((#العباس_ليس_سيفا_فقط ))

……………………………………………………………

ليسَ بالسيفِ فقط للمجدِ يَرقى
فأبو فاضـلٍ زُقَّ العِلـمَ زقّّا
عَالِمُ العشيره •• نافِذُ البصيره
ابا الفضلِ . ابا الفضلِ

……………………………………………………………


يا قلم كون اعل الحذر
ابعينين مو وحده النظر . تكون الكتابه
من اكتبت صاگر زلم
اكتب عليه فارس عِلم . ابزغره وشبابه

من جوده مو بس بالماي . روّه العطاشه ابعِلمه
مرجع صُبح للتقليد   . اعليه الخلگ ملتمه
لو باقي عايش لقمان . من عنده ياخذ حكمه

قلمي كُنْ منصفاً فالامرُ اكبرْ
هذا عباسٌ لعِلمِ اللهِ مَظهر
طيّبُ السريره •• نافذُ البصيره
ابا الفضلِ . ابا الفضلِ

……………………………………………………………


العباس بحروف الشعر
عمره انعرف ساعة ظهر . بس ابوفاته
ثلاثين و الاربع سنه
اكبر مجد بيهن بِنه . ابخُلقه وصفاته

ياقلم لو حبرك صار . ماي البحر بعماقه
ولو شاعر اصبح جبريل . وارض وسماء اوراقه
ما ينطي حق العباس . لو سولف اعل اخلاقه

لم يقُلها يا( أخي) قط للحسينِ
لم يضع في وجههِ عيناً بعينِ
لمْ تجد نظيره •• نافذُ البصيره
ابا الفضلِ . ابا الفضلِ

……………………………………………………………


المعصوم كل حچيَه وحي
ميجامل ابدن بالحجي . يگول الحقيقه
ما ينطقو عن الهوى
عنده العبد وابنه سوه . هذا طريقه

اركب بنفسي يا خوي . حسين الاخوه گالها
فدوه اروح العباس . تفسيرها و معناها
هالكلمه اعظم تشريف . بس الگمر نالاها

مرحى يا ساقي العُطاشى الفُ مرحى
هذا ابنُ المصطفى يَفديكَ رُوحا
روحُهُ الكسيره •• نافِذُ البصيره
ابا الفضلِ . ابا الفضلِ

……………………………………………………………


انطاهن علي كلهن اله
مو بس شجاعه ومرجله . انطاه الفصاحه
لو حچه العباس الارض
اتخضر ورد طول ابعرض . يحجي ابسماحه

من خطب بالعاشر صار . كل النخل يصنّت
والطير صاحت الله . طبگت جنحها او وگفت
چلماته حنّة عريس . بيها الطفوف اتحنّت

قالوا من هذا فهل عادَ عليُ
أ لسانٌ هذا أم سيفٌ يسّلُ
خطبةٌ خطيره •• نافِذُ البصيره
ابا الفضلِ . ابا الفضلِ

……………………………………………………………


تلميذ كل ذاك الزمن
واستاذه الحسين وحسن . بيهم تعلّه
ناجح طلع وبكل درس
عصموه من كل الرجس . ماعنده زله

اي نعم اصبح معصوم . مو مطلقه المكتسبه
نور ومثل وجه حسين . هيجي ابو فاضل گلبه
محسن الثاني العباس . ام الحسين اتحسبه

يشبهُ في التقوى داودَ النبيّا
هو معصومٌ كبيرا او صبيّا
رتبةٌ كبيره •• نافِذُ البصيره
ابا الفضلِ . ابا الفضلِ

……………………………………………………………


يا قلم وصفته ابغضب
والراس حار و كاللهب . بالحرب جمره
اكتب عليه كلش فَلِح
وبوجهه ضحكات الصبح . الخاطر تسِرّه

مبتسم دوم او يالناس . چلماته حب ورديه
يتفائل و لو شافاه . كل سيد وعلويه
من طيبته ايلاعب دوم . عبدالله واخته ارقيه

لو تراهُ زينبٌ تنسى الهُموما
في سماءِ الحزنِ يُجلِيها الغيوما
عينُها قَريره •• نافِذُ البصيره
ابا الفضلِ . ابا الفضلِ

……………………………………………………………
✍️ ( سيد خضر الزاملي  )

