tg-me.com/storykaligi/77446
Last Update:
✨🍃✨🍃✨
🍃✨🍃✨
✨🍃✨
🍃✨
✨ 241 ..
📚 😍 📃
📖 روايـــــــــــــة ✍🏼
{ يا غيث قلبي و نوره }
📖🖌 @storykaligi 🍃✨
عند أم ولاء سمعت طرق الجرس..
راحت وهي تفتح الباب بهدُوء إنصدمت بالشخص اللي قدامها وأردفت بصدمة:أم عوض؟
أم عوض دخلت:سلام كيفك يا أم ولاء؟
أم ولاء بصدمة وإستغراب لأنها من سنوات طويلة ومن نقلت لمنطقة ثانية ما عادت تزورهُم وبإستيعاب سكّرت الباب وسلمت عليها وابتعدت :وعليكُم السلام حيّاك حيّاك
ودخلتها للصالة وراحت تقول للخدامة تجيب الضيافة ورجعت تجلس:وين هالغيبة الطويلة يا أم عوض
أم عوض بإرهاق:كبرت يا أم ولاء كبرت ما صِرت أتحمل الطريق وتعبه
أم ولاء وهي ما زالت مُحرجة تجاهها وبنظرات ضِيقة وغصّة ترجع لها من تشوفها:ايي الله يرحمنا برحمته ايش باقي من العُمر كِثر ما راح
أم عوض نزلت دمعتها بسرعة من شافت نظراتها اللي فهمتها ومن سمعت جُملتها”ايش باقي من العُمر كِثر ما راح“ أردفت وهي تمسح دمعتها بدون ما تنتبه
أم ولاء اللي كانت منزله نظرها وتفكر:جيتك بسألك عن ولاء شصار فيها؟باقي عند أبوها
أم ولاء بضِيقة:من يومها ما صِرت مهتمة لأمرها بس تزوجت ولاء قبل شهور طويلة
أم عوض إبتسمت:غير اللي مات؟
أم ولاء إبتسمت:تزوجت مُحقق طيّب القلب الله يوفقهُم
وتغيّرت ملامحها بإستيعاب لإبتسامتها وكلامها
أم عوض تنهدت بضِيقة على ظُلم كُل هالسنوات قامت:عطيني عنوان بيتها
أم ولاء بإستغراب وقفت معها:شفيك يا أم عوض شاللي تغيّر ؟ وليش؟شتبين فيها؟
أم عوض بنظرات ندَم:لها حق عندي لُزوم أوصله
أم ولاء رفعت حاجبها بإستغراب:ما أعرف موقع بيتها ما قد رحت لها بسأل ياسمين وبرسله لك
أم عوض:زين بسرعة ارسليه
أم ولاء بإستغراب شديد:طيب تقهوي وروحي لها بُكرا
أم عوض وهي تعدل عبايتها:لا لا الحين بمشي بعدها اعرفي كُل شيء منها وسلمت عليها وهي تبتعد عنها وتطالع بنظرات حِزن:سامحيني يا أم ولاء سامحيني طلبتك
أم ولاء عقّدت حواجبها:أسامحك على ايش قولي لِي شفيه أحس نفسي ماني فاهمة شيء!!
أم عوض طلعت بسرعة وهي تتركها بتساؤلاتها الي ما لها إجابة!..
.
.
في بيت أهل عبدالله...
كانوا جالسين بالصالة وسند الوحيد اللي مُش موجود
أم عبدالله وبحضنها شهد وحابّتها مررا ومستانسة عليها:تاكلك جدّتك والله!
ولفّت لعبدالله وولاء:خلوها عندي وروحوا
عبدالله وهو يطالع بأبوه:كأنها طردة يا حضرة الوالد
أبو عبدالله وهو يضحك:والله شهد تكفينا
عبدالله وهو يلف لولاء بضِحكة:ها ها بنتك ترى جالسة تاخذ الجو علي
ولف لهُم وبنظرات تمثيل للزعل:أذكر إني كنت أهم واحد بالجمعة
أم عبدالله بضِحكة:زمان أول تحوّل
شهد كانت تضحك وهي تطالع بعبدالله
ولاء بهمس لعبدالله:طالع بالضِحكة بعينها منتصرة!
عبدالله وهو يقوم لها وبتمثيل للجديّة:ماشاءالله على البنت اللي تضحك على حِزن أبوها
شهد وهي تضحك وتتخبّى وراء أم عبدالله
وأبو عبدالله وأم عبدالله وولاء يضحكون
شهد بصراخ وضِحك:آخر مرّة ما أعيدها
عبدالله وهو يسحبها ويرفعها فوق وبتمثيل بأنه بيطيحها:أطيحك ؟
شهد بصراخ ضِحك:لاااااااااااا
وطالعت بأمها:مااماا بطيح بطيح
ولاء وهي تضحك رفعت يدّها:ما لِي دخل ليش تضحكين!
شهد وهي تكمل ضِحك وحضنته من رقبته:خلاص عبودي ما أضحك
عبدالله ونزلها بسرعه من فوق كتوفه وهو يمسكها بين يدينه ويبوسها:اللسان داهية مثل عيوني
وغمز لولاء بضِحكة
ولاء نزلت عيونها وهي تضحك بخجل خفيف
أبو عبدالله بخوف عليها:جلسها قلبت بطنها
عبدالله ضحك ورجع يجلس بجنب ولاء وبحضنه شهد اللي مستندة براسها على صدره بهدُوء وواضِح بدأ
يجيها نوم
أم عبدالله وهي تقوم:شهود يا ماما تعالي معي
ولاء إبتسمت:لا عمّة خليها هنا تنام ولما نجي نروح أنا أشيلها
أم عبدالله برفض:لا تعبانة البنت بنومها بغرفة عبدالله فوق وناموا إنتوا هنا لو تبون ولا بكيفكُم ارجعوا بيتكُم بس شهد بتبقى هنا وأخذتها من على صدر عبدالله وهي تروح فيها لفوق
عبدالله بضِحكة:حُلو حُلو فانزات شهد كثروا بسوي جدول كُل يوم بحطها ببيت ولف بتذكُر شاف ولاء تخزّه وهي كاتمة ضِحكتها وبتراجُع ضحك:نمزح نمزح
أبو عبدالله ضحك وهو عارف بتغيُر ولده من تزوّج ووقف وهمس من قرّب عنده:يا مُحقق ارفع علومك
عبدالله إبتسم على كلام ابوه:مرفوعة طال عُمرك مرفوعة...
أبو عبدالله ولف لولاء اللي تطالع بإستغراب:يلا يا بنتِ باخذ دواي وقته الحين وبنام:البيت بيتك لو تبين تنامين عيوننا لك
ولاء وقّفت بإحترام وهي تقترب منه وتبوس راسه وإبتسمت بحُب لـ لُطفهم معها ومع شهد اللي ما رفضوها أبدًا و عاملوها وكأنها بنتهُم:تسلم عمي ما تقصر ..
✨📚 @storykaligi ✨📚🖋
🍃✨
✨🍃✨
🍃✨🍃✨
✨🍃✨🍃✨
BY ❤️📝 روايات وقصص مميزة 📝❤️
Share with your friend now:
tg-me.com/storykaligi/77446