سفینه حسین مـن آل النـــجابه،،،
سفینه حسین والله النـــــجابه،،،،
سفینه حسین وراکبها النـــجابه،،،
نجح والــــما رکـــب طاح ابهبیه،،،

ام مهدی مجدم✍

حـكــام الـعـرب نـومـه شملهم،،،،
واهلــنا امطشره وشتت شملهم،،،
الاهي جيشنا ابنــصـرك شملهم،،،
بأبابيلك تــــــــدمر العنصريه،،،،

✍️ام مهدي مجدم

گلب کل شیعي من صهیون منطر،،،
فــرح صاروخ خیبــر شافه منطر،،، 🚀
ابضریحك یا علـــی الکرار منطر،،،
اختمت توقیك یا حامی الحمیه،،،

ام مهدی مجدم✍🏻
🚀🚀🚀🚀🚀🚀🚀🚀🚀🚀🚀🚀

الـــحرب غـــزه اریــد اشعر ولاحن،،،،
علیــــهم غــــــیر قائـــدنــه ولاحن،،،،
ابهدف صاروخ شیعت علی ولاحن،،،،🚀
وکــــــــــسر اخشومهم الصهیونیه،،،

ام مهدی مجدم✍🏻

وصية ام البنين عليها السلام
الئ ابا الفضل العباس ع👇
〰️〰️〰️〰️
مني اسمع وصيه يالولد يبني
اريد اعمامتك بالطف تشيمني
〰️〰️〰️✍️
اعرفنك شجاع وصولتك صوله
انت اربات حيدر وابن الفحوله
طر ميدانهم سوي الحرب جوله
وبجيش الاعادي اطشر وتفني
يبني الخوش زلمه يموت متهني
〰️〰️〰️✍️
طرها المعركه وتحزم ابزودك
اريد اعله الشريعه تگطع ازنودك
ظميتك ذخر الزينب وعودك
گدها انت وشجاع وماتخيبني
يبني الخوش زلمه يموت متهني
〰️〰️〰️✍️
ياحد للمراجل بيك الكفايه
هايه ساعتك يبني اوصلت هايه
شد درعك ييمه وعلك الرايه
اوصوب الغاظريه روح متعني
يبني الخوش زلمه يموت متهني
〰️〰️〰️✍️
اتعنئ الكربله وسجل بطولاتك
سبع الگنطره ومعروفه صولاتك
ارفع راسي يمه وراس اخياتك
اريد اسمع اخبارك كون توصلني
يبني الخوش زلمه يموت متهني
〰️〰️〰️✍️
اريد تعيد خيبر بيهم من اجديد
وبروس العده تنترس كون البيد
يافارس مضر ياحيد يا صنديد
الهذا اليوم يبني شالتك بطني
يبني الخوش زلمه يموت متهني
〰️〰️〰️✍️
تمـت والحمد لله 🖊️بقلم
خادمة الحسين عليه السلام
✍️ام محمد التميميه لا يجوز
تغير الاسم ❌
https://www.tg-me.com/duopsnrnaspe

💫قصيده للعيله ع💫
💫ليلة الرحل ظعن اهلها عنها💫
〰️〰️〰️〰️〰️〰️〰️
شلون حالج ياالعليله اليله
حسين شال وآخذ كل العيله
〰️〰️〰️〰️✍️
شلون حالج ياالعليله ابدراهم
شالو وتبطي عليج أخبارهم
شلون لو مر ونشد خطارهم
شعندج من اخبار شتكليله
〰️〰️〰️〰️✍️
شلون حالج يالبقيتي بلا اهل
وحيده شتسوين لوحان الاجل
الدار وحشه وبس دمع عينج يهل
ياهو من ظيم المرض تشكيله
〰️〰️〰️〰️✍️
كل مريضه تريد عون اله وسند
يزيل همها الابوا لو يمها گعد
وانتي ظعن الاهل شال ومايرد
وگلبج الحمزون شتسويله
〰️〰️〰️〰️✍️
ياعذاب الينحمل ياهو اليهون
وانتي تدرين الاهل لامايجون
لايرد عباس لاجعفر لاعون
شلون لو عبدالله تشتاگيله
〰️〰️〰️〰️✍️
شنهي حالج من تصدين المهد
خالي من امناغه عبدالله بعد
الظحكه راحت من ظعنهم ابتعد
لايجيج ولاانتي الترحيله
〰️〰️〰️〰️✍️
لايجون ولاإلهم طارش يجي
وانتي سمهج المناحه والبجي
الشالوا اهله للمنايه شيرتجي
الصبر من الله اليشد بيه حيله
〰️〰️〰️〰️✍️
تمت والحمدلله 🖊️بقلم
ام محمد التميميه
لايجوز تغير الاسم ❌
https://www.tg-me.com/duopsnrnaspe