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يا ماي النهر يا ماي سلملي اعله ابو فاضل

**
سلملي اعله اخوي الكافل وكله
زينب جتفوها وصعدت الهزله
راسك علضعن من الشمس ضله

راسك مرفع ومسكت العايل

****

يمك طاح قائد موش كل قائد
خله الجيش واحد يلبد بواحد
لون الماي عدي علحجي شاهد

احمر صار من طباهم الكافل


****

من عينه انطفت وجفوفها ذباها
الگاع بطيحته جا بيش لاكاها
الجربه بلا جفوفه شلون حضناها

شلون اعله النهر ضل العلم نازل

**

سوفلي بوادع الخوه سوفلي
شحال حسين من شاف الكمر گلي
شلون تحاضنو يا ماي وصفلي

شحال حسين كلي بدمعه الهامل


**

ما وصاك من طاح الكمر بيه
ما كلك منو الياخذني مسبيه
يعرف راح اروح امقيده ايديه

وطب اعله الشماته ومجلس العايل

الشاعر. حمزة الشغانبي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

الباقر
من زغري عشت العاشر
كلب حاير
وسبيهم ظهري كاسر
انا الباقر .... انا الباقر
*

من الطفولة
عشت احزان الطفوف
شنعي شكوله
عالسبي لو عالنحر لو عالجفوف
شنهي ذوله
بلا رحم وضوكونه انواع خوف

ماهي سهله
اوكف كبال العدو او وخر اكله
وبحبل شد ايدي الحبل شيحله
محروك الجدم وتبجي كبالي طفله


عشت الايام
كلها واحلامي التمر حرك الاخيام
وبالخرابه وعالجمر تتراكض ايتام
وبعده لليوم اثر جرح الطف مملتام


اصعب اوقات
من جانه خبر حسين المات
اصعب لحضات
كالو حفله نسوي ونزلت دمعات
اضل ساهر
النوم ماهو النوم طاير
كلب حاير
وسبيهم ظهري كاسر
انا الباقر .... انا الباقر

____

غالبني حزني
بعمر الورد وندوس جمره
الليل ضكني
ولون الاخدود اصبحت حمره
مايخف وني
وتضل بالكلب نار متوجره

تجرح الروح
سهام حسين تكثر الاجروح
وجسمه عاري عالغبره مطروح
مامش فياي والشمس اتلوح


تعمي الاعيون
دخان وصهيل وضرب الامتون
طفله تصيح ياعمه يأم عون
شلون اعوفن والدي شلون


ساهر الليل
ليلة العاشر تاخذ الحيل
والدمع يسيل
لا حسين البقه اولا كفيل
السهم جاير
على عيوني وطفه الناضر
كلب حاير
وسبيهم ظهري كاسر
انه الباقر ... انه الباقر

____

ثلث اعوام
عمري واشاهد راس الحسين
مو بالاحلام
واقع شفت بيت اهله ميتين
ما يلتام
جرحي وجرحك يزين العابدين

ثلث اعوام
واشاهد نيران الاخيام
وبسيف الشمر مذبوح الاسلام
خلصت السبي عثرات الاجدام

سوط ونيران
والتمت عالظعن هالاحزان
وخد الطفلة رقيه ذبلان
وحال ابوي بمرض تعبان

طفوه الصبح
بسيف الشمر انذبح
هل الجرح
وبالدم كلبي سبح
الخيل الدافر
جايب وصله الحافر
كلب حاير
وسبيهم ظهري كاسر
انه الباقر ... انه الباقر

____

يالسجاد يابه
الحك عليه الطف رعبني
اعله الترابه
العدو اعله وجهي شمرني
يكتل عذابه
حسين شفته وزاد حزني

تلم بينه
زينب وتلزمنه من ادينه
طايح كلبها بطيحه ولينه
صاحت الحك الحك ياعلينه

جفوف عباس
ماقصرت ويانه ياناس
نكطعت ومارضت تنداس
مو تنكطع واجبها تنباس

الباقر انه
بالطف كلبي انحنه
شكم سنه
معركة الطف ضلت ساكنه
شفت الخساير
بطيحة حسين يوم العاشر
كلب حاير
وسبيهم ظهري كاسر

...


