ضرب جــود سيف الدين على رگبته وصاح
_ چاااااا شنوووووووو غير هيج .
ابو حسن : ماتشوف الله مسود وجهك لان اعوج بالله كمل .
سحل سيف الدين يكمل بكل ثقة يعلم بي
جــود : اي اغسل ايدك گول اللهم يسر ولا تعسر
وبالثاني اي اي اغسل الثاني گول اللهم عسر ولا تيسر .
ابو حسن : الله لا يرضى عليك .

سحبت كرسي وگعدت اضحك من كل كلبي على كلامه وشهد نامت
بالگاع وعلي الاكبر طلع من الاستقبال يصيح
_ ولك حتى الملائكة احتاررررت وياك .
جــود : اهووووووو ولا يعوفون الواحد يفتهم من الدين
ويفهم اخوانه الصغار عوفوني اشتغل بكيفي .
ابو حسن : ولك غلططططططططط .

جــود : هااااا هاااا لحظة شبيكم تذكرت ولك سيف الدين تعال
گول احجي غسل ايدك غسلهااااا ولك .
سيف : ولك خليني اعيدها من البداية .
جــود : مايحتاج جيره بفرگك الله يقبلها اهم شي النية .
سيف : ديلة شگول أمداك وأمده الي يسمع كلامك .
جــود : غسل ايدك اليمين اي عفية گول
اللهم ضع كتابي في يميني ولا تضعهُ في يساري
وهسة روح على يسار گول اللهم ضع كتابي
في يساري ولا تضعه في يميني .

ابو حسن : ولك هاي لا صايرة ولا دايرة بتاريخ الإسلام .
حسن : الملائكة شايلة كتاب جــود وتفتر بين اليسار واليمين .

جــود : معليك بيهم امسح على راسك گول
اللهم شيبني وشيّب والدي ، ومسح رجلك گول اللهم
ثبت اقدامي واقدام امي لا تذكر ابوك لان من اساسه ثابت .

لزمه عمي دگ كتل واثنينهم واحد وره الثاني يعلم بيهم
وجود خربان ضحك من يعرف أغلاطه وسيف الدين يسب بي
من كملهم عمي دار وجهه شاف علي الآكبر مستند على باب
ويضحك عليهم واحد صفن على ثاني رفع ايده اشر
ابو حسن : بالله انت هم تعال توضأ لان انت من الرمضان
الرمضان تصلي وتصوم بالله تعااااال .
علي الآكبر: هههههههه رجعت عليه اعرف انت والعباس .
ابو حسن : تعال غيررررررر يجي .

راح علي الآكبر وهو يرفع ردن التيشيرت توضأ
جابهم صح من يريد يغلط عمي يصحح اله .
من كمل صاح على سراج الدين هذا طفر
راح يريد يصيحه شاف جــود وسيف الدين فارشين
سجادات يريدون يصلون وسيف الدين يتوسل
بجود يعلي صوته حتى يردد وراه وجود رافع خشمه
يتشرط يريده يبوس ايده گعد الهم عمي على تخم
ابو حسن : اي بالله راويني صلاتك .
جــود : صلاتي منها الباب السماء عبن دعائي واضح .

توجهه وعمتي اخذت القران تريد تقرا واني وشهد نلملم
بالسفره والولد كلهم ينتظرون جــود يصلي وهو ما مقصر
صوته بكل البيت يرن رن هارج البيت هرج
صلاها بالبداية صحيح من وصل للأية القرانية قلل صوته
رفع سيف الدين ايده وضربه على ظهره بكل قوته
_ شبيك تبسبس وحدك شنيييي ابسبس وياااااك احجي عدل .

دفعهم عمي وصار قبلهم يصلي ويرددون وراه
نزل جــود ركع وبصوت عالي صاح
_ سبحان ربي الكبير وبحمده .
وعمي يعي صوته حتى يصحح الغلط وهو افتهم
من كمل طول على سجادة رفع ايده السماء ويناشغ
جــود : ربي ماريد منك لا صحة والداي لان صحتهم
فوووووول ، ولا رزق علي الآكبر موجود اقط بي ما دام
المثقفة موجودة ، واخواني وين مايروحون يروحون خفة وراحة
اريد منك طلب كاتلني كتل ربي ادري صعب بي مو عليك ربي
رايد مثقفة تگعدني بـ قدّ مورننگ وتنومني بـ گود نايت
كون فاهيه البيض ماتعرف شلون يصير كون بس تاكل وتنام
ودور غراميات وحب وغزل .

ام حسن : اي وبعدين من تمل لا لبس لا اكل شلون ؟
جــود : لااااااااا تدخلين بيني وبين مرررررتي رجاءً .

دارت عمتي وجهه على عمي ضربة بالمخدة
ابو حسن : هذا ما أزوجه يتفرعن ويخلي بنت الناس تتفرعن .
جــود : انت مبين تريد المثقفة تلعب بعقلي واشرد وياها .
گام يريد يضربة طفر وصعد فوك يركض وصل للدرج وصاح
_ علاوي حبيبي انتظرك .
طلعت من المطبخ رافعة حاجبي واشرت اله بيدي
دُر : اصعد ابني اصعد لا اتخبل عليك .
جــود : النازوكية المثقفة صايرة تعرف تحجي .

صعد على سريع رجعت اكمل شغلي من خلصت رحت
على استقبال علي الآكبر ماكو عمي عرفني ادور عليه
_ صعد فوك زلمتج .
لميت دشداشتي وصعدت واسمع صوت الضحك
واني بعدني بالطابق الثاني صعدت على طابق الثالث
الباب مفتوح شوية شفت على الآكبر مكور مخدة
وجود يشرب نرگيلة يمه وخربانين ضحك
دفعت الباب ودخلت عليهم اهز بيدي
_ حلووو والله شوف شلون ماخذين راحتهم .

جــود : اهوووو راح تاخذه وتروح اريد اسولف وياه روحي .
دُر : علي الآكبر .
_ ها دُر .
فتحت عيوني وخليت ايدي على شفايفي مصدومة
ضحك بعلو صوته ودفر جود واجه حضني
_ ها يروحه تعالي .
جــود : لك وين رايح .
دُر : نعسانة اريد انام شنووو هاي اوووي .
جــود : ادعي عليچ بعلي .
دُر : گود مورننگ جــود .
جــود : عسسسسسسسسل گود مورننگ
زوجة اخي اخذي بالعافية عليچ .

نزلنا ضربته واحنا على درج ونزلت قبله سلمت على
عمي وعمتي ورحت وصلت للممر شالني دفعته اريد انزل
مايقبل يضحك عليَّ دخلنا للبيت توضيت وهو رجع يتوضأ
فرش سجادته واني وراه بشوية اصلي وهو يصلي
اخذت قران من كملت وهو اخذ قران يقرأ والنية نختم بشهر رمضان
كمل جزء كامل قبلي تصدق وتقرب نام على رجلي
بقيت ايدي على راسه كملت حضني ونهض باس راسي مبتسم براحه
رتبت السجادات ونمت اني وياه براحة غافلة على مصايب الي
جانت تجهز اليه وتكفخني كفخ على وجهي وتنهي سعادتي ..

يومين اني بين بيتي وبين البيت الثاني اساعدهم
وعلي الاكبر بين المطعم ويطلع بعد الفطور ومن يرجع
محمل حلويات وكلشي اتمنى كلامة الحلو يزيد وتعامله واهتمامه يكثر
باليوم الثالث دخل ابو بتول وياه بتول والجهال وعني استقبلهم
وعز الدين رجع من الشغل وكلهم دخلوا يتفاهمون بقت بتول
وعمي ما كسر بخاطر ابوها لان هو رجعها
باليوم الرابع رجعت ريمان ونفس الحالة هي واهلها واخوانها
وعمي عزمهم على فطور وهي تغيرت وتضحك وتعتذر
ابتعدت منها وبقيت على گد السؤال والجواب ما اتعمق ومن اخلص
ارجع البيتي وعمتي ما تشتكي بالعكس زينة ويايه .

اسبوع وعمام ميثاق دخلوا على عمي وقت الفطور يتعاركون
ليش بس بنت اخوي ما ترجعوها ؟ وشنو كل مشكلة والثانية
تخلوها براسها ؟ وليش من تزوج علي الآكبر طلع صوتكم
قبل مشاكلهم بيوم يومين تنحل ؟ وعمي يحجي الهم الصار
ولا عبالك صياح ومبين يريدون يتعاركون وحسن
باب المطعم مايقبل علي الآكبر وجود يدخلون للاستقبال حتى
لل تكبر المشاكل ، ادخل سراج الدين وبنص الزام صاح
_ انا بتكم بعد ما اريدها راعية مشاكل .

وهذولي يتهددون ويتهجمون ركض علي الآكبر من باب
المطعم الخارجي حسن احتار يلزم بجود لو يركض
على علي الآكبر ما اشوف غير سيف الدين كمز فتح الباب
الخارجي ودخل علي الآكبر من ولزم واحد من ولد
عمها لازم سراج من التيشيرت خاطه خووووط
وضرب راسه براس الولد بكل قوته ويسب بيهم
وعمي يصيح ويلزم بي والزلم وياه دخل عليهم جــود يدفع
بيهم من علي الآكبر وبالصياح ويتوسلون سحبوهم
وكفوا باب الاستقبال ينتظرون وتحد يزل بكلمة
وصوت الجوامع تنادي بأعلى صوتها " الله اكبر "

رجال جبير منهم وياه عمي يهدون بالوضع كعدوهم
وعمي صاح على عمتي دخلت لبن والتمر وزع عليهم كلهم
حتى يفطرون لان كلها صايمة ، وماقبل يطلعون فرش السفرة
ونزل كلشي طابخي على سفرة وفات على مطعم اخذ خمس دجاجات
مشوية ومقبلات ترس بيها السفرة واكل عمتي وكعدوا كلهم ياكلون
وشهد ميته من الجوع ما خلت مسبه ما سبيت بيها ميثاق
بعدهم ما مخلصين وريمان وبتول جهزن الجاي اخذهن
سراج الدين قدم الهم وبكلام عمي ومن الرجال الي وياهم
راح سراج رجع ميثاق هي دخلت راحت بوجهه على عمي
_ هاي انا مقابيلك انت وعمتي انزل ساعتين لو ساعة
باليوم اجلف البيت جلف وارجع احبس روحي بغرفتي
انا وجهالي حتى لا مشكلة والثانية تخلوها براس ميثاق .

ام حسن : انتِ والبنات تتفقن كل وحدة تنزل بوقت
ميثاق الصبح الظهر ريمان وبليل بتول حتى نكف من المشاكل .
ابو حسن : شني هل كلام ام حسن غربة احنا عيال بيت واحد
وهذا شهر رمضان شهر الرحمة والطاعة
انا زلمة صلة الرحم ما تنگطع بيتي تنزلن تساعدن
عمتكم بالفطور والصبح بشغل البيت وكلنا نلتم بسفرة وحدة
گطعععععع ما اريد انا علي الآكبر عنده بيت بس رحت عنده
للمطعم گتله بوية سحورك انت ومرتك اخذ براحتك بيتك
بس وكت الفطور تگعد ويايه بسفرة وحدة اريد ولدي
داير ما دايري المشاكل ماتدخل بيتي وتخليني ما اشوف ولدي .

حسن : من المشاكل والله يا بوية .
ابو حسن : انا رجال صاحب حظ وبخت بس والله النسوان
الي تهجم لمت عايلتي ما اخليهن بيتي بس مو تطلعن لا والله
اربعتهم اخايهم يطلگون واخليهم يمي اذا ما ارجع ازوجهم .

كلها سكتت هو يحجي هيج واني راحت عيوني على علي الآكبر
گاعد على تخم حاني ظهره ومستند بيده على رجله ويستمع
لفيت من الجهه الثانية صرت قريبة منه ونزلت روحي
_ احسك فرحت من گال ارجع ازوجهم ؟
رفع راسه يضحك وجسمه يهتز وفاتح عيونه
_ انا افرح .
_ اي والله احسك فرحت .
_ عفتي الكلام كله وركزتي على هاي ؟
_ طبعاً اركز شنوووووو تقبل تعوفني وتتزوج .

