#جديده
#صگاركم
#نزله_للعباس

صگاركم هذا اني. يازلمه اللاگاني
----------------------------------------------
نزل شيخ العشيره ورفت الرايه
ارتبك مجرى الشريعه ونخبط مايه
نعم عباس واحد والعده هوايه
بس ماشاف زلمه عله المسانيه
اتحده للاواني يازلمه اللاگاني
--------------------------------------------------
دخلها مبتسم يدري الحرب عيده
اسد من خزرته ظل العدو يصيده
سره صيروا غنم خل اذبح بهيده
الف فارس گصبهاوما رفع ايده
اقسم بالسواني. يازلمه اللاگاني
-------------------------------------------------
رفع بشته بأيده وهوس بطفه
وبسيفه سرب خل العده صفه
الميلحگ ينام بسيفه يخطفه
گعده البعض ماتت والبعض وگفه
بعزم الله مداني يازلمه اللاگاني
----------------------------------------------
من شافو صواعق للگمر ترعد
واحد گل للاخر ياعذر نشرد
اذا هالسيف هذا وعالشريعه يهد
ملك الموت يعجز ياضحايه ايعد
من عينه بجاني. يازلمه اللاگاني
---------------------------------------------------
غضب وشتد وزلزل كسف ظل شمسه
مناحركم اقربلي من لفظ هسه
شجاكم شمر من هسه انگطع حسه
بعده السيف بيدي ماغمگ رمسه
ادلل بأخواني. يازلمه اللاگاني
----------------------------------------------
نعم شيخ وتنومس للحرب اطرب
يوزع ضل مناحر بالدمه عزب
يذبحهم ولامه ام الوفه ثوب
لسحلكم سحل فدوه لنعل زينب
ياغيره العرفاني يازلمه اللاگاني
----------------------------------------------
ابو احمد الصالحي

#جديدة
#يازينب_سولفي


يزينب سولفي العباس الج ناطر
اشوفنج حزينه وكاسرة الخاطر
-----------------------------------------

شفت ظيم وظلايم خويه من دونك
خذوني ميسرة عباس من دونك
الف موته متت وحييت من دونك
اريدن فقط خوية نظرة عيونك
تكلي ادللي عباس الج حاضر
اشوفنج حزينه وكاسرة الخاطر
-----------------------------------------
خذونه مكيدين الشام يردونه
وكل ساعه سأل عباس يردونه
وينه الكفل ضعن اخته يريدونه
خل يشوف زينب گرة عيونه
مسبيه وذليله و فاگده الناصر
اشوفنج حزينه وكاسره الخاطر

-------------------------------------------------

بقيت اتربى جيتك ياامل اختك
مظلمه دنيتي صارت بعين اختك
النوايب خويه تدري شسوت بأختك
من هوس شمرهم ياكمر ردتك
كال الكفل وينه ما اجا شصاير
اشوفنج حزينه وكاسرة الخاطر
-------------------------------------------
الاخو ينراد وكته بساعة الشده
ظهري نكسر خويه جيتك تشده
زينب حايره وطاحت بالف شده
انا اتمنيت موتي ولا اضل بعده
ياشمعة حياتي وياضوه السافر
اشوفنج حزينه وكاسرة الخاطر
---------------------------------------------
طبت الشام ياويلي عله زينب
مظلومه ويسيره وحايره زينب
دنت منها المنيه بالغرب زينب
لا ناعي النعاها ولا ولي الينحب
ولا عباس يمها وتكحل الناظر
اشوفنج حزينه وكاسرة الخاطر
----------------------------------------------
ابو احمد الصالحي

#جديده_حوار_اولاد_ام_البنين_ع

ندخل عالفرات من اربع جهات
احنا الاربعه ..سيوف مشرعه .. من اربع جهات
************
صفو للحرب كل واحد علي يحجون بهمس
هاي المشرعه وبالخيمه بگت عطشانه الشمس
من دم النحر. نكتب عالنهر. هذا اعظم درس
طلكنا النسا وعفنا الوالده حومتنه العرس

