#مريوميات
أنا عايزة أخلي الحجاب ، ربنا حيغفر لي اكيد
ما ممكن يحاسبني على حتة قماش...

_عموماً كده كل صحابي بيقولوا إني حلوة من دون حجاب ، وشعري حلو ما يستاهل يتقصف بسبب كتمة الطرحه طول اليوم....
_ولا الهيدباند -(ده شنو القرف ده زي الخالات اووف وكمان بيساعد على الجلحات )- ينفع تكوني مجلحه وجبهتك لحد أضنيك... البسي طرحه وحتة الشعره القدام دي ما فيها حاجه بالعكس كده انتي حتبقي وااو رهيييبه..

- ملامحك جميله ما تخفي جمالك وتكوني معقدة
ومتخلفه بالطريقة دي .. السلسل ده رهييب بس
لو تلفي طرحتك وترفيعها وتبيني الحلقات يبقى
الطقم تحفه...
-انتي صغيره ليي بتلبسي عبايات عيشي عمرك
العمر مره - حقيقي العمر مره- وما بتكرر..

في فترة من فترات حياتي كنت عايشه بطريقة
لما أتذكرها بقشعر وبحس قدر شنو انا كنت سطحية ومتخلفه..
تقريبا لحد ما وصلت تالت ثانوي.

اوريكم سطحية كيف ..
حجابي كان على قدرة يعني وما مقتنعه بيه
وكنت حاسه اني مضغوطة، لما امشي المدرسة
أو أطلع مع صحباتي فكان لازم البس حجاب..

الفكرة أنو بشوف نفسي شينه شديد بالحجاب
وملامحي من دونه احلى ...-سبحان الله ما دا الغرض منه- ...

المهم في تالت اخدنا سورة النور .. وحرفيا عانيت
جداً عشان افهم الآيات صح ..
ومسيطرة عليّ أفكار فظيعه....

( سورة أنزلناها وفرضناها....) ..
انا : يعني ي أستاذ هي السورة دي فرض ؟
أستاذ قرشي ربنا يديه الصحه والعافيه ، كان
إنسان رهيب لأنه بحاول ينزل لمدى فهمنا
وإدراكنا وبتعامل مع جهلنا في الفتره ديك
بكل إنسيابيه، بخلينا نسأل ونجاوب على
أسئلتنا وبإجابات تكاد تكون نموذجيه..

ف هو إنصدم صراحه بسؤالي المفاجيء والغبي
في نفس الوقت.. بقى ساكت مسافه يستوعب
انا قصدي شنو...
الأستاذ: القرآن كله فرض ي بنتي..
(إن الذي فرض عليك القرآن لرادك إلى معاد..)
سورة القصص..

سورة النور سورة أحكام وتشريعات وسورة واضحه جداً ..
لما وصلنا لآية الحجاب..
حصل جدل كبير وبيني وبين نفسي صراع فظيع
انا : ي أستاذ يعني الحجاب فرض؟ !
بسأل وانا زعلانه جداً ..
الاستاذ: انتي مؤمنة بالله ..
اي الحمد لله لو ما كده انا بسألك عن الحاجات دي
ليي ..
الاستاذ : يعني مؤمنة بملائكته ورسله وكتبه؟
انا: ...
طيب مؤمنة بالقرآن..
انا : اايوا.

(وليضربن بخمرهن على جيوبهن...)
طيب يا أستاذ ربنا قادر يقول حجاب إشمعنى
(خمرهن) ..
الاستاذ : القرآن نزل لمنو ؟!
انا: نزل على سيدنا محمد صلى الله عليه وسلم ونزل على أمته ..
الاستاذ : أمته اللهي منو يعني ، أمة عربية صح؟!
وكانت قريش افصح العرب واتقنها للغه ...

والخمر هو ما يغطي العقل .. والخمار مشتقه
منها .. إذن
انا: الخمر ما يغطي العقل، العقل في الرأس ، إذن
واضح ..
يعني يا استاذ الحجاب جنة ونار🥺؟!
الاستاذ : ايوا الحجاب جنة ونار ، كل ما هو فرض
جنة ونار وكل ما هو نافله درجة من الجنة .
(وما زال عبدي يتقرب إلي بالنوافل حتى أحبه) ..

اهااا كده في سؤال ..
انا: ليي بدأت سورة النور كده .. (سورة أنزلناها
وفرضناها ..) ..
الاستاذ : (وانزلنا فيها آيات بينات لعلكم تذكرون)
لأن فيها احكام كثيرة ، ومهمة جداً .

دا بعني اني خلاص كده بقيت عالمة بالأمر ده
ومتيقنة ان الحجاب فرض ، مش زي ما كنت
فاكره اني ممكن اكون بعبد ربنا وبصلي وبصوم
بس من دونه، يعني لما يكون عندنا عرس ما ينفع
البس كعب ومن دون طرحه.... وحاتحاسب على
معرفتي وأستهين بمعصية الله ..!
-دقيقه طالما بتعبدي ربنا وبتحبيه طيب ما تمشي
على طريق ربنا وتعاندي هوى النفس ...