💫قصيده الشجاعت العباس💫
👇
〰️〰️〰️〰️〰️〰️〰️
رجفت كربله العباس طب بيها
يعني الموت اجاها وحول اعليها
〰️〰️〰️〰️✍️
رجفت كربله وتغيرت الاوظاع
ماظلت زلم تنذكر بيها اسباع
نزل عباس مثل الرعد طر الگاع
( والجيش ارتد من اعيونه)
〰️〰️〰️〰️✍️
ثبت رايته ودگهن صواوينه
هوس وارتجل والسيف بيمنه
تتراجف زملهم من تصد عينه
(عباس اتخوف نظراته )
〰️〰️〰️〰️✍️

يتمايز حصاد منين يبديها
ناوي اعله العساكر كله يفنيها
ويتخير اكبار الروس يمحيها
( يگصب مايرحم بتاره)
〰️〰️〰️〰️✍️
گلبها الميمنه عل المسيره بيده
وخله الدم يسيح وتارس البيده
وتنومس حسين بهدت اعظيده
(زينب وحسين ينظروله)
〰️〰️〰️〰️✍️
يگصب گصب كام خيار باالقاده
ماخذها الشجاعه من اهله واجداده
فخر الهاشميه وهيبت الساده
( ماخذ من حيدر صولاته)
〰️〰️〰️〰️✍️
هذا يموت خوف وذاك من سيفه
وعباس المنايه صارت بكيفه
سبع الگنطره من الزغر تكليفه
( حيدر وحسين مكلفينه)
〰️〰️〰️〰️✍️
تمت والحمدلله 🖊️بقلم
خادمة الحسين عليه السلام
🖊️ام محمد التميميه
لايجوز تغير الاسم ❌
https://www.tg-me.com/duopsnrnaspe

بعد ماون اذا صابتني حسبات،،
             ولا يـــهمل دمع واتهل العيون،،،

شفت منه زماني هواي نكبات،،
            وأسف ياخلتي بحالي ميدرون،،،

أضحك چذب بيني وروحي مرات
            واكتمهن ابگلبي وبلچي اتهون،،،

الالم ماينحچي واصبرله ساعات
        واحس ابربعي من اضحك يضوجون،،،، 

وابچـي لا اغثهم ابـسيل دمعات،،،
           لجــل حزني اليخليهم يفرحون،،،

المثلهم ما شفت من یا بشر ذول،،
           ابمیزان الذهب واهمه یزیدون،،،

انهد حيلي من اسولف بالملامات
      وطحت طيحة اكحيل من اليهدون،،،

  ✍️ ام مهدي مجدم

قصيده لسان حال السيده زينب
لفراق أخاها العباس ع

💫💫💫💫
https://www.tg-me.com/duopsnrnaspe
وصلنه العلگمي وتفارگينه
نام ونومته طالت والينه
😭😭
وصلنه العلگمي وفل الكفاله
اظن نوم الثره الوالي حلاله
من غاب الگمر ياهو ابداله
يانور اليشع عگبه علينه
😭😭
يم العلگمي ومني الگمر غاب
ظل اعله الشريعه وسادته اتراب
راح البيه حميه ويسوه العتاب
بعد ظنه الولي يهل ويجينه
😭😭
بعد ظنه يهل بدر العشيره
حرت انه الوجه لاوين اديره
رحت مجتفه عگبه ويسيره
نام وما سمع وننه وبجينه
😭😭
مايدري صفت زينب سبيه
ومجتوفه دخلت ديوان اميه
عليه ا تفرج المابيه حميه
عدهم عيد ويشتمون بينه
😭😭
كلها معيده وادگ بل الطبول
ونام الي كفلني ونومته اطول
لاشهر ويرد لايرجع ابحول
وعدوان وكفر عالوا علينه
😭😭
ينوم العلگمي مأمنه جيه
مايدري الكفل عالوا عليه
مهظومه واون صبح ومسيه
اطفال وحرم وشلون بينه
😭😭
تمت والحمدلله 🖊️بقلم خادمة الحسين عليه السلام 🖊️ام محمد التميميه
لايجوز تغير الاسم ❌

