tg-me.com/Nurus_Seqeleyn_313/6791
Last Update:
📚 QƏLBİ SƏLİM
〰〰〰〰〰〰〰
Mənəviyyatın müalicəsi maddi olan insanın imkanları xaricindədir
📌İnsan cismani xəstəlikləri hiss orqanları ilə başa düşə, çalışaraq təcrübə yolu ilə Allah tərəfindən bu maddi aləmdə yerləşdirilmiş müalicə üsullarını əldə edə bilər. Mənəvi xəstəliklərə gəldikdə isə deməliyik ki, insanın ruhu və mənəviyyatı qeyb aləminə (metafizik aləmə) bağlıdır. Ruh maddi və təbii olmadığı kimi onun xəstəliyi də maddi və təbii deyil. Ona görə də, siravi insan onu başa düşə, dərmanlarını ixtira edə və insanın sirlərlə dolu nəfsani sisteminə kamil şəkildə bələd ola bilməz. Bu, insanın imkanları xaricindədir. Onu Yaradandan (gizlini və aşkarı bilən Allahdan) başqa heç kəs nəfsani sirləri və ruhani dərmanlarn bilə bilməz. Bu yalnız Allahın əlindədir və O da Öz növbəsində bir sıra insanları seçmiş, onları bu sirlərdən agah etmiş, ruhani təbiblər olaraq insanlara bələdçilər təyin etmişdir. Onların üstünü Peyğəmbərlərin sonuncusu Məhəmməd ibn Abdullahdır (s).
Allah-taala onu göndərməklə insanlara minnət qoydu və buyurdu: Allah möminlər üçün onların özlərindən olan bir Peyğəmbəri seçməklə onlara minnət qoydu. O Peyğəmbər Allahın ayələrini onlar üçün oxuyar və onları paklandırar. (3-cü surə, 164-cü ayə)
Ayədəki təzkiyə (paklandırma) sözündən məqsəd qəlbləri növbənöv mənəvi çirklərdən təmizləməkdir. Ayədən açıq-aşkar görünür ki, Peyğəmbərlər bilik nuru ilə qəlbləri işıqlandırmaq, növbənöv çirklərdən pak etmək və bəşəriyyəti gözəl insani səciyyələrə malik etmək üçün seçilmişlər. Bunu sonuncu peyğəmbər bir hadisində belə bəyan edir: "Mən gözəl əxlaqı tamamlamaq üçün göndərilmişəm."
www.tg-me.com/vn/NURUS_SƏQƏLEYN_313/com.Nurus_Seqeleyn_313
🕊 Hər şey zuhur üçün! 🕊
BY NURUS_SƏQƏLEYN_313
Warning: Undefined variable $i in /var/www/tg-me/post.php on line 280
Share with your friend now:
tg-me.com/Nurus_Seqeleyn_313/6791