بأسم ام البنين .... لبينا الحسين
خيمتنا خطر ... ممنوع النظر .. من اربع جهات
*******************
عون الميمنه. وانت الميسره وانا ابقى قلب
عبد الله الك راية حيدره بفنون الحرب
انجيب المشرعه لزينب بت علي وتشربه العذب
كل واحد زعل وبسيفه انتفض كال اول اطب
خطتنا الهجوم باغتنا الخصوم
ظيقنا المفر . حاصرنا النهر. من اربع جهات
**************
سوينه الجثث تل من الزلم توصل لنهر
امرك سيدي كفوك اخواتك كل تل لگمر
تفضل للعذب وشرب ماتحب ينور النظر
لا ما نرتوي وجبد الطاهره يبست كالصخر
لو كلنا نموت ما واحد يفوت
عيناك اخوتك .. شالت رايتك من اربع جهات
******************
نازلنا بفخر والحومه اثگلت وكل سيف انتجه
من شاف الشمر صرنه عالارض سل سيفه وحجه
وحسين الابي تخوصر عالانهر ون حسره وبجه
من طاح الگمر احتار بگومته عالسيف ارتجه
كل لونه انخطف دگ چف عالچف
وزينب نشدته عياله حاطته من اربع جهات
**"****************
حاير بالامر زينب لاگته للخيمه رجع
من طاح العمد صاحت بت علي عباسي وگع
وانظر للعده لخيّمي گرب وعلينه فزع
كل وجهي انخطف دگات الگلب من خوفي سرع
بمري تحيرت هسه تيسرت
بعباسي انا جيت مدلله من اربع جهات
******************
تمت
ابو احمد الصالحي
١٤٤١هج

حميده علبوها طال الفراگ
صغيره ودللاها حگها تشتاگ

اجت ممشى للكوفه
تمنت بس تشوفه

طال الفراگ
*****
بويه طول الليل عيني ما غفت
انت شمعة دربي ياوسفه طفت
گومتي صعبه عليّ بعدك صفت
حتى تعرف بنتك بحبك وفت
يروحي و حبيبي وياهو الهاب
املنا بكل حياتي. والامل غاب
يكعبة حجي اطوفه
تمنت بس تشوفه
طال الفراگ
*
امشي وي عمي وجرح گلبي شيهيده
وجانت افكار التمر بيه عديده
عمي لمن اجا يسأل عن حميده
حطني بحضنه ومسح كل راسي بيده
يگلي يعمي. انا موجود
دمعتي عالخدي حفرت خدود
رجف كلبي بخوفه
تمنت بس تشوفه
طال الفراك
**********
كتله صح انت ابويه وعالراسي
بس يعمي بلا ابو هالزمن قاسي
عمي انا بذله شو گلي احساسي
هالعلامه. لليتم. معقوله ناسي
من تمرها. عالراسي. ايدك اتشير
يتيمه وابوها ماهو بخير
اظن غدرته الكوفه
تمنت بس تشوفه
طال الفراك
***********
صح خبر مفجع كسر گلبي بروعه
بس ردت اوصل وشمن ريح طوعه
من اجا الجيش وابويه اكمل ركوعه
قدمت للوالد بجفها دروعه
عالراسي ارد احطها ذيج الجفوف
يطوعه. بشجاعه خافت الخوف
بحزم شدت اجفوفه
تمنت بس تشوفه
طال الفراگ
*************
وصلت الكوفه لجن وصلت سبيه
مجتفه بحبل اليسر انا ورقيه
وبالخربه لن مره تسال عليه
وين بت مسلم حميده الهاشميه
يعمه انا طوعه وافتخر بيج
امانه ابلغج بيها اوصيج
الماتم لا تعوفه
تمنت بس تشوفه
طال الفراگ
-----------------------------------------------
سولفي يگلولي الكوفه جبيره
ابوي مسلم وحده يعمه حيره
لا تخافي عمتج طوعه نصيره
لو جنت زلم لذب ديره عالديره
شسوي وانا حرمه بين الرجال
وشوفن ابو طاهر خاض الانزال
اهلهل جرحه اروفه
تمنت بس تشوفه
طال الفراگ
***************
ابو احمد الصالحي

انتظار

خل تشهد انجوم السما

انتظار
مسلم بأسم حامي الحمه

اواقعه وشايل واقعه
والجيش انصت مسمعه
*************************
هالله هالله اشلون حمله من حمل
ذكر الكوفه بعلي بيوم الجمل
جل بريق بسيفه لو صال وزعل
تحس ظربته تصيح ياخير العمل

انتباه
هذا مو مسلم علي
انتباه
بسيفه يولينه ولي
خل ننهزم للمشرعه
والجيش انصت مسمعه
**************************
سيفه هلهله وغدا يهلهله جيش
صاح ياگوم الكفر تشردون ليش
انا بعد حسين ما يحلالي عيش
وانتو ليزيد النفس بعتوه بيش
ارتجال
خل يلاقيني العدوا
ارتجال
موت يم سيفي ابعدوا

الظربه ظربه قاطعه
الجيش انصت مسمعه
*****************************
حملة الكرار بيه تمثلت
والشمس من شفته منه اختفت
الجيش هابت صولته بسيفه رتوت
وطوعه صاحت ياعلينا وهلهلت