غیــــر المهدی للشیعـــــه منالعین،،،
والله و شــــوفته صارت مُنالعین،،،
جــــرح الغیبه ظل ینزف منالعین،،،
تریــــــد اتکحلها ابطلـــعه ابهیه،،،

ام مهدی مجدم✍🏻

قــــطـار الـــــعمر ظل یگطع بریله،،،
ابقهـــــــرو ایصیح لــــلذمه بریله،،،
الکتلـــنی ودچ عـــله گبری بریله،،،
ابکــــــــل دچه یحط طگات بیه،،،

ام مهدی مجدم✍🏻

عــــله المـايسوه روحي لاتعتبي،،،
والمــو رابـي بالمضايف لاتعتبي،،،
الغبـــر منـه الچبد دايـم لاتعتبي،،،
يضـــل دايه لمن تدنى المنيه،،،

ام مهدي مجدم✍

ـــــــــــــــــــــــــــــــــــــــــــــ
حـــد طبــگ السـنـون اوياي لاچن،،،
فچــوچ العــوز مني وعيب لاچن،،،
أبدليـــلي وخــلفـن بيـه قهر لاچن،،
خـــلل ما صار ويــن الحك عليه،،،

ام مهدي مجدم✍

هلــی لبسوا چفافی من صقرهم،،،
هلي ولــو طار طاير من صقرهم،،،
يــرد و يحوم ينزل من صقرهم،،،
الـــحر وهلـــه اربـــات اليــعربيه

✍️ ام مهدي مجدم

قال شاعر مجهول الهویه متشمتاً بنا بسبی عمتنا السیده زینب (س) وهوه یوجه سوال لبنی هاشم(الساده) وایضا طلب الجواب من شعراء بنو هاشم
یقول👇🏻
---‐‐-‐--‐‐--
یهاشم چا خله من الزلم بتکم
اوخلیتو یسیــــره تروح بتکم
اشماله الدهر منکم گطع بتکم
اوخله بیـــــوتکم منکم خلیه

--------------‐-
الجواب اقول لهو وکان رداً علی بیته👇🏻
-------‐--‐---‐-
استنادا لقول الله تعالی
بسم الله الرحمن الرحیم.
 «فِي بُيُوتٍ أَذِنَ اللهُ أَنْ تُرْفَعَ وَ يُذْكَرَ فِيهَا اسْمُهُ»
ولقول الامام (( القتل لنا عاده وکرامتنا من الله الشهاده))
ــــــــــــــــــ

نٓــــــزل جبـريل خادم بيه بتنه،،،
ابتسبيح وقـــــداسه اليل بتنه،،،
الهـــــزت أقــصـور الشـام بتنه،،،
وذلــت طاغي شام الــكفر هيه،،،

ام مهدي مجدم✍🏻
ــــــــــــــــــــــــــــــــــــ
العـدل والحگ فخرنا های بتنه،،،
اعـدانه من اسم عمنه های بتنه،،،
الصبر صایر رمزهــا های بتنه،،،
علـــــم حـجب وحـیآ الفاطمیه،،،
✍️ام مهدی مجدم
ـــــــــــــــــــــــــــــــــ
مهـبـط للــوحي مــن چـــان بتنه،،،
ابـخرايـب بــــعد عٓــز الٓـدار بتنه،،،
عساك اتشوف خويـــه ويـن بتنه،،،
ابغــــرب مــاتت يعـــز الهاشميه،،،

خادمة اهل البیت ع
ام مهدي مجدم✍🏻

ابوذیات علیهم


حبــــي من اليـهل ثابت عليهم،،،
عتـــره طـاهره وحيــدر عليهم،،،
العليه هم يلتجي بهــمه عليهم،،،
سرور النفس دنـــيه واخرية،،،
ام مهدی مجدم ✍🏻
ـــــــــــــــــــــــــــــــ
هلی ثــــوب الستر لایــج علیهم،،،
یزیـــلون الـــوصل حیهم علیهم،،،
بیــــهم طـــبع من حیدر علیهم،،،
الکرم ویا الوفا الهـــم سجیه،،،
✍️ام مهدی مجدم
ـــــــــــــــــــــــ
ســــاده ولایـــجه الخضره علیهم،،،
مــــن جـــدهم ورث حیدر علیهم،،،
یزیلــــونه الوصـــل الهُــم علیهم،،،
وينشــــفون الــــــدمع بالموزميه،،

