tg-me.com/developers_github/192
Last Update:
في البوست دة هشرح طريقة تسمية كل شيء في لغة Dart طبقاً لتوصيات التيم بتاعهم. وبعض نصائحهم عشان تزوّد ال Readability بتاعة الكود بتاعك.
مبدأياً اعرف إن عندنا تلت طرق للتسمية:
أول طريقة: UpperCamelCase
"طريقة الجمل العلوي" .. متسميّة كدة لإنك بتخلّي الحرف اللي في كل أول كلمة كابيتال.
دي بتستخدمها مع كل ال Types، يعني كل ال Classes وال Enums وال Types. بستخدمها كمان مع حاجة مشهورة اسمها ال Extentions، زي في الصورة رقم واحد.
الطريقة التانية: lowerCamelCase
"طريقة الجمل السفلي" .. ودي زي اللي فاتت بالظبط باستثناء إن أول حرف في أول كلمة بس بيبقى Small مش Capital زي اللي فاتت.
أي حاجة عايز تعرّفها غير اللي ذكرناهم فوق دول استخدم الطريقة دي، سواء بقى Variables أو Functions أو Objects.
الطريقة التالتة: lowercase_with_underscores
هنا كل الحروف بتكون Small وبنفصل بين كل كلمة والتانية ب _ المعروفة بال Underscore.
دي بتستخدم في كل أسماء الملفات والفولدرات في المشروع (في دارت أي ملف اسمه Package وأي فولدر اسمه Library).
بتستخدمها كمان مع ال import prefixes بعد كلمة as .. زي في المثال رقم 3.
BY Developers
Share with your friend now:
tg-me.com/developers_github/192