يعني كده انا ما ينفع اعصي ربنا على علم ، ولو
دا شيء هيّن ما كان نزل في سورة عظيمة من
عند ربنا بتبدأ بتنبيه أنها فرض ..
كان أوحى لرسوله أن أخبر أمتك ان تحتجب
نسائها وتستتر...

ربنا رحيم غفور لطيف ، ربنا حكيم ... فما تستهونوا المعصية.. بحجة (الله غفور رحيم)
نعم ولكنه شديد العقاب..

الحجاب ي جماعه ما حتة طرحة ما بتتشاف إلا
بالمجهر ومغطية نص أضان والنص التاني بره..
ورقبتك باينه وشعرك والبيبي هير التعبتي عشان
تعمليه برا الطرحه... في الحاله دي ما ليه لازمه ..
ولا انك تلبسي ضيق ومحزق وملزق وقصير..
هو اصلا ربنا فرض علينا الحجاب عشان الأنثى
تخفي جمالها فلا يُطمع فيها صح ولا شنو.....

ولاااا عشان تكوني متخلفه ورجعية وسط شلتك
ديل اصلا العدم واحد مع أصحاب تخاف تطيع
ربك وسطهم...

واخيراً...
عارفه كترت كلامي
صفات الحجاب : لا يصف ، لا يشف ، ولا يكشف...
واعتقد ان ده كله واضح
وشكراً ✨

#مريم_محمد

_والله إننا في قمة السعادة و الرضا عن أنفُسِنا ..و ما يزيدُنا الانتقادُ إلا تمسُّكاً و عِزة فإنّ سلعة الله غالية.. إنّ سلعة الله الجنة.

_الستر لم و لن يضُرنا لا ديناً ولا دنيا..
نسأل الله الثبات و تمام الهداية 💕

و فرقٌ بين من تمشي بسترٍ ..
و من تمشي بغير الستر فينا💙🧕

من عايزة تخلي الحجاب إلي
فتاة محجبة و من ثم إلي منقبة 💙💙
ربنا يثبتها و يقويها في طريقها و يعينها

+ منقبة 💙💙

هل دي مصادفة ؟
المنقبات اثرهم جميل جداً و الصاحب ساحب
عشان كده انتقي رفيقاتك بحذر

*طلا يُصبح الرجُلُ أَبًا حين يُرزَق بأطفال؛ إنّما يُعرَف الأبُ الحقيقيُّ حتى إنْ كان فتًى أعزَبَ؛ وذلك يتجلّى بامتلاكه الخصال الأبَويّة التي تتضمّن: المسؤولية، الكرم، العطف، الرعاية، الرحمة، فإنّ نزعةَ الأُبُوَّة ليست مشترطةً بتجربة الحصول على أطفال، فَكَم مِن أَبٍ مُتجرِّدٍ منها 💘🪻.

كنت خايف الحرب ماتخلي يكون عندي بيت ارجع ليهو وحصل فعلًا ،بس هسي الخوف الأكبر انو ما يكون عندي وطن اصلاً وبلد استقر فيها واعيش عمري كله خايف ومشرد ونازح.

في ناس ما عندهم إنجازات ملموسة للمجتمع زي:
" الوظيفة و الكورسات ، الارتباط ، الدخل الثابت ، السفر و الشهادات..." و كل الحاجات اللي بنشوفها بعيوننا دي.!!

لكن بتلقاهم عندهم إنجازات قلبك يقدر يحسّها ،زي إنو يقدر يسامحك مهما غلطت ،
إنو عندو طاقة حب تكّفي العالم كلو ،
يقدر يستوعب كل اللي انت حاسس بيهو ،
يكون نفسو طويل معاك ،
إنو يسندك في شدتك و يهونها عليك ،
إنو يكون مصدر سعادة وبهجهة لكل الموجودين حواليهو.

الناس دي عملت إنجازات كتيرة في قلوب كل الحواليهم، بس هم ماشايفنها ، كلنا لينا فايدة في الحياة و لينا أهمية حتي لو الإنجازات دي ما ملموسة♥️

في أوقات بنكون فيها ما كويسين ، مغمورين بإحساس الخوف والوحدة، تفكيرنا مضطرب احساسنا مشتت،
محتاجين حُب زيادة ومراعاة أكتر،
  محتاجين نتعامل برّقه أكتر وكلام
حنيّين يمرقنا ويسحبنا من بؤرةالخوف
والشك في إننا قد يكون ما مرغوب فينا..
أو ربما حُضن ينتشلنا من سوداوية الفكر
ومشاعر الغضب من اي شيء..
محتاجين زول يقعد يسمع من غير لكن، يسمع
لمجرد إنه نحن مهمين وأنه تفتيت خوفنا من
أولوياته..
محتاجين توصلنا محبه بطريقة مباشرة او غير
مباشرة..
بكلمة تخفف او فعل لطيف يلفت انتباهنا في
أشدّ الحوجة لحضن البيت واحتوائة وإلتفاف
أفراده حوالينا ولو لحظة..
قد تكون الحوجة مجرد نظرة منها نفهم
إننا نحن هنا
معاك دايما وأبدا.♥️