ناده الگوم
وجنه مجبل عالعرس
ناده الگوم
والله لخلسكم خلس

الشمس وجهه ساطعه
والجيش انصت مسمعه
************************
صال بيها والكفر يطلب عدد
وهو نادى بسيفه ياحيدر مدد
تحس رقاب الجيش تطاير بدد
هذا وعدي ياعلي اوفي الوعد
يارباه
هذا عهدي تقبله
يارباه
ريتني احضر كربلا
بيدي اجيب المشرعه
والجيش انصت مسمعه
**************************
تجمعت اربع فرق ترميه غدر
بالنبل بسهام بنار وحجر
للخيانه تجمعو جيش الكفر
ننهزم جدامه ويوگع بالحفر
اه اه
من وكع دمه ونزف
اه اه
بعين صد عالنجف
حيدر احضر مصرعه
والجيش انصت مسمعه
***************************
من حمائل سيفه ينقاد الفحل
ودمع من عينه على خده نزل
انت تبكي عادي لو مثلك حصل
مو لاجل نفسي لجن لجل الاهل
صاح حسين
نقضت الكوفة العهد
صاح حسين
وبايعت طاغي البلد
وبيها صار موادعه
والجيش انصت مسمعه
***********************
ابو احمد الصالحي

هموم البكلب بويه ثجيله
شعجب ماتمشي ويانا العليله
---------------------------------------------
صاحت رقيه والدي بويه كمل ضعنه
كلهن خواتي حملن منتظره جيتك النه
عندي سوال ارد اسالك كلحنه نمشي كلنه
شو اختي تبجي فاطمه كلما نجي تردنه

اخافن سمعتها بويه جلمه
لعد تبجي عليمن بويه والمه
-----------------------------------------------
اتوسلت بيها شكثر ماقبلت تحاجيني
كلتلها اختج فدوه الج بس لحضه اسمعيني
هاي الدموع الجاريه ياخيتي جاوبيني
باجر نروح من الصبح حط يمنتج بيميني
اشو كامت تنوح بصوت عالي
يبويه هيجت كلبي ياغالي
-------------------------------------------------
كمت امسح بايدي الدمع واحضنها وابجي يمها
حسيت كلبي من عمق روحي طلع المها
بس كولي خيتي مروتج لساني مافتهمها
شنو قضيتج سولفي عليج العزيزه وعمها
صاحت راح من ايدي الاريده
وعكب ذوله هلي باجر وحيده
-------------------------------------
سمعيني يرقيه يامن انت مهجتي وروحي
باجر ظعنكم مرتحل وانا ابقه وي جروحي
نوحي يعيني بالدمع من هسه يلا نوحي
لا ترتجي يوم الالم يوم الحزن تبوحي
عفته ورحت يم حسين اكله
شعجب تبقى العليله موش سهله
---------------------------------------------
ناشتده بويه مروتك خليها تمشي اختي
عينلي الحسين بخزر يبنيتي ومهجتي
ماتحمل اختج باليسر وتشوفج انت متي
خل تبقى منجن واحده تذكرني بكعدتي

تموتون بغرب والديره غربه
وتظل لحسين وتعاين لدربه
-----------------------------------------
ابو احمد الصالحي

زينب تخاطب الحسين ع

يخويه من اليسر ظيم لجرالي
طول الدرب راسك اكبالي
ريتك يخويه تشوف حالي
شلون الغريبه بغير والي
ياعزي وفخر ذيج الليالي
اصبح سبيه ليش تالي
ياذلتي وياهظم حالي

كلمات ابو احمد الصالحي
20صفر /1442

زينب وصلت الطيبه. ومن عدها كلبها احتار
اخافن مايعروفها من الجرئ بيها وصار
***************
وصلت زينب وكالت. لعلي سجاد ياعمه
ماندخل غفل عالناس هاي الناس ملتمه
طارش دز كبلنا يروح. ينعى الهم ابو اليمه
وكلهم بالعزيه تكون. يم كبر النبي يروحون . حرم ال النبي يريدون
تدخل بيت ابو السجاد وتنصب للعزيه ثار
************************
سمع صايح محمد كال. شصاير بالمدينه تميد
اذا ماخيبة ظني. فعلوها طواغي يزيد
ساعه ولن المنادي. تلكه الظعن يالصنديد
راد يكوم وتحدب.ويم ظعن الاخو كرب عاين ماعرف زينب
كال منين هل الحرمه وعلئ زينب بدينه شار
*******************
وجبت زينب كباله وكامت تصفك الجفين
انا مدلاله عباس واخت ذاك الشهيد حسين
انجانك معرفت زينب انا زينب ينور العين
هيج صار بحوالي. ماعندي بعد والي. اجيتك فاجده الغالي
المثلي يحك كون تموت وابدا ماترد لدار
*******************
لمن سمع زينب صاح اه والف اه حساس
رجعتي وحدج معقول جاوين الكمر عباس
كالتله اخوي الحيد ظل عالمشرعه بلا راس
وراسه مشه ويايه ورأي صار من رايه عسنه لا جره مايه
ينهر العلكمي مشكول ذمتك لعد حامي الجار
***********************
وصلت زينب بيا حال. يم باب الاخو وجبت
بين الاه والويلاه لديار الاهل طبت
ناحت عالكمر عباس ماتم للحزن نصبت

