💐أزهيري💐


هيّمت گـلـب المحب مـايـوم گـلـبـه  .. ملَك
السَموه خـادم الـك يـشـعـر بـروحـه  .. ملك
اي وحـق ربي العلي الكلشي بقدرته  .. ملك

🌷🌷🌷🌷🌷🌷🌷🌷🌷🌷🌷🌷🌷🌷

تحمل صفات النبي نفس الـصـفـه  ..  والسمه
تـتبـاهـه بـيـك الأرض گـامـت تـره  ..  والسمه
اهـواي حـيـل الـفـرق بـيـن الـنـزل  ..  والسمه

نـاذر حـيـاتـي الـك يـحـسـيـن اخـذهه مُلك

🌷🌷🌷🌷🌷🌷🌷🌷🌷🌷🌷🌷🌷🌷

✍خادم الحسين ع
الشاعر رعد الجريخي

زهيري مولد
أداء عصام المحمداوي في
كلمات الشاعر رعد الجريخي

(مبارك لكم)


بالفراح بالفراح         نـزلـت أمـلاك الـسـمـه
بالفراح بالفراح        ألـلـيلـه هـنـت فـاطـمـه
                      
                      
   ❤️                  ❤️               ❤️

نـزلـت أمـلاك الـعـرش    فـرحانـه فـرحانـه
الـليلـه هـنـت فـاطـمـه    ويــانــه ويــانــه
الكمـر دنـگ والشمس   خـجـلانـه خـجـلانـه
حسين بـنّواره السمـه   حيـرانـه حيـرانـه

صلاواة صلاواة     بـالـمـهـد ويـشـع ضـوه
صلاواة صلاواة      نـفـرح بـجـيـتـه سـوه

❤️               ❤️            ❤️


أحله فرحـه بـمـولـده    محلاهه محلاهه
سطع نوره والـسـمـه     ضواهـه ضواهـه
بجيته فرحة فـاطمـه   خـلاهـه خـلاهـه
بخدمته بطول الزمن    نـتبـاهه نـتـباهـه

موالين موالين     أسـمـه دوم أنـردده
موالين موالين     والـفــرح تـوه بـده

❤️                    ❤️                ❤️

هايه فرحه للمحب    مـيـلاده مـيـلاده
تفتخر بسمه الخدم    والساده والساده
بمولده شعبان تبدي   أعـيـاده أعـيـاده
فـرح گلبي والحـزن    مــاراده مــاراده

يخدام يخدام      أحلـه خـدمـه خدمتـه
يخدام يخدام     الـليـلـه هـايــه لـيـلـتـه

❤️                   ❤️               ❤️

والـلـه محتار الـوصف   بعيونـه بعيونـه
ومنه خجـلان الـكـمـر   تدرونـه تدرونـه
هـايـم بحبه وصـرت   مجنونـه مجنونـه
الدنيا ماتسوه أحسهه   أبـدونـه أبـدونـه

يلومون يلومون    بـيه خلـهه العـاذله
يلومون يلومون    عمـري أنـطيـته اله

❤️                  ❤️                 ❤️

ثوب الأسود والحزن   ذبـيـنـه ذبـيـنـه
الـيـوم كـلنـه نـهـتـف   الوالينـه الوالينـه
أنبـارك الحيدر عـلـي   ألتمينه ألتـمـينـه
وأمـه فـاطـم والنبي   هـادينـه هـادينـه

نعلّيه نعلّيه     هـذا صـوت الرافضه
نعلّيه نعلّيه     رغـم أنـف الـمـارضـه

❤️                   ❤️                 ❤️

خـادم الـحـسـيـن ع
الشاعر رعد الجريخي

نسألكم الدعاء

قصيدة مولد
اداء عصام المحمداوي
الشاعر المتألق رعد الجريخي

اللهم عَجّل لوليك الفرج

ابوذيات
بعنوان حادي الشوگ


يـحــادي الـشــوگ للـمـحـبـوب.. وَدنـه
لٱبِــن الـلــي وصــل قـوســيــن.. وَدنـه
نــشــوفــه ونـلــهــج ابـطــرواه.. ودنـه

ونـكـحـل اعـيــونــه بــهــاي الـمـسـيــه

                                     *---------------*---------------*

يـحـادي الـشــوگ اخـذ الـشـوگ.. وَصله
لـبـو صـالـح حـلـيـف الــصــبــر .. وَصله
مـــن غــاب وعـلـيـنـه انـگــطــع.. وَصله

نـدعـي ايـرد شــبــل حـامـي الـحـمــيــه

                                     *---------------*---------------*

يـحـادي الـشــوگ ألـه بـكـل روح.. حَـنـه
تــركـنـه وكــل ظــهـر مــن غــاب.. حـَنـه
نــذر مــن يــرجـــع امـحـضـريـن.. حِـنـه

نـحــنـّـي اچـفـوفـنـه ابـجـيـتـه الـبـهـيّـه

                                     *---------------*---------------*

✍خادم صاحب الزمان ((عج))
الشاعر رعد الجريخي💔

قصيدة لحادثه اطفال البصرة لسان حال الام 

لــيش تأخرو مو صــــــــارت الحله 
والطــــلاب رجعو كلــــــــمن لأهــله 

اباوع لدرب مابي اثـــر طــــــــلاب 
وبده الخوف عله كلبي برمح يدخله

وين انشـــــد ودور وين اروح لوين 
وحس جدامي صارت بيهه الف عله

واجت اطفال تركض تبجي من الخوف
مثل ركضـــــــة اطفال حسين عل تله 

صحت يمه شكو فهموني شنهو الصار 
سكتو ماحجو ودمـــــــــوع منهمله 

واحد صاح خاله ابنج عله الــــــــكاع 
انسحك ومن السحك ضيع رسم شكله 

واحد كال شفته من  امتـحنه انشاء 
وشفت انه المـــعلم ورده كاتــبله 
وطلعنه ودفتره ضل باقي بالرحله 


الشاعر مصطفى الحسني

قناة أّئمًةّ أّلَبًقُيِّعٌ
یوسف الزهراءع 💔

قصيدة لاطفال حادث البصرة
بصوت عصام المحمداوي
كلمات الشاعر مصطفى الحسني

#نعي_بحق_الشهداء 

الحزن خاويـته يالخاويت التراب
امن اذكرك احـترگ وتغورج العين
الك ناصــب بگلبي بيت الاحــزان
ومثل يعگوب اضلن انحب اسنين
الك كل لحظه يالمحــبوب اشتاگ
وضـل ارسم صــــورك بالحياطين
يلچمني الـجرح لو ســـــولفو بيك
ومــن گد الهظم ينزف سجاچين
امن گولن خويه الزم بيدي الصفاح
وصيــــــحن اخ رحتو يالعزيزين
احس تنــخر ابعظمي ألآم الوداع
وظـهري ينكسر يالــغـالــي نصين
ترى اليفگد عضيده يعيش مالوم
بعد مثل اليفـگده ايحصل امنين
گطعت اهروش گلبي ابروحتك هاي
يالضــــحيت دمك فدوه الحسين

✍كلمات ام زين العابدين اللامي

نعي حزين بصوت عصام المحمداوي
كلمات الشاعرة أم زين العابدين اللامي

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0