ام مهدی مجدم✍🏻

یازینـــــب شدی احزامچ ولامای،،،
الیــــتامه لا ذرا عدهم ولامای،،،
تشب نیــــران و ایزود ولامای،،،
مـــن اشوف الشمریضربها رقیه،،
✍️ام مهدی مجدم

💫نعي الخوان زينب ع💫
لسان حالها يگول👇

😭😭

هنا يل مظيعه وياي وني
وطبگي حزنج فوگ حزني
انه الي انذبح سبعين مني
وانه النوايب دوهنني
😭😭
بجيي الاحنان يريد عونات
اونن يل مثل حالي مضيعات
وخل تنحب الفگدت شبابات
غطت زلم وسفه الترابات
😭😭

انه الفارگت عباس وحسين
وانه الظيعت شبان حلوين
وين النويني وكرت العين
اوين البل كلافه بيه تزمطين
😭😭
عاالرمل خواني عفتهم
وغصبن عليه فاركتهم
لاشييعت لاني ادفنتهم
ذاري الرمل صاير جفنهم
😭😭
فگد الاخوان يهدم الحيل
وانه اخوتي راحوا مجاتيل
ماظل ولي بس العليل
امجتفين ادينه بل زناجيل
😭😭
تمت والحمدلله ✍️
خادمة الحسين عليه السلام
✍️ام محمد التميميه
لايجوز تغير الاسم ❌
https://www.tg-me.com/duopsnrnaspe

💫قصيده يوم العاشر من محرم💫بعد مقتل الامام الحسين عليه السلام
😭😭💔

طاح الحسين يزينب طاح الحسين
بـــل الميادين يزينب بل الميادين

الشمر حزه منحره
طاح اخوچ اعله الثره

ماتلحگين يـــــزينب مـــاتلحگين
طاح الحسين يزينب طاح الحسين
🖊️🖊️🖊️
طاح شیـــخ الزلــم حزو رگبته
فـــوگ صدره الشمر ثنه رکـبته
للخـــیم ردت و تصـهل مهــرته

الدنیه حمره و ضغبره
طاح اخوج اعله الثره
قــرت العیـــن یـــزینب قرت العین
طاح الحسین یزینب طاح الحسین

🖊️🖊️🖊️
فوگ ذبحه الخيل داست جثته
خيول اميه بل حوافر طحنته
عظام صدره ويه ظهره طبگته

عظام صدره مكسره
طاح اخوچ اعله الثره
هــلي العـــــين يزينب هلي العين
طاح الحسين يزينب طاح الحسين
🖊️🖊️🖊️

انشال راسه علـــرمح یگطر دمه
اتنـــوح یم الجثه نزلت فاطمه
ولطـــمت علراس املاک السمه

طلعي شوفي الي جره
طاح اخوچ اعله الثره
وين ترحين يزينب وين ترحين
طاح الحسين يزينب طاح الحسين
🖊️🖊️🖊️

اتلگــی مهر حسين هل تصهل لفت
املطخه ابدمه واظنها دم بچت
یا هظیمه اتصيح لخیمچ اجت

المهره اجتج مذعره
طاح اخوج اعله الثره
چــــبده نصين يزينب جبده نصين
طاح الحسين يزينب طاح الحسين

🖊️🖊️🖊️
جروحه الف وتسع مـــــية جرح
وعلگوا راسه يزينب باالرمـح
وباچر تروحين مسبيه الصبح

باچر انتي ميسره
طاح اخوج اعله الثره
بيــــه امثلين يزينب بيه امثلين
طاح الحسين يزينب طاح الحسين

🖊️🖊️🖊️
باچـــر تشوفين ظيم الماجره
باچــــر اطرين اسوگ ميسره
هزلــــه باچر ناگتج يمخدره

ابين غربه امحيره
طاح اخوچ اعله الثره

زيدي الونين يزينب زيـــدي الونين
طاح الحسين يزينب طاح الحسين
🖊️🖊️🖊️
تمت والحمدلله باقلام
الشاعـره ام مهدی مـجدم من الاهواز💫
الشاعره ام محمد التمیمیه من بغداد💫
اشراف وتدقیق ام مهدی مجدم 💫

خادمات الحسين عليه السلام
لايجوز تغير الاسم ❌❌❌
حسين حبه بلگلب من المهد
ودوم اظلـن خادمـه هـذا عهد

✍الشاعره ام مهدي مجدم
https://www.tg-me.com/cooogfg