tg-me.com/macrobs/21
Last Update:
Савдо уруши якунланмоқда
Чоршанба куни АҚШ ва Хитой ўртасида савдо битимининг биринчи фазаси имзоланди ва икки йилдан буён давом этиб келаётган савдо уруши расман якунига етди. Имзоланган битимнинг 5та муҳим жиҳати қуйидагилардан иборат:
Интеллектуал мол-мулк ҳимояси масаласида
“АҚШ интеллектуал мулкни ҳимоя қилиш муҳимлигини тан олади. Хитой интеллектуал мулкни асосий истеъмолчисидан йирик интеллектуал мулк ишлаб чиқарувчисига айланар экан, интеллектуал мулкни ҳимоя қилиш ва ҳимоя қилишнинг кенг қамровли ҳуқуқий тизимини яратиш ва амалга ошириш муҳимлигини тан олади. Хитойнинг фикрича, интеллектуал мулк ҳимояси ва ҳимоясини кучайтириш инновацион мамлакат қуриш, инновацияларга асосланган корхоналарни кўпайтириш ва юқори сифатли иқтисодий ўсишни таъминлашдан иборат. "
Нима учун бу муҳим: Айнан интеллуктуал мулк масаласидаги келишмовчилик савдо урушини бошланишига сабаб бўлганди.
Хитойнинг савдо бўйича мажбуриятлари
2020 йил 1 январдан 2021 йил 31 декабргача Хитой АҚШдан қўшимча равишда умумий қиймати 200 млрд доллардан кам бўлмаган товарлар, қишлоқ хўжалиги маҳсулотлари, энергия маҳсулотлари ва хизматларни сотиб олади. Яъни бу миқдор Хитой АҚШдан хозирда амалга ошираётган харидларини 200 млрд АҚШ долларига кўпайтириш дегани.
Нима учун бу муҳим: Бу Президент Трампнинг тадбиркорлар, фермерлар ва ишлаб чиқарувчиларга берган асосий ваъдаларидан бири эди.
Технологияларни трансфер қилиш
"Томонлар технологияни трансфер қилиш ихтиёрий, бозор шароитида амалга оширилишини таъминлаш муҳимлигини таъкидлайдилар ва мажбуран технологияни тақдим этиш масаласи ҳар икки томонни ҳам ташвишга солишини тан олади. Томонлар технология ва технологик ўзгаришларнинг жаҳон иқтисодиётига чуқур таъсирини ҳисобга олган ҳолда ушбу масалаларни ҳал қилиш чораларини кўриш муҳимлигини тан олишади. "
Нима учун бу муҳим: Хитой ҳукумати Хитойда фаолият юритаётган Америка компаниялардан ўзларининг технологияларини “улашишни” талаб қилиб келган. Бу келишув Хитойда фаолият юритаётган айрим Америка компаниялари томонидан билдираётган эътирозларни ҳал этишга қаратилган.
Валюта курсини бошқаришда
Валюта курсини ўрнатиш билан боғлиқ муаммоларни ҳал этиш учун икки томонлама низоларни ҳал этиш механизми жорий этилди. Агар муаммони икки томонлама ҳал этиш имкони бўлмаса унда “ёрдамга” Халқаро валюта жамғармаси чақирилади.
Нима учун бу муҳим: АҚШ доимий равишда Хитойни ўзининг валюта курсини манипуляция қилишида айблаб келган ва бу келишув мазкур низони ҳал этиши кутилади.
Молиявий хизматлар масаласида
- Хитой АҚШнинг молиявий компанияларига активларни бошқариш учун лицензияларини олишга рухсат беради. Агар қўшимча лицензиялар керак бўлганда АҚШ молия компаниялари Хитой компаниялари каби тенг ҳуқуқли субъект сифатида тан олинади;
- Хитой 2020 йил 1 апрелдан кечиктирмасдан ҳаёт, пенсия ва соғлиқни сақлаш соҳасидаги сугурта компаниялар устав капиталида чет эл капитали миқдорига қўйилган чегарани олиб ташлайди ва АҚШ суғурта компанияларига ушбу соҳаларда иштирок этишга рухсат беради. Шунигндек, Хитойда ташкил этилган АҚШга тегишли суғурта компанияларининг Хитойда суғурта активларини бошқариш компанияларига тўлиқ эгалик қилишига ҳеч қандай чекловлар бўлмайди;
- Хитой 2020 йил 1 апрелдан кечиктирмай, компаниялар устав капиталида чет эл капитали миқдорига белгиланган чекловларини бекор қилади ва АҚШ компанияларига қимматли қоғозлар, фондларни бошқариш ва фючерс бозорида иштирок этишга рухсат беради;
- Хитой АҚШнинг кредит рейтингни аниқловчи компанияларига ички ва халқаро инвесторлар учун облигацияларни баҳолашга рухсат берилганлигини тасдиқлади.
Нима учун бу муҳим: Банклар, суғурта компаниялари ва кредит рейтинги компаниялари йиллар давомида Хитой бозорини кўпроқ эгаллашга ҳаракат қилишаётган эди.
Манба: Bloomberg.com
@macrobs
BY MacroBS
Warning: Undefined variable $i in /var/www/tg-me/post.php on line 283
Share with your friend now:
tg-me.com/macrobs/21