tg-me.com/Abduqahhorov_Abduvahob/1012
Last Update:
Қурбонлик… 🐏
Бир қўй бор эди…
Ҳар куни янги ем, соф сув, кундалик эътибор, меҳр билан қараш. У ўзини азиз ҳис қиларди. “Мени яхши кўришади”, деб ўйларди. Кунлар ўтди. Меҳр яна ҳам ортиб борди. Бир кеча: «Бу менинг оилам, мен уларга керакман», — деб ўзидан ғурурланди. Лекин Ҳайит тонги келганда, ҳаммаси ўзгарди. У англади: унга қилинган меҳр — қурбонликдан аввалги кўзбўямачилик экан. Уни фақат қурбонлик қилиш учунгина боқишган экан.
Ҳаёт ҳам худди шундай.
Баъзан сени илтимослар билан излашади, суҳбатга чорлашади, бир оғиз сўзингни кутгандек кўринишади. Сен эса бунга “меҳр”, “эътибор”, “қадр” деб жавоб берасан… Аммо бир кун келиб тушунасан: Сен шунчаки қурбонлик учунгина танлангансан. Бу ҳаётда қурбонликка сўйиладиган қўй бўлишни истамасанг — Амалинг бор пайтдаги эътиборга алданма.
Жигарларингдан ўзгаларни устун қўйма. Ҳамма ўзгариши мумкин. Фақатгина ота-онанг ва жигарларинг - Сени қурбонлигинг учун эмас, борлигинг учун севишади.
👉 @Abduqahhorov_Abduvahob
BY Abduvahob Abduqahhorov | Blogi📝
Share with your friend now:
tg-me.com/Abduqahhorov_Abduvahob/1012