ابو حسن : دُر علي الآكبر شبيكم ؟
علي الآكبر : ها بوية .
ابو حسن : شبيكم ؟
علي الآكبر: ماكو شي .
ابو حسن : دُر شكو ؟
دُر : ها .
نزيت علي الآكبر بظهره لان كلها عيونها علينة ينتظرون احجي
علي الآكبر: بوية انا ما اطلك من هسة وما اتزوج استر علينة
الله يستر عليكم كفونا شر المشاكل لا تشملني بالزواج .

افتهم عمي الموضوع هز راسه وجود يهز بيده
وسيف الدين يلزم بي وهو بصيح
_ خليني اغسل ايدي بتيزاب خليني ولككككككك .
علي الآكبر: خلي يولي يغسل ايده .
مر جــود من يمي ويأشر على رگبته بمعنى اذبحچ
نزلت روحي ورجعت همست بـ أذنه
دُر : هيلب علي الآكبر هيلب بليزززز .

عفت كلشي ورجعت البيتي صمت ساعتين زيادة على صيامي
طلعت شكو أجبان بالثلاجة اريد اكل ودخل علي الآكبر بيده
صينية مندي دجاج ولحم اخذتها من ايده وكعدت اكل
حسمي مو الجوع يرجف ومنا فقر دم ذابحني
وهو يأكل ويايه لان ما اكل شي وياهو .

يومين مرن طبيعيات بالنهار انام العصر اكعد انظف
البيت ومرات راسل حُــرة تتأخر ومن تجاوب تكتب
زينة الحمدلله وترجع تختفي خبلتني
باليوم العاشر الرمضان عمي مسوي ثواب على رواح امواتهم
وعمتي كلنا تريدنا نساعدها بقيت وياهن اثرم بالسلطة ناعم كلش
وشهد تطبخ برياني ، ميثاق حتى ما تخلي عيونها بعيوني
والباقي بس من احتاج شي لو يحتاجن نحجي ونسكت بسرعة
الزام يفترون فوك راسنا وعمتي تطرد بيهم انوب حتى عمي
ايده وره ظهره ويحوم ، قبل الفطور بربع ساعة وزع جــود
وسيف الدين الثواب على منطقة كلها واحنا جهزنا السفرة
فرشناها من الطول للطول وكل واحد وعائلته گعد
اكلنا على حسب الأصول وجود اخذ من يمي التمر يريد يفطر
جــود : اللهم لك صمت وبك أمنت وعلى رزقك افطرت
ذهب الضما وتبللت العروق وذهب الاجر ان شاء الله .

شخطت بالتمن وعلي الآكبر يضرب على ظهري
ويضحك وجود يهز بيده ولا عبالك وعمي يرزل بي
_ شكووو ولكم .
علي الآكبر سولف الهم وكلها على نفس الضحكة
بنص الضحك بقيت أتأملهم شكد جنت اتمنى اعيش
هل أجواء العائلية الف الحمدلله ربي خليتني اعيشها
دلال علي الآكبر مستمر يفلس بلحم ويخلي بـ ماعوني
ولو ما عيب منهم يوكلني بس يعوضها بيتنا من اظل اني وياه .

لملمت وياهن وشهد راحت للغرفة بعد ماشفتها
والولد طلعوا خلصت شغلي وعفتهن بالمواعين
مشيت بالممر عبالك احد يمشي ورايه وكفت اتلفت ماكو احد
طلعت المفاتيح افتح بالباب وانضرب الشباك وصوت بالبيت
دفعته ودخلت الكهربائيات كلها مشتغله الثلاجة مفتوحة
والأكل مشمر بالأرض ، شلت العلب رجعتهن وسديت بابها .

امشي على استقبال مخربط وصوت مثل العاصفة عالي
فتحت الشباك ماكو عاصفة شنو هذا الصوت ربي دخيلك
عدلت التخم وجسمي ينفض وضرب على شباك افتحه ماكو شي
طلعت من الاستقبال اتلفت مثل المخبلة كلبي بيدي من الخوف
والباب ينضرب بطريقة غريبة وصوت بزون بالبيت
فتحته اريد اطلع انضربت بعلي الآكبر
_ ها حبيبتي تريديني ؟
_ اني .
_ اي شهد گالت دُر تريدك .
_ شهد ؟
_ شبيچ دُر .

لزمني من وجهي يشيل بشعري من وجهي مستغرب
_ المطعم هوسة عمري لا تخوفيني عليچ .
_ روح روح علي الآكبر ماكو شي راح افوت اسبح .
باس راسي ورجع وهو يتلفت من خلص الممر رجعت للبيت
قويت نفسي واقرا قران دخلت على غرفتي شلت ملابس
نومي جنت لابسته من نايمة صاير وصل صغار
ومتروس دهن وبطل فارغ مشمور بصف الملابس
لعبت روحي من الريحة صارت بيدي ركضت للحمام اريد اتقيئ
فتحت الماي اغسل بجسمي وصوت العاصفة يعلو اكثر واكثر .

سحبت الشامبو غسلت شعري ونظفت نفسي سديت
الماي انشف وفروت راسي حسيت النار تطلع منها
ذبيت المنشفة وبـ اثنين اديناتي احك براسي ملخت
فروت شعري تملخ ، طلعت اضرب على راسي
الوجع ما ينوصف ادور على تلفوني بعد ما اشوف بعيوني
راسي بعد ما اكدررررر راسي ، اخذته واتصلت على علي الآكبر
اجه يركض ملخت راسي وشعري وهو يلزم بيه يريد يفتهم
مني شبيه بعد حتى ما اكدر احجي اصرخ بعلووو صوتي
احبالي الصوتية تجرحت على صوتي سترتني بدشداشة
قبل لا يدخلون فاتت عمتي وشهد تعض بيدها من بعيد وتبجي
_ شبيهااا ولك يمممه .
_ ما ادري يمممه ما ادري .

دخلت ميثاق وياها ريمان وبتول يلزمن بيه
دُر : ميثااااق شسووووويتي بيه لچ شبي رررراسي .
ميثاق : دُر افتحي عيووووونچ على حقيقة اني ما اريد اهجم
بيتي وادري اقل مشكلة يطلك سراج الدين كل عقلج اهجم بيتي
علموووودج شعنددددي ويااااج .

دُر : منوووووو غيررررررج شنووو تريدين مني
بس حاجيني شلووون يررووووح الووووجع شلووون .
وعلي الآكبر يريد بس يطلعني يلبسني بعباتي
فات عمي من شاف من الحك ملخت راسي والدم ينزل
تخبل عاط بيهن وعلي الآكبر يفووور
ابو حسن : بس نرجع شغلي يختلف هل مرة .

نريد نطلع ودخلوا اخوان علي الآكبر كلهم وميثاق بعلو صوتها صاحت
_ دُررررر تذكرررري منووو هددچ ينتقم منچ
منووو گال اهدمچ مثل ما هدمتيني
منووو حقدت على اخوج وعلى حقد اخوج حقدت عليج
فكري ليش من رجعتي علي الآكبر ما يطيق يباوع بوجهج
هو وجود وبعدين رجع يحجي وياج وتصالح بهل سهولة ؟

سراج الدين يريد يضربها وعمي يصد بي مايقبل
وهيَّ لا تخاف ولا تسكت بعدها تحجي بحيل صدر
ميثاق : انا شعندي وياهه يخلون مصايبهم براسي
شهد من راحت دُر تحوم وراحت تصيح علي الآكبر عبالك
عدهم شي وجود يناظر على مطبخ حتى محد يشوفهم .

التفتت على علي الآكبر دموعي تجري واملخ بشعري
من الألم أظافري صارت كلها دم طحني الوجع والشك طحن .

حُــرة ...

قوة مستوحاة من انهيارات داخلية ، صعب احجي وصعب ابجي
تعبت واني احاول اتخطى انسى واعيش وافشل وارجع مثل
الطفلة تتذكر رقم ابوها وتتصل على رقمة اشمر التلفون
من امل ودموعي تجري على خدي الوجع ماينحمل وبكلبي عاش
وبعد كل ليلة وانهياراتها آصحى الصبح اخذ قناع الضحك
وابدل ملابسي وانزل ادندن اغاني عكس انين روحي وحزنها
اجذب على نفسي وأقنعها لازم اعيش اذا انكسر يكسروني اكثر .

حُــرة : صباح الخير ميمي .
تجاهلتني عبالك ما احجي وياها لزمتها من ملابسها هزيتها
_ ولج مو صوجج اني مني الغلط .
طلعت كتابي من الجنطه اراجع ونزل انــور مستعجل
حُــرة : نوووونووووو لحظة اخذني وياك .
رجع عوج قميصي بيده مخنزر ابتسمت مرعوبة
اريد اموت مو الخوف بس ما ابين
_ شسمي ولچ ؟
_ انــور العلم .
_ اعلم على ابوووووج بنت الكلب .
_ اخوو ابوية هم كلب .
_ شنوووووو يا اخووو .
_ شبيك يا عيوني اضحك وياك .

دخل ريــان يسد بالسترة من شافنا صفن
_ من الصبح ؟
حُــرة : اني بشارب الخير .
لم شفته مايريد يضحك المعقد ولزم ايد انــور نزلها
ريــان : روح على شغلك لا تهتم هاي تحب تجفص .
حُــرة : ماحبيتها منك هاي شنو هاي اسمي حُــرة الي مو حُــرة .
انــور : شلون تخليني من الصبح اجفص بأسمها .

طلع انــور فريت ايدي وعدلت ملابسي كعدت ادرس
وهو يفتر بالمطبخ دخل جوة ودقايق ورجع طلع برا
ورجع للمطبخ وراح جوة دوخني بس جبرت روحي اركز
بدراستي وسويت نفسي ما اشوفه ، رفعت راسي من سحب
كرسي وگعد مقابيلي لدقايق وهو ساكت وإني ساكتة بعدين كسرها
ريــان : شبيچ ضايجة ؟
_ ادرس .
_ وغيرها .
_ ماكو شي بس آدرس وماعندي وقت .
_ البارحة ما نزلتي تتسحرين .
_ اي .
_ ليش ؟
_ شعليك لا تدخل .

_ حرررررررررررة .
_ هاااا .
_ شبيچ منو وياج .
_ تشوف بيه شي ؟
وكفت وفتحت ايدي عيونه لمعت وابتسم
_ عيونج ما عاجبتني .
_ شبيهن صايرات حول من الدراسة ؟
_ اي ضحكي ضحكي .
_ اي اضحك لو هم تحاسبوني على ضحكة .
_ منو يحاسب حُــرة .
_ معليك روح للشغل يلة .

رجع ظهره على كرسي وطبگ رجل على
رجل ومثبت نظراته يباوع بشك
_ هم حجيتي انتِ ورنيم .
_ يهمك .
_ يعني حجيتي .
_ يهمك جاوبني يهمك اذا حجيت وياها .
_ تجادلتي انتِ وياها .
_ ردت اموتها البارحة بس ربك كبرت عقلي .

حاطه سكون غريب تقدم سند ايده على ميز تكتف
ويحجي بنبرة قلق وحيرة وهو يطيل النظر بيَّ
_ احجي اسمع .
_ تعصب اذا اكتلها ؟
_ امممممم .
_ تضربني اذا اضربها ؟
_ لا .

_ تحبها ؟
_ اممممممم .
_ لعد اذا اضربها تضربني .
_ ليش تضربيها ؟
_ هي تجبرني .
_ تعاليلي .
_ شنو ؟
_ من يصير شي لا تتهورين تعاليلي .

ضميت كتابي وهي فاتت علينة تلاخص بحقد
حُــرة : عندي ايد والسان اني ادافع على نفسي واخذ حقي
انت دير بالك على مرتك وخليها تكف شرها مني وبسسسسس .

