‏"عليه يجرني سلك الغلا، ما جرّني له عرق
‏شمخ فالقلب لو مابه نسب منْ بيني وبينه"
🩵

"عامٍ طويته وودعته مع أحزانه
‏وعام أرتجي تفرد الفرحه أياديها "

‏عليك الغلا مردود يالغايب الموجود
‏سوالف غابت مير طواريك ما غابت
‏
‏غيابك حضورٍ له بصدر البيوت شهود
‏وش اللي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

‏" في كل عام يزود حبّه بعد زود "

‏جعل السنين إللي مضت دفعة بلاّ
‏و عسى السنين المُقبله كلها خير

-

‏ما هو من طبعي أملّ المدينة، وأتبع الغيّاب
‏أنا يوم إنّي أتبع ضحكتك لي عام وش هو له؟

‏سريتك والسّماء ليلة وداع، وقلبَها مرْتَاب
‏وخذيتك وجهةٍ عن غربة الأرواح مجهولة

‏وتسلَّفت الحقايق ما بكيت ولا ضحك لي ناب
‏أشوف إنك [كلامٍ] ما معي قوة على قوله

‏"هلا بك كثر ما ماتت جروح وزانت أخلاقي
‏حسافة عمري اللي قد مضى لي ماعرفتك به

‏تسند بي.. أنا أصدق من ظنون الخايف الهاقي
‏وتعااااال وموطنك صدري اذا حسيت بالغربة"

‏لآخر رمق متماسك الحبل الوثيق
‏إلين صارت معظم أحلامي ورق

‏كل الكلام اللي أقوله - ما يليق
‏دام السكوت اللي أشيله ما فَرَق

‏الأرض ملّت جهد ماعادت تطيق
‏و الناس تندا الناس ما تندا عَرَق

‏مْن البحر دايم ينجّون - الغريق
‏المشكلة باللي على الأرض وغَرَق

‏"إن ضِقت ضاقت لك صدور الناس ووساع الرحاب
‏وإليا أبتهجت الأرض ترتاح وتزين، وتبتهج"

‏أجي فيني عتب يجرح حنيني والسنين عجافّ
‏وأروح ومامعي غير الوله في رحلة الظلمه"

‏"ضحكته قادت لصدري شعور المسرَّه
‏كل مـا شان وقتي؛ يقتفيني أثرهـا"

"‏مالي وطن ثابت ولا لي عناوين
‏والعمر حتى العمر .. ماعاد وافر

‏اسحب سنيني بس مدري على وين
‏حتى وانا مسافر ، افكر اسافر "

‏"عساك بأعمارنا مانت رمضان الأخير
‏ويقبل بك الله دعاي .. وطاعتي وجهدي"

‏"ياواحدٍ جابك الله حلم واعجوبة
‏الأرض ماتليق بك..
‏خذ موطنك صدري

‏قبلك حياتي ترى ماهي بـ مرغوبة
‏وشلون جدّد وجودك رغبتي؟
‏مدري"

جعل غيمٍ يوسّع خاطرك ما يزول
‏وجعل كل الليالي فيك .. متباركه

ماقدر ارد البحر واغير امواجه
لكني اقدر اغير وجهه شراعي

‏"يا شين طعم التغرُّب في ربوع البلاد
‏ويا شين صحوتك كل يوم على هذا الشعور"

‏"أشوفك سحابٍ في مجيّة حيا وأمطار
‏وأشوفك مجي القوم والحرب والسلّه

‏وأشوفك نهارٍ ماتوارى عن الأنظار
‏ياعنّك إنّي أفضّل شموسه على ظلّه

‏تعال إن بدأ لك في دروبي ضحى وديار
‏هذا الصدر مرتع وأنت خابره وتْدلّه

‏وخذ أول شبابي عمر لاشحت الاعمار
‏وإذا كان مايكفي فـداك العمر كلّـه"

‏"يوم أمطرت ربّع شعوري وسال الملام
‏وماكان ناقصني إلّا شوفتك تبتسم"