tg-me.com/civil1122/1470
Last Update:
ينفع نجيب عريس آخر للخرسانة غير الحديد؟ (إضافي 1)
سألني زميل عزيز عن التحيز للحديد ليكون عريساً للخرسانة ؟ وقال لي إن فيه مواد ومعادن أخرى مثل الألومنيوم والنحاس , ليه لا تعطيهم فرصتهم للتقدم للخرسانة؟ قلت له إن الخرسانة عفية وعاوزه عريس يسندها , مش هي اللي تسنده , عريس راجل بجد .. مش تقوللي ألومنيوم "معدن فرفور".
بص إحنا أخترنا الحديد علشان عنده كفاءة وتناغم مع الخرسانة , مثل الآتي:
• بيشيل عنها الشد كاملاً بسهولة , وكمان بيساعدها في الضغط.
• معامل تمدده الحراري زي معامل تمدد الخرسانة , وده معناه يتمددا وينكمشا مع بعض دون فك إرتباط.
• عنده تماسك يحفظ له تواجده مع الخرسانة كزوجين متلاصقين , مش زي الألومنيوم ممكن "يتسلت" بسهولة من الخرسانة.
• وكمان عنده ممطولية رهيبة يعني لو فيه إنفعال أو إجهاد زيادة , ممكن طوله يصل 30 مرة طوله الأصلي في الظروف العادية دون أن ينكسر , بس في هذه الحالة الإستثنائية crack width للخرسانة بيزيد ويمكن يحصل بها ضرر أو لا تستطيع التحمل فتموت من فرط الإنفعال!!
أعاد زميلي السؤال وقال ولكن فيه مواد حديثة في السوق حالياً مثل "الفيبر جلاس والألياف الكربونية و Alloy steel MMFX" بيتعمل منها أسياخ بتعطي مقاومة أكثر من حديد التسليح العادي. شوف بقى العرسان دول جايين من بره , تقدر تقول مؤامرة على حديد التسليح بتاعنا , علشان كده الكود الذي ينفذ شرع المصريين لم يعيرهم أي إنتباه. عرسان لمؤخذه "خواجات". وبعدين ليس عندهم نفس مميزات الحديد المذكورة أعلاه. يعني معامل التمدد الحراري مختلف عن الخرسانة , وتماسكهم مع الخرسانة فيه "ضعف", وممطوليتهم "محدودة" مما قد يؤدي إلى كسرهم أو موتهم المفاجئ ويتركوا الخرسانة أرملة محطمة.
للدكتور مجدي الشيخ
BY Information about civil engineering
Warning: Undefined variable $i in /var/www/tg-me/post.php on line 283
Share with your friend now:
tg-me.com/civil1122/1470