مايفتر عليها الون. ودمعات الحزن يجون خدود الطاهره نحفرن
كل ماتذكر المظلوم. تبجي تظل ليل نهار
*******************
ابو احمد الصالحي

#جديده
#امنية_دنياي
هاي امنية دنياي. بس كون يضل وياي
ماحسبتك ترحل عني جن شربت ماي

اهاتي المجويه تحتاجك يوميه
بس كون يضل وياي
------------------------------------------------
كل نبضة كلبي تشتاكك كل حسره بدال
ماحسبتك ترحل عني بهالاستعجال
مو واحد شايل من عندي. جن عالم شال
مثلك وين الكه بهالدنيا وجروحي اثكال

ما لحكت احجي وياك يالغالي ودعناك
تدري انفاسي تعيش بظلك وبظل دواك
صد بعينك اليه تحتاجك يوميه
بس كون يضل وياي
------------------------------------------
ادعي الباري يطول عمرك سفرتكم خير
بس جن الدنيا تفرگنه ومكروه يصير
يالحادي ريض لا ترحل. وبهيده تسير
عبد الله خل اشبع منه. چي طفل صغير

باجر وحشة بهالدار. ويتامه كلها اصغار
وعماتي من ديره لديره وماعدها ستار
والحره مسبيه. تحتاجك يوميه
بس كون يضل وياي
-----------------------------------------------
طفلة وتتمنى بهالدنيا تعيش بيومين
يوم تعيش بحضن الكافل يوم وي حسين
مهظومه من دون اخوتها بآهات ونين
ما متعوده تظل وحدها ويحرسها البين

منتظره يرد الغاب . ايا فرك الاحباب
ماتدري بنتك يالغالي تضل عالباب
شوف شأثر بيه. تحتاجك يوميه
بس كون يضل وياي
****************
صعبه العيشه بلايه عيونك شيخلص الليل
لفراكك كل حيلي اتحطم ظل جسمي نحيل
بس تغمض عيني اتحلم بيك اسمع ويل
نار دخان بخيمتنا وصهيل الخيل
زينب تبجي بيا حال. ونتها تصدع جبال
مهظومه وتتحسر زينب وتلم عيال

ياصبر ارحم بيه تحتاجك يوميه
بس كون يضل وياي
**************
منتظره وعالباب اتفكر. چا يمته يعود
لن غراب البين بصوته . ينعى المفگود
لا تنتظري الوالد يرجع. و هدومج سود
ظل عمج عالشاطي امدد وتبده الجود
عماتج محتارات. حسره وانه واهات
من بعد الخدر والكافل شو مسبيات
نار وتسعر بيه. تحتاجك يوميه
بس كون يضل وياي
**************
ابو احمد الصالحي

#جديده
#نزله


يعباس. لا تهد عليهم
يعباس. اصغار وتبجيهم
***************
انت مو گد مستواهم يابو فاضل لاتهد
خل تجيك افحول خيبرخل يجي عمربن ود
فقط لو هدت يمنتك اقسم بحيدر تسد
يمنتك بيها صميده وحمزه بوقعة احد
يعباس. كافي لا تطويهم
يعباس .. اصغار وتبجيهم
***************
يعني لوهديت تعرف. مايضل فارس عدل
الما شرد مغرور نفسه وعلي حتما ينقتل
السيف يتلوه بيمنتك . بالعدو يغزل غزل
الماي لجلك كال حاضر ونعم يابو الفضل

يعباس. بجودك ترويهم
يعباس. اصغار وتبجيهم
***********
الرايه لو شافوها رفت يعني بو فاضل نزل
يخيم الموت بخزرته وظلمت لدنيه وزعل
يطبگ جروف الشريعه لو برز لينه وحمل
نهروان انشوف سيفه يعود كرات الجمل