رنيم : لچ انتِ الـ.....
ريــان : اشششششششششش ولا صوت .
رنيم : سمعتها شلون تحجي .
_ اسمعي الكلاااااااام .

فتحت الباب الخارجي وطلعت امشي سريع على شارع العام
انــور الحقير عافني وراح اليوم ، بقيت امشي وكفت ثواني
اريد تكسي وشخطت سيارة ريــان فتح الباب واشر لي اصعد
كش وجهي وبقيت حايرة ضرب على ستيرن رحت اركض
صعدت وسديت الباب مزعت الجنطة وبهتت من صوته
_ موووو اصيح تعااااالي والعالم تشوف وتنتبه .
_ اريد اروح مشي .
_ لااااا تجذبين مو تريدين تكسي ماتخافين تصعدين وحدج .
_ لا ما اخاف .
_ بطلي خبال وعناد .

درت وجهي منه وهو يسوق ويشوف الرسايل توصل على تلفونه
نزلني قريب المدرسة دخلت اني والبنات من اول درس امتحان
وباقي الدروس شرح واني صايمة دخت دوخة كارثية
طلعت لگيت ينتظرني صعدت مشغّل جكارة ينفخ والدخان بوجهي
_ انــور .
سحب نفس وجاوبني بتكلف
_ ها .
_ ليش ماتصوم ؟
_ راح تتحاسبين عليَّ بيوم الحساب .
_ لا شبيك مو .
_ اني وربي لا تدخلين .
_ اني بنت عمك ومثل اختك وتجبي أنصحك .
_ ناقصني الجعويط ينصحوني .

بقيت ساكتة احير شلون احجي وياه نزلت للبيت وهو ظل
يركن بالسيارة ، اسمع اصوات جوة من دخلت عرفتها
رنيم وامها اريد اصعد وفزيت على صوت امها العالي .
ام رنيم : حررررررررة .
استداريت بكُل جسمي متعجبة من جرئتها
_ نعم شنو هل صووووت العالي .
ام رنيم : مو عيب عليچ البنية بعدها عروس وتشحنين
بزوجها عليهه عود شنوو المقصد من افعالچ .
حُــرة : وانتِ مو عيب عليچ حاشرة روحچ بيناتنا ؟
اجت سحبت جنطتي وشمرتها بصف الحمام
_ شووووفي حرة راح احجي وياج بأسلوب راقي هل مرة
رنبم شبعت ضيم رنيم بنتي خط احمررر اذا تفكرين تأذين
هل بنية حسابچ عندددددي وحدي انا احاسبچ .

رفعت راسي وضحكت بأعلى ماعندي من صوت
ورحت على جنطة اخذها اجت رنيم دفعتني عثرت
بالصدرية وگعت على ايدي تملخت تملخ
دفرت جنطتي وگمت واني كلبي محمل عليهه من كلامها البارحة
لزمت شعرها وسحبتها بمستوى بطني وامها هجمت عليهه
حُــرة : شوفي لچ مو رايحة تشكين الماما وماما اجت تلعب علينة
ترررررااااا اصلخچ انتِ وامچ لا تشوفيني صغيرة اكلچ
لحممممم اشمرررررر عظامچ للكلاب بس هم تلعب نفسهم منج .

ضربتني امها على ظهري بقيت اعت براسها ما عفتها
وهي تصرخ وتجر بملابسي وتضرب بيدي
انــور : شكووووووووووووو هناااااا .
عافتني امها وركضت على انــور تريد تلزمه
دفع ايدها وابتعد اجه لزم ايدي وصاح بوجهي
_ عووووفيهاااا .
حُــرة : ماااا اعووووفهااا اليووووم اموووتهااااا .
انــور : عوووووفيهااااا لا اضربچ انتِ ويااااها .
حُــرة : اضربني عادي بس خليني ابرد كلبي بيهاااا .

سحبني من ايدي ورافع ايده يريد يضربني
هو يجر بيدي واني اسحل بشعرها وهي لمت الجوارين
على صراخهاا وصوتها الجايف مثلها وامها تبجي ودموعها
عشرة عشرة تنزل ولازمة بنتها دفرتها وصعدت فوك
واسمع امها تشكي الـ انــور عبالها انــور مثل ريــان .
_ شفت بعينك يمه شسوت بالبنية ملخت شعرها تملخ يااا.
انــور : ضراير بيناتهن انتِ شنووووو موقعچ هنااا
هاااا شنووووو سبب وجودچ .

ريــان : انوووووور .
انــور : وسممممم وجععععع بطنك .
ريــان : مووو عيب تحجي هيج وياها ماتستحي .
انــور : خليها هي وبنتها يحترمن نفسهن بالأول
حتى النااااااس تحترمهن .

ام رنيم وكفت تحجي الريان وهو يستمع بس ساكت
تذكرت جنطتي بعدها جوة عبالهن اخاف لا والله ما اخاف
نزلت وراسي مرفوع وامها تأشر عليَّ وعلى بتها
ام رنيم : شوف حالها كلشي مابيهااا وبنتي شعرها بالگاع .

اخذت جنطتي والتفتت اشوفه مركز ويايه
حرة : لا عبالك انكر وجذب عليك واگول ما ضربتها
لاااا والله ضربتها وملخت شعرها وهذا شعرهاا الخايس
ترررس الگاع ما اخاف لا منك ولا من اكبر واحد
لان اني لاااا بيهااا ولا عليها ومبين كلشي واضح منو
السبب وليشششش ضربت مرتك الخايسة.

ام رنيم : ولچ مو عيب هيج تحجين بوجهه ابن عمج .
حرة : لا تصيرين براسي الزينة الناصحة اني اجيت
من المدرسة تعبانة وهااااي الي تبجي وتتمسكن
شاحنه امهاا وطلع اسرار بيتنا وخلتها تتهجم عليَّ
بنص البيت تريد اسكت لا والف لااا اشگهاااا شگ .

ام رنيم : اني اجيت اشوفها شفتها مقهورة
وسولفت اليه غير امها وتشكي حالها شكو بيها .
اني على درج واحجي بزودي والله ذرة خوف ماكو
بداخلي كلبي ميت شيصير هلي صير بعد ما اهتم
يضربوني يطردوني بعد احسن على اقل تطلع منهم
اذا اشرد يصيرون براسي الشرفاء واني الطالعة
عن طريق شرفهم وعاداتهم والي نزلت راسهم .

صدمني انور منن قاطعها وهي تبجي بس ملامح الفضب
بوجهه تخوف خلاهن محصورات بزاوية بكلامه
_ شفت شلون تتهجمين على حُــرة اني رحت جبتها
بين ما دخلت واسمع كلامهن وياها وهي ما سكتت
تعرفها حُــرة طگه ونص ودمها فاير ضربتها .

ريــان : ام رنيم تفضلي اوصلچ على بيتكم .
رنيم : تطرد امي ؟
ريــان : لا استغفر الله اريد اوصلهاااا للبيت
وانتِ من ارجع اليه كلام طويل وياج .
_ ريــان ماتشووووف حالتي شسوت بيَّ هاي .

عفتهم وصعدت واطلع وتقصدت اطلع صوت بحذائي
من امشي سديت باب غرفتي واخذت ملابس دخلت للحمام
سبحت وطلعت طلبت اكل من المطعم بعد ما اريد اكل من اكلهم
طلعت باروكة شعر قصير ولبستها عدلتها ورتبت وجهي
فرشت السجادة اصلي صلاة المغرب العالم فطرت هسة
واني اصلي انفتح الباب ودخل ريــان بيده طلبيتي
لملمت السجادة واخذتها فتحت الطلب رتبته على ميز
الي بصف السرير وتجاهلت وجوده وادري بي هو هم صايم .

اكلت واشرب ببسي واكل بقطع الكنتاكي وهو ساكت
رفعت راسي وهوه منزل راسه يعني حتى ما يشوفني
كملت لملمت الباقي خليته بالثلاجة ورحت غسلت وجهي
لمحت رنيم جوة الدرج تاكل بـ أظافرها ليكون عبالها نسوي شي ؟!

رجعت عدلت المجر واشرت على باب
_ مرتك تنتظرك جوة الدرج خلصت أظافرها .
_ ليش تتصرفين بهمجية .
_ لا العالم الي اتعامل وياااها وتطلع بحياتي هممممممج
مثلكممممم انتوووووا كلكم هممممممج افتتتتتتهمت لو لااااا .
_ صوتچ .
_ انت اجيت للغرفة تحمل كلامي وصوتي لان ما مجبووور
احد جابررررك لااااا انت باقي تستمععععع .

سكت وكالعادة هالة الهدوء تغلف ملامحه وتصرفاته وحركته
طلعت كتبي وفرشتهم على سرير وهوه يتبع تحركاتي
_ شصاير وياج ؟
_ مصاير شي .
_ من رجعت من السفر لليوم تغيرتي .
_ دراسسسسسسة ماتشوف الدراسة .
_ الدراسة تخليچ تنترين بوجهي .
_ ما مجبور تتحملني .
_ ابطلچ والله .
لزمت الدفتر سويته وصله وصله وشمرت اوراقه بكل مكان
_ لاااااا تهدددددد دير بالك تهددني إني أسبقك والله اسبقك .

فطر على جگاير من شاف نفوري وعصبيتي وأعصابي التالفه
هز راسه وطلع وايده بجيب بنطلونه دفرت الكتب ولفيت
راسي بالحاف وبجيت بكل حيلي بجيت ماعتدي آحد أشكيله همي
تعبت امي تعبت ما اريد اعيش هنا مليت هلكت من هل ناس الزفت .

گعدت مرعوبة اباوع على ساعة بـ 1 هاي شنووو الظهر
يممممهههه دوامي عندي امتحان ركضت البس ودموعي تنزل
حتى ما قريت الله لا ينطيج رنيم لا انتِ ولا امج اخذتني
النومة خرب حظي ، بدلت والملم بالكتب بنفس الوكت
فتحت الباب انــور راجع للغرفة مالته بس شو هذا
لابس تراك شنو مابروح للدوام اليوم
انــور : هاا خير .
حُــرة : راح الدوام عليه واليوم عندي
امتحان تعال وصلني الله يخليك .
انــور : دوام وامتحان ، الله يكمل عقلج روحي ويان جوة
يريد يطلع خلي يوصلچ بطريقة اركضي لا تروح عليج .

نزلت اركض وأتعثر وصلت للمطبخ كاعد هو ورنيم يسولفون
من شافني صفن ورنيم تهز بيدها وراحت تصب جاي
ثول النوب ما صايمة بالنهار عايزها كبر شنو
صعبت عليَّ اطلب منه رحت الباب افتح بي مقفول
وهذا ريــان بنبرة الهدوء يسألني
_ وين رايحة حُــرة ؟
_ للمدرسة .
_ هسة بيش الساعة .
_ فاتتني ساعة بس اقنع المديرة شسوي عندي امتحان .
اجه يمشي برزانة يحسب خطواته وهو طويل رفعت راسي
وهو حصرني بالحايط ويفتح الباب وجهه ملتفت عليَّ
_ شبيك ؟

دفع الباب من انفتح شفت دنيا ليل باوعت بطرف عيني
عليه وحصرتني العبرة من الفشلة نزلت راسي
ورنيم راحت تغسل لزم جنطتي اخدها من كتفي وبنبرة امر بحجي
_ تعالي .

رحت وراه بملابسي نفسهن شغل السيارة وفتح باب الكراج
صعدت وياه واول ما طلعها رنيم طلعت وعيونها نطت
افتر بالمناطق العالم بعدها طالعة لان رمضان
نزل مقابيل محل كوفي جاب أكواب قهوه
_ ريــان اسفة لان عليت صوتي بوجهك
_ بعد لا تعيديها .
حرة : هذا مو طبعي .
_ ابددددددد .
_ ابد صوتي دائماً ينسمع بس من اضحك .

