tg-me.com/Abduqahhorov_Abduvahob/803
Last Update:
Кечки пайт ишхонадагилар билан гаплашиб ўтирсак, биттаси 10 йил олдин кўрган тушини айтиб берди. Тушини эшитиб шокка тушиб қолай дедик.
Ҳамкасбим гап бошлади:
“Тушимда машинамда йўл четида турибман экан. Машинам олдида нозик, оқишдан келган, жуда чиройли қиз турибди. Дарров хаёлимга номерини олиш келди. Қиздан номерини сўрадим. Дастлаб бермади, кейин: «555-34-25», деди-да кетди.
Номерини ёдлаб қолиш учун қайтаравердим. Бир вақт уйғониб кетдим. Эҳ, афсус, тушим экан. Ўзи менга бунақа чиройли қизлар тушимда номер бермаса, ўнгимда аниқ бермайди, деб кулиб қўйдим…
Уйқудан турсам, ишга кетгунимча бироз вақтим бор экан, машинамни устага ташлаб кетай, деб устага олиб бордим. Машинани ташлаб: «Битса, айтиб қўясиз-да, уста ака», дедим.
Тушимдаги қизнинг номерини қайтараверганимдан ҳаёлда, устага қараб:
— «Номерингиз 34-25миди?» — десам,
бир вақт уста:
— «Бу номер синглимники, меники 35-25», — деб қолса бўладими?
— Ҳа, биттага адашибман, — дедим-да уйга кетдим.
Уйга бориб: «Бу тасодиф бўлмаса керак, шу устанинг синглисини бир кўришим керак», дедим. Устанинг устахонадалигини билиб, уйига чақириб бордим. Эшикларини роса чақирдим. Кимдир: «Ҳозир», деди.
Бир вақт:
— «Ким керак?» — деб, тушимдаги қиз чиқиб келса бўладими?
— Ана бўлмаса-а!.. — дедим-да устани сўраб уйга қайтдим.
Тезда ўртоқларимдан қизни суриштиришларини айтдим. Яхши қиз экан. Дарров совчи қўйдим. Кўп сонли уринишлардан сўнг оила қурдим.
Мана 10 йилдирки, бирга яшаймиз. Вақти-вақти билан хотинимга:
— «Тушимда совчи қўйгансан, бўлмаса аниқ сенга уйланмас эдим», — деб ҳазиллашиб қўяман 😊.
Оила қуриш — танлаш эмас, насиб қилишдир. Бироз кечикаётган бўлса сиқилманг. Ёзилган бўлса, керак бўлса тушда танишиб оила қурасиз.
👉 @Abduqahhorov_Abduvahob
BY Abduvahob Abduqahhorov | Blogi📝
Warning: Undefined variable $i in /var/www/tg-me/post.php on line 283
Share with your friend now:
tg-me.com/Abduqahhorov_Abduvahob/803