باقر أحمد البنداوي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

[[ عضيد حسينه ]]







لشجاعة مولاي ابا الفظل العباس ع







يرعد عضيد    حسينه

◾◽◾◽◾◽◾◽◾


غار ليــــــها   وصــــال بيها  
وخـــله كـــل جــثة بــكتــر

الموت بيده   الحرب عيده
وبالزلـــــم يســــطر ســـطر

شال سيفه   وطـاب كيــفه
وانگـــــضو كلــــهم طـــــبر

زود كــلّــه   خـوفه خــــله
بــــــــيهـــم وذل الــــــشمر



سوگ بيها تسوگ گـــــام چفوفه
ردها تزحف زحف لارض الكوفه


جدحت غضـب    عيـــنه
يرعد عضـــــيد    حسينه

◾◽◾◽◾◽◾◽◾


ادخيل صاحت   خيل طاحت
فحّــــــط اخــيول وزلــــــــــم

حســــين ناده     وحـده قاده
وبيــــــــها خـــــل يـــردم ردم

حـار دمـــــــــه   خوش زلمــه
يلـــوي چفـــــه اكبـــر خشـــم

جــيش هـــــده   الدرب ســده
بالــــــــعدد لا مـــــــا يـــــــــهم


صار يوم اگشر على الطبّالها
هلا بالذلها ولعب بأحــــوالها




گلهم عـــمر      وينـــه
يرعد عضيد    حسينه

◾◽◾◽◾◽◾◽◾

اجبال حــيله  الويل ويله
الگــــابله  يشـــــبع كــفخ

اليوم يومه  وبالحــــومه
عالـــكفر يزمخ زمــــــــخ

كله حــــوبه   محله ثوبه
وشحـــــــــــلاته لو كشخ

ضوه ايلالي   ودوم عالي
لله بـــــس لمــــــــن يطخ



فوگ مهره وع التراب اجدامه
ابن ابوه والله الوگف جـــدامه


گالو نــــــدم     جينــه
يرعد عضيد    حسينه

◾◽◾◽◾◽◾◽◾

شال جوده    وچنه عوده
وللــــــنهر فايــــر گـــــصد

مو العسـكر    هــــــو اكثر
يمه عسكـــــــرها اســـتعد

انوب حارو    مــــاي رادو
سلطــــــن وبيـــهم رعــــد

وحده سيطر   گــــام يزأر
وانتـــــــهى ذاك الــــــعدد


والنهر ترجف رجيف اجروفه
سوه عمله الدوم ما مشيوفه



العــــايل تره    يهــينه
يرعد عضيد    حسينه

◾◽◾◽◾◽◾◽◾




         عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

انگطـع نحــري ... انگطع نحري
وآنـه طفـل ابمهـدي تــونـي


آنـه عبـدالله الرضيــع اووالـدي السبــط الإمـــام
عايش ابـدور الطفــولـه اومــابلـغ عمــري العــــام
جـرى اعليـه امصـاب يفجع ماجـرى ابكل الأنـام
حــرملـة ابسهمـه فطمنــي من گبـل ســن الفطــام

كلـف أمــري ... كلف أمري
وآنـه طفــل ابمهــدي تــوني


جـيـت مـن أرض المدينـه اويه الـحرم والعايلـه
چنـت أنـاغـي ابوسـط مهـدي اومن وصلنـه كربلـه
ليـــه ويــه الـــمــوت مــوعـــد مـاچنــت أتخيلـــه
تســتقــر نبلــــة ابـوريـدي اوبيــهـا يرمـي حـرمله

ينهــي عمـري ... ينهي عمري
وآنــه طفــل ابمهــدي تونــــي


امن العطـــش چبــدي تلظــه اوبــدت لوعــات العــذاب
الـــمــاي مــنعـوه الأعــادي عنـّـا واشــتــد المصـــاب
عـــزّتِ اعليّــه الرضـاعـة مـن صـــدر أمـي الربـــاب
لا لبــــن لامــــاي عنــــدي يـــروي دلالــي الـــلـي ذاب

جــزع صبــري ... جزع صبري
وآنــه طفــل ابمهـــدي تـــونــي


أمــي محتــاره ابمـصـابـي اوتـجري عبـــره المحنتـــي
تنــتحــب وتصيـــــــح يبنـي ياسعــــــادة دنيتــــي
نشــف صـدري اوبيـش ارضعك خلني ارضعك دمعتــي
اولـون دمــعـي مــاكفـالك إلـــك أعصـــر چبــدتــي

