tg-me.com/excel_hacks/605
Last Update:
"Қачон охирги марта интернетда бирор хизмат учун пул тўладингиз?"
Биздаги аксар одамлар интернет ва ундаги хизматларни табиий ва бепул деб қабул қилиб ўрганиб қолган. Интернет ривожига ҳисса қўшиш уёқда турсин, бошқалар қилган ишини ҳам қадрламаймиз.
Интернетга қўйилдими, бепул бўлиши керак деб ўйлаймиз. Пуллик дастурларни сув текин бўлса ҳам бузамиз. Пуллик хизматларни кўрсак жаҳлимиз чиқади. Кино ва сериалларни фақат торрентдан оламиз (қанақа netflix?). Бу хизматларни яратиш, уларни доимий ишлатиб туриш учун пул ва ресурс талаб қилинишини хаёлимизга ҳам келтирмаймиз.
Камига, ҳукуматимиз ҳам абсурд талаблар қўйишдан чарчамайди. Масалан, YouTube (аниқроғи Google) Ўзбекистонга хизмат кўрсатмайди. Монетизация ёқмайди, реклама қабул қилмайди. Сабаби бизнинг ҳукуматимиз Google дан серверларини Ўзбекистонга кўчиришни талаб қилган, табиийки Google осон йўлдан юрган ва Ўзбекистонни картасидан ўчириб қўйган. Бунинг орқасидан эса давлат ва блоглерлар миллионлаб зарар кўриши эса хаёлимизга ҳам келмайди.
Хуллас, интернет учун биз ғирт паразитмиз: бепул ресурслардан фойдаланамиз, пуллигини кўрсак бурнимизни жийирамиз. Онлайн қиморда $1000 ютқазсак-ютқазамиз, лекин Microsoft Officedan фойдаланиш учун 10$ тўлашга келганда зиқналигимиз тутади. Маликадан 1000$ га компьютер оламиз, Виндовс эса ўғирланган бўлади.
Яна уялмасдан, "Нега ChatGPT Ўзбекистонда йўқ?" деймиз. Сан зиқнада YouTube ишлаб турганига раҳмат дегин.
Манба
➖➖➖➖➖➖➖➖➖➖
Excel Hacks видеокурси | 1C видеокурси
BY Excel Hacks
Warning: Undefined variable $i in /var/www/tg-me/post.php on line 283
Share with your friend now:
tg-me.com/excel_hacks/605