وەرە وەک بەندەرێ
ئامێزت بکە بە لەنگەرم
تەنیایی دەستڕێژیم لێ ئەکات
من زۆر لە غەریبی دەترسم
بانگم بکە، با ئەوین بکەم بە سەنگەرم.

تۆ لە دەروونمایی
تۆ لە ئاستی زەبوونمایی

لێگەڕێ ئەستێرەکانی شەفەق تاریک بن،
لێگەڕێ بە دوای رووناکیدا بگەرێن و نەیدۆزنەوە
لێگەڕێ هەڵهاتنی ڕۆژ ببینن
بۆچی نە دەرگاکانی ڕەحمی دایکم دائەخات و
نە خەم لە چاوەکانمدا حەشار ئەدات.
بۆ بە مردووی لە دایک نەبووم؟

بۆچی ڕووناکی بە نسیبی کەسانێک دەبێت کە لە نەگبەتیدان و
بۆچی ژیان بە بوونەوەرانێک دەبەخشرێ،
کە ڕۆحێکی ڕەنجاویان هەییە؟
کەسانێک کە وەک خەزێنەیەکی حەشاردراو ئارەزووی مەرگ دەکەن.
ئەوانەی وەختێ دەگەنە گۆڕ
بوونیان لێوڕێژ دەبی لە شادومانی
ئەوانەی ڕێگایان نائاشکرایە و
خوداوەند خستوونیەتە تاریکیەوە.

سەد خۆزگە بەو خۆزگەیە دایکی تۆ لێرە بووایە.

من ئاگادارم حورمەتی ئەو ڕۆژانەی خۆمم چەند هەراج کردووە، وە بەوپەڕی ئاگایی خۆمەوە ئاگاداری ئەوەم پێم خستۆتە سەر بەردێک کە لە هەر ئانوساتێکا بێت لەسەر دەخلیسکێم و پشتم دەشکێ.
تەنیا ئەمەوێ بلێم بە حورمەتی رۆژە بە قەدرەکانی خۆتان دەست لە من هەڵگرن
من ئیدی دەتلێمەوە و تلانەوەی ئەو رۆژانەم بایەخێکی بۆم نیە، چونکە ئەمە بەبەرچاوی خودایەکی بێدەنگەوە ڕوودەدات.
لە خەوێکما پێغەمبەرێک پێی وتم ، ئیدی بۆ هەمیشە و لە هەموو خەوتنێکما خەو دەبینم.
هەموو ئەوەی لە خەونەکانما دەیبینم ژنێکە بە خوێن و گریانە پێم دەڵێت، من نەخۆشم، زۆر نەخۆشبووم، بەڵام چاک بوومەوە
بەخەبەر دێمەوە.
بەڵام هێشتا لە خەوەکەمدام و ئەو ژنە دەبینم کە بەچاوی گوناحکار و شیفادەریش لێم دەڕوانێ!
من هیچ گلەیەکم نیە، دڵنیام ئەوەی کە دەگوزەرێ پلانێکی ئیلاهیە، وە من ئیدی هیچ پرسیارێکیشم نیە .

| سان

وەکوو بیستم خەمت خواردم، ئەویش بۆ من خەمێکی دی
دڵت بۆ ماتەمم سووتا، ئەویشم ماتەمێکی دی

| سەید کامیل

چیرۆکە تێپەڕبووە باشەکانی من
زۆر زوو وەک خەونێک کۆتاییان هات
ئێستا دەبێت سەر لەسەر ئەژنۆ دابنێم
تا قیامەت فرمێسکی حەسرەت بڕێژم.

کام زولێخا
کام یاقوب و بیر و برا
لە تەنیایی و گریانی یوسفیت ئەگات؟

| بەکر عەلی

Nizanim gunhê min çîbû
Hey dunya yê hey dunya yê

لۆلیا، تەنیا تۆ دەتزانی ئەم مرۆڤە چ شکتخواردوویەکە، تەنیا تۆ دەتزانی ئەو بەمزووانە دەست بە بەیانیەکی نوێ ناکات
کەچی لۆلیای دڵ بەرد،جارێک شیوەنت بۆی نەگێرا لە پرسەی هیچ خەونێکی دانەنیشتیت.

| سان

پارێزەری خۆیەتی لەسەر باڵێکی کراوەی
وەك گەردەلوول
بەڵام چاوەکان، چاڵێ خوێن بوون
چاوەکان لە قووڵایی دەرهاتبوون
خوێنی ڕەش لە قووڵایی چاوەکانەوە
بەسەر فراوانی ئاسمانی خاڵیدا دەباران
بەڵام ژیانی بێکۆتا هەر بەردەوام بوو
ئەو تێکشکانی خۆی نۆشی و
برسێتی خۆی وەک خواردن قووتدا

باوەڕ ناکەم ڕۆژ بێتەوە
پێم ناوەتە شەوی ژیانەوە،
بە سەختبوونی ئومێدەکاندا هەست ئەکەم..
تێپەڕبوونی ڕۆژەکان باش نایەتە بەرچاوم
لە کۆڵانەکەدا ئەوەستم و بەخۆم ئەڵێم:
«هەموو ئەوەی دروستم کردووە ژیانێکی هەڵەیە»
ژیانی هەڵە هەرگیز ڕاست نابێتەوە.

ڕەنج و ئازاری مرۆڤ بە زۆری بەرهەمی بڕوابوون بووە بە ئەفسانەکان، بەڵام خودی ئازار هەمیشە ڕاستەقینە بووە.

هاوڕێ بە ئازیز
هاوڕێ بە ئازیز
تەنها بەم دەردەوە مەمێنەوە
کە ئەم دەردە هاوبەشە،
هەرگیز بە تەنیا تەنیا ساڕێژ نابێت
دژواریی ژیان، هەرگیز بۆ ئێمە بێ سەرئێشەی هاوبەش
ئاسان نابێت.