tg-me.com/abdullaalfregy/1155
Last Update:
اربعين السيدة العقيلة صلوات الله عليها
يوم غربة جان يوم الاربعين
اربعين ام عون مو مثل الحسين
فرق بين اليسمع امن اهله الونين
امن الاهلها وناسها محرومة
~~~~
فاكدات وعالبواجي اتگابلن
اتلث ليالي اعلى الكَبر يتناوبن
ووحده للاخرى تون مهضومة
~
ولا علوية اعتنت يم الكبر
ياهو لام عباس يتعنى الفجر
يگلها بتها امن الهجر مالومة
~
هذا يغسل كَبره هذا يون اله
اجتاف خوانه اعلى موته مهدله
ودمع واحدهم منگع اهدومة
~~~~
لجن زينب ياهو اجاها وزارها
ياهو رش الماي فوك ترابها
ويم كبرها ياهو من احبابها
انهدم حيلة وما گدر عالگومة
~
وابو فاضل مندفن كدامها
شوية جا خفت عليها الامها
وبين الخيام شحلاها النومة
~~~~
لكن بشام الهضم مدفونه
البيه اخوّها شافها بعيونه
مجتفه بالحبل وي اضعونه
عالرمح وتنوح الها ارسومه
BY الشاعر عبدالله الفريجي
Warning: Undefined variable $i in /var/www/tg-me/post.php on line 280
Share with your friend now:
tg-me.com/abdullaalfregy/1155