيها ربنا سبحانه وتعالى النبي محمد ﷺ❤️.
طيب حنواصل في حكمة التعدد🤗 و هى إثبات تمام الكمال للنبى صلى الله عليه وسلم.. يعنى شنو ؟
العلماء بيقولوا أنو الزوجة لديها عين ناقدة، ✋🏼.. يعنى لو عايز تعرف حقيقة راجل اسأل زوجته👌 هى أكتر واحدة بتعرفو❤️... فصدق النبىﷺ حين قال: "خيركم خيركم لأهله" الشخص الطيب بجد هو الطيب مع أهله فى البيت وده أحسن واحد فيكم..❤️
(يعني الواحد ما يكون طيب وحنون مع كل الناس و أول ما يخش على ناس البيت يقلب وشو😕✋🏼)
طيب النبى صلى الله عليه و سلم تزوج من تسع نساء، والتسعة أجمعوا على كمال أخلاق النبىﷺ و رقة معاملته و حسن خلقه المبهر و تعاونه❤️..و كانو يوصفوه بأنه "كان قرآنا يمشى على الأرض"،❤️
فنفهم من ده أن لو النبى ﷺكان قاصد يتجمل و يتصنع أمام السيدة عائشة،.. ما يقدر يتجمل أمام السيدة حفصة بنفس الطريقة صح و هكذا مع الباقى☺️❤️.. فصدق و كمال النبى ﷺكان فى ثبات معاملته بنفس الأخلاق مع كل زوجاته.❤️❤️❤️صل الله عليه وسلم
في معلومه بسيطه اقولها ليكم✔️
يعنى شنو الحديث المتواتر؟ 🤔والأحاديث النبوية بأعلى درجات الصحة وصلت لينا كيف؟🤔
وصلت لينا عن طريق التواتر .. و دقة الأحاديث دى مدروسة فى علم اسمه *علم الحديث* .. و الحديث المتواتر ده أعلى درجات الصحة فى الحديث👌❤️..
طيب ليه؟
عشان شروطو بتحدد ان 9 أو 10 أشخاص ينقلوا كلام النبىﷺ مباشرة و يكون كلامهم متطابق👌 ..
يعنى مثلا النبىﷺ يقول حديث، و يسمعو 10 من الصحابة، و كل واحد منهم يوصلو ل 10 تانيين و هكذا بيستمر التواتر لحدي ما يوصل لينا حديث النبى عليه الصلاة و السلام ☺️❤️.. عرفتو!
بسبب الشرط الدقيق ده لا يمكن أن الأعداد دى كلها تكذب أو تألف الحديث. 👌
طيب وده علاقتو شنو بالتعدد؟..☺️
النبىﷺ متزوج 9 فالنبى لما يقول حديث، التسع زوجات يتفقوا عليه، وكل زوجة تبلغه ل9 أشخاص، وكل شخص من ال9 يبلغ 9 تانيين، فكأن عدد نساء النبىﷺ ربنا أراد انهم يبلغوا حد التواتر..❤️❤️❤️
كل شي لحكمة. حتى عددهم 9 لحكمه☺️سبحان الله.. ❤️
طيب كمان فى حاجة مهمة جدا بتثبت أنو تعدد زوجات النبىﷺ كان بأمر إلهى أو غرض سياسى أو إجتماعى.. و الوحيدة الاختارها النبيﷺ بنفسو هى "السيدة خديجة بنت خويلد".❤️
متذكرين زواج النبى ﷺمن السيدة عائشة صح؟😍
لما النبىﷺ قال لها: "يا عائشة أُريتُكِ فى المنام مرتين، رأيتك بصورتك في قطعة من حرير ، و يقال لى فى المنام هذه امرأتك..فأقوم من نومي و أقول إن يكن خيراً، يُمضيه الله.."،❤️
و يقول ابن عباس: "رؤيا الأنبياء وحى"،
يعنى زواج النبى من السيدة عائشة كان أمر من الله👌❤️. و الدليل أن تعدد زوجات النبى أمر إلهى يخص النبىﷺ فقط هو أن غير مسموح للنبىﷺ أنه يطلق واحدة من زوجاته🙅🏻♀️ و لو واحدة ماتت ماينفع يتزوج مكانها واحدة تانية زى أى مسلم 🙅🏻♀️..
ربنا قال للنبى: "لَّا يَحِلُّ لَكَ النِّسَاءُ مِن بَعْدُ وَلَا أَن تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَّقِيبًا" سورة الأحزاب ..
يعنى ربنا أمر النبى انو ما يطلقهم...✔️
طيب هل فى زوج من المسلمين ربنا أمره بعدم الطلاق؟🤷🏻♀️
لا .. طيب يبقى النبىﷺ زى ما ربنا خصاهو بحكمة الزواج من تسع نساء .برضو خصاهو بحكمة أنه ما يطلق ولا واحدة فيهم..✔️❤️
و ده دليل علي أنو كلللل ده كان خصائص نبوية..زى نزول الوحى،👌..
ينفع أيي زول ينزل عليه الوحى ؟
لا طبعا دى أمور تخص النبىﷺ فقط😍❤️.. كذلك برضو زواج النبى ﷺمن 9 نساء كان من خصائصه وليست سنة تتبع✋🏼❌.. ماينفع زول يتزوج تسعة غير رسول الله فقط..✋🏼
برضو كمان من حق النبيﷺ أنو سيدة تهب نفسها ليهو و تعرض نفسها عليه للزواج❤️👍🏻، يقول الله فى القرآن: "وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا خَالِصَةً لَّكَ مِن دُونِ الْمُؤْمِنِينَ قَدْ عَلِمْنَا مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ وَكَانَ اللَّهُ غَفُورًا رَّحِيمًا" سورة الأحزاب.
دى من خصائص النبىﷺ فقط، و رغم كدة النبى لما كانت بتجيهو امرأة توهب نفسها له.. كان بيرفض أنو يتزوجها إلا امرأة واحدة فقط و هى السيدة "ميمونة بنت الحارث" و دي حنحكى قصتها يوم فتح مكة😁❤️
BY طريق لينير ظلمتك ♡
Warning: Undefined variable $i in /var/www/tg-me/post.php on line 280
Share with your friend now:
tg-me.com/qesas_sd/24413