tg-me.com/ibratdir_dunyom/7323
Last Update:
ШУКРОНАЛИК КУНИМИ, УММАТ БЎЛГАН КУНМИ,
ТУҒИЛГАН КУНМИ?..
Ўзбекистонда ўзбек тилини билмаслик – ўта ачинарли ҳолат.
Ўз она тилимизга эътиборли бўлиш – ҳар биримизнинг бурчимиз.
Қуйидаги икки масалага алоҳида эътибор қаратмоқчимиз:
1. Шукроналик куни ёки Шукроналик байрами.
Шукроналик байрами – АҚШ ва Канадада кенг нишонланадиган ҳосил байрами ҳисобланади. У ҳосил йиғиштириб олингандан сўнг Янги йилгача давом этади. Бу кун миннатдорлик билдириш ва яқинлар билан вақт ўтказишга бағишланган байрамдир. Шундай экан, “Шукроналик куни” тушунчасини тўғри талқин қилишимиз муҳим.
2. "Уммат бўлган кун"
Уммат бўлиш – Пайғамбаримиз Муҳаммад (соллаллоҳу алайҳи васаллам)нинг суннатларига амал қилиш ва У Зотга эргашишни англатади. Биз туғилишимиз билан умматга айланамиз, аммо тўлақонли уммат бўлиш суннатларга амал қилиш орқали намоён бўлади. Шундай экан, “уммат бўлган кун” деган ибора нотўғри талқин қилиниши мумкин. Туғилган кун муносабати билан “Туғилган кунингиз билан” ёки “Таваллуд айёмингиз билан” деган сўзлардан фойдаланиш кўпроқ ўринлидир.
Она тилимизни тўғри қўллаш ва сўзларни аниқ маънода ишлатиш – маданиятимизнинг муҳим бир қисми ҳисобланади.
Ботир НИЗОМИДДИНОВ
Ибрат излаганга — ибратдир дунё