ذب حسرة طويلة وشرب شوية من الكوفي
_ ادري جنتي عصبية اني ما اقبل احد يتجاوز عليچ بيتي
بس شلت بخاطري عليج من ضربتيها ترا اني ما أرضى عليهه
رنيم عزيزة على كلبي .
ضحكت بستهزاء اخفي عصبيتي
_ اي لعد فهمها لا تتجاوز وتهدد ولا تخليها تحجي ويايه
واني اعوفها لان دوامي ماخذ كل وقتي .

ريــان : حجيت وياها وهسة احجي وياج .
_ اوكي بس اذا ترجع تعيدها اشگهاااااا شگ
هيَّ وشكو واحد يدافع عنها .
دار وجهه على شارع لازم راسه على اساس ما لشوف ضحكته
كملنا الكوفي واول ما وصلنا للبيت شاف سيارتين بالباب
هو شافن وريان البارد صار بارود دفع الباب وعاف السيارة
مشتغلة ونزل يركض بسرعة مهولة ويضرب بالبوب
وكضت وراه اول ما شاف ميمي صاح
_ منوووووو هناااااااا ماما رنيممممم وين وينهااااا .
رنيم : ريــان اني هنااا تعال الله يخليك تعال .

فات واني وراه شميت عطور مو غريبة عليَّ
هاي عطور بيت الرياش الخاصة جمدت
وتصلبت رجلي من شفت ابوية وعمامي
بارزين وجودهم بملابسهم الفخمة المعتادة
وساعاتهم ومحابسهم الرفيعة واحذيتهم الي
من نظافتها تبرق برق .

اجت عيوني بعيون ابوية نفسها ابتسامته وجبروته
وفوته ما متغير منه شي انــور كاعد وكلهم ينتظرون رجوعنا
رنيم لزمت بـ ايد ريــان واني بقيت لا اخذ ولا انطي من الرهبة
يوسف : ماكو الحمدلله على سلامتكم
على اقل اني ابوك .
ريــان : شعندك انت وووووياه وياه هناااااا ؟
ياسين : مبروك على زواجك رجعتها والله وكفو منك ابن يوسف .

عيوني بعد ما ترمش اتذكرت كل راشدي وكل كلمة منه
هل انسان طاغي كسر كلبي الله يكسر گلبه نزلت دموعي
من ضحك بوجهي بشماتة اريد اكله بسنوووني
ياسين : تزوج عليج وقابلة عايشة وياه عادي .
ريــان : تطلعون لو اشتكي عليكم .
ياسين : مو تزوجت سقط حقك من بنتي اريدها طلك حُــرة ريــان .

يتبع ...

ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان

#بارت٢٨



لو جرح واحِد سَهل عثرة ونرد نگوم
بس انَه گلبي وطَن مِن كُل كتر مَلچوم .


ياسين : تزوج عليج وقابلة عايشة وياه عادي .
ريــان : تطلعون لو اشتكي عليكم .
ياسين : مو تزوجت سقط حقك من بنتي اريدها طلك حُــرة ريــان .

دفر ريــان الطبلة انضربت برجل ابوية تقرب
منه لزمه من قميصه ورفع وابوية جن جنونه
ريــان : احنا مووووووووو لعبة بيدددددددددكم مووووو
لعبة افتهممممممممممم موووووو لعبة بوكت الي تريد تزوجنا
وتعوفني وياها كل هل فترة وتررررريد اطلك بكيفك
موووووو بكيفك وانعل شيب ابهاتكم اذا ماتطلعون هسة منااااااا .

يوسف طفر من مكانه يدفع بريان ويضرب بيده
حتى يعوف ابوية الزين فقد يعت بي عت وهذا يضرب
ما اسمع غير سحب اقسام المسدس شلت عيوني من
ريــان للمسدس بيد اخوية وضغط على راس ريــان بي
_ حركة منك يا ريــان واطشر راسك .

شال ايده من ابوية ودفعه واستدار بكُل جسمه على اخوية
ريــان : اذا انت زلمة ابن امك وابوك اضرب .
يوسف : نزل السلاح يااااااسين ما متفقين هيج خلي ينزل المسدس .
ريــان : اضرررررب جبان اضرب .
ياسين : طلگهااااااا ريــان أريد اخذها .
ريــان : على جثتي على جثتي وهم ما تطلععععععع .

ما ادري شلون وابوية عبرهم ولزم ايدي وضربني
براشدي حسيت وجهي خدر بعد ما احس بي والمحبس نبت بخدي
هي صرخة والريان التفت على صوت شاف الدم يجري
من خدي مشخوط دفعت روحي على حايط من ريــان شمر روحه
على أبوية هو يضرب وابوية يدفع بي وانور من جهه يتضارب
هو واخواني اثنين ، ادور بعيوني على اخوية الثالث وماحسيت
غير انسحلت من ملابسي وانمسح بيَّ البيت والمح اخوية
يجر ويسب ويتوعد ، انفتح باب الأستقبال وطلعوا كلهم
يريدون يروحون هاي هيَّ اخذوني خلص شغلهم بعدهم
بنص الكراج وكلها جمدت بمكانها عبالك فلم رعب
ويستمعون الصوت عالي صار بالشارع ورا الباب
" الملاحم من يطبها ساواها وگلبها والملاحم من يطبها
سواها وگلبها وبيمينه شطبها وبيمينه شطبها علي
بكُل وقت يلفي ويزأر يا فارس بدر يا حيدر "

انــور : زلمة ابن زلمة بيكم يفتح الباب ..

ياسين : انعل والدي والديكم شنوووو تخوفوني عبالكم ولكم
جلبي شنووووو جلبي متخوفون جلبي .
انــور : انتوا تخافون اكثر من جلابكم .
يوسف : انــور ريــان منا العالم لا تخلوها تصير دم .

اجه ريــان ياخذني من ايد اخوية مايقبل رافع المسدس براسي
_ افجرررر راسهااا عوفها .
ريــان : ياسين انت بعقلكككككك شتريد منها مو إنت زوجتنا شتريد بعد .
ياسين : انت رحت رجعت هاااااي بنت الفگر وتريد بنت ياسين
تعيش وياها تقارن مستوى عائلتي بهل عائلة الزبايل .
ريــان : ماكووووو غيركم زبايل رنيم واهلها تاج على راسكم .
ياسين : تخسي نعال برجلي ما البسهم لك احنا الــريـاش
تاجات على روس العالم كلهاااااا يخسي الي يصير تاج راسنا .

رجع يسحب بيدي واني عيوني تلالي بدموعها وجسمي
يرجف بس بجي من الخوف ما اكدر ابجي مقتل مصطفى
انرسم بعيوني ورجعت بنفس شعوري وموتي بذاك اليوم
وريان يحجي وياهم ويلتفت يشوف حالتي ويريد بس
ياخذني من ايدهم ، من بيت العرك الباب اندك
وابوية من شافني صفن گلت راح ينقهر على حالي ويعوفني
بس موتني الف موته من اقترب من ريــان وضحك بخبث
ياسين : تدري بيهااااا تشتغل من وراك وتريد تشتكي على اهلها ؟

خنزر ريــان بعيونه وجاوبه بنبرة برود تجرح
_ تاخذ حقهم منكم كفو منها ذيبة .

ياسين : هههههههههه تدري بيها راحت للفندق الي
مات بي مصطفى مقتووووووول تدري لو نايم ورجلك بالشمس .
ريــان مايدري خليت ايدي على گلبي احس بعد ما اكدر اجر النفس
وعيوني نطت من قهرها وياريتها تنعمي وما اشوف ابوية هيج
يذل بيَّ ويريد بس يوگعني والمفروض اذا غلطت هو يسترني
ياسين : رحتي اطلعين الكاميرات موووو اني عندي سحبتهن
يمي اخلي يشوووووف الصلافة عندددددچ شلون تنزلين
راس اهلچ وتفوتين بكل ثقة على فندق انت وعشيقچ ؟

فر ريــان قميص ابوية على ايده وثبت نظراته بعيونه
_ وين ترررررريد تووووصل لكككككك ياسين .
ياسين : لازم ماتعررررف بنتي نزلت راسي ولگيتهاااا
بغرررفة برأيك شيسوون وحدهم جانوا هاااا ؟

ألتفت ريـان يشوفني بعين الغضب ضاغط على فكه
ومن العصبية شريان براسه ظهر ونزل على رگبته
هزيت راسي بـ لا خفت ماردت ارجع وياهم خفت
ادري ياسين عنده استعداد يموتني حتى ما اضرر سمعته
ويخاف اشتكي ادري بي يخاف تطلع مني وافضح
الصار بذاك اليوم وابين حقيقة القصة المفقودة والي
حوروها بتفكيرهم القذر .

انــور تسلل من بينهم فتح باب الكراج صار علي الآكبر وأخوانه
مقابيل اهلي الي الله لا يرضى عليهم لزمني رياني جرني
من قوة السحب انضرب وجهي بصدره تجاهلت الوجع
وجلبت بقميصه ارجف وصوتي يرعش بخوف ونبرته خافته
_ لا تعوف ايدي لا تعوفني ما اريد اروح ماروح وياهم اني ما اروح .
_ اششششششش ..
_ راح ياخذني .
لف ايده على ظهري وسحبني اكثر صرت بقرب منه
جسمي من الخوف والارتباك ينفض نفض .

علي الآكبر: الحمدلله على سلامتكم ظلمتوا الدنيا بطلتكم .
ياسين : اجه العار .
علي الآكبر: مو نتخارب واذا نتخارب نتضارب .
يوسف : سوي طريق يلة .
جــود : سوي درب الأبو الولد خلووو يلعب جولة .

فات بس علي الآكبر اخوانه باقين برا ما ادري اذا كلهم
او نصهم بس هوسة والجوارين طالعة على أصواتنا
ياسين : اذا ما اربيكم كلكم من جديد .
علي الآكبر: ربي روحك حتى تربينا انتوا كبار منكم نتعلم .
ياسين : نابص روحكككككك انت بكل مشكلة .
علي الآكبر: هوايتي اطيح حظكم ، راجعين بحيل صدر
لازم تريدون اكشف المستور على اخر اوراق عندي عليكم
هااا هل مرة تعذروني مو اوراق تسجيل صوت وصورة .
ياسين : سهلة مثل ما طلعنا من هاي نطلع من الي اكبر منها
فلوس وموجودة اغرگ الحكومة فلوس اخلي الوزير يطلعني .
علي الاكبر : لك جوووود عيب لا تجر زيج ، لك يعاااار الزلم
يعااااااااار الزلم من الوزير يجي يطلعك ليش خست انت وياهم
هل فترة كلهاااااا هااا ليشششششش ؟ زين ليش طلعت وعفت
ابن اخووووك يسار خيسه بالسجن كبش فداء ؟
ما اشوف غير فار ابوية وضرب علي الآكبر
على وجهه وهذا بعده ما مستوعب الضربة
ونام على ابوية يضرب بي بوكسات ويوسف
يسحب بي يريد يشيله منه وهو قافل يضرب بكل حيله
واخواني يريدون يغدروا ويضربوا وفاتوا اخوانه
تلاثة ما اعرف منو يضرب منووو بوكسات صارت
وأني صافنه بصدمة ما احس غير جرني ريان ودخلني
للبيت وقفل البوب بقيت بس اني ورنيم سحبت
البردة اريد اشوفهم وهي تقربت مني ودفعتني
_ مووو متزوجين على ورق ولا تريدي ولا يريدچ
ليششش هل مشاكل لچ ليششش صوتنا طلع جان رحتي
وياهم وخلصتيهم وخلصتيني شتريدين مني والله سممتي حياتي
فارضه نفسچ جبرررتي عليج شلون يخلص منچ .

دفعتها انضرب ظهرها بطرف الكاونتر شاغت روحهااا
صرخت صراخ خلت رجلي تثگل من شفت على صوتها
اجه ريــان يركض بقيت الزم بالغراض وامشي بكل
ما تبقى من قوتي صعدت على درج دخلت للغرفة
واسمع صوتها يصيح بعلووو صوته
_ ششششششبيچ رنيم منووووو وياچ ؟
_ ضربتني هااااي الي تتعارك وانضربت علمودها وانفضحنا بسببها
ضربتني كله منك انت ما خليتهااااا ترررروح انت بيدك
راح تخليني اشرررد منك لان اني تعبانة وحيل المشاكلكم ماعندي .