احتــار فكـري ... احتار فكري
وآنــه طفــل ابمهــدي تـــونـي


أبـو اليمـــه مـن سمعهـــا ابهالمصيبـه تنتحــب
دخل للخيمـه اولمحنـي بالمهــد دمعـــي يصــب
درى ابحالـي اوبچــى الحالي اوعرف هالموقف صعب
طـلـع بيـــّه الآل أميـّه لــعـل يسگـونـي العــذب

دمعــي يجــري ... دمعي يجري
وآنــه طفــل ابمهــدي تـــــونــي



مـن طلــب يسگــونـي شـربـــة مــاي صابــوني ابسهــــم
گطـّــع اوداجـــي اوأشـــوفـن والـــدي اعليـّه انهظـــم
وانخــطــف لـــونـــه اوتــحيــر وحــس دلالــه انجســم
ابـحجــــره وافتنـي المنيه اورجـــع بيــّــه للخيــــم

حفــر گبري ... حفر گبري
وآنـــه طفــل ابمهــدي تــــونـــي


ولاتنسونا من الدعاء

أخوكم

خادم محمد وآل محمد

حامد البدري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

أمك أنه اوياجاسم ابگلبي جَرِح
ماحسبت ليلة زفافك تنذبح 
ماتم شبابك ... بالدم خضابك


يا جاسم اللوعات متراكمه اعليّه 
اوشحچي عن الأحزان كل الحزن بيّه 
دهري رماني اسهام ماخطه بالرميَه 
وبهالوضع ظليت لاميته لاحيّه 

عن ياهظم أحچي يجاسم واشتچي
ماظل سندً بالموزمه اعليه ارتچي 
همت ابمصابك ... بالدم خضابك



فگدك يجاسم سيف كل ساعه يذبحني
اوبمرادف النكبات صار الظهر محني 
اويبني ابتوالي الليل  بس تسمع الحني  
اولولحظه تغفى العين اهمومك يصحني

طيب الوسن راح اوتبدل بالسهر 
ما تنسي اوفگدك يعيشني ابقهر
فاجع احبابك ... بالدم خضابك


كل والده لوصار عرس الولد تفرح
وتشاهد العريس ورده ابعطر تنفح
لاجن وسافه اوحيف بيه الهظم طوّح 
زفيتك اعلى الموت يالعرسك ابمذبح 

يبن الحسن عرسك صبح لي فاجعه 
اوماهلهلت يالغالي بس گلبي نعه
حسره ابغيابك ...  بالدم خصابك



من قسوة الأيام عدوانك اتزفك 
شهروا عليك ارماح  مترصده الحتفك
يالغالي والأشفار  رووها من نزفك 
والأكلف امن ادماك متحنيه چفك
 
وانه بعد جفني تحنه بالدمع 
اومن جمرتي ابدلالي اعلگ لك شمع
عشت ابعذابك ...  بالدم خضابك 



جاسم يا أغلى الناس يالشيبت راسي
بالطف مرام البين ماچان الي ناسي
مني اخطفك ياحيف وانخمدت انفاسي
اوصحت ابگلب ممرود يمه الدهر جاسي

يانجمتي الغيبها دهري بالدمه
ابون الگلب أنشد ييمــه هايـمه
حاسب حسابك؟ ...  بالدم خضابك



إنته حلم ماصار واصبح جرح بالطف
وأنته أمل خطفوه من مهجه تتلهف
يالمنحرك گطعوه ومن النزف ما كف
تنطي العهد عيناي دمعتها ما تنشف

عيني إلك مثل السحابه الهاطله
تشرح هظم عرس المنيه ابكربله
يصعب ذهابك ... بالدم خضابك



ولاتنسونا من الدعاء

أخوكم

خادم محمد وآل محمد

حامد البدري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

((سَقّاءٌ ليسَ مُقاتِل))  . #محرم1446
…………………………………………………………

البدرُ بجودٍ نازِل
سقّاءً ليسَ مُقاتِل
لو كانَ إليهم قاصِد . لم يَبقى مِنهم واحِد
هذا العباس . هذا العباس

……………………………………………………………


ولله لو نازل مقاتل موش ساقي العايله
چان سبعين الف ميت سجلتهم كربله
تبقه بس اسيوف صفره وخيل ترجف صاهله
صفر بالسالب و هو ميه موجب مرجله

