ضيعتني
بكيفك ورديت تالي
تريد تلگاني
وحزن روحي تلمّه !

غربتني
وچفن مارف لك يخايب
لا رچف گلبك واگول شوية همه ..

غيرتني
وبهت كل لون بخضاري
وآه ياذاك الربيع الضاع حلمه .

لا تسولفلي على حَزنك
أنه أفهمك
وما عليك مَن المسافه
وحتلو نحَچي برسايل
اني يمك
ولا تخاف عليه انت
ولا يهمك
أنه حَزني يضيع مَن اندل ضحكتك
ومن يسئلوني على حلمي
أذكر أسمك
وأمنيتي أعرف
وانت هم مثلي
أسمي حلمك ؟

لا تدليهم بگلبك گول ضاع
گلهم أمنيه وتبخر
ما أظن ينلگه بگاع
گلهم انه بلا شراع
حتى إذا كالوا حضن
گلهم وداع
گلشي گلهم
ياهو يسوه دموع عينك
وياهو يستاهل نشد
وتگله وينك
ليش تعثر
مرة ضم روحك بروحك
مره جذب ناسك
وصدك جروحك.

هَذول احنه الي مانرجع من نروح
اتجاه الدرب واحد عدنا فردي .

منو بگدي
حِچة ويه صَوركم؟
ومِنو مثلي
رغم بُعد المسَافات وحُضنكم
ومِنو مَا يغفى
إذا مَا يدعي ويرَدد بأسمكُم
ومِنو مثلي ، إذا تغيبون
يبهَت لونه، يتمَرض، بعدكُم؟
ومِنو مثلي إذا مركُم حِزن مَينام
ولوجه الصُبح يدعي
الله يطَمن ويجبر گلبكم
مِنو مِن ناسكم مِثلي يحبكم ؟

‏منو مثلي اذا زعلان منك
يرجع يراضيك ؟
منو مثلي يعرفك ما تجي
ويكول انه متانيك !
جذّب بـ الرسالة ودز أحبك حيل
أني وگلبي نعرف جذب ومصدگيك !
تهتم بـ العيون الغمضت گبلك ..
وتتلافه العيون الباچية لـ طاريك
تناقض بيك
تعجز عن محبتي شبيك !

تذبني وارجع لثوبك
منو مثلي يحبك حتى بعيوبك ؟

منو مثلي نجم مفطور ويلالي
نفس كسرات الـ بشعري كسراتك يـ دلالي .

حزنك المن
أبتسم للدنيا تِلگاها إعله زندك طيرة شگرة
سنينك تخبل حرام تصير صحرة .

_

لٱ راضيتني ولا بيه أراضيك
وبقينه فلان رايد شوفه فلان .

وما تفاهمنه بعشگنا
آنه حار و انتَ بارد
و چن مذاهب
حتى لو يتصالحون
يبقى كلمن عنده رايه
و ما جمعهم راي واحد .

وأسمعه يگُللهم
عدت ما تفاهَمنه
على لسانه عبالي ثگيله هالكلمه
عبالي تغورگ عيونه
وعلى متونه يشيل الباقي من هَمه
يشبهني گلت مثلي
يتعب لو خسر حلمه !

هوَ گلبي بلايه حُبك شتسوه دگته ؟

وهو باچر بلا عيونك شنهي لذته ؟

أي وحگ حُبي التركته
موتتني ..
عيشتني بواهس الهستوه يمشي
چانَت أول خطوَة إليه وياك انتَ
وتالي باقي أصرخ وراك بصوت سكته ..

ليش أتاني ، بأي محطة ؟
وكل قطار البي مَجيئك ماكو سكته .

أختيارك
قصة چانت مو حقيقة وعشتها
أعتبر هذا اختيارك
صدفة مو حلوة وشفتها
قوي گلبك
عيش حزنك
راح تتخطى بوكتها .