ما سمعت صوته بس اعتكفت جوة الباب جسمي يرجف
بس دموعي رافضة تنزل ، وين جنت اني هذا المكان
مو مكاني المفروض اني ومصطفى هسة صايرين عائلة
وين راح حلف يخلصني من بيت الرياش عافني حتى مصطفى عافني
تجرأت من بعد حرب بين عقلي وگلبي ادخل على فيس بوك
وكتبت " مصطفى محمد " طلع اول واحد بس صورته ماكو
مغيريها صورة لافتة صغيرة ما تنشاف دخلت على صفحة
فتحت الصورة وعيوني اجرمت بدموعها ياريتني ميته قبل لا اشوفها
" انتقل الى رحمة الله المغدور مصطفى محمد اخ كل
من احمد وعلاء وستقام الفاتحة في منطقة ****
في تاريخ ** ، الساعة*** "

لطمت على وجهي لطم بنية وصل خبر موت ابوها
ملخت روحي تملخ وبلا صوت ما اكدر اصرخ
خفت يضربوني شكد حاربت روحي ما افوت على صفحته
ادري بروحي انتهي اموووت والله امووت ارجع بالصور
ضحكته الحلوة وتصرفاته الرجولية دمه المحبوب
شبابه الضاع كشخته كلهااا كلهااا ماتت وياك ومني
اني سبب موتك مصطفى خليتهم يعرفون مكانك ادري بيهم خطر
وبقيت وياك سودة عليهه انت جوة الترررراب دفنووووك
مصطفى عااافني وراح جوة التراب خلاني وحدي مكسورة .

نزلت بالمنشورات اخو ناشر ويطلع بصفحته نشر مشترك
فديو مصطفى گاعد واخوانه وجماعته يضحكون وبيده جگارة
وبداية الفديو صوته يضحك ويتشرط عليهم
" ولكم بيوم عرسي اذا ما تسدون الشارع من الطول للطول
وكلكم على فد هوسة تهوسون ازعل عليكم افرحوا واني افرح وياكم "
خلص كلامه وطلع فديو شايلين التابوت وكلهم التشيرتات
مشگگه ويكمزون ويلطمون على نفس الضربة والشارع
من الطول للطول مسدود فوج من العالم تمشي ومكتوب
" خوما قصرنا بالهوسات خوية مصطفى سديت الشارع
بيوووم شيعناك لبستك جفن ابيض وزفيتك وبالتراب غطيتك "

وعلى طول الفديو مشتغله اغنية توصف فاجعتهم
"شوف الدنيا بفراگك اشسويت لي بعدك بعدك و الله سبع ضلوع
كسرتلي بقى منك ارماد بخت ذيج الناس و لك هاي المصيبه
وين جانت لي ، قاط ابيض ردت تلبس ما ردتك جفن تلبس
لساني بفرقتك اخرس و سفة تروح و سفه
طولك شبر اشبر بيك شما تلتفت هيبة الگيك
هضيمة للگبر تاليك و سفة تروح و سفه
يا ابن گلبي عجب شو قصرت وياي
مال الموت صاير يل جنت ما لي "

وحدي وبغرفة لا احد يمي ويواسيني ولا گدرت
اسيطر على وجع روحي يخلص الفديو واعيد بي
وارجع انهار والطم واملخ بروحي انتهيت خلصت حيلي
انتقمت على روحي وگعت لا اكدر اشيل ايدي ولا ارفع رجلي
رفعت عيوني ودموعي من عيوني تمشي على خدي
_ ربي گلبي ربي ألم وخذلان وخوف متروس .

هزيت راسي حيل حيل حيل وغمضت عيوني واني اردد
_ انام وگلبي مكسور متروس حجي ومواقف ما تنسي
احسن حتى اكسر حُــرة الضعيفة من اگعد
اصير انسانة ثانية انتقم منهم كلهم دمروني موتوني بيدهم موتوني .

بقيت بمكاني للصبح گعدت اريد أشيل روحي ما اگدر
جسمي مشلول اريد احس بأعصاب فقدتها بس ما خفت
ولا نزلت دموعي ولا صيحت واستنجدت بـ انسان
بقيت بمكاني الساعة والساعتين والأربع ساعات
وما شاربه ماي ولا متسحرة بس صمت واني نايمة نويت الصوم
وضعي هذا إني استاهله كلشي يصير بيَّ حنيني سببه
انطي للناس اكبر من حجمها وبعدين انصدم بيهم
ما اتووووب ليش ما اتوب منهم لازم اتوقع الصدمات
من الكل ما استثني بشر حتى لو هل انسان ملاك ويايه
ما استبعد هذا الشخص راح يجي يووم ويكفخني على وجهي
ويخليني اوصل مرحلة من انهيار ، واخلص دموعي
والحجي ياكل بروحي ، كلهاااا كلهمممم بيوم راح نعاتب
روحنا على فعل ، وكلمة طلعت من عدنا وخلونا نتندم عليها .

اذا ما أعاملكم معاملة الكفار بس خلوني ارجع بحيلي
اخلي كل جرح بروحي ينزف ضعف ينزف بيكم
سهلة والله سهلة عرفت بعد العبها على مخفي
أندمهم والله أندمهم على الصار ، بعد فترة بديت احس
بـ رجلي وايدي بيها خدر ، حاولت اساعد نفسي الى ان كدرت
اسند روحي واسند نفس على كنتور وبقيت اسوي تمارين
حتى الخدر يفك من جسمي ، بعد ساعة من المحاولات نهضت
بعدني بملابس المدرسة شصاير بيهن القميص والصدرية
شگگتهن بدلت غيرهن وبدون دراسة حتى ماصار عندي
وقت اقرا على الجدول اخذت كتب والباروكة ثبتتها
واخذت الجنطة على ظهري قبل لا انزل غسلت وجهي
بدون ما اشوفه بالمرايا ونزلت شگد عندي برود بس
جسمي يرعشششش وهل رعشة اصعب شعور يمر على انسان
من انت بارد بس جسمك فاضح انهيارك والحرب بداخلك .

وصلت للصالة صاير بيّن الاستقبال والمطبخ اريد اطلع
ورنيم هي وامها گاعدات امها هي شافتني وكمزت عليَّ
_ ولچ شلون وياچ حاجيني .

رنيم لابسه تراك فرتها ورفعت التيشيرت تشوفني الضربة
مزروف شوية وصايرة دائرة جبيرة لون ازرك
_ ماتخافين الله انتِ زين ما خفتي ريــان يشوفها .
حُــرة : ما اخاف من اكبر واحد .

_ حتى من ريــان .
_ وليش اخاف منه بشنو غلطت ضربت بنتج
مو عبث ولا اني مخبلة السانها علميها من تشوفني
تبلعه لا طلعه عليَّ لا اطلعها تفتر بشوارع العراق مخبلة .

هددتها وعفتها تحجي وتتحسب وتدعي
بس استغربت شعجب ماتضرب رجعت
للصالة ما اريد اروح من المطبخ سادات الطريق
رحت على استقبال اول ما دخلت ثبتت بمكاني
من شفت ريــان گاعد لابتوب مفتوح
‏ واوراق وبيده قلم ظهره عدل وايده بس ايده تتحرك
ترسم دوامه على حجم الورقة محاوط بالهدوء والسكون المخيف
عرفت سمع وكشفت غايتهن من حجيهن ويايه يريدن يسمع
شوف على اساس فقيرات واني الي ما استحي وما احسب حساب .

خليتهم كلهم ورايَّ لا بررت ولا بدر مني رد فعل كملت
طريقي واني رافعه الراس ، طلعت وسديت البوب ورايَّ
وبقيت امشي اريد بس اوصل للشارع العام واخذ تكسي
بعدني بنص الطريق وكفت سيارة انــور بس وگف صعدت
بدون ما انطق بحرف وصلني للمدرسة وراح دخلت
معتكفة اخاف من كلشي حواليه دخلت للدرس المدرسة
تريد تحضير اعتذرت منها وتعجبت حتى ما رزلت
او حجت شي ، دخلت الكل الدروس اركز بيهن
وبنص درس الرياضيات تشرح وياها اكتب
بس عيوني وحدها أدمّع وتنزل على خدي بس
مظهري ثابت صامد ما ينهار ، واني اكتب
شفت مدرستي ذبت القلم واجت يمي رفعت راسي
_ شبيچ ماما .
_ مآبيه شي .
_ ليش تبجين .
_ ما ابجي بس عيوني تبجي وحدها .

اخذتني برا تعدل بشعري وتحجي بصوت خافت
_ صاير وياج شي تريدين تحجي اني مثل امج .
"مثل امي " يعني هذا مثال حلو الام شي حلو تقارن نفسها بي ؟

_ مصاير شي بس مريضة .
حاولت ما اخذت مني كملت الدروس على اعصابي
طلعت بعدني بالباب واجه رجال جبير بالعمر يمي
_ حُــرة ياسين مو ؟
_ اي صح .
_ اتفضلي اني ابو الخط .
_ شلون يعني .
_ استاذ ريــان هو طلبني خط الج .
اجه ابوية على بالي منو يگول مو من طرفه
_ وشنو يثبت .
هو الرجال ما مفتهم عاندت ماقبلت تروح وياه
والرجال يمشي ورأيه واني اركض صاح
_ اخابر استاذ ريــان حتى تتأكدين ؟
_ ها .
_ اخابره ؟
_ اي يلة .
اتصل وفتح خط ريــان بنفس الدقيقة جاوب
_ ها ابو عماد .
_ اختك ماتقبل تصعد استاذ .
ريــان : ليش ؟

اشرت اله حتى يسد الخط غلّق الاتصال رحت امشي للسيارة
صعدت من تأكدت منه ، يسوق بحترام مارفع راسه ابد
لمحت ريــان بالباب من تأكد رجعت دخل مايريد اشوفه .

اني دخلت للبيت وبوجهي صعدت كرهت البيت واصحابه
قفلت غرفتي وعدت نفسي ما انام اذا ما اخلص دروسي
درست الحد ماسمعت اذان المغرب فتحت بطل الماي
بالجنطة شربت ورجعته ورجعت ادرس من دخت
خليت الكتب على نفس الهوسة ونمت بفراشي
جريتها نومة الثاني يوم كعت وبدلت وطلعت للمدرسة
ونفس الروتين تكرر يوم ويومين اصوم بدون فطور ولا سحور
اكتفيت بالعصاير نفسيتي انتهت ما اطيق اكل شي
شريت عصير من اذن وجريت كتاب وإني متمدده اقرا
ما احس غير وگع على وجهي سديته وغفيت
للفجر اسمع صوت ميمي تصيح بأسمي وحت فتحت الباب
بيدها صينية أكل رفعت واسي وغمزت الها
_ شنو هذا ؟
_ سحور ماما اكل بسرعة قبّل آذان .

طبگت الباب بوجهه وقفلته ورجعت بفراشي النوم بعيوني
اريد ارجع انام وانضرب باب غرفتي من قوة الضربة
فزيت من مكاني وركض فتحت الباب وگلبي يدگ بجنون
ريــان : صااااااااار ساعة ادگ الباب شكوووو ماتفتحين المهجوم .
ملت راسي على طرف الباب بدون اهتمام نعسانة بمعجزة مقاومة
_ نايمة بسابع نومة .
_ واضحححححححح .
_ واريد ارجع انام .
_ حلوووو حلوووو .
_ تحتاج شي ؟
_ والسحوووووور ؟
_ شبي .
_ لغيتي ؟
_ اي .
_ والفطووووور ؟
_ هذا هم شبي .
_ نهيتي منّ حياتچ .
_ سربت اسراري .
_ عجيببببببببببببب ؟

عفت الباب مفتوح ورجعت بفراشي غطيت روحي
دخل وگف فوك راسي يتأمر ورافع حاجبه ومكتف ايده
_ امشي انزلي اكلي حرام تبقين بدون اكل .
_ ههههههههههههههههه ..
_ شبيچ شنوووو كلامي يضحك ؟
_ لا تتعامل ويايه بهل طريقة عاملني مثل ما تعامل
اختك دُر ، تاكل ما تاكل اخر همكم ، تضحك تبجي وشنو يعني
انتوا بعالم وهيَّ بعالم لا تغير من نفسك .
_ يا بنت لاااا تحجين كلام اكبر من راسچ .

