زينب صاحت ——بحسره وناحت
علي بويه انكسر كلبي
……..
الحسره ما يكفيها الدمع بالعين
والله يعين زينب والحسن وحسين
ومن شافو علي راسه انطبر نصين
وعجز ما يكدر يكوم البطل صفين
الكثرت همي ——راحت امي
و يكثر حزني ونحبي


نعت يم الابو زينب نواعي ايتام
من شافت ابوها منطبر بالهام
وويوصي بالحسن بعده على الاسلام
ويگله جرحي اعرفه مابعد يلتام
دموعي الطاحن ——-زينب شافن
و عليها انا كثر تعبي.
……..
زينب شافت الوالي بنزف جرحه
بهذاك اليوم ريته لاطلع صبحه
اجانه العيد منه ماخذ الفرحه
وضاكت بينه يابويه علي الفسحه
ادموعي التجري——تساعد صبري
او ماشوفن بعد دربي
……..

صاحت زينب الحره الفلك طرنه
وطشرنه الوكت يابويه طشرنه
اخذ منه العزيز وحيره حيرنه
ويتامه ياعلي هاليله شو صرنه
مثل ايتامك ——تلفي ابابك
و. عين الفقره الك تربي
كلمات
الملا احمد السالمي
……..

مـــوشــــح
تعديل
انت باب الله علي انت الشفيع
اليدخل الدينك علي لاما يضيع
امان الله علي
امان الله علي
"""""""'''---------""""""""""""

ندخل الدارك علي ومنك نريد
تثبت الأقدام ونصير العبيــد
للنبي باسمك علي لان الحديد
علينة واجب سيدي أمرك نطيع
❃❃❍❃❃❍❃❃❍❃❃❍❃❃

الدنيا لاجلك هذا مخلوق الفضاء
شاهد القرآن الك ويه الدماء
أنته دين الله ورفع بيك السماء
وانت لاحبابك غداً سداً منيع
❃❃❍❃❃❍❃❃❍❃❃❍❃❃

احنة شيعة ونفتخر بين العباد
جينه منك ياعلي نريد السداد
وعلى جرحك بيه متوشح السواد
يابيان وعَلمك ربنا البديع
❃❃❍❃❃❍❃❃❍❃❃❍❃❃

والله جرحك ياعلي بچانه دم
وخبر موتك يالولي بالدنيا عم
حتى جبريل الملك هم لاحه غم
دم الك يبچي الصبح ويه الربيع
❃❃❍❃❃❍❃❃❍❃❃❍❃❃

جينه ننزف بالدمه لحامي الحمه
وتنــــعه ويانه الك حتى السمه
وحيده ظلت يا علي بت فاطمه
كلشي من زينب ترى عگبك يضيع
❃❃❍❃❃❍❃❃❍❃❃❍❃❃

قال طــــه المصطفى عنك علي
لاجله مخلوقه السمه وإلها ولي
وانته للناس اليشع نورك جلي
رافعك رب العلى هـو السميع


كلمات
الملا احمد السالمي
❃❃❍❃❃❍❃❃❍❃❃❍❃❃

لسان حال الحجه عج
ْ
منكم اريد    انا المهـدي وتــجـــازونـي
منكم اريد    بجدي العطشان تواسوني
ياشيعه والبيعه     مجلس عزاء
.
.
علي مقبل محرم والحزن يحسيـن
المهدي انا وابچيلك دمه من العين
يشيعه وياي گومو نذكر الچـفيــن
لحسين الگمر تظحيته لجل الدين
ْ
احضر عزاء   الطـــم واعميها لعـيوني
منكم اريد  بجدي العطشان تواسوني
ْ
ْ
اذكــرك من اشـوف المــاي بالعــبرات
وماانسى كلامـك بالزمــــان الفـــــات
وحگ جدي النبي عطشان گلت آهات
وگـالولك تضوگ المـاي بـــعد هيـهات

امسى  الشهيد  وينادي اعله اميه انطوني
منكم اريد   بجدي العطشـان تواســــوني
ْ

المهدي انا ذابحني الغيـاب بسيف
انا العماته بالطف تنسبـي ياحيـف
ويسعر بالگلب الهن جمر بالصيـف
وليليه الحزن عندي يجيني ضيف
ْ
همي يزيد   ياشيعيه اطلب لاتنسوني
منكم اريد  بجدي العطشان تواسوني
ْ
ْ
حسين المهدي انا اسمك يظل انداي
عطش گلبك يبو اليمه يعيش وياي
وگلبي يحترگ كل ما اشـوف الماي
وعنـك ماشـغلني كـل ظلم أعــداي

اني الوحيد    كل همي وياكم تـــدروني
منكم اريد      بجدي العطشان تواسوني

طلعتي وأعدل المايل أمـر حـاسم
وفدك ترجع حقيقتها وملك فاطم
وكـلها تنـفني وبـس العـزا دايـــم
يجيله كل نبي ومرسـل أله هايم
ْ
هاي العديد     آنـي الغايـه وينـصــروني
منكم اريد     بجدي العطشان تواسوني
كلمات
الملا احمد السالمي
اللهم عجل لوليك الفرج
ثواب القصيده لمولانا صاحب الزمان
--------------------

اداء الملا حيـدر الخـفاج
كلمات احمد السالمي