لوَن ناوي اعل الحرب من جاها
تله يم تله الزلم سواها

الكلُ رفاةٌ مُوتى
عباسٌ وَحدهُ يَبقى
لمْ يتعبْ فِيهِ الساعد  . لم يَبقى مِنهم واحِد
هذا العباس . هذا العباس

……………………………………………………………


اباله يوصل للشريعه ابد لا صاح و هتف
اربعت آلاف حارس ركّضاهم للنجف
اكو ما شالته اجدامه بالرمل غاص و زحف
العلگمي أملثّم عساكر أبلحظه گدامه انكشف

عيد العد الشردت وفرحانه
امبارك العباس ما ذبحانه

اصبحَ صنديدٌ غالِب
مَن فَرَّ أمَامهُ هارب
والنخلُ عليهِم شاهِد . لم يَبقى مِنهم واحِد
هذا العباس . هذا العباس

……………………………………………………………


حسين لو گايله حارب جان سوّه الماجره
الجيش خط واحد يوگفه للذبح يلزم سره
مو فقط يگطع رگبهم يگطع الهم تذكره
بيكم اترحب جنهم جيش كله ايسفّره

خازن النار و ينادي ادخيلك
ما نلحّگ فدوه ارفع ايدك

شكراً نادتهُ جَهنم
لا شُلَّ يمينَكَ تسلم
سيفٌ كالمنجلِ حاصِد . لم يَبقى مِنهم واحِد
هذا العباس . هذا العباس

……………………………………………………………


لوَن نازل جان يرفض يكتفي ابهذا العدد
چا وصل قصر الاماره ابراس ابن مرجانه رد
اليوكف ابوجه ابو فاضل هذا شايل گلب اسد
وخاف يشرد من يخزره لازم اتشده ابوتد

ياهو يتجرأ يقف جدامه
بس يخزره اطيح منه الهامه

مَن ذا يقدِرُ أن يَصمُد
كالنارِ بريحٍ تخمُد
يحيا العباسُ القائِد . لم يَبقى مِنهم واحِد
هذا العباس . هذا العباس

……………………………………………………………


وأنسئل مالك الاشتر  ابهذا عمرك هم خفِت
كالهم مره ابو فاضل من خزرني اتراجفت
ابعينه عزارئيل گاعد  ريت كون ولا شفت
نظرة عيونه سلاسل بيهن انا اتچتّفت

حيدر الحگني ابوسن ايدك
اتورطت من زعّـِليت اوليدك

عباسٌ كالبُركانِ
اشعرُ بالموتِ أتاني
الابنُ شبيهُ الوالِد . لم يَبقى مِنهم واحدِ
هذا العباس . هذا العباس

……………………………………………………………


هو اصلا موش يمهم باله مو يم الحرب
سارح ابسكنه و رقيه أبجربته اعليهن يطب
للرباب ويهدي جوده ايگلها انا اللي اصب
انطيني عبدالله انا اشيله امن ايدي يحلاله الشرب

ابد ما حس بالعمود ابراسه
لأن يم ام عون كل احساسه

لا يهتم في كفيّهِ
ذائبُ في حبِ اخيهِ
من أجلِ الجودِ يجاهِد . لم يَبقى مِنهم واحِد
هذا العباس . هذا العباس

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

انصارك يبوالسجاد    شبيه الهم فلاينعاد
دخلوا ساحة الميدان   لاجلك ضحوا الابدان
أنصارك يبوالسجاد

يسبط المصطفى الهادي  تملك صفوة الانصار
عددهم وصل للسبعين   تريد امخاوض الاخطار
ضياغم سيدي انصارك  اوهدف مشترك عدهم صار
تتمنه الشهادة اليوم  اوغير الموت ماتختـار

هالصفوة على استعداد  كل غايتها الاستشهاد
توضح إلك موقفها  اووسط الحومة تكشفها
أنصار يبوالسجاد


أنصارك يبواليمه   كلها مؤمنه ابقدرك
كلها بيك معتقده  اومعتنقه هدف فكرك
واتحتم يبوالسجاد  بالطف سيدي اتنصرك
وتنادي يقائدنه  أنصارك تحت أمرك