عدلت نفسي وابتسمت ...
_ يا ولد ما مضطر تسمع روح اطلع انزل روح مناا .
_ مو خوفاً عليچ بس اذا يصير شي بيچ اني ابتلي
وتعال وين جنت وليش وشكو وشلون وندخل بسين وجيم .
_ مزين شعرك اممممممم .
_ شنو ؟

رفع حاجبة متعجب وهيج صفح ينظرلي
طلعت عصير شربت ورجعت بين الكتب
_ بطلي عناد تعبتيني .
_ يمك شايفتك شايفني .
_ هي هناااا المشكلة .
_ مافهمت شبيك ريــان .

عافني وراح يريد يطلع لثواني هو لازم الباب متردد يروح
ريــان : حرام تصومين بدون اكل .
اندفر الباب جفلت هو اندفع شفت انــور عصبي وعيونه حمرة عاط
_ امشي انززززززلي امشي لا اطيح حظچ وحظ اهلچ .
من الخوف من شكله اتجنب اشوفه عيوني صارت على ريــان
_ هذا شبي ؟

انــور : مووووو احجي وياج امشي يلة ما اتحرك اذا ما تنزلين .
حُــرة : عندي دراسة شوف الكتب شبيك .
انــور : احسب الرقم 3 يا بنت ياسين اذا ما اشوفچ
جوة اشمرج هسة من فوووووووووك يلة راح ابلش 1 , 2
بعده ماخلص ومريت من يمهم المشكلة هذا البارد قالب الثلج
واگف مكتف ايده واخذ وضع المشاهدة نزلت وإني أتذمر
وصلت للمطبخ رنيم گاعدة عيونها تريد تنط من العصبية
بس دخل ريــان ضربت الميز بيدها ضربة حسيتها انكسرت
رنيم : يعني جبتها واجيت ؟

دخل انــور أخذ قوطية ببسي من باب الثلاجة
طگها بصوت وجاوبها قبل لا ريــان يحچي بكُل برود
انــور : عوفي مايطيق ياكل اذا مايشوف وجه حرته .

بنفس الوقت اني وريان التفتنا على انــور فاتحين عيونه بصدمة
رنيم : ريــان سمعت ؟
انــور : من تزوجها لليوم عودته يگعد ياكل وياها
ويضحك على تصرفاتها صار كم يوم ياكل وياچ مجبور
عبالك گاعد بفاتحة هسة حرته تخلي يضحك .

ريــان : انوووووور تخبلت .
انــور : واحد من شروط الدين اذا عددت بالزواج
تعدل بين نسوانك صار كم يوم تنام بس بغرفة رنيم
مايصير اليوم بات بغرفة حرة .

ريان : عجيب لك راح اشمر الجاي بوووجهك
انور : اريد مصلحتك احسن متخلص ليلك
يا صاعد يا نازل جنك وحدة عدها ولادة .
ريــان : منوووو اني ؟
انور : لا ابوك ، المهم صيام مقبول انت ونسوانك .

ردت اصعد وياه دار وجهه ورفع رجله بمعنى ادفرچ
رجعت للمطبخ من شفتهم تذكرت ذاك اليوم شلون انشليت
وحدي بجيت وحدي وبسببهم كل مشكلة اكبر من الثانية
اخذت گلاص جاي صبيت النفسي وگعدت على نفس الميز
وهيَّ على اعصابها تهز برجلها بحيث الميز ينهز من غضبها
اخذت توست سويت قشطة ومربى اكلت وعفتها عبالك ما موجودة
بعد ايام تاركة الأكل بس اكلت انفجعت اكل وارجع اكل
الحد ما صاح امساك رحت اغسل وقبل لا اصعد
وكفت باب المطبخ وايدي على خصري واشر بيدي على ريــان
وهوه وجهه مگلوب رنيم متعجبة عرفني افكر اجفص بيهم
رد نتر بعصبية
ريــان : شبيچ ؟
حُــرة : يلة امشي اصعد اليوم يمي .

اني حجيت هيج والضحكة غصباً علية وعلى اهله بينت
على وجهه وبصوت عالي يضحك اكتافه تهتز وصار احمر
يغطي وجهه بيده ويهز براسه ويسوي بيده حركة مخبلة
ضحكت على ضحكته وملامح رنيم الي دفعت الكرسي تريد تهجم
صعدت مرتاحة لان قهرتها مثل ما قهرتني قفلت غرفتي ونمت .

نمت الثاني يوم الظهر جمعة وماكو دوام ولازم افطر
يعني ضروري ابدع بالأكل ، صليت ونزلت شفت بس ميمي
بالمطبخ بعد ساعتين يصير الفطور والمطبخ يصوفر
_ ميمي شمسوين اكل .
بقت على نفس وضعها تشرب جاي ماتجاوب
_ مو احجي وياك ، راح اجي اشگج شگ والله احجي .
رفعت راسه وبطرف عيونها خزرتني انوب هيَّ من
اصحاب البشرة السمراء خلتني ارجع ليوره
_ امداچ جنچ هذا الي شغلچ هناااااا تعرفي منوو مو ؟

رحت وحدي مثل الشاطرة طلعت لحم من الثلاجة
وشغلت قران بصوت عالي بتلفزيون وبديت اطبخ
واستمع جهزت البرياني والمقبلات ولبن وريحة
الأكل انتشرت بالبيت كُله ، اقلب بالتمن وسمعت صوت
انــور : حُــرة ؟
_ ها .
_ تطبخين؟
_ اي اي تعال انت ما صايم بس شوف الملح مضبوط .
اخذت بالخاشوگة ومشيت صرت مقابيله ورفعت ايدي
نزل نفسه هو يذوق وطلع ريــان يلبس بالساعة مالته
هو شافنا ثبت وملامح الغضب برزت نفسها على وجهه
نزلت ايدي وما اهتميت ورجعت اضحك
_ ها انــور شنو رأيك .
_ 10/10 .

لبس ريــان قناع البرود وهو يمشي وبعدهم اهتمام يحجي
_ ها نروح ؟
_ لا اكل ونروح جوعان ، حرة صبيلي اكل طيب .

عرفت انــور يدري بريان راح يطلع
من غرفته وحركاته متعمد يسويها
صبيت اكل ركض ركض وريان گاعد بالصالة على تخم
وانور على ميز الطعام خليت الاكل والمقبلات وكفت متحمسة
_ اكل اكل الف عافية شوف البرياني طيب .
سحبني من ايده نزلني وهمس بصوت ناصي حتى ريــان مايسمع
انــور : لا ياخذچ الحماس وتگمزين فوك راسي لا اعدم اهلچ .
حُــرة : شبيك اشوف طيب .
انــور : روحي جيبي لبن وصيحي ابن عمي هذا لبن .
حُــرة : ههههههههههه اي هسة .

رحت للثلاجة صبيت لبن ولزمت الگلاص رفعته
_ ابن عمي انوووور الورد ضد الحرارة والبرد هاك احلى گلاص لبن .
_ هههههههههه هلا هلا بيها هلا .

آخذه مني من صرت قريبة كفخني على راسي
انــور : وجععععع شنو هاي ضد الحرارة والبرد اكسر راسج والله .
حُــرة : شبيك على وزن مشيتها اكل تغزل بأكلي شبيك .

من راح صوتنا ماتحمل دخل مكتف ايده يخزر بينا
ريــان : شكوووووووو ؟
جاوبه انــور بنبرة صوت باردة عبالك يقلد بروده
انــور : شبيك ؟
ريــان : شبيك انت تتصرف مثل الزعاطيط .

يحجي وصل للزعاطيط اشر عليَّ رفعت حاجبي وجريت
كرسي وگعدت قريب من انــور اريد بس يگول البرياني طيب
والمنظر موتني متت من الجوع هو يحجي واني صفنت
بوجهه انتظر ياكل وهوه ملتهي يتجادل هو وريان
شافني انور صفنت بوجهه رفع حاجبة ولزم روحه ما يكفخني .

ما احس غير ريــان سحبني من التيشيرت ويمشي
_ امشي اصعدي فووووك امشي من يصير الفطور انزلي .
حُــرة : بعد ربع ساعة على فطور شبيك لازم اجهز السفرة .
طفرت من ثالث بايات الدرج للگاع ورجعت للمطبخ وريان
واگف فاتح عيونه مصدوم خطية من طفرتي .
طلعت مواعين كبار ورتبت البرياني وطلعت دجاجة
من الفرن قطعتها وزعتها بالأطراف فوك التمن
خليتها على ميز صار منظره دمار والريحة تفرفح
والمقبلات والعصاير واخر شي مرق اللحم وزعتها
على ميز بترتيب ، طلعت رنيم مذهولة من المنظر
لو من وجودي لو من ندارتي خطية كفختها على وجهه
گعدت وصوت الجوامع صار عالي ينادي " الله اكبر "
صبيت گلاص لبن وشلت تمر وقدمت ايدي الريان
_ افطر ابن عمي .

لثواني هو صافن بوجهي اخذهن واني رجعت صبيت وفطرت
گعد ورنيم كعدت مقابيلي صبيت بـ ماعوني وبدون ما ارفع
راسي أكل واتلذذ ماكو احد همني منهم ، بنص الأكل وتلفون
رنيم رن رن رن تحمحمت وهي تدفع الكرسي
_ هاي امي اشوفها شنو تريد .
هي راحت وريان بلا وعي قبض ايده وظهر براسه هيج
دمار من الأعصاب يرجف رجف
ريــان : ثواني وراجع .
طلع من المطبخ يمشي وكأن يريد يصيد فريسة
خطواته مدروسة بكُل حذر يخطيها وگف قريب من باب
غرفته يتسمع تعجبت على تصرفه ريــان ثگيل ماعنده
هيج تصرفات ابد ماعنده ، دقايق ورجع المكانه انــور
مراقب حركاته وتصرفاته عن كثب ، بس رجعت حتى
ماترفع راسها وتشوف عبالك عينها مكسورة
خفت من نظرات الحقد الي ظهرت على ريــان اتجاهها
وبلا وعي بقيت اركز بيهم هو يهز برجله من الغضب
وهيَّ تاكل تحاول ماتبين ارتباكها او خوفها .

رفع الماعون يصب آكل ويسأل بيها
_ شنو شبيها امچ حبيبي ؟
رنيم : ها .
_ امچ محتاجة شي شعجب خابرت وقت الفطور ؟
_ ها گالت اكلي زين مو تدري البارحة من خابرتني
بليل حجيت الها على دوخة فـ تريد تعرف شلون صرت .
_ اممممممم عبالي نروح نشوفها خاف تحتاج شي .
_ لالالا مايحتاج ، اكل حبيبي اصب الك اني .
_ ارتاحي انتِ افطري اني اعرف شلون افطر .

انــور ياكل ويختلس النظرات يدرس تصرفاتهم
ريــان استدار بنظراته من رنيم على انــور
خفت من تصرفتهم وعجزت افهمها كملت قبلهم
رحت خدرت جاي اريد اشرب وريان رجع نفسه
ريــان: حراير جاي .

درت وجهي من نطق اسم حراير وضحكت
هو ابتسم على ضحكتي ، دفعت رنين الكرسي
ودخلت للغرفة رجعت اصب بالجاي
وحسبت حساب انــور قدمته الهم واني استندت على
كاونتر اشرب واتذكر " حراير " وابتسم مثل المخبلة .

