Abduvahob Abduqahhorov | Blogi📝

Яқин дўстимнинг вафотидан сўнг, онкологик касаллик билан оғриганларга Аллоҳ қодир қилганича ёрдам беришни ўзим учун вазифа деб қабул қилдим. Шу орада ёрдам бераётган беморларимдан бирига, дориларига пули етишмаганда, мунтазам ёрдам қилиб турар эдим.

Бир ҳафта олдин тонгда уйғониб қарасам, ўша инсондан жума табриги, ортидан бироз мақтов, кейин эса одатдагидан кўпроқ миқдорда пул сўралган ва карта рақами кўрсатилган СМС келибди. Мен бундай услубни хушламайман. Жавоб ёзмаганимдан сўнг, Телеграмдан яна мақтов сўзлар, ортидан карта рақами ва сўралаётган пул миқдори ёзилган хабар келди.

Кейин у кишига қўнғироқ қилиб, ҳол-аҳволларини сўраганимдан сўнг шундай дедим:

— Ака, одатда пул керак бўлса, телефон қилиб, вазиятни тушунтириб, кейин етишмаётганини сўрар эдингиз. Бугун эса тўғридан-тўғри карта рақами ва одатдагидан кўпроқ пул сўрабсиз. Тинчликми? Бу сафар нега бунча кўп пул керак бўлди?

Шунда у киши:

— Ўзимнинг пулимни ишлатиб юборгандим. Дориларим йўлга чиқибди, шуни олишим керак, — дедилар.

Мен сўрадим:

— Қўлингизда пул бўлмаса, нимага ишониб дориларни йўлга чиқишига рухсат бердингиз?

— Ука пулим бор эди. Шу орада уйда уста ишлатгандим. Уйни обой қилдим, зинага решотка ўрнатдим, — дедилар.

— Ҳа-а… — дедимда, айтилган сумманинг ярмидан кўпроғини ташлаб бердим.

P.S.: Кеча ёзган постимда “яхшилик қилганлар билан синалиш” ҳақида ёзишимга сабаб бўлган воқеалардан бири мана шу эди. Мен одамларга, бир кун бўлса ҳам кўпроқ яшашлари учун, қўлимдан келганича ёрдам беришни ният қилгандим. Лекин бу воқеадан сўнг бироз ўйланиб қолдим.

Ахир, уйни таъмирлаш шунчалик зарурмиди? Обойсиз, оддий эмульсия суртилган уйда ҳам яшаш мумкин-ку! Шунда тушундим: ёрдамда ҳам меъёр бўлиши керак экан. Ёрдам узлуксиз бўлаверса, одам ўз масъулиятини унутади, айрим вазифаларини бошқалар елкасига юклаб қўяди.

Шу сабаб бу сафар пулнинг ярмидан кўпроғини бердим. Қолганини бошқалардан сўрашсин, озроқ ҳаракат қилишсин. Шунда, балки, бировдан пул олиш осон эмаслигини билишар. Балки кейинги сафар дорини йўлга чиқаришдан ёки уйни таъмирлатишдан аввал яхшилаб ўйлаб кўришар. Ахир бизда ҳам доим вазият бир хил бўлмайди. Қора қозон баъзида гўшт билан қайнаса, баъзида қуруқ қайнайди-ку ахир.

👉 @Abduqahhorov_Abduvahob

www.tg-me.com/ca/telegram/com.Abduqahhorov_Abduvahob/959

83.5K viewsedited  May 22 at 03:21

Яқин дўстимнинг вафотидан сўнг, онкологик касаллик билан оғриганларга Аллоҳ қодир қилганича ёрдам беришни ўзим учун вазифа деб қабул қилдим. Шу орада ёрдам бераётган беморларимдан бирига, дориларига пули етишмаганда, мунтазам ёрдам қилиб турар эдим.

Бир ҳафта олдин тонгда уйғониб қарасам, ўша инсондан жума табриги, ортидан бироз мақтов, кейин эса одатдагидан кўпроқ миқдорда пул сўралган ва карта рақами кўрсатилган СМС келибди. Мен бундай услубни хушламайман. Жавоб ёзмаганимдан сўнг, Телеграмдан яна мақтов сўзлар, ортидан карта рақами ва сўралаётган пул миқдори ёзилган хабар келди.

Кейин у кишига қўнғироқ қилиб, ҳол-аҳволларини сўраганимдан сўнг шундай дедим:

— Ака, одатда пул керак бўлса, телефон қилиб, вазиятни тушунтириб, кейин етишмаётганини сўрар эдингиз. Бугун эса тўғридан-тўғри карта рақами ва одатдагидан кўпроқ пул сўрабсиз. Тинчликми? Бу сафар нега бунча кўп пул керак бўлди?

Шунда у киши:

— Ўзимнинг пулимни ишлатиб юборгандим. Дориларим йўлга чиқибди, шуни олишим керак, — дедилар.

Мен сўрадим:

— Қўлингизда пул бўлмаса, нимага ишониб дориларни йўлга чиқишига рухсат бердингиз?

— Ука пулим бор эди. Шу орада уйда уста ишлатгандим. Уйни обой қилдим, зинага решотка ўрнатдим, — дедилар.

— Ҳа-а… — дедимда, айтилган сумманинг ярмидан кўпроғини ташлаб бердим.

P.S.: Кеча ёзган постимда “яхшилик қилганлар билан синалиш” ҳақида ёзишимга сабаб бўлган воқеалардан бири мана шу эди. Мен одамларга, бир кун бўлса ҳам кўпроқ яшашлари учун, қўлимдан келганича ёрдам беришни ният қилгандим. Лекин бу воқеадан сўнг бироз ўйланиб қолдим.

Ахир, уйни таъмирлаш шунчалик зарурмиди? Обойсиз, оддий эмульсия суртилган уйда ҳам яшаш мумкин-ку! Шунда тушундим: ёрдамда ҳам меъёр бўлиши керак экан. Ёрдам узлуксиз бўлаверса, одам ўз масъулиятини унутади, айрим вазифаларини бошқалар елкасига юклаб қўяди.

Шу сабаб бу сафар пулнинг ярмидан кўпроғини бердим. Қолганини бошқалардан сўрашсин, озроқ ҳаракат қилишсин. Шунда, балки, бировдан пул олиш осон эмаслигини билишар. Балки кейинги сафар дорини йўлга чиқаришдан ёки уйни таъмирлатишдан аввал яхшилаб ўйлаб кўришар. Ахир бизда ҳам доим вазият бир хил бўлмайди. Қора қозон баъзида гўшт билан қайнаса, баъзида қуруқ қайнайди-ку ахир.

👉 @Abduqahhorov_Abduvahob

BY Abduvahob Abduqahhorov | Blogi📝