tg-me.com/afiyfun/2147
Last Update:
#Maktab
Qadrli maktabni bitirayotgan ukam yoki singlim!
Katta hayotga xush kelibsan!
Sendan aka sifatida faqat bittagina narsani iltimos qilaman: o'qi!
Oliy ta'limga kirasanmi, chet elga ketasanmi, to'garaklarga borasanmi, o'quv markazlariga borasanmi, tabiiy kitob o'qiysanmi, pdfmi, ahamiyatsiz.
O'qi!
Men aytayotgan fikrlarni shuncha yil boshqalar judayam ko'p marta aytib kelgani aniq.
Agar oilang badavlat bo'lsa, munosib davomchi bo'lishing zarur.
Agar o'rtahol bo'lsang, hayotingni yanayam yaxshilashing kerak.
Agar kambag'al bo'lsang, qutqaruvchi qahramon bo'lishing shart.
Sen o'z ustingda qattiq ishlasang bas, Alloh bu mehnatlaringni albatta javobsiz qoldirmaydi.
Yo’qchilik, qarzlar, pulsizlik...
Hammasidan qutulish mumkin va barchasi o'zingga bog'liq.
Hech kim chetdan kelib, senga yaxshi hayotni sovg'a qilmaydi va ayni dam hech qayer quchoq ochib seni kutayotgani yo'q.
"Menga ish berasizmi?" degan savol pozitsiyasidan "sizda ishlasam menga qancha to'laysiz?" pozitsiyasiga o'ta olishing kerak ilming, haraktering, xarizmang va maqsadlaring bilan!
"O'qib olim bo'larmiding" deguvchilarga umuman quloq solma. Odatda o'qimasdan olim bo'lishning imkoni yo'q va bo'lmaydi ham. Bunday gapni esa yaxshi o'qimagan va olim bo'la olmagan alamzadalar aytadi.
Faqat IT va faqat til o'rganish bilan cheklanib qolma, biror kasbni sifatli mutaxassisi bo'lishga harakat qil.
Sifatli bo'lolsang qiymating qimmat bo'ladi.
Oliy ta'limga kirsang, har kuni u yerga qatnayotganing seni ovutib, aldab qo'ymasin.
Hech qachon hech kim qaytarib bermaydigan vaqtingni nimaga sarf qilayotganingga doim diqqat qil.
Hech narsada omadga ishonma, omaddan omadsizlar umid qiladi.
Hayotingni eng go'zal va bir kun kelib sog'inib eslanadigan davrini yashayabsan, har lahzaning qadriga yet.
Unutma, sening o'qishing uchun ota-onang yarim chala uxlab, yillarini o'zidan ko'ra seni o'ylashga sarfladi.
#Sanjar Shams
@afiyfun
BY A’fiyfun
Warning: Undefined variable $i in /var/www/tg-me/post.php on line 280
Share with your friend now:
tg-me.com/afiyfun/2147