بس خلصوا طلعوا ريــان وانور واني شفتهم راحوا
عفّت الهوسة على ميمي وصعدت صليت وكعدت اقرا قران
واندفع باب غرفتي ما اشوف غير اخواني اربعتهم دخلوا
واحد ورا الثاني رفعت القران على وجهي ضربني بوكس
حسيت اعظام وجهي تفلشت والقران انشمر وأوراقه تناثرت
بقيت ارفس دفرته على بطنه وكفت من حلات روحي
بس اريد اوصل للباب ركضت وكف الثاني دفرني على رجلي
دفره خلتني بأخر الغرفة سحلني من جادر الصلاة نومني
على سجادة الصلاة وبيده ضغط على رگبتي وهو يصيح
_ تشتكين تررررريدين تشتكين على اهلچ مووووووو
تفتررررررررين بالمراكز والفنادق على شنووووووو
هاااااا مقهورة على حافي على حاااااااافي لچ *
انعل ** انتِ ** .

واحد يضغط على رگبتي والثاني عيونه يخليها بعيوني ويصيح
_ تشاهدي على روحج وافرحي راح تروحين المصطفى .
نزلت دموعي مثل النار على وجهي واشهگ من منظر اخواني
جانوا مجرمين ، حتى لو داخلين مجرمين حقيقيين يرحموني
اكثر منهم بقيت ارافس لازمه ايده وروحي تطلع بكل ثانية تمر .

دُر ...

نايمة بغرفتي على سريري متغطيه وبس عيوني طلعتها
وعلي الآكبر گاعد على تخم اراقب بـ اقل فعل يبدر منه
_ نامي .
_ لا .
_ تعبتيني والله تعبتيني .
_ خليني اروح منا حتى ترتاح .
_ انا راضي بالتعب بس لا تروحين .
_ صار يومين ما نايم هسة تمل وتستسلم .

سمع صوت الباب راح فتحه ورجع هو وعمتي
_ ها يمه شلونچ ؟
_ زينة .
ألتفتت على علي الآكبر شافت عيونه صايرة دم من التعب
ام حسن :يمه خبلتني مو حتى تمشي وطوطح من النعاس نام .
علي الآكبر : ان شاء الله انام ، وين سراج الدين ؟
ام حسن : من رجعتوا متعاركين انتوا وبيت الرياش ابوك
لعب بيهم لعب هو واخوانك وهذا قافل على ميثاق ماقبل
يفوت للغرفة اذا ما تطلع منها وابوك يصيح ان بعض الظن اثم .
علي الآكبر: اي وهسة وين راح ؟
ام حسن : صعد وهوه وياها عركهم والصراخ
ويمكن ضاربها ما ادري بعد واخذها شمرها على بيت عمها
بس جهالها باقين هنا ماقبلت تاخذهم .

بعدهم يحجون غفيت بدون ما احس على مفسي من التعب والعلاج
راسي ملفوف كله علاج وكريمات تخفف الحساسية الصارت براسي
عجزوا الدكاترة يعرفون سببها بس كلنا نعرف من الشامبو بي شي
دقايق وحسيت صار قريب مني بعدت روحي منه ودرت جسمي
على اشوفه نايم على مخده رفع ايده يتلمس خدي
_ خليني يمچ .
هزيت راسي بـ لا وابتعدت اكثر
_ انتِ مو تأمنين بحضني تنامين .
_ قبل .
_ وهسة .
_ لا تنام اخاف اكعد حتى اذا يصير شي احميني .
_ صار ، بس تعالي نامي بحضني .
_ ابد ما اقبل .

أعصابه تلفت من نفوري ويعاند مايقبل ينام لان اني اعاند
ما اجي انام بحضنه ، درت وجهي منه ورجعت غفيت
خمس ساعات وحسيت يفتح الشاش من راسي موعد
العلاج لازم يخلي ، رفع راسي نومني على رجله ويدهن
بالكريمات ويعقم بالمصيبة الصارت براسي بقيت فاتحة عيوني
على نلفزيون وهو يلف بي بشاش جديد والباقي من شعري
نازل يعدل بي ، رجعني على مخده وراح للمجرات طلع مقراضة
وكعد قريب مني على سرير اخذ ايدي باسها يريد يقرض أظافري
سحبتها منه ودفعته من صدره
_ ما اريد شبيك .
_ يجرحن راسچ لچ مايصير .
_ بعمري ما قرضتهم بس انظفهم كل كم يوم متعودة عليهن .
_ من تصيرين زينة ارجعي طوليهن .

حاول يقنعني يتوسل رفضت واخذت المبرد نظفتهم كُلش زين
هزت كتفي ما قبلت ، ردن تلفونه رد بسرعة وطلع برا
دقايق ورجع بدل يريد يطلع
_ وين .
_ عندي شغله اني وريان دقايق ونرجع .
_ رجعنا السوالف لثام وملابس سود .
_ اتحمليني.
_ رجعوا بيت الرياش ورجع الصياد وعلي الآكبر
يعني ماتفكرون تصيرون بيدهم احسن تصير مصايب .

_ ومنو گال ماصارت مصايب .
_ الله يستر منكم شمسوين .
_ اكو قنبلة موقوتة مخليها اهلچ فخ الريان .
_ يا قنبلة ؟ انــور يدري .
_ الوضع مكشوف بس احنا نجاريهم خطية
يتفشلون ويعرفون احنا كاشفينهم يريدون يعبروها على صياد ههههه .

رجعت غفيت من طلع حتى ما اخاف لا اسمع ولا اشوف
نص ساعة وفزيت على صوت طگطگه بالمطبخ لزمت
كلبي وشجعت روحي اتحرك هذا تخيلات جذب ماكو شي اتهيأ
وهم هذا وهم مو حقيقة ، اخذت تلفوني وكتبت
" اكو احد ويايه بالبيت "

بعدني ما طالعة خابرني واني امشي وصلت الباب الحمام
واسمع صوته مبين فحطان يجر النفس بصعوبة
_ دُر تسمعيني الوووو .
_ اششششششش .
وصلت الباب الحمام مفتوح الماي اريد افوت بعدني اعبر الحافة
والماي من وحدة انسد صرخت ورجعت اريد اطلع انضربت
بالحافة وگعت بكل حيلي على ظهري بقيت ارافس وعيوني
على دوش رجع يرش ماي اريد اگوم واشوفه خط احمر
من المطبخ ماشي على استقبال گلبي حسيت يريد يوگف
_ منوووووو هناااااا منووووووووووو .

من الخوف انفاسي حبستها اخاف اتنفس وصلت لهل مرحلة
ابجي وافرفح ايدي على راسي التلفون شمرته من ايدي
بقيت ازحف اريد اشوف شنو هذا الخط الاحمر شنووو دم هذا دم ؟
دائرة جبيرة بالمطبخ اريد أتحرك واشوف شخص لابس اسود بأسود
گمز من الشباك برا البيت ، كل حيل عندي من شفت هل منظر
راح وانتهى حيلي اريد اجر النفس بعد ما اگدر رجلي ما احس بيها
عيوني من البجي اطلع حرارة بس صوتي ما ادري شلون طلع
وصرخت صراخ واني اصرخ حبالي الصوتية تجرحت
ومغطيه راسي بيدي واصررررخ اصررررخ بخبال
اندفر الباب دخل سراج الدين وعمي احه يركض حضني
_ دُر بوووووية ولكممممممم شنووووووو هذا .

سراج الدين جمد بمكانه عيونه على دم عمتي فاتت وراهم
وجود وشهد يركضون واخر شي ريمان وبتول من شافن
شكل البيت والمصيبة بعدهم موجودين والدوش ينفتح ويرجع
ينگطع وحده افتر جــود بالبيت وراح وراه البيت على بواري
يشوفهن ودخل علي الآكبر يرجف اخذني مو ايد عمي واني دفعته
دُر : لاااا تجي يمي ولكم لا تلزموني .

وكفت اريد امشي رجلي ما تشيلني لزمني عمي ودفع علي الآكبر
ابو حسن : بابا عوووفهاا ماتشوفها تصيح ماتريد احد .
دخلني للغرفة ارجف ايدي على راسي اتخيل الصار واهز بروحي
علي الآكبر: شصار بس فهموني وينكم ماتسمعووووون صوتها ؟
ابو حسن : نايمين والله بوية بالغرفة جوا مانسمع .
سراج الدين : واني وجهالي بالغرفة فوك بس سمعت اجيت اركض .

واني اشهگ ودموعي تجري الرعب بروحي صار
درت نظراتي وثبتتها على جــود وشهد وصحت
_ انتوا مووووو احجوا متفقين انتوا وعلي الآكبر
تررررريدون تنتقمون كلام ميثاق صحيح ميثاق
ماكوووووو حتى تسوي هيج هل مرة براس منو تخلوهاااا .
جــود : دُر لا تغلطين بالكلام احترمي نفسچ
ليش ننتقم شعندي وياچ بالعكس اني احتر .....

بعده ما مخلص وغطيت راسي من علي الآكبر فلش
المرايا تفلش واجه يمي لزمني من وجهي ورفعه
_ اني لچ اني هيج اسووووووووي بيچ مخبلة عاقلة
شلووووون تحجين هيج ويايه ولچ شلون تفكرين علي الاكبر
يكدر بيوم يغلط وياج هل غلططططططط .
يحجي وعيونه تريد تطلع من العصبية قابلته بالبرود واتهمته
دُر : هسة عرفت شنو قصدت بكلامك " اني ما اعوفچ ، انتِ تعوفيني "

ضربت ايده ورجعت ضربت صدره ودفعته وهوه على نفس الصدمة
دُر : قصدك تخليني اكرهك واكره البيت واتعب وامل وحدي اطلع .
ام حسن : يااااااا ولچ دُر تخبلي ؟

دُر : تعذبني موووو ؟ تعذبني حتى تحافظ على صورتك
نفسك تظل ذاك المحب المهووس .
ابو حسن : لا تستعجلين بكلامچ دُر بوية .

عمي يسحب بي حتى مايسمع كلامي ويتخبر وهوه
ما تحرك ولا خطوة باقي بنفس تركيزه وملامح الخيبة
_ شوفوا ما يضربني مهوس هوه زين واني موووو زينة
اي اني مو زينة لان بعدني وياك وين تلفووووني وين
اريد اطلع راح امووووت هناااا طلعووووني الله يخليكم طلعوني .

علي الآكبر: هاي تحجي مو كل عقلهااااااا والله مقتنعه .
عمي يدفع بي حتى يطلع وسراج الدين يصيح
_ عوفها منهارة مو بعقلها ماتعرف تحجي ولك من الخوف حقها .
يصيحون وهو يأشر عليَّ ويشمر بيده يريد بس يوصل يمي
_ ما اطلععععع حاجيني ولچ حاجيني تظلين هيج كل مشكلة
اول واحد تلومي اني لچ اني دائماً تتعاركين ويايه كلهاااااا
ما تحجين وياها تجين عليَّ شايفتني على گد ايدچ شنووووو
مااااااا تستحين فهميني ما تستحين حاجيني احجي .

طلعوا وعمي وعمتي بس دخلوا يحجون ويايه بس الخوف اكلني اكل
يريدوني افتهم ارجف رجف من كلشي خايفة من كلشي انفجرت
من سمعت عمتي تگول
_ بس لا سحر هذا انوب شلون يبطل .
دُر : سحررررررر يا سحرررر اني هل كلام ما يآكل ويايه
تريدون تقنعوني والله سحررر.

على صوتي رجع دخل متفاجئ من صوتي العالي
ابو حسن : هم فات بي مررررض هذا ولك عوفها .
علي الآكبر: خبلتني والله خبلتني مووو سحررر موو ؟
دُر : انت بالذات ماعندي حجي وياك .
دفر ميز المجرات تفلش والمجرات كلها
تكسرن والغراض مشمورات بالارض
رفع اصبعه يحذرني وابو لازمة يدفع بي من صدره
علي الآكبر: دُررررررر لا تنترررررين دُر بطلي نتر .
دُر : ابطل بس من انت تبطل سوالف الانتقام وتصير كفوووو
وتوگف گدامي تگول بعد ما اريدچ نطلگ وانت تروح بطريقك
واني بطريق ليش تمثل هاااا ليشششش تمثل .