يعباس سيفه يطحن بيهم
يعباس. اصغار وتبجيهم
***************
ارتجل بالحومه ابو فاضل صاح بالگوم القيام
والطفوف بمحتواها ردت عليه السلام
ارتفعت الرايه بيمينه ونكست كل الاعلام
وقائد العسكر يكلهم روسكم هبطو احترام
يعباس بالارض ساويهم
يعباس. اصغار وتبجيهم
***********
بالغدر كطعو يمنته وبالغدر طاح الگمر
گطعو ايساره ابو فاضل وانطفه منه النظر
و النهر ماشرب مايه يعتذر منه النهر
الدنيا تمشي وي الخيانه اخ منك يادهر

يعباس هالاخيانه بيهم
يعباس. اصغار وتبجيهم
***************
ابو احمد الصالحي

الزمان الما نصح وياك جاراك
ودمع العين طول العمر جاراك
هنياله الصبح يحسين جاراك
ويزورك كل صباح وكل مسيه


ابو احمد الصالحي

#جديدة
#العيد
#شيعوك


شيعوك وشيعو روحي وراك
شيعوك شالت الديره بجفاك
شفت نعش الامامه عله امتون اليتامه
شيعوك
#######################
جرحت الخاطر جبيره والاميره تضل اميره
لجن يذوب الگلب لو شالوا اعزاز
هو ابوي شعندي غيره بشيلته تشيل العشيره
شنو گلبه اليمشي وي الوالي جناز
ظلمت وجفت الديره العاشت اسنين عالخيره
جان من يرفع ادينه تمطر اعجاز

هسه وين بنص گبر واقرأ عليك
هسه وين گوم وحضني بديك
وعظ جف الندامه عله امتون اليتامه
شيعوك
#####################
لشافني يبجي عالحالي تفجع مصيبة الغالي
هاي اول مره اعيد بين الگبور
دمعتي بعيني اتلالي يالخذت نوم الليالي
تدري گلبي عالفراگك بويه مكسور
ينهدم ركن المعالي من يصد حالة الوالي
حتى طير الصاف منه الجنح مكسور
شيبيت وشيبت حتى الجفون
شيبيت وتبجي من دم العيون
نكسر جنح الحمامه عله متون اليتامه
شيعوك
####################
العيد واهل العيد راحو نامو اهناك استراحو
وظلت ابالي صورهم ما يردون

ولو طيف بحلمي لاحوا شكد يتامه اعليه ناحو
نسكت احنه ويستمع بس حجي العيون
الدنيا صاحت حين صاحو وعطر جنة خلد فاحو
اه يعزاز المضايف لا ترحلون

من جفاك گلبي بالهم ظل يزيد
من جفاك المگبره صارتلي عيد
بعد وين السلامه عله امتون اليتامه

شيعوك
#######################
ورد للبيت بحسرتي حفرت اخدودي عبرتي
وارسم بخدي نهر من فيض الادموع

چوت گليبي جمرتي اه واتمنى حفرتي
اتصير يم امي العزيزه مكّسره اضلوع
تگلي مثلي يمه صرتي هم على ضيمج صبرتي
بنار المخيم اصبعج هذا ملسوع
احترگ بالطف خيامه عله امتون اليتامه
شيعوك
####################
هذا ياعيد اليجيني وينه خل يسمع ونيني
خل يشوف شلون حالي اشلون ملگاه
راح ابوي ونظر عيني وانا بس اصفگ بديني
عندي عتبه وخل نگعد اني وياه
لا امل بينه وبيني ضاگت الدنيا بسنيني
راح ابوي الغالي گلي وين الگاه

لو تجون ريت بس لحظه وتعود
لوتجون ازرع الدنيا ورود

تشع منه ابتسامه عله امتون اليتامه
شيعوك
#####################
تمت ابو احمد الصالحي

عمري اربع اهات. عشته وي الغريبات
يالليل اهداعش ذاك هنياله البيه مات
111111
ساعه وحده حسين ماضلو اصحابه
شفت جاسم زفته الحومه بشبابه
وشفت الاكبر نايم ودمه خضابه
وشفت جدي حسين ذاك السهم صابه
طاح وخضبه الدم. بعاشر. من محرم
عمري اربع اسنين عايش بهل مٱسات

##################

شفت جدي حسين بيدينه رضيعه
وشفت عمي عالنهر جفه كطيعه
وزينب اول مره مشيتها سريعه
من الخيم ركضت لعد صوب شريعه
ركضت فاجده الراي عالشط طايح الماي
كافل خدر حسين. نايم عالمسنات
################
ظلمه يالليل اهدعش ما مر عليه
طفل واتمنى صرت يوم المنيه
من شفت عماتي صارن واهليه
نجمه نجمه اطشرن بين ال ميه
ونايم نجمة سهيل صاير كعبه للخيل
مابين السحك صار. جسم الوالي طعنات

