tg-me.com/aryentvnews/56173
Last Update:
🔻راۆێژکار خامنەیی هەڕەشە لە وڵاتەیل ڕووژئاوایی کرد، ک ئەگەر ئاڵۆزی فرەوە بوود، سیاسەت ئەتۆمی خوەیان گۆڕنن.
کەماڵ خەرزای ڕاوێژکار ئەرشەد سیاسەت دەرەوەی عەلی خامنەیی لە گوفتگوویگ وەگەرد شەبەکەی تلیزونی ئەلجەزیرە وە ئاماژەکردنە ئاڵۆزی نزامی ئێران وەگەرد وڵاتەیل ڕووژئاوایی و ئەگەر هیرش ئسرائیل وە تەسیسات ئەتۆمی ئێران، هەڕەشە لە وڵاتەیل ڕووژئاوایی کرد، گۆڕانکاری لە سیاسەتەیل ئەتۆمی خوەیان تێرنە ئارا.
ناوبریاگ لە ئی موساحبە هەڕەشە کردیە ک حکومەت ئێران توانایی تەولید بومب هەستەیی دێرێد و ئەگەر موجودیەت خوەیان بکەفێدە خەتەر، لە سیاسەت ئەتومی گۆڕانکاری ئەنجام دەن.
ئیە لە حاڵێگاس ک ڕووژ سێشەمە لە شوون سەفەر رافائل گروسی وەڕێوەبەر گشتی ئاژانس ناودەوڵەتی ئنرژی ئەتۆمی وە ئێران، بەرپرسەیل ئێرانێ ئدعا کردن ک لە راسای شەفافسازی بەرنامەی ئەتۆمی خوەیان وەگەرد ئاژانس رێکەفتن ئەنجام دانە.
حکومەت ئێران ئیسە لە شەورای حوکام ئاژانس لە بارەی پەیابیێن زەرەیل ئۆرانیۆم لە سێ سایت مەخفی و ئعلام نەکریاگ، موتەهەم وە چالاکی گۆماناویی لە راسای تەولید چەک ئەتومیە.
@aryentvnews
BY Aryen TV
Share with your friend now:
tg-me.com/aryentvnews/56173