tg-me.com/ibratdir_dunyom/7484
Last Update:
Бир бадавлат одамдан қизини камбағал одамга тушмушга бериш-бермаслигини сўрашганда, у шундай жавоб беради:
— Сиз, аввало, бойлик бу кўп пул жойлаштирилган банк ҳисоб рақами эмаслигини тушуниб олишингиз лозим. Бойлик — бу энг аввало, бойлик яратиш маҳоратидир. Масалан: лоторея ва таваккалчиликка асосланган ўйинларда, ҳатто, юз миллион ютиб олган одам бу бой эмас, у кўп пулга эга бўлган камбағалдир. Мана нима учун лоторея ютуғи туфайли миллионерга айланган инсонларнинг 90 фоизи беш йил ўтмасдан туриб яна қашшоққа айланадилар.
Бой инсонлар камбағал инсонлардан нима жиҳати билан фарқ қилади?
* Бойлар юксакликка парвоз этишлари учун уларга фақатгина маълумот ва таълим кераклигига аминдирлар.
* Камбағаллар эса юксакликка парвоз этишлари учун бошқалар уларга пул беришлари керак деб ўйлайдилар.
Сўзим сўнггида мен қизим камбағал эркакка турмушга чиқмайди, деганимда пулни назарда тутган эмасман. Мен аслида бу инсоннинг пулни яратиш маҳорати, қобилияти ҳақида гапирмоқдаман. Кўпгина жиноятчилар камбағал эканлиги бу факт. Улар пулни кўрганларида эс-ҳушларини йўқотадилар. Ўзлари бу пулни қандай ишлаб топишни билмаганликлари учун ўғрилик ва босқинчилик қиладилар.
Кунларнинг бирида банк қоровули пул солинган сумкани топиб олади ва сумкани олиб, банк бошқарувчисига бериб юборади. Инсонлар бу банк қоровулини жинни, ахмоққа чиқаришади, аммо аслида у пулга эга бўлмаган бой инсон эди. Бир йилдан сўнг банк маъмурияти уни мижозларни қабул қилувчи ресепшн лавозимига тавсия қилишади. Уч йилдан сўнг у мижозларни бошқара бошлайди, ўн йилдан сўнг эса юқоридаги банкнинг ҳудудий филиалини бошқара бошлайди. Энди у юзлаб ходимларни бошқармоқда ва унинг йиллик маоши у ўғирлаши мумкин бўлган маблағдан бир неча баробар кўпроқдир.
Бойлик бу — биринчи навбатда қалб ҳолатидир!
Ибрат излаганга — ибратдир дунё