##############
بالخيم صاحو هذني الخارجيات
وٱشعلو نيران فوك الهاشميات
ابرعب فرينا والضل بالخيم مات
من اثرها لهسه رجلي بيها جويات
شاهد. واحجي الصار زينب طفت النار
من ثوب الخواتين. شبت بالسبيات
##############
والفجيعة من شفت ذيج الرزية
عمتي الحره يكودوها سبيه
جتفونا بحبل من ايدي الرقيه
وشتمونا وشتموا امي الزجيه
ايا. محنة الشام ما بينه طفل نام
ذلة مجلس يزيد. ياهظمة الشمات


ابو احمد الصالحي

يا هلا بالمشاي مية هلا
هذا صوت الحسين من كربلا

#####################
ها يزوار.  يالاحرار  اجيتو عالوعد رغم كل الشدد. توفون العهد
رفعة الراس  والانفاس   نلبيها بعزم. بهلا نشد الحزم. ويخطوات الجدم
صفو اصفوف. يالضيوف  الف مية هلا  ويضعن القافله. تجوني لكربلا
ما تهابون تكطعون مسافات الدهر  تجون من البحر لجل هذا النحر
جايب وياك رضيع وعايله
هذا صوت  الحسين من كربلا
#######################
شدو احزام. يالاكرام   ابد ما ننقسم تعبكم مايهم   زلم نعم  الزلم
هذا مشاي الي جاي. عن اخوانه يسد  الوكفوا بالحشد  يسلمله ويرد
الساتر يريد. صناديد   كلف  يطوي الهوى    الحشد بيها ارتوه يكشخة  نينوى
جرحه ماطاب  بالمصاب يجي يركض  ركض يٱديله الفرض  بحكم طي الارض
ماتهمه الصحاري والفلا
هذا صوت  الحسين من كربلا
#####################
رفرف الواك علي وياك. ياشايل رايتك. قبول زيارتك تمثل غيرتك
تعبك يهون  لآم عون.  تواسي الطاهره. غريبه ميسره  بضعنها محيره
خطوتك دين.  للحسين   اردها لحضرتك. اجيك بغربتك ويظلمة حفرتك
فاطمة اهناك. اتلكاك  ترد اجر التعب  سجل بيه انكتب  ياتيجان الذهب
ذوله انصار الدين  والمرجله
هذا صوت  الحسين من كربلا
###############
الكم اشتاك  يعشاك امتانيكم سنه  الظهر مني انحنه لدربكم راهنه
لا تكطعون. تٱذون. كلبي بالبعد  اليجيني هم يرد  اشمكم كالورد
انتم الروح.  والجروح   تطيبوها وعلي  بزيارتكم  الي  يحبابي وهلي
شايل هموم  يمظلوم  تزول بطلعته. ويعجل غيبته و انتم صحبته
عيني تبراكم وحق سيد المله
هذا صوت الحسين من كربلا
###################
ابو احمد الصالحي

تعال ولا تضل اتاني باجر عالباب الخيمه منتظرك يزاير.
احفظ شكلي هذا وردلي ياريت
هلا بكد الطريج منين ماجيت. يزاير يزاير
@@@@@@@@@@@@@@@@
وعودك. وصمودك. الرايه من تسير احفظ عمودك
وجودك. ردودك منتظرك سنه كله عالمودك
رفرف الرايه. للغايه مشايه حتما ترتقي
الموعد هناكه نبغاكه. وياكه. يمه نلتقي
عشكنه وليحبه يصير تاجر اعمه الما يشوف حسين حاير
طريجك لو اجيت نرشه جكليت
هلا بكد الطريج منين ماجيت يزاير. يزاير
$$$$$$$$$$$$$$$$$$$$
بسلامه. بجدامه طلع متحفي كل خطوه علامه
قيامه. وكلامه. بخدر ها زينب وحركت خيامه
دمعة عيونه. بجفونه وديونه اخذ منه وعد
مايلومونه يكطعونه يفجرونه. ميعوف العهد

لو دربك يترسونه مگابر ابد وقعنا من دم المناحر
ايدي بايد اخوي بدمها شديت
هلا بكد الطريج منين ماجيت. يزاير. يزاير
$$$$$$$$$$$$$$$$$$$$$$
شبابك. وغيابك. ابد لا تعتذر مهما اسبابك
احبابك. عالبابك اول خطوه سجلها بكتابك
تحفظك الزهره. والعتره بالفطره. كلبك رتله
اتمر بامره. وتنصره وتحضره .جاي لكربلا

