.

بجرح الذبح والسلسله      زينب شهيدة امسجله
للشام راحت بس جسد     عافت الروح بكربله


***


الشافت اشلون المخيم ناره حمره
صار بين اضلوعهه مو گلب جمره
استشهدت بجروح ابو فاضل وصبره
ويوم سحگت عالضلوع اخيول عشره


بمصباح اهدعش زينب   نعش صعدت على الناگه  
ومو نار الخيم تحرگ     نار الفرگه حرّاگه


الموت لازم بي سبب      وموت العقيلة ابلا عجب
بعشرة محرم ينقري       التاريخ مو نصف برجب


***


بثنعش طبره بگفه حسين ووريده
ماتت بطف كربله زينب شهيده
روحهه راحت لمن بنت الصميده
عاينت خنصر اخوهه ماكو بيده


زينب جرح كاتلهه   ومنه صاحت اسم الله
شافت نحر ابو اليمه  امسوي اوسادته الرملّه


شافت الطبرات اثنعش    وصارت الناگه الهه نعش  
الليله مو وحشتهه لا       وحشتهه من ليل اهدعش


***


وره الطف شلون عاشت، مستحيله
ووجه ابو فاضل هوى اتشمه العقيله
هاي مو ليلة مواجعهه الثگيله
غير ليل اهدعش ماظن عدهه ليلة


زينب عدهه بس ليلة   وآه يا ليلة الحادي
"رماد بگاع"  خيمتهه   وعلى خوانهه اتنادي


محتارة تنظر يا جرح       وامفرهد الراس الرمح
من روحهه صاغت دوه     وشلون يشفه المنذبح


***


گبل ضيم الشام واحزان المدينه
الطف حزن واعله العقيله امفصلينه
والعراق ارض السواد اموصفينه
لابسه الگاع اسود لزينب حزينه


اسئلوا اعيونهه وشوفوا  هناك اثگل دمع سايل
هناك اعله النهر زينب     قرت مجلس لبو فاضل


لأم عون بالطف كل شبر    محنه حفاظاً عالستر
ماتت هناك ام الصبر        سم وذبح بيد الشمر


***


الهه نهر العلگمي كل قطره دمعه
والهه تل الزينبي كل خطوه وگعه
العايفه شمس وگمر عالرمله صرعه
هناك بالطف الهوى لو مرهه ينعه


كل ضيم السبي المرهه     وزينب بالهه ويالطف
شلون حسين ظل عاري    وشلون امدمّه عفت الچف


لاخوانهه اتنوح وتون     لايامهم تبچي وتحن
وبفراگهم زينب صفت    مستشهده بهذا الحزن


***

سعد هادي الشمري



https://www.tg-me.com/joinchat-UShxzSh6DyF31x9W

كلبي ما ينساهم. وروحي دوم وياهم
شيبت يدروني.  من كثر فركاهم
عذبوني.  عذبوني
*
الغالي غالي اشما بعد ما انسه عطره
مدري ليش ايزيد شوكي من اذكره
الفارك احبابه صحت بله اشيصبره
فاركيت العاشروني احله عشره
من جفوني احبابي.  محد الدك بابي
يازمن بجفاهم.  ما يطيب اصوابي
ودعوني.  ودعوني
**
كاعد اعله الباب وبشوكي انتظرهم
للنجف كل ما احن ضليت امرهم
لحضه عن البال ما راحت صورهم
صرت مثل العود يا ناس بهجرهم

من نروح انزورهم.  ليش سكته اكبورهم
واحنه ردنه نكلهم.  ظلمه ضلت دورهم
ما يجوني.  ما يجوني
***
انه كل دورت سنه ابجي عليهم
وللنجف لازم اروح وامشي ليهم
انه حيل ارتاح لو مريت بيهم
بحركه انعه اعله الكبر كل ما اجيهم

فاركوها ديارهم.  وبيه تسعر نارهم
بالمكابر نامو.   وضيعيت اخبارهم
فاركوني.   فاركوني
***
حكي انوح اعله المشو وعميها العيون
اشلون اللنودهم يخلونه ويروحون
كون كل مغرب ولو لحظه تمرون
اشلون ذيج بيوتهم صارت يشوفون

