tg-me.com/lawlaw1400/1436
Last Update:
خۆشی مەکەوە باران!
خۆشی مەکەوە باران! تەڕبوونە تەریقی هەرد
گاهێ بە ئەسر گەھ خوێن، گەھ خوڕڕەمی ناوادە
خۆشی مەکەوە باران! ناخۆشە هەوای ژینم
سازی دڵە چۆڕچۆڕت، سەرمەستە بە بێ‌بادە
خۆشی مەکەوە باران! تینووین ئەوی زیڕووحە
تێراوی کە دێمی لەش، بەرئاوی بە با داده
هاتوو منی سیویشکەش ڕێکەوتەیی دەریا بووم
چاوم کە نەدا یاری، نامەردە ئەویش ڕادە
خۆشی مەکەوە باران! یەک بین و بەحوجەت بێ
پەردەی هەوەسی مەرگم لەم قاقڕەدا لادە
بۆنی گڵ و کای خووساو، تۆزقاڵێ دڵشاد
"لاولاو"ێ کە لەم شارە، وەیلانە و ناشادە
خۆشی مەکەوە باران! گرتوویە تەمای خوێنم
خنکانە بەشی خنکان، ئەم خوێنمژە جەللادە
دیلانە؛ بە دیل گیران باداک و ڕکە و پەرژین
خەمڵاوە بە گوڵ ئاخم، بارانییە، ئازادە
ئاخ: خاک بە زاراوەی کورمانجی
لەیلا بەهرام‌بەگی "لاولاو"
گوڵانی ۲۷۲۳ی کوردی
https://www.tg-me.com/ca/لاولاو/com.lawlaw1400
BY لاولاو
Warning: Undefined variable $i in /var/www/tg-me/post.php on line 280
Share with your friend now:
tg-me.com/lawlaw1400/1436