كل خطوه الك تعني منابر بروحك خضرت نبعة شعاير
فرض حب الزياره عليك اديت
هلا بكد الطريج منين ماجيت يزاير. يزاير
$$$$$$$$$$$$$$$$$$$$$$
دعائك لسمائك بدرب مشايته اطلب دوائك
لوائك. بولائك. مثل حسين يازاير عطائك

ادعي للخادم. ظل نادم يالقادم من كل دول
حسدته الوادم. يالعالم. رد سالم. بقافلة الاول
بعون الله سنة التجي حاضر كعبة حسين للعشاق صاير
سبع اطواف طوف حسين كالبيت
هلا بكد الطريج منين ماجيت. يزاير. يزاير
$$$$$$$$$$$$$$$$$$$
ابو احمد الصالحي

علنت الدنيا حداد. ولبست اثياب السواد
، وامحمداه وامحمداه ،
~~~~~~~~~~~~~~~~
تمايلت رادت تطيح اهتزت السبعه سوه
غابت الشمس لغيابه ونكسف ضيه الضوه
ختنكت الدنيا لمحمد ونكطع شم الهوه
من علومك بعده يجري دين بارينا ارتوه
نادت السبعه الشداد. ولبست اثياب السواد
،. وامحمداه وامحمداه
~~~~~~~~~~~~
هذا عزائيل واكف استأذنك لمن دخل
وبعض من يدعي الصحابه بنارهم بابك شعل
غصبا عليهم عصابه الزعل والي ما زعل
الغصب حق الخلافه من علي خير العمل
الله يفضحهم اراد. ولبست اثياب السواد
،. وامحمداه. وامحمداه
~~~~~~~~~~~~~
حزنت عليك المدينه وجلجلت ساعة ظلام
وفاطمه بنتك تنادي ياابا القاسم سلام
بعد عينك عين بنتك بويه حتما ماتنام
مصيبتك هدت كياني ورجلي ماتحمل قيام
اخذني للفردوس غاد. ولبست ثياب السواد
،،. وامحمداه. وامحمداه
~~~~~~~~~~~~~
يجرح امصابك يبويه شوف دمعي مايجف
حيدر يأن المصابك وصبح وجه منخطف
والحسن دمعه يصبه احسين لسه يرتجف
ابد مو هين علينه امصابه عالامه كلف
انت للاسلام هاد ولبست ثياب السواد
،. وامحمداه. وامحمداه
~~~~~~~~~~~~
ياحبيب الباري مهلا لا تروح ونفتجع
قلب بنتك بعد عينك عالمصابك ينصدع
وعله الباطل مو عالحق ليش كومك تجتمع
لسه صوتك علي بعدي بغدير خم ينسمع
خانو الجانو سداد. ولبست ثياب السواد
'. وامحمداه. وامحمداه
~~~~~~~~~~~
ابو احمد الصالحي

حيا الله. الاكبر علي.     حيا الله الاكبر

اول فدائي لنبي علي
واخر مجاهد يرتجز. علي
بطف كربلا اول هاشمي علي
ما تحلى حومه بلا ذكر علي
علي حومه ودخل ليها. علي بحيل الله يلويها. علي نار ويطفيها. اذا يندب علي

علي غاره    عالكل حاره   علي نور الله بستاره
علي بجفه الفلك داره    يحط كل عشره بكتاره
لهيب الطف بدت ترعد إذا يزعل علي
حيالله الاكبر علي. حيا الله الاكبر



منهو البرز من الخيم علي
من الكبر كالو نزل علي
هز الرمح ظل يرتجز علي
انا علي بن حسين بن علي
علي لاكه العده بصدره   علي ما ثنه بالطبره
الناس تموت بالخزره.  اذا ينظر علي
علي بجيده. كسر قيده.   رعد هز كربلا رعيده
صكر وتعله عالصيده   مشو مية الف سيده
شمّر ردنه وتبختر   صعق بالطف علي
حيا الله الاكبر علي. حيا الله الاكبر



جموع الطف بدت تهتف علي
الصواعق  نزلت بسيفه علي
تحس ظربة علي بظربة علي
مثل جده وزن يظرب علي

علي هز السمه ورعدت.  عكس روس العده وصعدت
عجزت خيلها وكعدت.  وبقى يزئر علي
علي يزغبر . علي يطبر    يرفع رأسه ويكبر
يلم بسيفه ويطشر       يفتك ساعه ويجبر
مثل حبه ويكلبها   بيده الطف علي
حيا الله الاكبر علي. حيا الله الاكبر