يالخذيتو العافيه.    اجروحكم ما شافيه
ليش بجيتوها.   العين جانت غافيه
ضيعوني.  ضيعوني
**
كلشي من بعد المشو بالدنيه ماريد
لازم اغبش للنجف كل ما يجي العيد
صحت شيفيد العتب يا ناس شيفيد
اخ يا روحي تحن للرايح بعيد

الجان مثل اخيالي.  اهواي عذب حالي
محتفظ بهدومه.   بيها عطر الغالي
والجفوني.    والجفوني
****
تمت
تحسين الخفاجی



https://www.tg-me.com/joinchat-UShxzSh6DyF31x9W

گلبي ماينساهم 💔

لبيك ياحسين ع

نعي جديد بحق الزهراء عليها السلام

كأني بالحسن والحسين والسيدة زينب عليهم السلام ينعون امهم
====================


واريد لمنة.. ضاك الخلكَ واريد لمنة
يالكلچ محنة.. مضلمة الدار يالكلچ محنة
منچ حرمنة.. يا حيف الدهر منچ حرمنة
شيلم شملنة.. تطشرنة وبعد شيلم شملنة
=================
حمل وشال.. يا ضعن الحنينة حمل وشال
بصواب چتال.. صاباني الدهر بصواب چتال
سنين همال.. يضل دمعي عليچ سنين همال
هيهات تنگال.. يا يمة بعد هيهات تنگال
=======================
والليل اجانة.. اشلون ابحالنة والليل اجانة
جاوبانة... نشدنة عليچ محد جاوبانة
يمة وحنانة .. حضنچ منفگد يمة وحنانة
البيت وغطانة.... رحتي يا دفو البيت وغطانة
=========================
وندور الحنينة.. نطب لليت وندور الحنينة
امنة وبچينة.. نگعد يم مچان امنة وبچينة
لو تجينة.. نأيس يالزچية لو تجينة
اشسوة ببنة.. عمت عين الزمان اشسوة بينة
=======================
اسالكم الدعاء رائد الاسدي



https://www.tg-me.com/joinchat-UShxzSh6DyF31x9W

مقدمه للعليلة ١٤٤٧ هـــــــــــ

ابعثلك سلام •••• وي طير الحمام
بويه يحسين ••••• بويه يحسين 
«» •»«•»«•»«•»«•»«•»«•»«•»«


بويه دزيت الحمامة وگلبي مشتاگ
والرساله بيها دمـعـة وتحمل اشواگ
من مشيت الدنيا خنگه والنفس ضاگ
روحـي عـذبها الـبعـد عـذبـها الفراگ

يا سيد الانام •••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭

عيني مشبوح لدربكم انطر جواب
اسأل الراح واجه ما شفت الاحباب
خبر منكم ما أجاني وعيني عالباب
بويه كل ساعة يفززني الهوى الهاب

يا ابن الكرام•••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭
بابا حتى الطير ظل يبجي عله حالي
شـحـت اخـبـارك عـلـيه رد سؤالي
يملي عطرك بيتي بس هوه البقالي
بـعـد عـيـنك ماشـفت عـزي ودلالي

والدنيا ظلام •••• ابعثلك سلام
بويه يحسين ••••  بويه يحسين

٭«•»«•»«•»«•»«•»«•»«•»«•»«•»«•»٭
ساعة ساعة الليل احسبه وانا اتاني
انـتـظـر رد الـرسـالة بـكـل امـانـي
وبدلـيلـي سـهـم هـجـر صـوبـانـي
والـزمــــن ويـاي قـاسـي عـذبانـي 

محرومه المنام •••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭

ايسـت منـك يـبوية وماكو رجعه
عيـوني عذبـها السهر وياها دمعه
لا خـبر مـنكم اجاني فـرد گـطعه 
عـددت وام البـنيـن بـشجن تنعه