إجوا كلهم على الميعاد  تريد امواجه ابن زياد
تتلامع بيديها اسيوف  ماتعرف الفزع والخوف
أنصارك يبوالسجـاد


العجب كل العجب يحسين  لونها اتعوفك بهالحال
وحيد اوما إلك ناصـر  بيك استوحدوا الانـذال
فعلها ايعاكس الأعراف  ويخالف طبع الرجال
موقفها البطولي اصبح  فخر تتناقله الاجيـال

حبك بالگلب يزداد  حبك هذا چالإمـداد
يمدها بالشجاعه اهناك  لمن تلتقي بعداك
أنصارك يبوالسجاد


مصداق الوفه يوضح  بالروح القتاليـــه
هاي الروح تدفعها   تقاتل كل بني اميه
واللي يميز انصارك  حملوا خالص النيـه
نصر الدين غايتهم   مواقفهم بطوليـه

نالوا رتبة الاسيـاد  نالوا رفعة الامجاد
شعار التضحيه اتبنوه  اورادوا گلبك ايسروه
أنصارك يبوالسجاد


غدت تتطلع الأنصار  لأحدى الحُسْنَيينْ اليوم
لوتدحر جيوش اعداك  اوراح اتشوف يامظلوم
لوتستشهد اوتمضي  ضحايا امضرجه ابدموم
والفاصل غدى الحومه   اوتتوكل على القيوم

تضحيلك دمه اوأجساد  من أجلك تود تنبـاد
ابإخلاص اوتفاني اوزود  صاروا لك سند وجنود
أنصارك يبوالسجاد


تشاهد نافع ابن هلال  اوحبيب اوجون وبن القين
اوعابس والرياحي الحر  اوباقي انصارك السبعين
گلبها ينبض ابحبك وتريد الإذن يحسيــن
اويدخلون المعاره ابســاع  اوعزمهم تنظره ابهالحين

منك هالأمر ينراد  وانته التكرم الوفـاد
من ترخصها تكرمها  اوراح اتْضِحيِّ ابدمها
أنصارك يبوالسجاد



ولا تنسونا من الدعاء


أخوكم

خادم محمد وآل محمد

حامد البدري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يعز فگدك عليَّه
يبن سيد البريه


يمن من كل بنيني اغله
اوعليّ إنته اشكثر غالي
مصابك فجر الدمعه
والمناوح صبح حالي
يغالي اوبنعي الناعي
أحس انفطر دلالي
رسم لي المذبح ابنعيه
اوچنك عالثره اگبالي

اوچنت آخر ضحيه
يبن سيد البرية
حسين ياحسين

 
رحت عني اوچنت يبني
أمنّي النفس ترجع لي
واذا رحلك مشه للطف
مشه ابدرب الحزن رحلي
اوسهرت الليل بونيني
اوعيني بالدمع تهلي
لچن خاب الرجه يحسين
لفاني الناعي ويگلّي

تولوك آل أميه
يبن سيد البرية


 
بشر چان ابعكس إسمه
إجاني ابلابشاره اليوم
بده ايعددلي امصايب
تركت بالدليل اهموم
شرح لي مصرع اولادي
اوعزاني ابدمع مسجوم
لچن صدقني ماهمني
چنت بس بيك أفكر دوم

اوبنيني لك هديه
يبن سيد البريه
حسين ياحسين



إلك موبس بنيني ارخص
إلك أرخص بعد روحي
وسلمك دم شراييني
اوفرحتي ابنزفة اجروحي
لچن فاتتني النصرة
اوعليها دم طفح موحي
اونصبت الماتم ابدارك
وعزي المرتضه بنوحي

وعزي للزچية
يبن سيـد البريـة


أبوفاضل وخوه جعفر
وخوه عون اوبعد عثمان
صدگ ماخيبوني حين
جرى دمهم على التربان
ارفعت راسي ابشهادتهم
ونه ام الأربعة الشجعان
يريت اوداجي انگطعت
مثلهم وابگه دون ادفان

واظل يمك رميه
يبن سيد البرية
حسينُ ياحسين



بچيت اوأدري هالمبچه
يـبواليمه فلاينـــفع
بعيد انت اشكثر عني
اونهاية هالبعد مضجع
وصد بنظرة مايوسه
على الطف اوأهل مدمع
وخاطب گلبي بالحسره
حبييبك بعد مايرجع

