tg-me.com/ba8kurdi/3709
Last Update:
ئافرەت و شەوانی قەدر
پرسیار :
ئافره‌ت له شه‌وی قه‌دردا چی بكات بۆ زیادكرنی پاداشت و چاكه‌كانی، له كاتێكدا ئه‌گه‌ر كه‌وتبێته ناو سوڕی مانگانه‌ی؟
ئه‌و شتانه چین كه پێویسته بیانكات؟
وەڵام :
یەکێک لەهەڵەکانی هەندێ لە ئافرەتان ئەوەیە کاتێک لەشەوانی قەدر دەکەونە سوڕی مانگانەوە سارد دەبنەوە لەعیبادەت کردن و زیندوکردنەوەی شەوانی قەدر .
ئاشكرایه كه ئافره‌ت كاتێك له سوڕی مانگانه‌دایه ناتوانێ نوێژ بكات، به‌س ده‌كرێ شه‌وه‌كان به په‌رستشی تر زیندوو بكاته‌وه، له‌وانه:
یەکەم : خوێندنه‌وه‌ی قورئـــان ، بەڵام بە بێ دەست لێدان.
دووەم : زیكره‌كان: وه‌كو (سبحان الله و لا إله إلا الله و الحمد لله) و ئه‌وانی تریش، كه‌وایه: با زۆر بیانڵێ و (سبحان الله و لا إله إلا الله و الحمد لله و سبحان الله وبحمده وسبحان الله العظيم)یش زۆر دووباره بكاته‌وه.
سێیەم : داوای لێخۆشبوون كردن له خودا، واتا: زۆر بڵێ: (أستغفر الله ).
چوارەم : دوعا و پاڕانه‌وه: واتا زۆر له خودا بپاڕێته‌وه و، داوای خێری دونیا و دواڕۆژی لێ بكات، له‌به‌ر ئه‌وه‌ی دوعا له باشترینی په‌رستشه‌كانه، پێغه‌مبه‌ریش صلى الله عليه وسلم ده‌فه‌رموێت: ((الدُّعاءُ هو العبادةُ))
واتا: دوعا و پاڕانه‌وه په‌رستش و عیبادەتە.
كه‌واته: ئافره‌ت له سوڕی مانگانه‌دا ده‌توانێت ئه‌م په‌رستشانه و جگه له‌وانه‌ش له شه‌وی قه‌دردا ئه‌نجام بدات و نابێت سارد ببێتەوە و خۆی بێ بەش بکات لەزیندوکردنەوەی شەوانی قەدر.
...............
خزمەتگوزاری (وەڵامی خێرا) لە کەناڵی بەکورتى
هەر پرسیارێکت هەبوو سەبارەت بە ڕۆژووی ڕەمەزان بینێرە بۆ ئەم لینکە إن شاء الله لە ماوەیەکی کەمدا وەڵام دەدرێیتەوە .
https://www.tg-me.com/malpariba8
BY ماڵپەری به‌هه‌شت www.ba8.org
Share with your friend now:
tg-me.com/ba8kurdi/3709