هذا اخر كلام •••• ابعثلك سلام
بويه يحسين ••••  بويه يحسين


الخادم غازي الساعدي



https://www.tg-me.com/joinchat-UShxzSh6DyF31x9W

السلام عليك يابوصالح
،،،،،،،،،،،،،،،،،،،،،،،،
انه الضايع ابلياك  وحدي وتيهت دربي
اتقربلك اشماريد   يعرض  بالوجه  ذنبي
سميتك حبيب الروح  وغيرك ساكن بگلبي
وسميتك نضر عيني  وعيني مو الك تربي

اذنب ورجعلك تايب .. وعرف جرحك ماطايب
لمته اتخلص من ذنبي   ألحد ماصيرن شايب
السلام عليك يابوصالح
،،،،،،،،،،،،،،،،،،،،،،،،،،،،،،،،،،
انه  المانطرتك يوم   وأنه  الدور اذنوبه
يالوحدك تدور افياي   للباگ الشمر ثوبه
ناكر ملحك واعرف   ملحك بي الف حوبه
انه العاشگ الناسي  باقي الوحده محبوبه

كل هاي وماناسيني .. وكل ماضيع ادليني
اسف ياشوف عيوني   ياشمعه تضوي سنيني
السلام عليك يابوصالح
،،،،،،،،،،،،،،،،،،،،،،،،،،،،،،،،،،
يامهدي الوكت موزين  وماتتأمن ايامه
شيرجعها مثل اول   اذى  تتكسر الجامه
شيفيد الندم للراح  ساعه ويصدر اعدامه
هل تقبل عبد مذنب   اجاك امدنگ الهامه

التمسك يامحبوبي .. تقبلني بهاي ذنوبي
بمحبتك مامتكشخ  نغريت بشكلي وثوبي
السلام عليك يابوصالح
،،،،،،،،،،،،،،،،،،،،،،،،،،،،،،،،
حگك لو درت وجهك  المثلي شيسوه وتحبه
الجابتني  الك جلمت   مهدينه  اشكبر گلبه
صح  اذنوبي  ماتنعد  وعنهن ينعفي صعبه
بس انته العرف مولاي  وسنين العمر غربه

غيرك ماواحد عندي .. داخل عندك يالمهدي
ما اتذكر يالغالي    يوم مخليني الوحدي
السلام عليك يابوصالح
،،،،،،،،،،،،،،،،،،،،،،،،،،،،،،،،
ماشارگتك اجروحك  ماحس بيها لجماتك
ادري التحترگ بالطف  كلهن ذني خيماتك
ادري  الصعدن  الهزله  وطلهن هنه عماتك
ماشايف فرح مولاي  ابعمر الغَيبه شوغاتك

بالغربه وگلبك يلهب .. وي گلب الطلعت ينحب
شتتحمل تسمع شامت   يخيام الذبحو ينهب
السلام عليك يابوصالح

العبد  ابوفايز الرافضي
....
الفاتحه على روح والدي



https://www.tg-me.com/joinchat-UShxzSh6DyF31x9W

💎تمـيـز بأخــتيارك💎السته الذهبيه
👑افـضـل اللستات في التليجرام👑

🤲هداء ثواب هذه العمل ألى روح والديه
الفاتحه رجااا

💞تمتع بتصفح أجمل القنوات⇩⇩💙

ها انا اضع بين ايديكم طرق تنير دروبكم

تهديكم الى ذلك النور الالهي❤️🌱

لمن احب الانضمام قنوات مفيدة👇🏻👇


╭━─━─━─≪ ஜ▲ஜ ≫─━─━─━╮

▒⇦قصص و خواطر📚

▒⇦فقرات و مسابقات🏁

▒⇦مشاعر راقية💗

▒⇦نشر روابط قروبات وتس🔗

▒⇦الكتابة با الصور🏞

▒⇦شعر حسيني عذب

╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎


👁‍🗨لــ أضافة قناتك✅


تصــــفح أجـــــمل القنوات⇓⇊💚


ياالله⬇️

🕊🕊🕊🕊🕊🕊