صرت تحت الوطيه
يبن سيد البريه
حسينُ ياحسين


على امتون السحاب اطلع
عساني ألمح الگبرك
وإذا من عالي المِزنه
اعيوني الشابحه اتنظرك
عالگاع انزل ابلهفه
وجيم النايحة ابكترك
وفتح لحدك ابچفي
وشم ابكل حزن نحــرك

وصب دمع الرزيــه
يبن سيـد البريــه
حسينُ ياحسين


ولا تنسونا من الدعاء

أخوكم

خادم محمد وآل محمد

حامد البدري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

عذرا يا ابو صالح عذرا يا ابو صالح
يا مهدي
ــــــــــــــــــ
عذرا سيدي لهتنه الذنوب
عنك والله صارت سودة القلوب
ما ندري بحضرتك هسة يا صوب
وشلونك يالمسامحنه ونتوب

شلونك يا مسامح شلونك يا مسامح
يا مهدي
ــــــــــــــــــ
ما ندري بحضرتك وين ما وين
يم كبر ام حسن لو يم الحسين
عزيزٌ يا ابو صالح غايب سنين
ونتفگد بقينه اعله العناوين

يمنه وانته نازح يمنه وانته نازح
يا مهدي
ــــــــــــــــــ
نقرة الندبة بس بالسانة عليك
وما نترك فعل ندريه يأذيك
ومن نذنب نوجه اسهام نرميك
وتقبلنه رغم كل اليمر بيك

تدعي ولينه مادح تدعي ولينه مادح
يا مهدي
ــــــــــــــــــ
وسفة اعيونه اتباوع ع الغير
وانته النعمه والخير وابن خير
وداعت غيبتك ندري احنه تقصير
عدنه بس درينة قلبك جبير

قلبك انه فاتح قلبك انه فاتح
يا مهدي
ــــــــــــــــــ
غفلانين عنك واحنه نهواك
والدنيا خذتنه وگمنه ننساك
وتردنه اعله قلبك يا العشگناك
وصرنه ندورك بس وين نلگاك

غايب عنه رايح غايب عنه رايح
يا مهدي
ــــــــــــــــــ
صعبة اعله الرجل من يبجي وينوح
ومدري وين وصلت بينه الجروح
وحق جدك الضامي ومات مذبوح
نحبك سيدي لحد طلعت الروح

وحق الدمه سايح وحق الدمه سايح
يا مهدي
ــــــــــــــــــ
زين العابدين الشمري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

[[ يمنـة حيدرة ]]




لشجاعة مولاي ابا الفظل العباس ع





         ابو فاظل والنعم
                   هلا بيمنة حيدره

◾◽◾◽◾◽◾◽◾◽◾

تخوصر ومـتبســم
غيض وسط عيونه

صاح هذا العســكر
اگــــبالي شويونــه

وگال أنه البالشـده
ما تغـــــــيـر لونــه

حيــــدر وحملاتــه
بصولتي يشوفونـه


         حي ابن حامي الحمه
                    الما رجع مره وره

◾◽◾◽◾◽◾◽◾◽◾
   
مدربه ابــــوه بأيـده
يبوسه وسط اجبينه  

هلا بمعـصب زيــنب 
زماط اخوه حسينـه

سيفـه ضــل بغــمده
يــــعارك بچـــــفينــه

اليســـــطــره بخــده
اگــبالـه توگـــع عينـه


         عمره سبعه واللقب
                    صار سبع الگنطره

◾◽◾◽◾◽◾◽◾◽◾
   
واحــــد يصدولــه
وهو حيـــل هوايه

كــافـــل العـــلويــه
بچفه محله الــرايه

مشهد امن افعـــاله
ثنـــه ركبــه بمــايه

وگله هسه بســرعه
تمشي ركضه ويايه


          بشاربي كافل نسه
                    شچم طفل ومخدره

◾◽◾◽◾◽◾◽◾◽◾

فــــارس ومهيــوبه
بسدة زينب اخـــته

والگرب يــــم خيمه
برجله يسحگ جثته

من قره الارجــــوزه
كل زلمــــهم سكتــه

واليخـــزره الكـافـل
بعد خلّــــص وكتــه


       صاحو ادخيلك علي
                    واحنه نرجو المعذره

◾◽◾◽◾◽◾◽◾◽◾

يومه حار ويرعـب
كلها خافت يومــه

الينتحر يوم الطف
هذا ياهــــو يلومه

ضاگت بعسكــرها
خنگه كل الحومـه

الما تفـض اطلابته
نزع كــل اهـدومـه


        عاد الامجاد الـبطل
                   غدت كلها مطشره

◾◽◾◽◾◽◾◽◾◽◾






           عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

#قصائد_محرم_
#محرم_الليلة_الخامسه_

لشجاعة مولاي مسلم بن عقيل(ص)