يريد يغلط يريد يسبني يريد يضربني يرجع
على روحه يغلط ويضرب ايده بالحايط
ويفلش بالغراض يمشي ويضرب يمشي ويغلط
علي الآكبر: اني حيووووووان ولان اني حيوان متحمل عقلچ
لان ماكوووووووو زلمة يتحمل هيج صلافة ويسكت
لوووووو واحد غيرررري جان هسة انتِ خرابة والدم بطولچ .

لزم ميز التواليت بوكسات ورجع يريد يجي يمي
علي الآكبر: اسمعي لچ اطلع كلب ابن كلب اذا بعد
بعده ما مكمل وعمي ضربة ودفعة حيل يطلع بي
_ كافي لك كافي اطلععععععع تخبلت عووووف الرجفة عوفهاااا
امداك وامده رجفتك كلب ابن الكلب ابن النعال كافي .

علي الآكبر: وحگ داحي باب خيبر مناااااا ما اتحرررك
شنووو براسهاااا خليهاااا تفهمني شنووو براسها .
دُر : براسي انت وجود وشهد هيج مسوين هذا الي براسي .

عمتي مو سمعت صاحت
_ عمي اسكتي شني انوب حجي ميثاق طبع براسچ
ولدي وشهد ما يسوها تربيتي هذولي ما معلمين على حقد .
دُر : شهد على حقد اخوية حقدت ، وعلي الآكبر هوه هددني
والله تعجبت مو سامحني گلت وين اكو هيج بسرعة سامحني
وجود وياه لان اخوووو تمرض يساعده اصلا هو بكلشي يساعده .

ابو حسن : علي الاكبر روح مناااا سررراج خلي يووولي مني .
علي الآكبر: لكككككك يابه جنت بيت ابووووهاااااا
اني جنت بيت ابووووهااااا وشوف شلوووون تحجي ويايه
اناااااا احارب اهلهااااااا لوووو احاربهاااااا اسوووي كلشي
الخاطرررهاااا وشوفهاااا شلون تجازيني ليشششش
ولچ دُر ليششششش هيج .

ماجنت اسمع منه ولا اصدك حرف واحد من كلامة
بعقلي شي واحد مطبوع "هو واخوانه السبب " وكل
ميثاق وماكووو وهل اثنين اعرفهن يخافن
دُر : وين تلفوني عموو الله يخليك طلعوني والله اخاف طلعوني منا .

ريمان : تخافين هنا يعني من تروحين البيت اهلج امان
لازم نسيتي اخر مرة طلعتي من البيت ست اشهر انتِ خارج العراق .
دُر : شكووو تدخلين هناك اعرف منو العدو ومنو الصديق
اله هنااااا ما اعرف منو ويايه ومنو عليَّ منو يريد يأذيني
ومنو يحبني ومنوووو يكرمي كلشي ما اعرررف كلها تلطش بيَّ .

علي الآكبر: انت تحجين بكامل قواچ العقلية؟
_ عموو اخذني .
علي الآكبر: احجي وياج .
_ عمو والله اطلع وحدي والله .
علي الآكبر: دُررررررر احجي وياج .
_ تلفوني وين هناك تلفوني هنا بصف باب الحمام .
سحبني من ايدي دفعني على حايط وبأيده الثانية
لزم وجهي ورفعه حتى اشوفه غمضت عيوني وصحت
_ مووووووو احجي وياچ اني احجي لووووو ما احجي .

ابو حسن : علي الآكبر ايدك منها لا اگضي بيك التوبة.
رفع علي الآكبر ايده وضربني بطن ايده
_ غمه لهذا العقل كون غمه تغمچ غم يا غمه .
لزمت راسي حتى ما مستوعبه شصار شنو هذا الصار ؟

فات جــود يريد يطلعه باوعت بحقد عليَّ من شافني صاح
جــود : دُر ديري بالچ تفكررررين هيج لا تشوفيني ا ..
دُر : اشششش والله ولا اسامحك لا انت ولا اختك ولا هذا اخوك .
علي الآكبر: هوووواي غلطتي هوووووواي دُر .
دُر : اي روح شغل فلم رعب اتعلم منه أنت واخوانك روحوا
وخلوني اني هم اروح راح اتخبل اذا اعيش هنا اتخبل .
جــود : مع الأسف عليچ والله مع الأسف لچ بيوم
ما رجعتي وجان ضايج منچ اني احجي براسه هاي دُر
هاي حبيبتك هاي الي انتظرتها الي تحبها وهسك هيج تحجين ؟

طلعت من الغرفة فتحت الشباك مال استقبال اريد اجر نفس
بعد ماعندي طاقة اتحمل ، عمي يقنع بيهم يحجي ويايه
وحدي اول ما دخل علي الآكبر دخل وراه
ابو حسن : شلون يجبرني اضربه خليني احجي وياهااااا .
علي الآكبر: اسمع هاي كعدت احجي اسمعكم .
ابو حسن : وين تخليني احجي هسة من اول كلمة
بعد ما نفتهم تحودنا حوووووود برجفتك هااااي ابو رجفه .
علي الآكبر: اسمعععع بس اسمع .

لزمني عمي گعدني وراح يجيب بطل ماي
علي الآكبر: ابقي هيج ابقي بهذا الراس اليابس.

لزمت راسي رجع يوجعني فات وقت العلاج يمكن
رجع عمي شربني ماي وغسل وجهي
واجه بصفي لزم ايدي ويهز براسه العلي الآكبر لان حالتي تبجي
ابو حسن : بوية والله حقج بس خليني افتهم منج احجي شصار .
درت وجهي ابجي واناشغ من اتذكر جسمي كله يكرمش
حجيت كلشي بالتفصيل وادير بروحي واشر واروح
للمكان اشرح شلون شفتهم وشلون سمعت وجسمي يرجف .

التفت على علي الآكبر مخنزر عصبي
ابو حسن : يعني صحيح فعل فاعل مدفوع .
دُر : اتفقوا عليَّ والله عمو والله ماعندي أذيه
واني اعتذرت منه وادري بنفسي ماغلطت وشهد وياها اني
وشكد حجيت وياها وفهمتها ما أرضى على فعلت اخوية
هو اني اخته دمرني دمار واجت احتمي بعلي وعلي كمل
علي الآكبر كملها عليَّ وجود هذا جــود اني بشنو اذيته
ماعندي أذيه عليكم والله ماعندي .

رجع لزم وجهي وصرخ بصوت جلجل البيت
_ مووووووووووو اني دُرررررر موووووو اني
والكفل زينب مووووو اني لچ شلوووووون تفكرين اني
هيج اسوووووي وحگ ابوووو راس الحار موووو انااااا .

دُر : اذا مووو انت ومووو ميثاق منوووووو ؟
التفتت على شهد وجود وعمّتي واكفين بعيد
وريمان وبتول مراقبات الوضع
جــود : دير بالك انت وياهاااا تفكرون اني لوو شهد
ترا هووووواي تحملت وسكتت احترموا نفسكم
لاااا اطلع اسووووء صفات خلق الله هسة .
هو يحجي وعلي الآكبر من الضغط الصار على راسه
من جهه اهله ومن جهه حالتي ومن جهه صار كذا يوم ما نايم
وصايم طلعت روحه ركض بتسرع ضرب جــود بوكس
فر بي جــود فر لدقايق بس صوت عمتي تصرخ .

جــود تمالك اعصابه وعيونه تجدح وبنفي الوقت لمعت
من صدمته بعلي الآكبر حتى علي مصدوم من نفسه
عاف البيت وطلع جــود وشهد تركض وراه وعمتي
طلعت وراهم بقينا وحدنا بس عمي يحجي ويايه بس
حسين شال بخاطرة وحيل انقهر من تصرف علي الآكبر
راح وراهم بعد ما تعب من الحجي ، رحت للمطبخ
طلعت المفاتيح اخذت نسخ الغرفة ورجعت بيها
قفلتها عليَّ دموعي تجري وافتح بالشاش
عقمت راسي بس مو مثل ما هو يعقم ويشوف اكثر مني
خليت المرهم شلون ما كان ورجعت اعدل بالشاش
خليت راسي على مخدة اريد اوگع من طولي
ما ادري من الهبطة لو من المرض بيه بديت انسل سل
التفكير بجهه
والمشاكل بجهه
وعلي الاكبر بجهه
واخوانه بجهه عقلي بعد شنو يتحمل بعد ما اكدر حتى طاقة ماعندي .

مر اليوم كله خلص وإني محبوسه بهل غرفة
بس بعد لا سمعت صوت ولا حسيت بعل قريب
الثاني يوم اجه يريد يفتح الباب ما يكدر لان المفتاح الثاني موجود بالباب
_ اطلعي اكلي وارجعي للمهجوم .
_ لارم مجهز فلم جديد
علي الآكبر: دُرررررر .
_ عوووفني بس عوفني بحالي .
_ ضروري تاكلين يلة حتى تاخذين العلااااج .
_ لاااااا تصيح .
_ لااا تاخذين بصووووتي حيووووان اني حيوووان .
_ لا عبالك من تغلط على نفسك اخاف .
_ لااااااااااا تخاااافين اخت انوووووور انتِ يابه لاااا تخافين .

بعد ولا قبلت اجاوب خلص اليوم من صار السحور طلعت
سويت لفة على يريع وكلاص جاي رجعت اركض
لمحته نايم على تخم بلا قميص بس بالبجامة
اكلت وشربت علاجي ونمت وهي يوم وره الثاني
بس عمي صارت تجي تحجي تريد تخليني اسمعهم
وارجع اطلع للبيت انظف أشوف احتياجات علي الآكبر
اظل اهز براسي ومن تروح ارجع اقفل الغرفة .
ثاني يوم گعدت من سمعت طلع للمطعم وقت ظهر
لميت دشداشتي وطلعت للبيت صاير تراب على مواعين
على كاونتر الاستقبال مهجوم هجم وهوه مايقبل احد يدخل
للبيت ينظف ويرجع تعبان بس يسبح ينام بدون حتى ما يتسحر
شغلت الغسالة اغسل بالملابس ورحت للغرفة غيرت
فرشات السرير والبردات ومسحت اخشابها وعطرتها وطلعت
شريت وجبة ودخل على مطبخ لمعته والاستقبال غسلت
شريت البطانية والمخدة مالته ونظفت التخم والجگاير
احير منين انظف بيهن بكل مكان خلصت تنظيف البيت
والملابس وسبحت ، طلعت طبخة من اليوتيوب وحاولت
اطبخ دجاج شوي بالفرن وتمن احمر وزلاطة راقبتها
الى ان ضبطتها بس صار الفطور اخذت اكل هو دخل صفن
بالبيت والآكل تعجب ، عبرته ورجعت للغرفة خليت اكلي
ورحت للمطبخ رتبت صينية مليانة ومرتبة خليتها على تخم
هوه بالحمام بقيت فاتحة الباب شوية من طلع شاف
ملابسه على تخم جاهزات مغسولات والاكل جاهز بدل
وگعد لازم راسه مكسور خاطره .

نص ساعة وهو على نفس الوضع ذب خسرة
وفطر وأخذ الصينية للمطبخ صب جاي ورجع
للاستقبال تلفونه يرن قوس حاجبة وجاوب بعدم اهتمام
_ انــور ، اي اسمعك ، شبيك شصاير .
فز من مكانه يلملم باغراضه ويصيح
_ يعني شبي انــور فهمني لا تصيح خرب اهلك
والعباس وياك وهسة ريــان وين ؟ يعني ابن عمكم مات
حُــرة خررررب اهلكم وينها اي اي يا مركز أنت بالمستشفى
يا مستشفى جاي أني جايكم لا تسوي شي لا تتهور ..

يتبع ..

ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..

من هو النبي الذي ارتبط اسمه بالصبر...؟
◯ يونس عليه السلام

◯ أيوب عليه السلام

◯ يعقوب عليه السلام»