السعادة في نظري عمرها ما كانت حاجة صعبة
ولا بعيدة المنال..
قد تمر بينا في اليوم ألفين مره..
وما ندركها!
وقد تكون ملازمة ودايما عارفين
طريقها.
السعادة انك تكون عارف..
عارف قيمة اللحظات البتعيشها..
عارف قيمة الأشياء البتملكها..

والأهم عارف انت عايز شنو ،
وعايز منو جنبك..

ممكن تكون لحظة عشتها بصفاء وفكر
خالي من اي منغصات .
نظرة محبّة في عيون أسرتك.
لحظة فخر بنفسك لمجرد إنك أنت أنت
ومتسامح معاها ومتقبلها بعيوبها قبل
المزايا.
كلمة خلي بالك من نفسك من حد غالي.
فِعّل بسيط من الحواليك .
في عمل قعدت كتير خايف تنهيه
وقد كان وانجزته على أكمل وجه.!
وممكن تكون طاير من السعادة بسبب
شوفتك لشخص كنت فاقدة..
أبدا السعادة ما كانت حدث منتظر..
ولا حاجة بتجي في العمر مره،
ولو مرتبطة بمرحلة بعينها.

السعادة حواليك في كل مكان
ما مشروطة بشيء معين ولا بأسباب
ولو قعدت تفتش لأسبابها ح تمشي
تمشي بعييد وترجع بخفيّ حنين.

حرفياً الشهور بتعدي كأنها ايام، بتعدي علينا ونحنا منتظرين وعشمانين في البرهان يحسم المعركة وينهي الحرب، بس تاني العشم واليقين في الله وحده عشان هو القادر على كل شي، ننتظر ونحنا مطمئنين و واثقين انو الفرج جاي مهما اتأخر.

بأذن الله 🤍

فتحت باب الروح لخيرك الواسع
وحسيت بجيتك من ريحة الأبري في آخر الشارع 😍

اللهم بلغنا رمضان ♥️

اللهم آمين ❤️❤️ ..
ريحة الابري !!
إلا كان تشمه قدحة تاني

هذه تهنئة رسول الله صلى الله عليه وسلم
لأصحابه بقدوم رمضان،
وأنا أهنئكم بها
(أتاكم رمضان شهر يغشاكم الله فيه،، فينزل فيه الرحمة ،، ويحط الخطايا،، ويستجيب الدعاء ويباهي بكم ملائكته، فأروا الله من أنفسكم خيرًا،، فإن الشقي من حرم فيه رحمة الله )...
بلغنا الله وإياكم صيام هذا الشهر المبارك وقيامه،، الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،، الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ ...
مُبارٓكٌ علٓيْكُمْ شّٓهرُ رٓمٓضٓان
وكل عام وأنتم بخير ،،،❤

‏اللهم إنا استودعناڪ رمضان فلا تجعله آخر عهدنا ، وأعده علينا أعواماً عديدة ولا تخرجنا منه إلا مقبولين ومرحومين ومعتوقين من النار 🙏🤍.

ڪل عام و جميعڪم بخير وعافية ، مبارك عليك حلول عيد الفطر المبارڪ ✨🎉
ربي يجعلڪم من الفائزين الغانميين من فضلة و إحسانة و المعتوقين من النار يا عزيز يا رحيم يا جبار..

و ڪل عام و جميعڪم و الامة الإسلامية بخير 💙💙💙

كتَب لها 💙..

أمَّا قبل ، فلا تُكَحِّلي عيناكِ أبدًا ، ولا تقرأي الشعر علنًا ، ولا تضحكي أمام غريب ، ولا تُطيلي الصمت ولا تكثري الكلام ، ولا تفعلي بـ أحد ما تفعلينه بِي ، وإياكِ ثم إياكِ أن تكوني جميله هكذا ..

أمَّا بعد فـ أنـا لا أُغـار عليكِ أبـدًا ..

صباح الخير.... سيرسل الله لُطفا يزيل كل شدّة🖤

اجعلها يـ الله جمعة غآفرة للذنوب ..
مآحية للزلآت ..منقية للنفوس .مجملة بقراءة الكهف.. و متممة بالصلاة على النبي..💛

من ألطافـه الخفيّة سُبحانه ، يُقيِّض لك حتى الآيات، ✨تقع عليها صدفةً فتُلامس شيئًا يجبر خاطرك المكسور 💜

#راحة