وفه بدمه لبو اليمه علي
شبك مهره لزم صدره علي
انحنى لحسين من سلم علي
هوه والكاع  صاحت ياعلي
يسمع صوته ابو اليمه     تمدد بالحرب يمه
يضمه ساعه ويشمه.   منو مثلك علي
علي  بعدك     عله وعدك    حسين وغيري شعندك
عله الدنيا العفا بعدك. شبيه المصطفى جدك
بقيت لهمها ولغمها. استراح انت علي
حيا الله الاكبر علي. حيا الله الاكبر


تمت
ابو احمد الصالحي

هذا عزانا كل سنه. يعباس مولانا


والطمه لازم تنسمع.   يعباس مولانا
نلطم لحد كسر الضلع. يعباس مولانا
دم عيني تجري مو دمع يعباس مولانا


ماطاب زاد ولا هنه يعباس مولانا 
#######################
وثق لطمتك عالصدر    يعباس مولانا
الليله نخسف اجمل بدر.  يعباس مولانا
مو مكبل صوابه غدر.    يعباس مولانا
والنهر لمن عاينه.  يعباس مولانا
######################
بيده غرف غرفه وذكر   يعباس مولانا
عبد الله شابح عالنهر. يعباس مولانا
من الماي عطشان احتظر  يعباس مولانا
شد وللخيام اعتنه.  يعباس مولانا
########################
عينه مشبحه عالخيم. يعباس مولانا
وبيمنته يرف العلم.  يعباس مولانا
ياوسفه جوده ماسلم.   يعباس مولانا
من كطعوا اليمنه انحنه.  يعباس مولانا
#######################
كطعوا اليسره  من الوتد يعباس مولانا
وبراسه يا ويلي عمد يعباس مولانا
عباس مايرجع بعد. يعباس مولانا
كل العوالم  محزنه  يعباس مولانا
######################
طاح الكمر ياشيعته.  يعباس مولانا
عالوجه صارت طيحته.  يعباس مولانا
لا يسرته ولا يمنته يعباس مولانا
وحسين من عنده دنه.   يعباس مولانا
######################
ابو احمد الصالحي

راس الحسين ع يلتقي برأس العباس.  ع. انبرى راس العباس وقال لماذا اخي ركبتك مايله ودمك يسيل والله لو عندي نفس واحد لم ابخله عليك



يخويه حسين راسك  لا تميله
ودمك عله وجهك  من تسيله
اخوك الفحل ينفصم حيله
ويكطع الصخر ونت خليله

يجاوبه راس  الحسين ع


يخوي همام البراسي ثجيله
هاي مصيبتي بخدر العقيله
يسيره نسبت عالناكه الهزيله
بعد ياهو اليجيها وتشتكيله
لا حسين اجاها ولا كفيله

ابو احمد الصالحي

نور الحسين زهئ الليله بسمانه
الف مبروك يزهرتنه وضونه
طش الورود ياحيدر
حسين مولود ياحيدر
******
ثلاثه شعبان اجت اول ولاده
ثلاثه شعبان بدت بينه السعاده
ثلاثه شعبان للحسين القيادة
لثلاثه شعبان اله تلوك السيادة
افتخر زود ياحيدر
حسين مولود ياحيدر
*******
الف مبروك. يابضعة نبينه
الف مبروك يشع هالنور بينه
الف مبروك بالحسين ابتدينه
الف مبروك نزفها تهانينه
اسمه موجود ياحيدر
حسين مولود ياحيدر
*******
يم الحسين ملائك حور نزلت
يم الحسين  السما كله تعنت
يم الحسين الزجيه الليله فرحت
يم الحسين تهاني وفرح زفت
افرح اردود ياحيدر
حسين مولود ياحيدر
******
ياهو الهاب  اله انقل كلامي
ياهو الهاب  ابث شوقي وهيامي
ياهو الهاب  ابي توصل سلامي
ياهو الهاب لابو اليمه امامي
يمه موجود ياحيدر
حسين مولود ياحيدر
******
امنياتي.  اشم كبره ابو اليمه
امنياتي . وطوف بحرقه يمه
امنياتي . واهني الزهرة امه
امنياتي . وشم نحره وضمه
بمهجتي يعود ياحيدر
حسين مولود ياحيدر
*****
اشكر الله . على هذي المسيه
اشكر الله  . بفرح تبقى  الزجيه
اشكر الله . الفرح عم البريه
اشكر الله . وعلي وطه نبيه
الصبر مريود ياحيدر
حسين مولود ياحيدر
*******
تمت ابو احمد الصالحي