الكوفة محبس بيدة وبكيفة ميدانة
هيبة الله اعيونة ومفتولة ذرعانة
وصل نص العرگة بس سيفة بمچانة
زلمة نشمي وهيبة متهمة عدوانة


غضب هاشم تولد كل يم اعيونة
الجيش كلة بنضرتة صاير اشويونة
نزل بيهم يحارب وشكثر صولاتة
ما يخاف وضربتة بلعرك مزيونة


مسلم كلفة طگاتة بعينة خزراتة...كتلت اهواي
طوعة صاحت ادخيلة مايرك حيلة..يشمر الجاي
غيرة كلها بچفوفة سكت الكوفة...وتيهت الراي

دخيلك يامسلم....
1______

مثل حنطة بأيدة بلحومة طشاهم
بكيفة صار يلمهم وبكيفة بداهم
مرة يمنة ومرة عل يسرة وداهم
سيفة شيخ وباشط ما يتعب اوياهم


هاشمي اهواي تعور ضربة من اچفوفة
الكوفة ضلت تعاين طش زلمها الكوفة
مسلم وحيد يحارب ما يهاب الكثرة
هوة يضحك ولاكن همة بيهم خوفة



قاتل والحرب عيدة وصارمة بأيدة...چنة عباس
يخوف حتى بخيالة يعثر الجالة...برجلة ينداس
محد بلحرب زلمة يگرب اليمة...رجف الناس

دخيلك يامسلم...
2______

تخاف منة الوادم من يلفض انفاسة
برجلة روس القادة وضل مرتفع راسة
كلف وكت الهدة والضربة مقياسة
هاشمي ومن حيدر متوارد بساسة


ابو طاهر چفوفة مصنع لكل غيرة
چنة حيدر خزرتة خلة بيهم حيرة
ما يخاف وتعور كلفة يا طگاتة
سيفة يجدح حمية وطگتة حيل اچبيرة


يخبل من يكض سيفة يعارك بكيفة..مسلم الحيد
شمحلة نضرت اعيونة ترجم افنونة..زلمة صنديد
واكف وحدة يرعبهم هيچي علمهم..موش اجاويد

دخيلك يامسلم....
3________

وحدة ضل يعارك ما همتة الوادم
منل الله عدة القوة يشبه گمر هاشم
طولة بيرغ هيبة لمن يكض صارم
الراد يوصل يمة لا ما يرد سالم


كلها صاحت دخيلك مسلم امتعبهم
بين حيطان المنازل من غضب شمرهم
طوعة صاحت دخيلك يا بعد شيباتي
تشد عزمة وحميتة بصارمة وطشرهم


صورة لحيدر مصور وحب ابو الاكبر..كل سنينة
عاشگ غير ابو اليمة يجري وي دمة..وعندة دينة
ناذر عمرة وسنينة كلشي لحسينة...ينطي عينة

دخيلك يامسلم....
4_______

عل سطح شمرهم شمرة رمح بيدة
چن صگر بلهدة ما يخطي بلصيدة
مسلم الله اختارة وبلكوفة تمجيدة
يخسة كلمن خانة وما بايع ايريدة


الكوفة خانت وعدها وبلعهد غدارة
مثل حيدر دخيلة خانت بفقارة
يمة الاف يباوع محد الضل عندة
وروحة ضلت حسافة بلغرب محتارة


ميهم حتى لو خانو وبلعهد دارو...يبقى مسلم
وافة ما يزل دربة واضح بحبة...يمشي بلدم
ضحة بعمره لحسينة وثابت بدينة..عشگة بلسم

دخيلك يامسلم...
5_______
#محرم_1446هـ_

خادم الزهراء ص

✍️محسن الباوي
_______

لحن القصيده 👇👇
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4